Published on MAPNews (https://www.mapnews.ma/am)

Accueil > ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵉⵏⴰⵡ ⴰⵎⴰⵜⵜⴰⵢ ⵙ ⵓⵣⵎⵎⵣⵓ ⵏ ⵓⵕⵥⵥⵓⵎ  ⵜⵙⵓⵜⵍⵜ ⵜⴰⵎⵣⵡⴰⵔⵓⵜ ⵏ ⵓⵙⴳⴳⵯⴰⵙ ⵓⵣⵔⵉⴼ ⵡⵉⵙⵙ ⴽⴽⵓⵣ ⵏ ⵍⵡⵉⵍⴰⵢⴰ ⵓⵥⵕⵉⴼ ⵡⵉⵙⵙ ⵢⴰⵏ ⴷ ⵎⵔⴰⵡ
  1. Accueil
  2. Activités royales

ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵉⵏⴰⵡ ⴰⵎⴰⵜⵜⴰⵢ ⵙ ⵓⵣⵎⵎⵣⵓ ⵏ ⵓⵕⵥⵥⵓⵎ  ⵜⵙⵓⵜⵍⵜ ⵜⴰⵎⵣⵡⴰⵔⵓⵜ ⵏ ⵓⵙⴳⴳⵯⴰⵙ ⵓⵣⵔⵉⴼ ⵡⵉⵙⵙ ⴽⴽⵓⵣ ⵏ ⵍⵡⵉⵍⴰⵢⴰ ⵓⵥⵕⵉⴼ ⵡⵉⵙⵙ ⵢⴰⵏ ⴷ ⵎⵔⴰⵡ

11 ⴽⵟⵓⴱⵕ 2024 Version Imprimable
ⵕⵕⴱⴰⵟ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⵕⴱⵉ ⵎⴰⵢⴰⴷ ⵉⵎⴰⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⴰⵜⴳⵍⴷⴰⵏⵜ ⵎⴽⵓⵙⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⴰⴳⵍⴷⵓⵏ ⵎⵓⵍⴰⵢ ⵕⴰⵛⵉⴷ  ⵡⴰⵙⵙ ⵏ ⵓⵙⵉⵎⵡⴰⵙ ⵉⵏⴰⵡ ⴰⵎⴰⵜⵜⴰⵢ ⵏ ⵉⴳⵎⴰⵎⵏ ⵏ ⵓⴱⵕⵍⴰⵎⴰⵏ ⵙ ⵜⵎⵍⴷⴰ ⵏ ⵓⵕⵥⵥⵓⵎ ⵏ ⵜⵙⵓⵜⵍⵜ ⵜⴰⵎⵣⵡⴰⵔⵓⵜ ⵏ ⵓⵙⴳⴳⵯⴰⵙ ⵓⵣⵔⵉⴼ ⵡⵉⵙⵙ ⴽⴽⵓⵣ  ⵏ ⵍⵡⵉⵍⴰⵢⴰ ⵓⵥⵕⵉⴼ ⵡⵉⵙⵙ ⵢⴰⵏ ⴷ ⵎⵔⴰⵡ.

ⵀⴰ ⵎⴰⴷ ⵉⴷⴷⴰⵏ ⴳ ⵓⴹⵕⵉⵚ ⵏ ⵉⵏⴰⵡ ⴰⵎⵎⴰⵜⴰⵢ ⴰⴷ  ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⵜ ⵉⵙⵙⵓⵙⵎ ⴰⵙⵙⴰ ⴰⴷ ⵉⴼⴽ ⵉⵏⴰⵡⴰ  ⴳ ⵓⵕⵥⵥⵓⵎ ⵏ ⵓⵙⴳⴳⵯⴰⵙ ⴰⴱⵔⵍⴰⵎⴰⵏⵉ ⵉ ⵉⴳⵎⴰⵎⵏ ⵏ ⵓⴱⵕⵍⴰⵎⴰⵏ ⴷ ⴰⴽⴽⵯ ⵜⵉⴳⵔⴰⵡⵉⵏ ⴷ ⵜⵉⵎⵔⴰⵙⵍ ⴷ ⵉⴼⴳⴰⵏⵏ ⵅⴼ ⵜⵉⵎⴰⵢⵏⵓⵜⵉⵏ ⵉⴳⴳⵯⵔⴰⵏ ⵏ ⵓⵙⴷⴰⵡ ⵏ ⵚⵚⵃⵕⴰ ⵜⴰⵎⵖⵔⵉⴱⵉⵢⵜ ⵍⵍⵉ ⵉⴳⴰⵏ ⵜⴰⵖⴰⵡⵙⴰ ⵜⴰⵎⵣⵡⴰⵔⵓⵜ ⵉ ⵉⵎⵖⵔⵉⴱⵉⵢⵏ ⴰⴽⴽⵯ. ⵎⴰⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴳ ⵍⴱⴷⵓ ⵏ ⵉⵏⴰⵡ ⴰⴷ .

ⵉⵙⴽⵜⵉⴷ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⵉⵏⵏⴰ ⵙⴳ ⵍⵍⵉⵖ ⵉⵙⴽⴽⵉⵡⵙ ⴳ ⵓⴷⴰⴱⵓ ⵎⴰⵙ ⵔⴰⴷ ⵉⵣⵔⵉ ⵍⵎⵖⵔⵉⴱ ⴳ ⵜⴰⵖⴰⵡⵙⴰ ⵏ ⵜⵎⴰⵓⵏⵜ ⵏ ⵡⴰⴽⴰⵍ ⴰⵏⵎⵓⵔ ⵙⴳ ⴰⵣⵎⵣ ⵏ ⵓⵙⵡⵓⴷⴷⵓ ⵙ ⴰⵣⵎⵣ ⵏ ⵓⵙⵏⴼⵍ ⴳ ⵓⴳⵯⵏⵙ ⴷ ⴱⵕⵕⴰ ⵖ ⴰⴽⴽⵯ ⵉⵎⵏⵉⴷⵏ ⵏ ⵓⵙⴷⴰⵡ ⴰⴷ.

ⵉⵖⵔⴰ ⴱⴰⴱ ⵏ ⵡⴰⴷⴷⵓⵔ ⵓⵍⴰ ⴰⴼⴰⴷ ⴰⴷ ⵢⴰⵏ ⵓⵎⵓⵜⵜⵉ ⵙⴳ ⵢⴰⵜ ⵜⴰⵡⵓⵔⵉ ⵏ ⵜⵎⵔⴰⵔⵓⵜ ⵙ ⵜⵓⴳⵉ ⵏ ⵜⴰⵙⵏⵜⴰⵢⵜ ⴷ ⵜⵉⵡⵓⵔⵉⵡⵉⵏ ⵏ ⵓⵎⵙⵙⵉⵣⵡⵉⵔ.ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ 

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵓⵍⴰ “ⵏⵙⴽⵔ ⴳ ⵉⵙⴳⴳⵯⴰⵙⵏ ⵙ ⵜⵉⵔⴰⵜ ⴷ ⵜⴰⵏⵏⴰⵢⵜ ⵉⴱⴰⵢⵏ ⵏⵙⵙⵅⴷⵎ ⵓⵍⴰ ⴰⴽⴽⵯ ⵉⵎⴰⵙⵙⵏ ⴷ ⵜⵉⵖⴰⵡⵙⵉⵡⵉⵏ ⴰⴷ ⵉⵍⵍⴰⵏ ⴰⴼⴰⴷ ⴰⴷ ⵏⵎⵍ ⵎⴰⵙ ⵜⴳⴰ ⵜⴰⵏⵏⵢⴰⵜ ⵏⵏⵖ ⵜⵉⵏ ⵍⵃⴰⵇⵇ ⴷ ⵉⵣⵔⴼⴰⵏ ⵏⵏⵖ ⴷⴰⵔ ⵉⵍⵍⴰ ⵓⵎⵣⵔⵓⵢ ⴷ ⵜⵣⵔⴼⵜ ⴳ ⵚⵚⵃⵕⴰ ⵏⵏⵖ ⵎⵇⵇⴰⵔ ⴷ ⵉⵍⵍⴰ ⵓⵣⵎⵣ ⴰⴳⵔⴰⵖⵍⴰⵏ ⵉⵛⵇⵇⴰⵏ “. ⵉⴼⵔⴰ ⵢⵉⵏⵏⴰ ⴱⴰⴱ ⵏ ⵡⴰⴷⴷⵓⵔ 

ⴰⵙⵙⴰ ⵉⴱⴰⵢⵏ ⵍⵃⴰⵇⵇ ⵍⵃⵎⴷⵓⵍⵉⵍⵍⴰⵀ ⵉⵖⴰⵡⵙⵉⵡⵉⵏ ⵜⵉⵣⵔⴼⴰⵏⵉⵏ ⴰⴷ ⵉⵜⵔⴱⴰⵃⵏ ⴱⴷⴷⴰ.

ⵙ ⵖⵎⴽⴰⴷ ⵜⵙⵙⵏ ⵜⴳⴷⵓⴷⵏⵜ ⵏ ⴼⵕⴰⵏⵙⴰ ⵜⴰⵎⵓⵏⵜ ⵏ ⵡⴰⴽⴰⵍ ⵏ ⵜⵉⴳⵍⴷⵉⵜ ⵏ ⵍⵎⵖⵔⵉⴱ ⵉⵎⵓⵏⵏ ⴷ ⵚⵚⵃⵕⴰ ⵖⵎⴽⵍⵍⵉ ⵜⵏⵏⴰⵍ ⵜⴰⵙⵏⵜⴰⵢⵜ ⵏ ⵍⵃⵓⴽⵎ ⴷⴷⴰⵜⵉ ⴳ ⵓⵙⵜⵉ ⵏ ⵜⴰⵎⵓⵏⵜ ⵏ ⵡⴰⴽⴰⵍ ⵏ ⵍⵎⵖⵔⵉⴱ ⵍⵍⵉ ⵉⴳⴰⵏ ⵜⴰⵙⵉⵍⴰ ⵏ ⵓⴼⵙⴰⵢ ⵢⴰⵏ ⵏ ⵜⴰⵎⵓⴽⵔⵉⵙⵜ ⴰⴷ ⵜⴰⵏⵎⵏⴰⴹⵜ ⵉⵜⵜⵓⵙⴽⴰⵔⵏ. ⵉⵔⵏⴰ ⴱⴰⴱ ⵏ ⵡⴰⴷⴷⵓⵔ 

 ⵙ ⵓⵣⵎⵣⵣⵓ ⵢⴰⴷ ⵉⵎⴰⵍⴰ ⴱⴰⴱ ⵏⵡⴰⴷⴷⵓⵔ ⵜⴰⵏⵎⵉⵔⵜ  ⵏⵏⵙ ⴷ ⵜⵉⵏ ⵓⴳⴷⵓⴰⴷ ⴰⵎⵖⵔⵉⴱⵉ ⵉ ⴼⵕⴰⵏⵙⴰ ⴷ ⵓⵏⵙⵉⵅⴼ ⵎⴰⵙⵙ ⵉⵎⴰⵏⵡⵉⵍ ⵎⴰⴽⵔⵓⵏ ⵅⴼ ⴰⵏⵏⴰⵍ ⴰⴷ ⵉⴱⴰⵢⵏ ⵉ ⵜⴰⵎⵖⵔⵉⴱⵢⵜ ⵏ ⵚⵚⵃⵔⴰ.

ⵎⵏⵉⴷ ⵏ ⵎⴰⵢⴰⴷ , ⵜⴳⴰ ⵜⴰⵙⵏⵜⴰⵢⵜ ⵏ ⵍⵃⴽⵎ ⴷⴷⴰⵜⵉ ⵜⴰⵙⵉⵍⴰ ⵢⴰⵜ ⵏ ⵓⴼⵙⴰⵢ ⵏ ⵜⴰⵎⵓⴽⵔⵉⵙⵜ ⴰⴷ ⴳ ⵓⵙⴰⵜⵉ ⵏ ⵜⴰⵎⵓⵏⵜ ⵏ ⵡⴰⴽⴰⵍ ⵏ ⵍⵎⵖⵔⵉⴱ ⵉⵍⵍⴰ ⴷⴰⵔ ⴰⵏⵏⴰⵍ ⴰⵅⴰⵜⴰⵔ ⵙⴳ ⵎⵏⵏⴰⵡⵜ ⵏ ⵜⵉⵎⵉⵣⴰⵔ ⴳ ⵓⵎⴰⴹⴰⵍ

 ⵉⵙⵙⴽⵜⵉⴷ ⴱⴰⴱ ⵏ ⵡⴰⴷⴷⵓⵔ ⵚⴱⴰⵏⵢⴰ ⵉⴳⴰⵏ ⵜⴰⵎⴷⴷⴰⴳⵍⵜ ⵍⵍⵉ ⵉⵙⵙⵏ ⴱⴰⵀⵔⴰ ⴰⵙⴷⴰⵡⴰ ⴰⴷ ⵜⴰⵏⵏⴰⵢⵜ ⵏⵏⵙ ⵓⵍⴰ ⴷⴰⵔⵙ ⵜⵉⵎⴰⵜⴰⵔⵉⵏ ⵜⵉⵙⵔⵜⴰⵏⵉⵏ ⴷ ⵜⵉⵎⵣⵔⵓⵢⵉⵏ ⵉⴷⵔⴰⵏ ⵓⵍⴰ ⵜⵓⴳⵜ ⵏ ⵜⵉⵎⵉⵣⴰⵔ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ.ⵉⵙⵓⵍ ⵉⵏⵏⴰ ⴱⴱⴰ ⵏ ⵡⴰⴷⴷⵓⵔ 

ⵙ ⵖⵎⴽⴰⴷ ⵉⵙⵙⵓⵙⵎⵉ ⴰⴷ ⵜⵙⵙⵎⵖⵔ ⵉⵎⴷⴷⴰⴽⵍⵏ ⴷ ⵉⵎⴷⵔⴰⵡⵏ ⵏⵏⵖ ⵅⴼ ⵜⴰⵏⵏⴰⵢⵉⵏ ⵏⵏⵙⵏ ⵉⵏⵏⴰⵍⵏ ⵜⴰⵖⴰⵡⵙⴰ ⵜⴰⵎⵣⵡⴰⵔⵓⵜ ⵏ ⵍⵎⵖⵔⵉⴱ.

ⵖⵎⴽⵍⵍⵉ ⵉⵙⵏⵉⵎⵎⵔ ⴱⴰⴱ ⵏ ⵡⴰⴷⴷⵓⵔ ⵜⵉⵎⵉⵣⴰⵔ ⵍⵍⵉ ⵉⵙⵡⵓⵔⵔⵉⵏ ⵙ ⵜⴰⴷⴰⵎⵙⴰ ⴷ ⵓⵙⵙⴰⵔⵓ ⴷ ⵜⵉⵙⴳⴳⵉⵡⵉⵏ ⵉ ⵉⴼⴼⵓⵙ ⵏ ⵜⵉⴳⵍⴷⵉⵜ ⵍⵍⵉ ⵉⴳⴰⵏ ⵢⴰⵏ ⵓⴳⵣⵣⵓⵎ ⵏ ⵡⴰⴽⴰⵎ ⴰⵏⴰⵎⵓⵔ.

Dernière modification : 11 ⴽⵟⵓⴱⵕ 2024
Source URL: https://www.mapnews.ma/am/activites-royales/%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%89%E2%B5%8F%E2%B4%B0%E2%B5%A1-%E2%B4%B0%E2%B5%8E%E2%B4%B0%E2%B5%9C%E2%B5%9C%E2%B4%B0%E2%B5%A2-%E2%B5%99-%E2%B5%93%E2%B5%A3%E2%B5%8E%E2%B5%8E%E2%B5%A3%E2%B5%93-%E2%B5%8F-%E2%B5%93%E2%B5%95%E2%B5%A5%E2%B5%A5%E2%B5%93%E2%B5%8E%C2%A0-%E2%B5%9C%E2%B5%99%E2%B5%93%E2%B5%9C%E2%B5%8D%E2%B5%9C-%E2%B5%9C%E2%B4%B0%E2%B5%8E%E2%B5%A3%E2%B5%A1%E2%B4%B0%E2%B5%94%E2%B5%93%E2%B5%9C-%E2%B5%8F-%E2%B5%93%E2%B5%99%E2%B4%B3%E2%B4%B3%E2%B5%AF%E2%B4%B0%E2%B5%99-%E2%B5%93%E2%B5%A3%E2%B5%94%E2%B5%89%E2%B4%BC