Published on MAPNews (https://www.mapnews.ma/am)

Accueil > ⵜⵙⴰⵡⵍ ⵜⵙⵖⵓⵍⵜ ⵏ "ⵊⵓⵏ ⴰⴼⵔⵉⴽ" ⵙ ⵓⴼⵓⵍⴽⵉ ⵅⴼ ⵜⵓⴳⵜ ⵜⴰⴷⵉⴱⵍⵓⵎⴰⵙⵉⵜ ⵏ ⵓⵕⵥⵥⵓⵎ ⵏ ⵜⵉⵇⵉⵚⵓⵍⵉⵏ ⵏ ⵜⵉⵎⵉⵣⴰⵔ ⵜⴰⴳⵎⴰⵜⵉⵏ ⴳ ⵜⵉⴷⴷⵓⴽⵍⴰ ⴳ ⵜⵉⵙⴳⵉⵡⵉⵏ ⵏ ⵉⴼⵓⵙ ⵏ ⵜⴳⵍⴷⵉⵜ

ⵜⵙⴰⵡⵍ ⵜⵙⵖⵓⵍⵜ ⵏ "ⵊⵓⵏ ⴰⴼⵔⵉⴽ" ⵙ ⵓⴼⵓⵍⴽⵉ ⵅⴼ ⵜⵓⴳⵜ ⵜⴰⴷⵉⴱⵍⵓⵎⴰⵙⵉⵜ ⵏ ⵓⵕⵥⵥⵓⵎ ⵏ ⵜⵉⵇⵉⵚⵓⵍⵉⵏ ⵏ ⵜⵉⵎⵉⵣⴰⵔ ⵜⴰⴳⵎⴰⵜⵉⵏ ⴳ ⵜⵉⴷⴷⵓⴽⵍⴰ ⴳ ⵜⵉⵙⴳⵉⵡⵉⵏ ⵏ ⵉⴼⵓⵙ ⵏ ⵜⴳⵍⴷⵉⵜ

23 ⵖⵓⵛⵜ 2024 Version Imprimable
ⵕⵕⴱⴰⵟ - ⵜⵙⴰⵡⵍ ⵜⵙⵖⵓⵍⵜ ⵜⴼⵕⵏⵚⵉⵚⵜ "ⵊⵓⵏ ⴰⴼⵔⵉⴽ" ⴰⵙⵙ ⵏ ⵓⵙⵉⵎⵡⴰⵙ ⵙ ⵓⴼⵓⵍⴽⵉ ⵅⴼ ⵜⵓⴳⵜ ⵜⴰⴷⵉⴱⵍⵓⵎⴰⵙⵉⵜ ⵏ ⵓⵕⵥⵥⵓⵎ ⵏ ⵜⵉⵇⵉⵚⵓⵍⵉⵏ ⵏ ⵜⵉⵎⵉⵣⴰⵔ ⵜⴰⴳⵎⴰⵜⵉⵏ ⴳ ⵜⵉⴷⴷⵓⴽⵍⴰ ⴳ ⵜⵉⵙⴳⵉⵡⵉⵏ ⵏ ⵉⴼⵓⵙ ⵏ ⵜⴳⵍⴷⵉⵜ ⵜⵎⴰⵜⴰⵔⵜ ⵏ ⵓⵔⵥⵥⵓⵎ ⵏ ⵜⴰⵇⵓⵏⵚⵓⵍⵉⵜ ⵜⵎⴰⵜⴰⵢⵜ ⵏ ⵜⵛⴰⴷ ⴳ ⴷⴷⴰⵅⵍⴰ ⴰⵙⵙ ⵏ 14 ⵖⵓⵛⵜ ⵉⵣⵔⵉⵏ.

ⵜⵏⵏⴰ ⵜⵙⵖⵓⵍⵜ ⵏ "ⵊⵓⵏ ⴰⴼⵉⴽ" ⵎⴰⵙ ⵜⴳⴰ ⵜⵛⴰⴷ ⴰⵡⴰⵏⴽ ⴰⵎⴰⵢⵏⵓ ⵍⵍⵉ ⵉⵔⵥⵎⵏ ⵜⴰⵇⵓⵏⵚⵓⵍⵉⵜ ⵍⵍⵉ ⵉⴽⵛⵎⵏ ⴳ ⵓⵙⴰⵜⵉ ⵏ ⵜⴰⵙⵏⵜⴰⵢⵜ ⵜⴰⵟⵍⴰⵉⵜ ⵍⵍⵉ ⵉⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵙ ⴳ ⴳⵉⴳⵉⵔⴰ ⵏ ⵓⵙⴳⴳⵯⴰⵙ ⵏ 2023 ⵍⵍⵉ ⵉⵔⴰⵏ ⴰⴷ ⵉⵜⵜⵓⴼⴽⴰ ⵉ ⵉⵡⴰⵏⴽⵏ ⵏ ⵙⴰⵃⵉⵍ ⴽⵓⵥ ⵍⵍⵉ ⴷⴰⵔ ⵓⵔ ⵉⵍⵍⵉ ⵉⵍⵍ ­(ⵎⴰⵍⵉ ⴷ ⵏⵉⵊⵉⵔ ⴷ ⴱⵓⵔⴽⵉⵏⴰ ⴼⴰⵙⵓ ⴷ ⵜⵛⴰⴷ) ⴰⴽⵛⵛⵓⵎ ⵙ ⵉⵍⵍ ⴰⵟⵍⴰⵙⵉ.

ⵜⵔⵏⴰ ⵜⵏⵏⴰ ⵜⵙⵖⵓⵍⵜ ⵜⴰⴼⵕⴰⵏⵙⵉⵙⵜ ⵎⴰⵙ ⵜⵍⵍⴰ ⴳ ⵜⴰⵎⴷⵉⵏⵜ ⵏⴷⴰⵅⵍⴰ ⵡⴰⴷⵓⵜ 17 ⵏ ⵜⴰⵇⵓⵏⵚⵓⵍⵉⵜ ⵜⴳⴰ ⴰⴳⵊⴷⵉ ⴰⴷⵉⴱⵍⵓⵎⴰⵙⵉ ⴷ ⵜⴰⴷⴷⵓⵔⵜ ⵏ ⵉⴼⵔⵉⵇⵢⴰ ⴰⵛⴽⵓ ⵉⵍⵍⴰ ⴷⴰⵔⵙ ⴰⴼⵜⴰⵙ ⵏ ⵉⵎⴰⵍ (ⴰⴼⵜⴰⵙ ⴰⵟⵍⴰⵙⵉ ⵏ ⴷⴷⴰⵅⵍⴰ) ⵍⵍⵉ ⵔⴰⴷ ⴰⴳ ⴰⵅⴰⵜⴰⵔ ⴳ ⵜⴰⵙⴳⴰ.

ⵉⵍⵍⴰ ⴳ ⵓⵙⵓⴽ ⴰⴷⵉⴱⵍⵓⵎⴰⵙⵉ ⵜⵛⴰⴷ ⴷ ⴷⵊⵉⴱⵓⵜⵉ ⴳ ⴱⵔⴰⵢⵔ 2020 ⴷⵜⴳⴷⵓⴷⴰⵏⵜ ⵏ ⵍⴽⵓⵏⴳⵓ ⴰⴷⵉⵎⵓⵇⵔⴰⵟⵉ ⴳ ⴷⵓⵊⴰⵏⴱⵉⵔ 2022 ⴷ ⵙⵉⵏⵖⴰⵍ ⵖ ⴰⴱⵔⵉⵍ 2021 ⴷ ⵜⵓⴳⵓ ⴳ ⵢⵓⵍⵢⵓⵣ 2022 ⴷ ⵖⵉⵏⵢⴰ ⴳ ⵢⵓⵍⵢⵓⵣ 2023.

ⴳ ⵎⴰⴷ ⵉⵥⵍⵉⵏ ⵙ ⵜⵉⵎⵉⵇⴰⵔ ⵉⵙⴰⵡⵍⵏⵜ ⴷ ⵍⵉⵏⴳⵍⵉⵣⵢⴰ ⴷ ⵜⴰⵙⴱⵍⵢⵓⵏⵉⵜ ⴷ ⵜⴰⴱⵔⵜⵇⵉⵣⵜ ⵉⵍⵍⴰ ⴳ ⵜⴰⵎⴷⵉⵏⵜ ⵜⵉⵏ ⴳⴰⵎⴱⵢⴰ ⴳ ⵉⵏⵏⴰⵢⵔ 2020 ⴷ ⵍⵉⴱⵉⵔⵢⴰ ⵖ ⵎⴰⵔⵙ 2020 ⴷ ⵖⵉⵏⵢⴰ ⵉⵙⵜⵉⵡⴰⵢⴰ ⴳ ⴽⵜⵓⴱⵔ 2020 ⴷ ⵙⵉⵔⴰⵍⵢⵓⵏ ⴳ ⵖⵓⵛⵜ 2021 ⴷ ⴷ ⵖⵉⵏⵢⴰ ⴱⵉⵙⴰⵡ ⴳ ⵓⴽⵜⵓⴱⵔ 2021 ⴷ ⵉⵅⴼ ⴰⵣⴳⵣⴰⵡ ⴳ ⵖⵓⵛⵜ 2022 ⴷ ⵓⵍⴰ ⵀⴰⵢⵜⵉ ⵙⴳ ⴷⵓⵊⴰⵏⴱⵉⵔ 2020 ⴷ ⵙⵓⵔⵉⵏⴰⵎ ⵙⴳ ⵎⴰⵢⵓⵓ 2022 ⴷ ⵜⵉⵎⵔⵙⵍⵜ ⵉⵡⴰⵏⴽ ⵏ ⵍⵇⴱⵍⵜ ⵏ ⴽⴰⵔⴰⵢⴱⵉ ⵍⵍⵉⵖ ⵍⵍⴰⵏⵜ 7 ⵏ ⵉⵡⴰⵏⴽ ⴳ ⵎⴰⵔⵙ 2022.

ⵜⵣⵎⵎⵣ ⵜⵙⵖⵓⵍⵜ ⵎⴰⵙ ⵙⵜⵉⵏⵜ ⵜⵎⵉⵣⴰⵔ ⵜⵉⴼⵔⵉⵇⵉⵢⵉⵏ ⵉⵙⴰⵡⵍⵏ ⵙ ⵜⴰⴼⵕⴰⵏⵙⵉⵙⵜ ⵜⴰⵎⴷⵉⵏⵜ ⵏ ⵍⵄⵢⵓⵏ ⵣⵓⵏⴷ ⵊⵓⵣⵓⵔ ⵍⵇⵓⵎⵓⵕ ⴳ 2019 ⴷ ⵍⴳⴰⴱⵉⵏ ⴷ ⵉⴼⵔⵉⵇⵢⴰ ⵜⴰⵏⵎⵎⴰⵙⵜ ⴳ ⵉⵏⵏⴰⵢⵔ 2020 ⴷ ⴽⵓⵜ ⴷⵉⴼⵡⴰⵔ ⴷ ⴱⵓⵔⴰⵏⴷⵉ ⴳ 2020 ⴷ ⵜⵉⵎⵉⵣⴰⵔ ⵉⵙⴰⵡⵍⵏ ⵙ ⵜⴰⵏⴳⵍⵉⵣⵉⵜ ⴳ ⵜⵍⵍⴰ ⵥⴰⵎⴱⵢⴰ ⴷ ⵉⵙⵜⵓⵏⵉ ⴳ ⴽⵜⵓⴱⵔ 2020 ⴷ ⵎⴰⵍⴰⵡⵉ ⴳ 2021 ⴷ ⵙⴰⵡ ⵜⵓⵎⵉ ⴷ ⴱⵔⵉⵙⵉⴱ ⵉⵙⴰⵡⵍⵏ ⵙ ⵜⴱⵔⵜⵇⵉⵣⵜ ⴳ ⵉⵏⵏⴰⵢⵔ 2020 ⴷ ⵜⵉⵎⵉⵣⴰⵔ ⵜⴰⵄⵔⴰⴱⵉⵏ ⵣⵓⵏ ⵍⵉⵎⴰⵔⴰⵜ ⴳ ⵏⵓⵡⴰⵏⴱⵉⵔ 2020 ⴷ ⵍⴱⵃⵔⵉⵏ ⴳ ⴷⵓⵊⴰⵏⴱⵉⵔ 2020 ⴷ ⵍⵓⵔⴷⵓⵏ ⴳ ⵎⴰⵔⵙ 2021.

ⵉⵔⵏⴰ ⵉⵏⵏⴰ ⵓⵙⴰⴳⵎ ⴰⴷ ⵎⴰ ⵙ ⵔⴰⴷ ⵣⴰⵢⴷⵏⵜ ⵜⵉⵇⵓⵏⵚⵓⵍⵉⵜ ⴳ ⴷⴰⵅⵍⴰ ⵙ ⵓⵕⵥⵥⵓⵎ ⵏ ⴷⵓⵎⵉⵏⴽⴰⵏ ⵜⴰⵇⵓⵏⵚⵓⵍⵉⵜ ⵏⵏⵙ.

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B5%9C%E2%B5%99%E2%B4%B0%E2%B5%A1%E2%B5%8D-%E2%B5%9C%E2%B5%99%E2%B5%96%E2%B5%93%E2%B5%8D%E2%B5%9C-%E2%B5%8F-%E2%B5%8A%E2%B5%93%E2%B5%8F-%E2%B4%B0%E2%B4%BC%E2%B5%94%E2%B5%89%E2%B4%BD-%E2%B5%99-%E2%B5%93%E2%B4%BC%E2%B5%93%E2%B5%8D%E2%B4%BD%E2%B5%89-%E2%B5%85%E2%B4%BC-%E2%B5%9C%E2%B5%93%E2%B4%B3%E2%B5%9C-%E2%B5%9C%E2%B4%B0%E2%B4%B7%E2%B5%89%E2%B4%B1%E2%B5%8D%E2%B5%93%E2%B5%8E%E2%B4%B0%E2%B5%99%E2%B5%89%E2%B5%9C-%E2%B5%8F-%E2%B5%93%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F-%E2%B5%9C%E2%B5%89%E2%B5%87%E2%B5%89%E2%B5%9A%E2%B5%93%E2%B5%8D%E2%B5%89%E2%B5%8F-%E2%B5%8F