Published on MAPNews (https://www.mapnews.ma/am)

Accueil > ⴳ ⵜⴰⵔⵓⴷⴰⵏⵜ ,ⵜⴰⴷⵉⵏⴰⵎⵉⵜ ⵜⵉⴽⵍⵉⵜ ⵢⴰⴹⵏ ⵏ ⵉⴳⵔ ⵏ ⵜⵉⵙⵙⵉ ⵜⴳⴰ ⵜⴰⵖⴰⵡⵙⴰ ⵜⴰⵎⵣⵡⴰⵔⵓⵜ

ⴳ ⵜⴰⵔⵓⴷⴰⵏⵜ ,ⵜⴰⴷⵉⵏⴰⵎⵉⵜ ⵜⵉⴽⵍⵉⵜ ⵢⴰⴹⵏ ⵏ ⵉⴳⵔ ⵏ ⵜⵉⵙⵙⵉ ⵜⴳⴰ ⵜⴰⵖⴰⵡⵙⴰ ⵜⴰⵎⵣⵡⴰⵔⵓⵜ

07 ⵛⵓⵜⴰⵏⴱⵉⵔ 2024 Version Imprimable
ⵜⴰⴳⵔⴰⵡⵜ ⵏ ⵙⵉⴷⵉ ⵡⴰⵄⵣⵉⵣ( ⵜⴰⵙⴳⴰ ⵏ ⵜⴰⵔⵓⴷⴰⵏⵜ), - ⵜⵣⴷⵉ ⵜⴰⴷⵉⵏⴰⵎⵉⵜ ⵏ ⵜⵓⵙⴽⴰ ⴷ ⵓⵎⵙⴰⵙⴰ ⴳ ⵜⴰⵙⴳⴰ ⵏ ⵜⴰⵔⵓⴷⴰⵏⵜ ⴳ ⵓⵎⵓⵙⵙⵓ ⵏ ⵉⴳⵔ ⵏ ⵜⴰⴼⵍⵍⴰⵃⵜ ⵍⵍⵉ ⵉⴳⴰⵏ ⵜⴰⵖⴰⵡⵙⴰ ⵜⴰⵎⵣⵡⴰⵔⵓⵜ ⴷⴼⴼⵉⵔ ⵏ ⵓⵏⴷⵓⴷⵉ ⵏ ⵛⵓⵜⴰⵏⴱⵉⵔ 2023.

ⴳ ⵉⵎⵓⵙⵙⵓⵜⵏ ⵍⵍⵉ ⵉⵜⵜⵓⵙⴽⴰⵔⵏ ⴳ ⵓⵙⵡⵉⵔ ⵏ ⵜⵉⴳⵔⴰⵡⵉⵏ ⵉⵍⵍⴰ ⵜⵓⵙⴽⴰ ⵜⵉⴽⵍⵉⵜ ⵢⴰⴹⵏ ⵏ ⵓⵎⴰⵡⴰ ⵏ ⵎⴰⵏ ⵏ ⵜⴰⴼⵍⵍⴰⵃⵜ ⴷ ⵓⵙⵡⵓⴷⴷⵓ ⵏ ⵜⴰⵔⴳⵉⵡⵉⵏ ⴷ ⵉⵙⵔⵙⵏ ⵏ ⵜⵉⵏⵇⵉⵟⵟⵉⵏ ⵏ ⵡⴰⵎⴰⵏ ⴷ ⵜⵓⵙⵎⴰ ⵏ ⵉⴱⵔⵉⴷⵏ ⵉⴼⵍⵍⴰⵃⵏ .

ⵙ ⵉⵎⴰⵏ ⴰⴷ, ⵉⵜⵜⴰⵢⴰⵡⵕⵥⴰⵎ ⵓⵖⴰⵡⴰⵙ ⵏ ⵜⵉⵣⵡⵉⵔⵜ ⴷ ⵜⵓⵙⴽⴰ ⵜⵉⴽⵍⵉⵜ ⵢⴰⴹⵏ ⴷ ⵜⴰⵎⵔⵏⵉⵡⵜ ⵜⴰⵏⴼⵍⴰⵃⵜ ⴳ ⵜⵉⵙⴳⵉⵡⵉⵏ ⵢⵓⵜ ⵓⵏⴷⵓⴷⵉ ⴰⴼⴰⴷ ⴰⵙⴷⵓⵙ ⵏ ⵓⵎⵓⵙⵙⵓ ⴰⵏⴼⵍⴰⵃ ⴷ ⵜⴰⵏⴽⵔⴰ ⵏⵏⵙ.

ⵉⵔⴰ ⵓⵖⴰⵡⴰⵙ ⵏ ⵓⵎⵙⴰⵙⴰ ⵜⵉⴽⵍⵉⵜ ⵢⴰⴹⵏ ⵏ ⵓⵡⴰⵎⴰ ⴰⵏⴼⵍⴰⵃ ⴰⵙⴱⴷⴷ ⵏ ⵓⵃⵍⵓⵛⵛⴹ ⵏ ⵡⴰⴽⴰⵍ ⴷ ⵓⵙⴷⵓⵙ ⵏ ⵓⵎⴰⵡⴰ ⴰⴷⵎⵙⴰⵏ ⴰⵏⴼⵍⴰⵃ ⵙ ⵜⴰⵎⵔⵏⵉⵡⵜ ⴷ ⵓⵎⴰⵡⴰ ⵏ ⵉⴳⵣⵓⵎⵏ ⵏ ⵜⵉⵎⵎⵉ ⵏ ⵡⴰⵜⵉⴳ ⴷ ⵉⵙⵖⵉⵎⵏ ⵏ ⵜⵎⵙⵎⵓⵏⵉⵏ.

ⵖⵎⴽⵍⵍⵉ ⵉⵜⵜⵓⴼⴽⴰ ⵡⴰⴷⴷⵓⵔ ⵉ ⵜⵓⵙⴽⴰ ⵢⴰⴹⵏ ⵉ ⵉⴳⵔ ⵏ ⵜⴰⵢⴰⴼⵓⵜ ⵜⴰⵏⴼⵍⴰⵃⵜ ⴷ ⵜⴰⵏⴽⵔⴰ ⴷ ⵓⵕⵥⵥⵎ ⵏ ⵉⴳⵣⵓⵎⵏ ⵏ ⵉⵎⵓⴷⴰⵔ ⵙ ⵜⵓⵙⴽⴰ ⵏ ⵜⵉⵡⴰⵍⵉⵡⵉⵏ ⴷ ⵜⵉⴽⴽⵉ ⵏ ⵍⵄⵍⴼ ⵏ ⵉⵎⵓⴷⴰⵔ ⴷ ⵓⵣⵉⴳⵣ ⵏ ⵉⵙⵉⵜⵏ ⵏ ⵜⴼⵍⵍⴰⵃⵜ ⵜⴰⵎⵢⴰⵡⴰⵙⵜ ⴷ  ⵜⴰⵎⵔⵏⵉⵡⵜ ⵜⴰⵏⴼⵍⴰⵃⵜ ⴷ ⵉⵎⵓⵙⵙⵓⵜⵏ ⵢⴰⴹⵏ ⵢⴰⴽⴽⴰⵏ ⵉⴷⵔⵉⵎⵏ.

ⵉⵙⴷⴷⵉⴷ ⵉⵏⵙⵙⵉⵅⴼ ⵏ ⵓⴳⵣⵓⵎ ⵏ ⵜⴰⵏⴽⴰⵔ ⵙ ⵉⴳⵔ ⴰⵏⴼⵍⴰⵃ ⵙⵓⵙ ⵎⴰⵙⵙⴰ ⵍⵃⵙⵏ ⵊⴰⴱⵉ ⴳ ⵢⴰⵜ ⵜⵙⴳⵓⵔⵉ ⵉⵜⴰⵙⵏⵓⵔⴰⵢⵜ ⵜⴰⵎⵖⵔⵉⴱⵉⵢⵜ ⵏ ⵉⵏⵖⵎⵉⵙⵏ ⵎⴰⵙ ⵉⴼⵍ ⵓⵏⴷⵓⴷⵉ ⵏ 2023 ⵜⴰⵟⵕ ⵅⴼ ⵡⴰⵎⴰ ⴷ ⵓⵥⵟⵟⴰ ⵏ ⵜⵉⵙⵙⵉ ⴷ ⵜⴰⵢⴰⴼⵓⵜ ⵜⴰⵏⴼⵍⴰⵃⵜ ⴷ ⵉⵎⵓⴷⴰⵔ .

ⴳ ⵜⵙⴳⴰ ⵏⵏⵙ ⵉⵙⵙⵓⵙⵎ ⵎⵓⵃⵎⵎⴷ ⵍⵎⵏⵚⵓⵕⵉ ⴰⴼⵍⵍⴰⵃ ⴳ ⵜⴰⴳⵔⴰⵡⵜ ⵙⵉⴷⵉ ⵡⴰⵄⵣⵉⵣ ⴳ ⵜⴰⵙⴳⴰ ⵏ ⵜⵔⵓⴷⴰⵏⵜ ⵜⵉⵡⵓⵔⵉⵡⵉⵏ ⵏ ⵜⵉⵣⵡⵉⵔⵜ ⵍⵍⵉ ⵜⵙⴽⵔ ⵜⵎⴰⵡⴰⵙⵜ ⵉⵜⵜⵓⵙⵎⴳⴰⵍⵏ ⴰⴼⴰⴷ ⴰⴷ ⵜⵙⵙⵔⵅⵓ ⵎⴰⴷ ⵉⴼⵍ ⵓⵏⴷⵓⴷⵉ ⵢⴰⴷ ⵅⴼ ⵉⴳⵔ ⴰⵏⴼⵍⴰⵃ.

ⵄⴱⴷ ⵍⵎⴰⵍⴽ ⴱⵣⵉ ⵍⵍⵉ ⵉⴳⴰⵏ ⴰⵎⵙⴽⴰⵔ ⴰⵏⴰⵎⵓⵏ ⴷ ⵓⴼⵍⵍⴰⵃ ⴳ ⵜⴰⴳⵔⴰⵡⵜ ⵜⴰⵍⴳⵓⵏⵜ ⵉⵙⵏⵓⴱⴳ  ⵏⵜⵜⴰ ⵓⵍⴰ ⵜⴰⵎⵔⵏⵉⵡⵜⵍⵍⵉ ⵉⵙⵙⵏ ⵉⴳⵔ ⵏ ⵜⴼⵍⵍⴰⵃⵜ ⴳ ⵜⴰⵙⴳⴰ ⵏ ⵜⴰⵔⵓⴷⴰⵏⵜ ⵙ ⵜⵓⴳⴳⴰⵙ ⵏ ⵓⵖⴰⵡⴰⵙ ⵏ ⵜⵉⵣⵡⵔⵜ ⴷ ⵡⴰⵏⵏⴰⵍ ⵉⵜⵜⵓⴼⴽⴰⵏ ⵉ ⵉⵏⴼⵍⴰⵃⵏ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B3-%E2%B5%9C%E2%B4%B0%E2%B5%94%E2%B5%93%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B7%E2%B5%89%E2%B5%8F%E2%B4%B0%E2%B5%8E%E2%B5%89%E2%B5%9C-%E2%B5%9C%E2%B5%89%E2%B4%BD%E2%B5%8D%E2%B5%89%E2%B5%9C-%E2%B5%A2%E2%B4%B0%E2%B4%B9%E2%B5%8F-%E2%B5%8F-%E2%B5%89%E2%B4%B3%E2%B5%94-%E2%B5%8F-%E2%B5%9C%E2%B5%89%E2%B5%99%E2%B5%99%E2%B5%89-%E2%B5%9C%E2%B4%B3%E2%B4%B0-%E2%B5%9C%E2%B4%B0%E2%B5%96%E2%B4%B0%E2%B5%A1%E2%B5%99%E2%B4%B0-%E2%B5%9C%E2%B4%B0%E2%B5%8E%E2%B5%A3%E2%B5%A1%E2%B4%B0%E2%B5%94%E2%B5%93%E2%B5%9C