Published on MAPNews (https://www.mapnews.ma/am)

Accueil > ⵜⵓⵙⴽⴰ ⵜⵉⴽⵍⵉⵜ ⵢⴰⴹⵏ ⴷⴼⴼⵉⵔ ⵏ ⵓⵏⴷⵓⴷⵉ .. ⴰⵙⵎⴰⵢⵏⵓ ⵏ ⵜⵉⵏⵎⵍ ⵏ ⵍⵎⴰⵙⵉⵔⴰ ⵍⵅⴹⵕⴰ ⵏ ⵉⵎⵥⵢⴰⵏⵏ

ⵜⵓⵙⴽⴰ ⵜⵉⴽⵍⵉⵜ ⵢⴰⴹⵏ ⴷⴼⴼⵉⵔ ⵏ ⵓⵏⴷⵓⴷⵉ .. ⴰⵙⵎⴰⵢⵏⵓ ⵏ ⵜⵉⵏⵎⵍ ⵏ ⵍⵎⴰⵙⵉⵔⴰ ⵍⵅⴹⵕⴰ ⵏ ⵉⵎⵥⵢⴰⵏⵏ

10 ⵛⵓⵜⴰⵏⴱⵉⵔ 2024 Version Imprimable
ⵜⴰⵃⵏⵏⴰⵡⵜ -  ⵜⵕⵥⵎ ⵜⵉⵏⵎⵍ ⵏ ⵍⵎⴰⵙⵉⵔⴰ ⵍⵅⴹⵕⴰ ⵏ ⵉⵎⵥⵢⴰⵏⵏ ⵉⵍⵍⴰⵏ ⴳ ⵜⴰⴳⵔⴰⵡⵜ ⵜⴰⵃⵏⵏⴰⵡⵜ /ⵜⴰⵙⴳⴰ ⵏ ⵍⵃⴰⵡⴰⵣ/ ⵜⵉⴼⵍⵡⵉⵏ ⵏⵏⵙ ⵎⵏⵉⴷ ⵉⵏⵍⵎⴰⴷⵏ ⴷⴼⴼⵉⵔ ⵍⵍⵉⵖ ⵜⵙⵙⵏ ⵜⵉⵡⵓⵔⵉⵡⵉⵏ ⵏ ⵓⵎⵙⴰⵙⴰ ⴷⴼⴼⵉⵔ ⵏ ⵓⵏⴷⵓⴷⵉ ⵏ 8 ⵛⵓⵜⴰⵏⴱⵉⵔ 2023.

ⵜⴽⵛⵎ ⵜⵡⵓⵔⵉ ⵏ ⵓⵎⵙⴰⵙⴰ ⵏ ⵜⵉⵏⵎⵍ ⴰⴷ ⵍⵍⵉ ⵉⵜⵜⵢⴰⵡⵕⵥⴰⵎⵏ ⴳ ⵓⵙⴳⴳⵯⴰⵙ ⵏ 1962 ⴳ ⵓⵙⴰⵜⵉ ⵜⵓⴳⴳⴰⵙ ⵍⵍⵉ ⵙⴽⴰⵔⵏⵜ ⵜⵉⵏⴱⴰⴹⵉⵏ ⵏ ⵜⵙⴳⴰ ⵙ ⵜⴰⵏⵏⴰⵢⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ ⴰⴼⴰⴷ ⴰⵎⵢⴰⵡⴰⵙ ⵏ ⵉⵎⵣⴷⴰⵖⵏ ⴰⴷ ⵣⵔⵉⵏ ⵎⴰⴷ ⵉⴼⵍ ⵓⵏⴷⵓⴷⴷⵉ ⴷ ⵓⵙⵙⴼⵓⵍⴽⵉ ⵏ ⵓⵎⴰⵡⴰⵏ ⵜⵉⵏⵎⴰⵍⵉⵏ .

ⵜⵙⵙⵏ ⵜⵉⵏⵎⵍ ⴰⴷ ⵉⵣⵎⴰⵣ ⵉⵅⵛⵏ ⴳ ⵍⴽⴰⵔⵉⵜⴰ ⵢⴰⴷ ⵜⵙⵏⴼⵍ ⵙ  ⵓⴷⵖⴰⵔ ⵏ ⵜⵉⵏⵎⵍ ⵙ ⵢⴰⵏ ⵓⴰⵙⵢⵔⴰⵔ ⴰⵜⵔⴰⵔ ⴳ ⵍⵍⴰⵏ ⵉⵎⵓⵙⵙⵓⵜⵏ , ⵎⴰⵢⴰⴷ ⵉⵙⵙⵓⵙⵎ ⴱⴰⵀⵔⴰ ⵉⵏⵍⵎⴰⴷⵏ ⵍⵍⵉ ⴷ ⵢⵓⴹⴰⵏ ⵙ ⵜⵉⵏⵎⴰⵍ ⴰⴷ.

ⵉⵏⵏⴰ ⵓⵙⵍⵎⴰⴷ ⵎⵓⵚⵟⴰⴼⴰ ⵍⴱⵔⵔⴰⵔ ⴳ ⵢⴰⵜ ⵜⵙⴳⵓⵔⵉ ⵉ ⵜⴰⵙⵏⵓⵔⴰⵢⵜ ⵜⴰⵎⵖⵔⵉⴱⵉⵢⵜ ⵏ ⵉⵏⵖⵎⵉⵙⵏ ⵎⴰⵙ ⵜⵎⵙⴰⵙⴰ ⵜⵉⵏⵎⵍ ⴰⴷ ⵍⵍⵉ ⴳ ⴱⴰⵀⵔⴰ ⵉⵕⵥⴰⵏ ⴷ ⵉⴹⵕⵏ ⵙ ⵓⵏⴷⵓⴷⵉ ⵢⴰⴷ ⴳ ⵢⴰⵏ ⵓⵣⵎⵣ ⵉⴷⵔⵓⵙⵏ .

ⵉⵔⵏⵓ ⵉⵏⵏⴰ ⵓⵙⵍⵎⴰⴷ ⴰⴷ ⵎⴰⵙ ⵜⵙⵙⵏ ⵜⵉⵏⵎⵍ ⴰⴷ ⴰⵙⵙⵎⴰⵢⵏⵓ ⵍⵍⵉ ⵉⵙⵙⵓⵙⵎⵏ ⵉⵏⵍⵎⴰⴷⵏ ⴰⵛⴽⵓ ⵥⴹⴰⵕⵏ ⴰⴷ ⵖⵔⵏ ⴳ ⵢⴰⵏ ⵓⵎⵏⴰⴹ ⵏ ⵓⵙⵙⵍⵎⴷ ⵉⵖⵓⴷⴰⵏ.

ⴳ ⵜⴰⵙⴳⴰ ⵏⵏⵙ , ⵉⵏⵏⴰ ⵓⵏⵙⵙⵉⵅⴼ ⵏ ⵜⴰⵎⵙⵎⵓⵏⵜ ⵏ ⵍⵡⴰⵍⴷⵢⵏ ⵏ ⵉⵏⵍⵎⴰⴷⵏ ⵏ ⵜⵉⵏⵎⵍ ⵙⴰⵄⵉⴷ ⴰⵢⵜ ⴱⵕⵀⵉⵎ ⵎⴰⵙ ⵜⵖⵓⴷⴰ ⵜⵡⵓⵔⵉ ⵏ ⵓⵎⵙⴰⵙⴰ ⵏ ⵜⵉⵏⵎⴰⵍ ⴰⴷ ⵍⵍⵉ ⵉⵕⵥⵎⵏ ⵜⵉⴼⵍⵡⵉⵏ ⵏⵏⵙ ⴰⵙⴳⴳⵯⴰⵙ ⴰⴷ.

ⵉⵙⵙⴽⵜⵉⴷ ⵓⵍⴰ ⵎⴰⵙ ⵜⵙⵙⵏ ⵜⵉⵏⵎⵍ ⵎⵏⵏⴰⵡⵜ ⵏ ⵜⵉⵡⵓⵔⵉⵡⵉⵏ ⵜⵉⵎⵇⵔⴰⵏⵉⵏ ⵏ ⵓⵎⵙⴰⵙⴰ ⴳ ⵎⵏⵏⴰⵡ ⵉⵙⵡⵉⵔⵏ ⵍⵍⵉ ⵎⵉ ⵜⵓⴹⴰ ⵜⵓⴷⵔⵜ , ⵉⵙⵙⴼⵓⵍⴽⵉ ⵓⵍⴰ ⴰⵕⵥⵥⵓⵎ ⵏ ⵎⵏⵏⴰⵡ ⵉⵎⵓⵙⵙⵓⵜⵏ ⵉⵣⴷⵉⵏ ⴳ ⵜⵉⵏⵎⵍ ⵣⵓⵏⴷ ⵉⵙⴰⵢⵔⴰⵔⵏ ⴷ ⵓⴱⴰⵔⴰⵣ ⵏ ⵜⵓⵏⵏⵓⵏⵜ ⴷ ⵜⴰⴷⴰⵍⴰ ⵏ ⵓⵟⵟⵓⵏ ⴷ ⵜⴰⴷⴰⵍⴰ ⵏ ⵎⵏⵏⴰⵡⵜ ⵏ ⵜⵡⵓⵔⵉⵡⵉⵏ.

ⵉⵙⵙⵓⵙⵎ ⵓⵎⵙⴰⵙⴰ ⵢⴰⴷ ⴱⴰⵀⵔⴰ ⵉⴳⵎⴰⵎⵏ ⵏ ⵓⵙⵙⵍⵎⴷ ⴳ ⵜⵉⵏⵎⵍ ⴰⴷ , ⵏⵏⴰⵏ ⵓⵍⴰ ⵎⴰⵙ ⴼⵓⵍⴽⵉⵏ ⵡⴰⴷⴷⴰⴷⵏ ⵜ ⵜⴰⵡⵓⵔⵉ ⴳ ⵜⵉⵏⵎⵍ ⴰⴷ ⵍⵍⵉ ⴷ ⵢⵓⴹⴰⵏ ⵜⴳⴰ ⵜⴰⵎⴰⵢⵏⵓⵜ.

ⵏⵏⴰⵏ ⵓⵍⴰ ⵎⴰⵙ ⵜⵏ ⵉⴽⴽⴰ ⵓⵎⵙⴰⵙⴰ ⵢⴰⴷ ⵓⵔ ⴰⴷ ⵢⵉⵍⵉ ⴱⵍⴰ ⵜⵓⴳⴳⴰⵙ ⵏ ⴰⴽⴽⵯ ⵉⵎⵙⴽⴰⵔⵏ , ⵔⵏⵓⵏ ⵏⵏⴰⵏ ⵎⴰⵙ ⵎⵍⴰⵏⵜ ⵜⵎⵓⴽⵔⵉⵙⵉⵏ ⵍⵍⵉ ⵜⵙⵙⵏ ⵜⵙⴳⴰ ⴷⴼⴼⵉⵔ ⵏ ⵓⵏⴷⵓⴷⵉ ⴰⴷⴷⵓⵔ ⵏ ⵓⵎⵢⴰⵡⴰⵙ ⴷ ⵜⴰⵡⵓⵔⵉ ⵉⵛⵛⴰⵔⵏ ⴰⴼⴰⴷ ⵜⵓⵙⴽⴰ ⵏ ⵉⵡⵜⵜⴰⵙⵏ ⵉⵖⵓⴷⴰⵏ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B5%93%E2%B5%99%E2%B4%BD%E2%B4%B0-%E2%B5%9C%E2%B5%89%E2%B4%BD%E2%B5%8D%E2%B5%89%E2%B5%9C-%E2%B5%A2%E2%B4%B0%E2%B4%B9%E2%B5%8F-%E2%B4%B7%E2%B4%BC%E2%B4%BC%E2%B5%89%E2%B5%94-%E2%B5%8F-%E2%B5%93%E2%B5%8F%E2%B4%B7%E2%B5%93%E2%B4%B7%E2%B5%89-%E2%B4%B0%E2%B5%99%E2%B5%8E%E2%B4%B0%E2%B5%A2%E2%B5%8F%E2%B5%93-%E2%B5%8F-%E2%B5%9C%E2%B5%89%E2%B5%8F%E2%B5%8E%E2%B5%8D-%E2%B5%8F-%E2%B5%8D%E2%B5%8E%E2%B4%B0%E2%B5%99%E2%B5%89%E2%B5%94%E2%B4%B0-%E2%B5%8D%E2%B5%85%E2%B4%B9%E2%B5%95%E2%B4%B0-%E2%B5%8F-%E2%B5%89%E2%B5%8E%E2%B5%A5%E2%B5%A2%E2%B4%B0%E2%B5%8F%E2%B5%8F-0