ⵔⴰⴷ ⵜⵙⵏⵓⴱⴳ ⵎⵕⵕⴰⴽⵛ ⵜⴰⴼⵓⴳⵍⴰ ⵏ ⵜⵉⴽⴽⵉ ⵜⵉⵙⵎⵖⵓⵔⵉⵏ ⵏ ⵍ ”ⴽⴰⴼ” ⴰⵙⵙ ⵏ 16 ⴷⵓⵊⴰⵏⴱⵉⵔ ⴷ ⵢⵓⵛⴽⴰⵏ

24 ⴽⵟⵓⴱⵕ 2024 Version Imprimable

ⵎⵕⵕⴰⴽⵛ - ⵜⵏⵏⴰ ⵜⴰⵎⵓⵏⵜ ⵜⴰⴼⵔⵉⵇⵉⵢⵜ ⵏ ⵜⴽⵓⵔⵜ ⵏ ⵓⴹⴰⵕ ⵙ “ⴽⴰⴼ ” ⴰⵙⵙ ⵏ ⵓⴽⵡⴰⵙ ⵎⴰⵙ ⵔⴰⴷ ⵜⵙⵏⵓⴱⴳ ⵎⵕⵕⴰⴽⵛ ⵜⴰⴼⵓⴳⵍⴰ ⵏ ⵜⵉⴽⴽⵉ ⵜⵉⵙⵎⵖⵓⵔⵉⵏ ⵏ ⵍⴽⴰⴼ ⴰⵙⵙ ⵏ 16 ⴷⵓⵊⴰⵏⴱⵉⵔ ⴷ ⵢⵓⵛⴽⴰ ⵙⵉⵏ ⵉⵙⴳⴳⵯⴰⵙⵏ ⵉⵣⴷⵉⵏ.

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵍⴽⴰⴼ ⵎⴰⵙ ⵔⴰⴷ ⵜⵙⵏⵓⴱⴳ ⵎⵕⵕⴰⴽⵛ ⵙⵉⵏ ⵉⵙⴳⴳⵯⴰⵙⵏ ⵉⵣⴷⵉⵏ “ⴰⵎⵊⵕⵉ ⵢⴰⵙ ⵉⵜⵜⵓⵙⵙⴰⵏ ⴰⵟⵟⴰⵙ ⴷⴼⴼⵉⵔ ⵏ ⵜⴰⵙⵓⵜⵍⵜ ⵉⵣⵔⵉⵏ ⵍⵍⵉ ⵖ ⴷ ⵃⴰⴹⵕⵏ ⵎⵏⵏⴰⵡ ⵏ ⵉⵎⴷⵏ ⵉⵜⵜⵢⴰⵡⵙⵙⴰⵏ ⵜⵙⵙⵏ ⵓⵍⴰ ⵢⴰ ⵓⵎⵓⵔⵙ ⴰⵅⴰⵜⴰⵔ .

ⵉⵔⴰⵏⵓ ⵉⵏⵏⴰ ⵓⵙⴰⴳⵎⴰ ⴷ ⵎⴰⵙ ⵔⴰⵔ ⵉⴼⴼⵖ ⵓⵣⵎⵣ ⵏ ⵓⵕⵥⵥⵓⵎ ⵏ ⵜⴰⴼⵓⴳⵍⴰ ⵢⴰⴷ ⴳ ⵓⵙⵙⴰⵏ ⴷ ⵢⵓⵛⴽⴰⵏ.

ⵜⵙⵙⵏ ⵜⴰⵙⵓⵜⵍⵜ ⵉⵣⵔⵉ ⴰⵙⵎⵖⵔ ⵏ ⵓⵎⵓⵔⴰⵔ ⴰⵏⵉⵊⵉⵔⵉ ⴼⵉⴽⵜⵓⵔ ⵓⵙⵎⵉⵏ ⴷ ⵜⴰⵙⵎⵖⵓⵔⵜ ⵏ ⵓⵎⵓⵔⴰⵔ ⵏ ⵓⵙⴳⴳⴰⵙ ⴰⴼⵔⵉⵇⵉ ⴳ ⵓⵙⴰⵜⵉ ⵏ ⵉⵔⴳⴰⵣⵏ ⵖⵎⴽⵍⵍⵉ ⵜⵓⵎⵥ ⵜⴰⵏⴰⵎⵓⵔⵜ ⵏⵏⵙ ⴰⵙⵉⵙⴰⵜ ⵓⵛⵡⴰⵍⴰ ⵜⴰⵙⵎⵖⵓⵔⵜ ⵏ ⵜⵉⵎⵖⴰⵔⵉⵏ.

ⴰⵔ ⵜⵜⵙⴼⵓⴳⵍⵓ ⵜⴰⵎⵓⵏⵜ ⵜⴰⴼⵔⵉⵇⵉⵢⵜ ⵏ ⵜⴽⵓⵔⵜ ⵏ ⵓⴹⴰⵕ “ⴽⴰⴼ” ⵜⵉⵖⴰⵡⵙⵉⵡⵉⵏ ⵜⵉⵅⴰⵜⴰⵔⵉⵏ ⵏ ⵉⵎⵓⵔⴰⵔ ⵏ ⵜⴽⵓⵔⵜ ⵏ ⵓⴹⴰⵕ ⵏ ⵉⴼⵔⵉⵇⵢⴰ ⴳ ⵓⵙⴰⵜⵉ ⵏ ⵜⵉⵔⴰⴱⴱⵓⵜⵉⵏ ⵏ ⵜⵉⵎⴷⵉⵏⵉⵏ ⴷ ⵜⵉⵔⴰⴱⴱⵓⵜⵉⵏ ⵜⵉⵏⴰⵎⵓⵔⵉⵏ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%94%E2%B4%B0%E2%B4%B7-%E2%B5%9C%E2%B5%99%E2%B5%8F%E2%B5%93%E2%B4%B1%E2%B4%B3-%E2%B5%8E%E2%B5%95%E2%B5%95%E2%B4%B0%E2%B4%BD%E2%B5%9B-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%9C%E2%B5%89%E2%B4%BD%E2%B4%BD%E2%B5%89-%E2%B5%9C%E2%B5%89%E2%B5%99%E2%B5%8E%E2%B5%96%E2%B5%93%E2%B5%94%E2%B5%89%E2%B5%8F-%E2%B5%8F-%E2%B5%8D-%E2%80%9D%E2%B4%BD%E2%B4%B0%E2%B4%BC%E2%80%9D-%E2%B4%B0%E2%B5%99%E2%B5%99-%E2%B5%8F-16-%E2%B4%B7%E2%B5%93%E2%B5%8A%E2%B4%B0%E2%B5%8F%E2%B4%B1%E2%B5%89%E2%B5%94-%E2%B4%B7-%E2%B5%A2%E2%B5%93%E2%B5%9B%E2%B4%BD%E2%B4%B0%E2%B5%8F