Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵢⴰⵏ ⵓⵙⵇⵇⵉⵎ ⵏ ⵉⵎⴰⵡⵙⴰⵙⵏ
  1. Accueil
  2. Activités royales

ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵢⴰⵏ ⵓⵙⵇⵇⵉⵎ ⵏ ⵉⵎⴰⵡⵙⴰⵙⵏ

15 ⴽⵟⵓⴱⵕ 2013 Version Imprimable
ⵕⵕⴱⴰⵟ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⵏⴰⵙ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⴳ ⵕⵕⴱⴰⵟ, ⵢⴰⵏ ⵓⵙⵇⵇⵉⵎ ⵏ ⵉⵎⴰⵡⵙⴰⵙⵏ.

ⵖ ⵜⴳⴰⵔⴰ ⵏ ⵓⵙⵇⵇⵉⵎ ⴰⴷ, ⵉⴼⴽⴰ ⵓⵎⵙⵙⵉⵡⵍ ⵙ ⵉⵙⵎ ⵏ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵎⴰⵙⵙ ⵄⴱⴷⵍⵃⴰⵇ ⵢⴰⵜ ⵜⵙⴳⵓⵔⵉ ⵉⵏⵏⴰ ⴳⵉⵙ ⵎⴰⵙ ⵜⵜⵓⵙⵉⵖⵣⵉⵏ ⴽⵕⴰⴹ ⵏ ⵉⵙⵏⵜⴰ ⵏ ⵉⵙⵍⴳⵏⵏ ⵏ ⵓⵙⵏⵎⴰⵍⴰ ⴷ ⵉⵙⵡⴰⵍⴰⵢⵏ ⵉⵎⴰⵜⴰⵢⵏ ⵏ ⵓⵙⵏⵜⵉ ⵏ ⵓⵙⵍⴳⵏ ⵏ ⵓⵥⵕⴼ ⵏ 2014 ⵓⵍⴰ ⵙⵓⵍ ⵙⵉⵏ ⵉⵙⵏⵜⴰ ⵏ ⵉⵙⵍⴳⵏⵏ ⵉⴹⴱⵉⴱⵏ ⵏ ⵜⵙⵔⴷⴰⵙⵜ ⴷ ⵎⵏⵏⴰⵡ ⵏ ⵏ ⵉⵎⵙⴰⵙⴰⵜⵏ ⵉⴳⵔⴰⵖⵍⴰⵏⵏ.

ⵖ ⵓⵙⵇⵇⵉⵎ ⴰⴷ, ⵉⴼⴽⴰ ⵓⵎⴰⵡⴰⵙ ⵏ ⵜⴷⴰⵎⵙⴰ ⴷ ⵓⵥⵕⴼ ⵢⴰⵏ ⵓⵙⵎⵏⵉⴷ ⵅⴼ ⵉⵙⵡⴰⵍⴰⵏ ⵉⵎⴰⵜⴰⵢⵏ ⵏ ⵓⵙⵏⵜⵉ ⵏ ⵓⵙⵍⴳⵏ ⵏ ⵓⵥⵕⴼ ⵍⵍⵉⵖ ⵉⵍⵍⴰ ⵎⴰⵙ ⴷ ⵢⵓⵛⴽⴰ ⵓⵙⵏⵜⵉ ⵢⴰⴷ ⵖ ⵢⴰⵏ ⵓⵎⵏⴰⴹ ⴰⵏⴰⵎⵓⵔ ⵉⵖⵓⴷⴰⵏ ⴷ ⵢⴰⵏ ⵓⵎⵏⴰⴹ ⴰⴳⵔⴰⵖⵍⴰⵏ ⵍⵍⵉ ⵖ ⵉⵖⵍⵉ ⵡⴰⵜⵉⴳ ⵏ ⵜⵎⵜⵜⴰ ⵉⵎⵣⵡⴰⵔⵏ.

ⵉⵏⵏⴰ ⵓⵎⴰⵡⵙⴰⵙ ⵎⴰⵙ ⵉⴳⴰ ⴰⵡⵜⵜⴰⵙ ⵏ ⵓⵙⵏⵜⵉ ⵢⴰⴷ , ⵖⵎⴽⵍⵍⵉ ⵙ ⵔⴰⵏ ⵉⵙⵡⴰⵍⴰⵏ ⵉⴳⵍⴷⴰⵏⵏ ⵢⴰⵜⵜⵓⵢⵏ, ⴰⴷ ⵉⴽⵎⵎⵍ ⵜⵓⵚⴽⴰ ⵏ ⵜⵎⵔⵙⴰⵍ ⵉⵏⴰⵎⵓⵔⵏ ⴷ ⴰⴷ ⵉⵙⵖⵉⵡⵍ ⴰⵣⵣⵉⴳⵣ ⵏ ⵜⴳⵎⵉ ⴷ ⵜⵏⴽⵔⴰ ⵙ ⵜⵎⵔⵏⵉⵡⵜⴷ ⵓⵙⵙⴰⵔⵓ ⵓⵍⴰ ⵙⵓⵍ ⵜⴰⵡⵔⵉ ⴷ ⵡⴰⵎⵓⵏ.

ⵉⵣⵣⵔⵉ ⵉⵍⵎⵎⴰ ⵓⵙⵇⵇⵉⵎ ⵙⵉⵏ ⵏ ⵉⵙⵏⵜⴰ ⵏ ⵉⵙⵍⴳⵏⵏ ⵉⵥⵍⵉⵏ ⵙ ⵉⴹⴱⵉⴱⵏ ⵏ ⵜⵙⵔⴷⴰⵙⵜ, ⵉⵙⵙⵉⵖⵣⵉⵏ ⵉⵍⵎⵎⴰ ⵎⵏⵏⴰⵡ ⵏ ⵉⵎⵙⴰⵙⴰⵏ ⵉⴳⵔⴰⵖⵍⴰⵏ ⵉⵥⵍⵉⵏ ⵙ ⵉⴳⵔ ⵏ ⵜⴰⵙⵍⵉⵥⵉⵕⵜ ⴷ ⵉⵎⵣⵡⴰⴳⵏ.

ⵙ ⵜⵙⵓⵎⵔⵜ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴷ ⵜⵙⵏⵜⴰⵢⵜ ⵏ ⵓⵎⴰⵡⵙⴰⵙ ⵏ ⵓⴳⵯⵏⵙⵓ, ⵉⵙⵜⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙⵙ ⵅⴰⵍⵉⴷ ⵙⴰⴼⵉⵔ ⴰⴷ ⵉⴳ ⵍⵡⴰⵍⵉ ⵏ ⵜⵙⴳⴰ ⵏ ⴹⴹⴰⵕⵍⴱⵉⴹⴰ ⵜⴰⵎⵇⵕⴰⵏⵜ ⴷ ⵓⵏⴱⴱⴰⴹ ⵏ ⵜⵎⵏⴱⴰⴹⵜ ⵏⵏⵙ ⴷ ⵎⴰⵙⵙ ⵢⴰⵃⵢⴰ ⴱⴰⵢⴰ ⴰⴷ ⵉⴳ ⴰⵏⴱⴱⴰⴹ ⵏ ⵜⵙⴳⴰ ⵏ ⴱⵕⵕⵛⵉⴷ.







 

Dernière modification : 15 ⴽⵟⵓⴱⵕ 2013
Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B7-%E2%B5%A1%E2%B5%89%E2%B5%99%E2%B5%99-%E2%B5%9A%E2%B4%B9%E2%B5%89%E2%B5%9A-%E2%B5%A2%E2%B4%B0%E2%B5%8F-%E2%B5%93%E2%B5%99%E2%B5%87%E2%B5%87%E2%B5%89%E2%B5%8E-%E2%B5%8F-%E2%B5%89%E2%B5%8E%E2%B4%B0%E2%B5%A1%E2%B5%99%E2%B4%B0%E2%B5%99%E2%B5%8F#comment-0