ⵉⵏⵏⴰ ⴰⴷⵉⵡⴰⵏ ⴳ ⵢⴰⵜ ⵜⵉⵏⴰⵡⵜ ⵏ ⵓⵔⵥⵥⵓⵎ ⵍⵍⵉ ⵉⵙⵏⵎⴰⵍⴰ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵙ ⵓⵣⵎⵣⵣⵓ ⵏ ⵓⴽⵛⵛⵓⵎ ⴰⴽⴰⴷⵉⵎⵉ 2024-2025 ⵎⴰⵙ ⵜⵙⴽⵔ ⵜⴳⵍⴷⵉⵜ ⴳ ⵜⴰⴷⵍⵙⴰ ⴰⵏⵙⴰ ⴳ ⵓⵖⴰⵡⴰⵙ ⵏⵏⵙ ⵏ ⵜⵉⴳⵎⵉ ⵍⵍⵓⵖ ⵜⴳⴰ ⵜⴰⴷⵓⵙⵉ ⵉⴼⵙⵙⵓⵙⵏ ⵉⵔⴰⵏ ⵜⴰⵏⴽⵔⴰ ⵙ ⵓⴼⴳⴰⵏ ⴷ ⵡⴰⴷⴷⴰⴷ ⵏⵏⵙ ⴳ ⵓⵍ ⵏ ⵜⵉⴳⵎⵉ ⵜⴰⵙⵓⵍⴰⵏⵜ.
ⵉⵙⴷⴷⵉⴷ ⴰⴷⵉⵡⴰⵏ ⴳ ⵜⵉⵏⴰⵡⵜ ⵅⴼ “ ⵜⴷⵍⵙⴰ ⵜⴰⵎⴰⵣⵉⵖⵜ .. ⵉⵥⵓⵕⴰⵏ ⵏ ⵓⵎⵣⵔⵓⵢ ⴷ ⵉⵖⴰⵡⴰⵙ ⵏ ⵖⵉⵍⴰⴷ ⴷ ⵉⵎⴰⵍ “ ⵎⴰⵙ ⵜⴳⴰ ⵜⴰⴷⵍⵙⴰ ⵜⴰⵎⴰⵣⵉⵖⵜ ⵢⴰⵏ ⵓⴳⵣⵣⵓⵎ ⵙⴳ ⵜⴰⴷⵍⴰⵙⴰ ⵜⴰⵎⵖⵔⵉⴱⵉⵢⵜ ⵍⵍⵉ ⴷⴰⵔ ⵉⵍⵍⴰ ⵡⴰⴷⴷⵓⵔ ⴰⵅⴰⵜⴰⵔ ⴳ ⵓⵖⴰⵡⴰⵙ ⵏ ⵜⵉⴳⵎⵉ ⴰⵛⴽⵓ ⵜⴳⴰ ⵜⴰⵇⴱⵓⵔⵜ ⴱⴰⵀⵔⴰ.
ⵉⵙⵙⴽⵜⵉⴷ ⵓⵎⵙⵉⴳⴳⵉⵍ ⴳ ⵓⵙⴰⵜⵉ ⵢⴰⴷ ⵎⴰⵙ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⵏⴼⴰ ⴰⵎⵇⵔⴰⵏ ⵉ ⵜⴰⴷⵍⵙⴰ ⵜⴰⵎⴰⵣⵉⵖⵜ ⵙ ⵜⵓⴳⵉ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵍⵍⵉ ⵉⵜⵜⵓⵙⵎⴳⴰⵍⵏ ⵙ ⵜⵏⴽⵔⴰ ⵙ ⵜⴰⴷⵍⵙⴰ ⵜⴰⵎⴰⵙⵉⵖⵜ ⵍⵍⵉ ⵉⴳⴰⵏ ⵜⴰⵎⵙⵙⵓⴳⵔⵜ ⵜⴰⵏⴰⵎⵓⵔⵜ.
ⴰⴼⴰⴷ ⴰⴷ ⵜⵜⵢⴰⵡⵙⴽⴰⵔⵏ ⵓⵡⵜⵜⴰⵙⵏ ⴰⴷ ⵉⵖⵔⴰ ⵎⴰⵙⵙ ⴰⴷⵉⵡⴰⵏ ⵉ ⵡⴰⵎⵎⴰⵙⵏ ⵏ ⵓⵔⵣⵣⵓ ⵙⴰ ⵍⵍⵉ ⵉⴹⴼⵕⵏ ⵉ ⵢⵓⵙⵉⵏⴰⴳ ⴰⴷ ⵙⴷⵓⵙⵙⵏ ⴰⵔⵣⵣⵓ ⴰⴼⴰⴷ ⴰⴷ ⵉⵙⵙⴰⵏⵜ ⵜⴰⵙⵓⵜⵉⵏ ⴷ ⵀⵢⵓⵛⴽⴰⵏ ⵜⵉⵥⵍⴰⵢⵉⵏ ⵏ ⵜⴰⴷⵍⵙⴰ ⵜⴰⵎⴰⵣⵉⵖⵜ.
ⵉⵃⴰⴹⵕ ⵜⵉⵏⵡⴰⵜ ⴰⴷ ⵓⵏⴱⴷⴰⴷ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴰⵃⵎⴰⴷ ⴱⵓⴽⵓⵙ ⴷ ⵓⵏⴼⵍⵓⵙ ⴰⵎⴰⵜⴰⵢ ⵏ ⵓⵙⵉⵏⴰⴳ ⵍⵃⵓⵙⵉⵏ ⵎⵓⵊⴰⵀⵉⴷ ⴷ ⵎⵏⵏⴰⵡ ⵉⵎⵙⵉⴳⴳⵉⵍⵏ ⴳ ⵜⵉⵖⴰⵡⵙⵉⵙⵉⵏ ⵏ ⵜⵎⴰⵣⵉⵖⵜ.