ⵜⴳⴰ ⵜⵙⵏⵜⴰⵢⵜ ⵏ ⵓⵎⵏⴰⴹ ⴰⴷ ⵜⴰⵎⵔⴰⵔⵓⵜ ⵏ ⵜⵓⵜⵔⴰ ⵅⴼ ⵡⴰⵎⴰⵏ ⵍⵍⵉ ⵢⵥⵍⵉⵏ ⵙ ⵜⵉⵙⵙⵉ ⵏ ⵉⵙⴰⵢⵔⴰⵔⵏ ⵉⵣⴳⵣⴰⵡⵏ ⴷ ⵜⵎⴷⵔⴰⵡⵜ ⴳ ⵜⵓⴳⴳⴰⵙ ⵉⵍⵍⴰⵏ ⵅⴼ ⴰⵙⴱⴷⴷ ⵏ ⵜⴷⵔⵓⵙⵜ ⵏ ⵡⴰⵎⴰⵏ.
ⵙⴳ 2010, ⵉⵍⵍⴰ ⴷⴰⵔ ⵓⵙⵔⵙ ⵏ "ⵍⵎⵣⴰⵔ" ⵢⴰⵜ ⵜⵥⴹⴰⵕⵜ ⵏ ⵜⵢⴰⴼⵓⵜ ⵉⵍⴽⵎⵏ 11 ⵏ ⵓⵎⵍⵢⵓⵏ ⴰⵎⵉⵜⵔⵓ ⴰⵎⴽⴽⵓⵥ ⵏ ⵡⴰⵎⴰⵏ ⵉⵜⵜⵓⵙⵎⴽⵍⵏ ⴷⴼⴼⵉⵔ ⵏ ⵓⵙⵙⵓⵙⵄⵓ ⵏⵏⵙ ⴳ ⵓⵙⴳⴳⴰⵙ ⵏ 2026, ⵔⴰⴷ ⵜⵍⴽⵎ 24 ⵓⵎⵍⵢⵓⵏ ⴰⵎⵉⵜⵔⵓ ⴰⵎⴽⴽⵓⵥ ⵅⴼ ⵜⵉⵙⵙⵉ ⵏ ⵉⵙⴰⵢⵔⴰⵔⵏ ⵉⵣⴳⵣⴰⵡⵏ ⴷ ⵜⵉⴱⵔⵣⴰ ⵏ ⵍⴳⵓⵍⴼ ⴳ ⵓⴳⴰⴷⵉⵔ ⴰⵎⵇⵔⴰⵏ ⵍⵍⵉⵖ ⵔⴰⴷ ⵜⵉⵍⵉ ⵜⵉⵙⵙⵉ ⵏ 1050 ⵏ ⵓⵀⵉⴽⵜⴰⵕ ⴳ 4 ⵏ ⵉⵙⵔⵙⵏ.
ⵉⵥⵍⵉ ⵎⴰⵢⴰⴷ ⵙ ⴰⵙⵔⴰ ⵏ ⵓⵙⵙⵎⴽⵍ ⵜⵓⵍⵜⵉ ⵙ ⵜⵥⴹⴰⵕⵜ ⵏ 30000 ⴰⵎⵉⵜⵔ ⵓ ⴰⵎⴽⴽⵓⵥ ⴷ ⵢⴰⵏ ⵓⵥⵟⵟⴰ ⵏ ⵜⵉⴽⴽⵉ ⴷ ⵓⵣⵓⵣⵣⵔ ⵏ ⵡⴰⵎⴰⵏ ⵉⵖⵣⵣⵉⴼⵏ ⵙ 87 ⴰⴽⵉⵍⵓⵎⵉⵜⵕ ⵜⵜⵢⴰⵡⵙⴽⴰⵔⵏ ⴳⵉⵙ 84 ⵏ ⵓⴽⵉⵍⵓⵎⵉⵜⵕ, ⴷ ⴰⵙⵔⵙ ⵏ ⵜⵉⴽⴽⵉ ⵙ 245 ⵍⵉⵜⵕⵓ/ⵜⴰⵙⵉⵏⵜ ⴷ 195 ⵍⵉⵜⵕⵓ/ⵜⴰⵙⵉⵏⵜ.
ⵉⵏⵏⴰ ⵓⵏⵙⵙⵉⵅⴼ ⵏ ⵉⴳⵔ ⵏ ⵓⵎⵏⴰⴹ ⴷ ⵡⴰⵎⴰⵏ ⵉⵖⴰⴷⴰⵏ ⴳ ⵜⵙⵏⵓⵔⴰⵢⵜ ⵏⴰⴱⵉⵍ ⵍⵖⵣⴰⵡⵉ, ⵎⴰⵙ ⵔⴰⴷ ⵢⴰⵡⵙ ⵓⵖⴰⵡⴰⵙ ⵏ ⵓⵙⵡⵓⵔⵔⵉ ⵏ ⵡⴰⵎⴰⵏ ⵉⵜⵜⵓⵙⵎⴽⵍⵏ ⵅⴼ ⵜⵉⵙⵙⵉ ⵏ ⵉⵙⴰⵢⵔⴰⵔⵏ ⵉⵣⴳⵣⴰⵡⵏ ⴳ ⵓⵙⵙⴼⵓⵍⴽⵉ ⵏ ⵡⴰⵎⴰⵏ ⴰⴷ ⴱⵍⴰ ⴰⴷ ⵙⵙⵅⴷⵎⵏ ⴰⵎⴰⵏ ⵏ ⵜⵉⵙⵙⵉ ⴷ ⵡⵉⵏ ⵓⵏⴰ ⴳ ⵜⵉⵙⵙⵉ ⵏ ⵉⵙⴰⵢⵔⴰⵔⵏ ⵉⵣⴳⵣⵡⴰⵏ.
ⵙ ⵓⵎⵙⴰⵙⴰ ⴷ ⵜⵏⵏⴰⵢⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ ⵜⵜⵢⴰⵡⵕⵥⴰⵎⵏ ⵎⵏⵏⴰⵡ ⵉⵙⵉⵜⵏ ⵉⵙⵜⵔⴰⵜⵉⵊⵉⵢⵏ ⵎⵏⵉⴷ ⵜⵉⵎⵓⴽⵔⵉⵙⵉⵏ ⵏ ⵏⵏⴰⵇⵚ ⵏ ⵡⴰⵎⴰⵏ ⴳ ⵓⵙⴰⵜⵉ ⵏ ⵓⵖⴰⵡⴰⵙ ⴰⵏⴰⵎⵓⵔ ⵏ ⵡⴰⵎⴰⵏ ⴷ ⵡⵉⵏ ⵜⵉⵙⵙⵉ 2027-2020 ⵍⵍⵉ ⵎⵉ ⵢⵜⵜⵓⴼⴽⴰ ⵢⴰⵏ ⵓⵙⵙⴰⵔⵓ ⵏ 115 ⵏ ⵎⵍⵢⴰⵕ ⵏ ⴷⴷⵔⵀⵎ.