Published on MAPNews (https://www.mapnews.ma/am)

Accueil > ⵉⵥⵓⵍⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⵥⴰⵍⵍⵉⵜ ⵏ ⵓⵙⵉⵎⵡⴰⵙ ⴳ ⵜⵉⵎⵣⴳⵉⴷⴰ ⵏ ⵎⵓⵍⵉⵏⴰ ⴳ ⵕⵕⴱⴰⵟ
  1. Accueil
  2. Activités royales

ⵉⵥⵓⵍⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⵥⴰⵍⵍⵉⵜ ⵏ ⵓⵙⵉⵎⵡⴰⵙ ⴳ ⵜⵉⵎⵣⴳⵉⴷⴰ ⵏ ⵎⵓⵍⵉⵏⴰ ⴳ ⵕⵕⴱⴰⵟ

18 ⴽⵟⵓⴱⵕ 2013 Version Imprimable
ⵕⵕⴱⴰⵟ - ⵉⵥⵓⵍⵍⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⴰⴷ ⵜ ⵉⵏⵚⵕ ⵕⴱⴱⵉ, ⵜⴰⵥⴰⵍⵍⵉⵜ ⵏ ⵓⵙⵉⵎⵡⴰⵙ ⴳ ⵜⵉⵎⵣⴳⵉⴷⴰ ⵏ ⵎⵓⵍⵉⵏⴰ ⴳ ⵕⵕⴱⴰⵟ.

ⴰⵎⵎⴰⵙ ⵏ ⵉⵏⴰⵡ ⵏⵏⵙ, ⵉⵏⵏⴰ ⵍⵉⵎⴰⵎ ⵉⵙ ⴽⴰ ⵜⴳⴰ ⵜⵓⴷⵔⵜ ⵏ ⵓⵎⵓⴷⵔ ⴷ ⵏ ⵡⴰⵍⵍⵉ ⵓⵔ ⵢⵓⵎⵏⵏ ⴷ ⵓⵔ ⵉⴹⴼⴰⵕⵏ ⵉⵏⴹⵏ ⵏ ⵕⴱⴱⵉ ⴷ ⵡⵉⵏ ⴰⵔⵇⵇⴰⵙ ⵏⵏⵙ ⵢⴰⵜ ⵜⵓⴷⵔⵜ ⵜⴰⴳⴰⵎⴰⵏⵜ ⴷ ⵜⴰⴱⵢⵓⵍⵉⵊⵉⵢⵜ, ⴰⵛⴽⵓ ⵜⵓⴷⵔⵜ ⵏ ⵓⴼⴳⴰⵏ ⵓⵔ ⵜⵟⵟⵉⴼ ⴽⵔⴰ ⵏ ⵓⵏⴰⵎⴽ ⴰⴱⵍⴰ ⵉⵖ ⵉⵙⵙⵏ ⴱⴰⵀⵔⴰ ⴰⴷⴷⴰⴷ ⵏⵏⵙ ⴳⵔ ⵜⵓⴳⵉ ⵏ ⵕⴱⴱⵉ, ⵓⵍⴰ ⵡⵏⴰⵎⴽ ⵏ ⵜⵉⵍⵍⴰⵡⵜ ⵏⵏⵙ ⴳ ⵜⴰⵎⵓⵔⵜ ⴰⴷ ⴷ ⵓⵢⵏⵏⴰ ⵉⵜⵜⵓⵔⴰⵏ ⵅⴼ ⵓⴼⴳⴰⵏ ⵏⵏⵙ ⵍⵍⵉⵖ ⵔⴰⴷ ⵉⴼⴼⵓⵖ ⴳ ⵜⵓⴷⵔⵜ ⴰⴷ.

ⵉⵏⵏⴰ ⵍⵉⵎⴰⵎ ⵉⵙ ⵜⵟⵟⴰⴼ ⵜⵎⵔⴰⵔⵓⵜ ⵏ ⵕⴱⴱⵉ ⴷ ⵏ ⵓⵔⵇⵇⴰⵙ ⵏⵏⵙ ⴰⵏⴰⵎⴽ ⵉⵖ ⵙⴼⵍⴷⵏ ⵉⵎⵓⵙⵍⵎⵏ ⵉ ⵢⵏⴹⵏ ⵏ ⵍⵉⵙⵍⴰⵎ ⴷ ⵉⵖ ⵙⵏⵙⵉⵏ ⵉⵍⵓⴳⵉⵏ ⵏ ⵓⵙⴳⴷ ⴰⴷ ⵉⵎⵙⵓⵔⵓⴼⵏ.

ⵉⵏⵏⴰ ⵙⵓⵍ ⵍⵉⵎⴰⵎ ⵉⵙ ⵉⵅⵚⵚⴰ ⵉⴹⴼⵕ ⴰⵎⵓⵙⵍⵎ ⴰⵍⴰⵖⵉ ⵏ ⵕⴱⴱⵉ ⵖⵉⴽ ⵍⵍⵉⵖ ⵉⵍⵍⴰ ⴳ ⵍⵇⵓⵕⴰⵏ ⴷ ⵙⵓⵏⵏⴰ ⵏ ⵓⵔⵇⵇⴰⵙ ⵏ ⵕⴱⴱⵉ ⵉⵖ ⵉⵔⴰ ⴰⴷ ⵉⵙⵎⵓⵏ ⴰⵎⴷⴰⵣ.

ⵉⵜⵜⵔ ⵍⵉⵎⴰⵎ ⵉ ⵕⴱⴱⵉ ⴰⴷ ⵉⵏⵚⵕ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵍⴰⵎⵉⵔ ⵏ ⵉⵎⵓⵎⵏⵏ ⴷ ⴰⴷⴰⵙ ⵢⴰⵊⵊ ⵢⵉⵡⵢⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴷ ⴳⵯⵎⴰⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵓⵍⴰ ⴽⵓⵍⵍⵓ ⵉⴳⵎⴰⵎⵏ ⵏ ⵜⵡⵊⴰ ⵜⴰⴳⵍⴷⴰⵏⵜ.

ⵉⵜⵜⵔ ⵍⵉⵎⴰⵎ ⵉ ⵕⴱⴱⵉ ⵓⵍⴰ ⴰⴷ ⵉⵕⵃⵎ ⵉⴳⵍⵍⵉⴷⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴷ ⵍⵃⴰⵙⴰⵏ ⵡⵉⵙⵙ ⵙⵉⵏ.

 

Dernière modification : 18 ⴽⵟⵓⴱⵕ 2013
Source URL: https://www.mapnews.ma/am/activites-royales/%E2%B5%89%E2%B5%A5%E2%B5%93%E2%B5%8D%E2%B5%8D-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%9C%E2%B4%B0%E2%B5%A5%E2%B4%B0%E2%B5%8D%E2%B5%8D%E2%B5%89%E2%B5%9C-%E2%B5%8F-%E2%B5%93%E2%B5%99%E2%B5%89%E2%B5%8E%E2%B5%A1%E2%B4%B0%E2%B5%99-%E2%B4%B3-%E2%B5%9C%E2%B5%89%E2%B5%8E%E2%B5%A3%E2%B4%B3%E2%B5%89%E2%B4%B7%E2%B4%B0-%E2%B5%8F-%E2%B5%8E%E2%B5%93%E2%B5%8D%E2%B5%89%E2%B5%8F%E2%B4%B0-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F#comment-0