Published on MAPNews (https://www.mapnews.ma/am)

Accueil > ⴰⵙⵙ ⵏ ⵜⵍⴰⵍⵉⵜ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ: ⴰⵣⵎⵣⵣⵓ ⵏ ⵓⵙⵙⴽⵯⵜⵉ ⵏ ⵓⵍⵜⴰⵖ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴳ ⵜⵏⴰⴼⵓⵜ ⵏ ⵜⵖⴰⵡⵙⵉⵡⵉⵏ ⵏ ⵜⵎⵖⴰⵔⵜ ⴷ ⵉⴼⵔⵅⴰⵏ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⴰⵙⵙ ⵏ ⵜⵍⴰⵍⵉⵜ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ: ⴰⵣⵎⵣⵣⵓ ⵏ ⵓⵙⵙⴽⵯⵜⵉ ⵏ ⵓⵍⵜⴰⵖ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴳ ⵜⵏⴰⴼⵓⵜ ⵏ ⵜⵖⴰⵡⵙⵉⵡⵉⵏ ⵏ ⵜⵎⵖⴰⵔⵜ ⴷ ⵉⴼⵔⵅⴰⵏ

26 ⵖⵓⵛⵜ 2024 Version Imprimable
ⵕⵕⴱⴰⵟ - ⴰⵔ ⵜⵙⴼⴼⵓⴳⵍⴰ ⵜⵡⵊⴰ ⵜⴰⴳⵍⴷⴰⵏⵜ ⴷ ⵓⴳⴷⵓⴷ ⴰⵎⵖⵔⴰⴱⵉ, ⴰⵙⵙ ⴰⴷ ⵏ ⵓⵢⵏⴰⵙ 26 ⵖⵓⵛⵜ, ⴰⵙⵙ ⵏ ⵜⵍⴰⵍⵉⵜ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ, ⵍⵍⵉ ⵢⵜⵜⴰⵡⵙⴰⵏ ⵙ ⵓⵙⴰⵏⵜⵍ ⵏⵏⵙ ⵙ ⵜⵏⴽⵔⴰ ⵙ ⵜⵎⵖⴰⵔⵜ ⵜⴰⵎⵖⵔⴰⴱⵉⵜ ⴷ ⵓⵙⴷⵍ ⵏ ⵉⵣⵔⴼⴰⵏ ⵏ ⵉⵄⵔⵔⵉⵎⵏ ⴷ ⴰⵔⴱⴰⵜⵏ, ⵙⵍⴰⵡⵏ ⴰⴽⴽⵯ ⵙ ⵛⴰⵢⴳⴰⵏ ⵏ ⵜⵢⴰⴼⵓⵜⵉⵏ ⵉⵖⵓⴷⴰⵏ ⵉⵜⵜⵓⵙⴽⵔⵏ ⵙ ⵜⵓⴳⴳⴰⵣ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⴳ ⵢⵉⴳⵔ ⴰⴷ.

ⴰⵔ ⵜⴰⴽⴽⴰ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⴰⴷⴷⵓⵔ ⴰⵅⴰⵜⴰⵔ ⵉ ⵢⵄⵔⵔⵉⵎⵏ, ⵍⵍⵉ ⵢⴳⴰⵏ ⵉⵎⴰⵍ ⵏ ⵜⵎⵓⵔⵜ ⵏⵏⵖ, ⴷ ⵜⵙⴽⵔ ⴷⴰⵖ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵛⴰⵢⴳⴰⵏ ⵏ ⵜⵓⴳⴳⴰⵣ ⴳ ⵢⵉⴳⵔ ⴰⵏⴰⵎⵓⵏ ⴷ ⵜⵉⴳⵎⵉ, ⵙⵍⴰⵡⵏ ⴰⴽⴽⵯ ⴰⵙⵖⵓⴷⵓ ⵏ ⵜⵓⴷⵔⵜ ⵏ ⵜⵎⵖⴰⵔⵉⵏ ⴷ ⵉⵄⵔⵔⵉⵎⵏ.

ⵜⵙⴽⵔ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵎⵏⵏⴰⵡ ⵏ ⵜⵎⴰⵙⵙⴰⵢⵉⵏ ⵍⵍⵉⵖ ⵜⴳⴰ ⵜⴰⵏⵙⵙⵉⵅⴼⵜ ⵏ ⵉⵡⵉⵔⵉⵏ ⵉⵏⴰⵎⵓⵏⵏ ⵏ ⵜⴳⴳⴰⵍⵉⵏ ⵜⵉⵍⴰⵍⵉⵏ ⵜⵉⴳⵍⴷⴰⵏⵉⵏ ⴷ ⵓⵙⵉⴷⵔ ⵍⵃⴰⵙⴰⵏ ⵡⵉⵙⵙ ⵙⵉⵏ ⵏ ⵉⵎⵖⵔⴰⴱⵉⵢⵏ ⵉⵣⴷⵖⵏ ⵜⵎⵉⵣⴰⵔ ⵏ ⴱⵕⵕⴰ ⴷ ⵜⵎⵙⵎⵓⵏⵜ ⵜⴰⵎⵖⵔⴰⴱⵉⵜ ⵏ ⵓⵙⵎⴰⵜⴳ ⵏ « ⵍⵢⵓⵏⵉⵙⵉⴼ » ⴷ ⵜⵎⵓⵏⵜ ⵜⴰⵏⴰⵎⵓⵔⵜ ⵏ ⵜⵎⵖⴰⵔⵉⵏ ⵜⵎⵖⵔⴰⴱⵉⵏ ⴷ ⵓⵙⴰⵎⴰⵜⵔ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵉⵄⵔⵔⵉⵎⵏ ⴷ ⵓⴱⵕⵍⴰⵎⴰⵏ ⵏ ⵉⵄⵔⵔⵉⵎⵏ.

ⴼ ⵖⵉⴽⴰⵏⵏ, ⵉⵖⵜⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵉⴼⴽ ⵉ ⵉⵎⵉⵔ 2020 ⴷ 2021 ⴷ 2022 ⴷ 2023 ⵏⵏⴰ ⴷ ⵉⴼⴼⵖⵏ ⵙⴳ ⵜⵉⵏⵎⴰⵍ ⵜⵉⵏⴰⴼⵍⵍⴰⵢⵉⵏ ⵏ ⵍⵄⵚⴽⵕ ⴷ ⵎⴰⴷ ⵉⵔⵡⴰⵙⵏ ⵍⵄⵚⴽⵕ, ⵓⵍⴰ ⵙⵓⵍ ⴹⴹⵓⴱⴱⴰⵟ ⵏ ⵚⵚⴼ ⵉ ⴹⴹⵓⴱⵉⵟ ⵏⵏⴰ ⴷ ⵉⴼⴼⵖⵏ ⴳ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⴰⵙⵙⴰⵖ ⵏ "ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ" ⵅⴼ ⵓⴷⵡⴰⵍ ⴰⴷ ⵙ ⵓⵙⵔⴰⴳ ⵏ ⵡⴰⵜⵉⴳ ⴷ ⵡⴰⴷⴷⵓⵔ ⵏⵏⵙ ⴷⴰⵔⵏⵖ ⴷ ⴷⴰⵔ ⵓⵖⵔⴼ ⴰⵎⵖⵔⵉⴱⵉ ⴷ ⵓⵙⵙⴰⵜⵉⴳ ⵙ ⴰⴽⴽ ⵜⵉⵡⵡⵓⵔⵉⵡⵉⵏ ⵏⵏⴰ ⵜⴻⵜⵜⴳⴳⴰⴳ ⵉⴳⵔ ⴰⵏⴰⵎⵓⵏ ⵏ ⵜⵙⵔⴷⴰⵙⵜ ⵜⴰⴳⵍⴷⴰⵏⵜ ⴷ ⵜⵡⵡⵓⵔⵉ ⵏⵏⴰ ⴰⴽⴽ ⵜⴰⴽⴽⴰ ⵉ ⵜⵎⵖⴰⵔⵜ ⵜⴰⵎⵖⵔⵉⴱⵉⵜ ⴷ ⵜⴰⵣⵣⴰⵏⵉⵏ.

ⴰⵙⵙ ⵏ 26 ⵉⴱⵔⵉⵔ, ⵙ ⵓⵣⵣⵉⴳⵔ ⵏ ⵜⵓⵎⵍⴰⵢⵉⵏ ⵢⴰⵜⵓⵢⵏⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⵎⵖⴰⵔ ⴰⵏⴰⴼⵍⵍⴰ ⴷ ⵓⵏⵙⵙⵉⵅⴼ ⵏ ⵍⵉⵟⴰ ⵎⴰⵊⵓⵕ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ, ⵜⴰⵏⵙⵙⵉⵅⴼ ⵏ ⵜⵏⴰⴼⵓⵜⵉⵏ ⵜⵉⵏⴰⵎⵓⵏⵉⵏ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⴳ ⵜⵎⵓⵣⵔⵜ ⵜⴰⵎⴰⵜⴰⵢⵜ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⴰⵙⵇⵇⵉⵎ ⴰⵎⵙⴳⴳⵓⵔ ⵏ ⵜⵏⴰⴼⵓⵜⵉⵏ ⵜⵉⵏⴰⵎⵓⵏⵉⵏ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ.

ⴰⵙⵙ ⵏ 24 ⴱⵕⴰⵢⵕ, ⵙⵙⵉⵅⴼⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴷ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⴳ ⵓⵙⴳⵔⴰⵡ ⴰⴳⵍⴷⴰⵏ ⵏ ⵍⴳⵓⵍⴼ ⴳ ⴷⴰⵕⵙⵙⴰⵍⴰⵎ ⵜⴰⴼⵓⴳⵍⴰ ⵏ ⵜⵉⴽⴽⵉ ⵏ ⵜⵙⵎⵖⵓⵔⵉⵏ ⴳ ⵜⵙⵓⵜⵍⵜ ⵜⵉⵙⵙ 48 ⵏ ⵜⵙⵎⵖⵓⵔⵜ ⵏ ⵍⵃⴰⵙⴰⵏ ⵡⵉⵙⵙ ⵙⵉⵏ ⴷ ⵜⴰⵙⵓⵜⵍⵜ ⵜⵉⵙⵙ 27 ⵏ ⵜⴽⵓⵙⵜ ⵍⴰⵍⵍⴰ ⵎⵔⵢⵎ ⵏ ⵜⵓⵏⵏⵓⵏⵜ ⵏ ⵍⴳⵓⵍⴼ ⵏⵏⴰ ⵜⵜⵓⵙⴽⴰⵔⵏ, ⵙ ⵉⵡⵉⵣ ⵢⴰⵜⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ.

ⴷ ⴰⵙⵙ ⵏ 19 ⴱⵕⴰⵢⵕ, ⵙ ⵜⵓⵎⵍⴰⵢⵉⵏ ⵢⴰⵜⵜⵓⵢⵏⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵃⴼⴹ ⵕⴱⴱⵉ, ⵜⵜⵓⵙⵏⵓⴱⴳⵏ ⵍⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⵉⴳⵍⴷⵓⵏⵏ ⵍⴰⵍⵍⴰ ⵎⵔⵢⵎ ⴷ ⵍⴰⵍⵍⴰ ⴰⵙⵎⴰ ⴷ ⵍⴰⵍⵍⴰ ⵃⵙⵏⴰ ⴳ ⵉⵎⵛⵍⵉ ⴳ ⵜⴳⴰⴷⵉⵔⵜ ⵏ ⵉⵍⵉⵣⵉ ⵙ ⵜⴰⵖⵓⵔⵉ ⵏ ⵎⴰⵙⵙⴰ ⴱⵔⵉⵊⵉⵜ ⵎⴰⴽⵕⵓⵏ.

ⴷ ⴰⵙⵙ ⵏ 25 ⵏⵓⵡⴰⵏⴱⵉⵔ, ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ, ⴳ ⵜⵙⴷⵍⵉⵙⵜ ⵜⴰⵏⴰⵎⵓⵔⵜ ⵏ ⵜⴳⵍⴷⵉⵜ ⵜⴰⵎⴰⵖⵔⴰⴱⵉⵜ, ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵓⴱⴰⵥⴰⵥ ⵏ ⵜⵡⵍⵍⵓⵖⵜ ⵏ ⵓⵙⴳⵔⴰⵡ ⴰⴷⵉⴱⵍⵓⵎⴰⵙⵉ, ⵏⵏⴰ ⵢⵜⵜⵓⵙⵏⵎⴰⵍⴰⵏ ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ.

 

Dernière modification : 26 ⵖⵓⵛⵜ 2024
Source URL: https://www.mapnews.ma/am/activites-princieres/%E2%B4%B0%E2%B5%99%E2%B5%99-%E2%B5%8F-%E2%B5%9C%E2%B5%8D%E2%B4%B0%E2%B5%8D%E2%B5%89%E2%B5%9C-%E2%B5%8F-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%8E%E2%B5%94%E2%B5%A2%E2%B5%8E-%E2%B4%B0%E2%B5%A3%E2%B5%8E%E2%B5%A3%E2%B5%A3%E2%B5%93-%E2%B5%8F-%E2%B5%93%E2%B5%99%E2%B5%99%E2%B4%BD%E2%B5%AF%E2%B5%9C%E2%B5%89-%E2%B5%8F