ⵜⴰⵢⵔⵣⴰ ⵏ ⵍⵇⵉⵏⵏⴱ ⵍⵀⵉⵏⴷⵉ: ⴰⵙⵓⵔⴼ ⴰⴳⵍⴷⴰⵏ ⵔⴰⴷ ⵢⴰⵡⵙ ⴳ ⵓⵙⵉⴷⴼ ⵉⵖⵓⴷⴰⵏ ⵏ ⵉⴼⵍⵍⴰⵃⵏ ⴳ ⵓⴱⵔⵉⴷ ⵏ ⵓⵙⵍⴳⵏ ⴰⵏⵎⵀⴰⵍ ⵏ ⵜⵙⵏⵓⵔⴰⵢⵜ ⵜⵏⴰⵎⵓⵔⵜ ⵏ ⵓⵙⵍⴳⵏ ⵏ ⵍⵇⵉⵏⵏⴱ ⵍⵀⵉⵏⴷⵉ

20 ⵖⵓⵛⵜ 2024 Version Imprimable

ⵕⵕⴱⴰⵟ - ⵉⵙⴷⴷⵉⴷ ⵓⵏⵎⵀⴰⵍ ⵏ ⵜⵙⵏⵓⵔⴰⵢⵜ ⵜⵏⴰⵎⵓⵔⵜ ⵏ ⵓⵙⵍⴳⵏ ⵏ ⵉⵎⵓⵙⵙⵉⵜⵏ ⵏ ⵍⵇⵉⵏⵏⴱ ⵍⵀⵉⵏⴷⵉ, ⵎⵓⵃⵎⵎⴷ ⵍⴳⵔⵔⵓⵊ, ⴰⵙⵙ ⵏ ⵓⵙⵉⵏⴰⵙ ⴳ ⵕⵕⴱⴰⵟ, ⵎⴰⵙ ⵉⴳⴰ ⴰⵙⵓⵔⴼ ⴰⴳⵍⴷⴰⵏ ⵅⴼ ⵉⴼⴳⴰⵏ ⵏ ⵓⵏⴽⵉⴹ ⵏⵖⴷ ⵉⵜⵜⵓⴹⴼⴰⵕⵏ ⵏⵖⴷ ⵉⵜⵜⵓⵙⴰⴳⴳⵯⴰⵍⵏ ⴳ ⵜⵖⴰⵡⵙⵉⵡⵉⵏ ⵉⵣⴷⵉⵏ ⴷ ⵜⵢⵓⴳⴰ ⵏ ⵍⵇⵉⵏⵏⴱ ⵍⵀⵉⵏⴷⵉ, ⵔⴰⴷ ⵢⴰⵡⵙ ⴳ ⵓⵙⵉⴷⴼ ⵉⵖⵓⴷⴰⵏ ⵏ ⵉⴼⵍⵍⴰⵃⵏ ⴳ ⵓⴱⵔⵉⴷ ⵏ ⵓⵙⵍⴳⵏ ⴰⵛⴽⵓ ⵍⵍⴰⵏ ⴷⵔⵙⵏ ⵉⵔⵉⵎⵏ ⴳ ⵉⵔⴳ ⴰⴷ.

ⵉⵏⵏⴰ ⵎⴰⵙⵙ ⵍⴳⵔⵔⵓⵊ ⴳ ⵢⴰⵜ ⵜⴰⵙⴳⵓⵔⵉ ⵉ ⵜⴰⵏⵖⵎⴰⵙⵜ ⵎⴰⵙ ⵜⴳⴰ ⵜⵎⴰⵜⴰⵔⵜ ⴰⴷ ⵜⴳⵍⴷⴰⵏⵜ ⵢⴰⵜⵜⵓⵢⵏ " ⵢⴰⵜ ⵜⵖⴰⵡⵙⴰ ⵉ ⵉⵖⵓⴷⴰⵏ ⴷ ⵓⵙⴱⴷⴷⵏ ⵏ ⵜⴰⵢⵔⵣⴰ ⵓⵔ ⵉⵎⵓⵏ ⴷ ⵓⵣⵔⴼ ⵖⵎⴽⵍⵍⵉ ⴷ ⵉⵇⵇⴰⵏ ⴰⴷ ⵜⵙⵏⴼⵍⵏⵜ ⵙ ⵜⵢⵔⵣⴰ ⵢⴰⴹⵏ ⵉⵎⵓⵏ ⴷ ⵓⵣⵔⴼ.

ⵉⵔⵏⵓ ⵢⵏⵏⴰ ⵎⴰⵙ ⴰⵔ ⵉⵎⵎⴰⵍ ⵓⵙⵓⵔⴳ ⴰⴳⵍⴷⴰⵏ ⵍⵄⴰⵟⴼ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵍⵍⵉ ⵢⴰⴽⴽⴰ ⵉ ⵉⴼⴳⴰⵏⵏ ⴰⴷ ⵎⴰⵢⴰⴷ ⵔⴰⴷ ⵢⴰⵡⵙ ⴳ ⵓⵙⵙⵓⵊⴷ ⵏ ⵓⵡⵏⴰⴹ ⵏ ⵍⵀⵏⴰ ⴷⴰⵔ ⵉⴼⵍⵍⴰⵃⵏ ⴷ ⵉⵎⵣⴷⴰⵖⵏ ⵏ ⵜⵙⴳⴳⵉⵡⵉⵏ ⴷ ⵔⴰⴷ ⵉⵙⴱⴷⴷ ⵜⴽⵚⵓⴹⵜ ⵍⵍⵉ ⴷ ⵉⵜⵜⴱⴰⵢⴰⵏ ⴳ ⵉⵏⵎⵓⵇⵇⴰⵔⵏ ⴷ ⵜⴰⵙⵏⵓⵔⴰⵢⵜ.

ⵔⴰⴷ ⵜⴰⵡⵙ ⵜⵙⵏⵜⴰⵢⵜ ⴰⴷ, ⵎⴰⵢⴰⴷ ⵉⵔⵏⴰ ⵢⵏⵏⴰ ⵎⴰⵙⵙ ⵍⴳⵔⵔⵓⵊ, ⵓⵍⴰ ⵓⵕⵥⵥⵓⵎ ⵏ ⵉⵎⵏⵉⴷⵏ ⴷ ⵉⴳⵔⴰⵏ ⵉⵎⴰⵢⵏⵓⵏⵜⵏ ⵉⴷⵎⵙⴰⵏⵏ ⵉ ⵢⵉⵎⵣⴷⴰⵖⵏ ⴷ ⵉⴳⵔ ⵉⵥⵍⵉⵏ ⴰⵏⴰⵎⵓⵔ ⵏⵖ ⴰⴳⵔⴰⵖⵍⴰⵏ ⴷ ⵓⵙⵙⴼⵓⵍⴽⵉ ⵏ ⵉⴷⵔⵉⵎⵏ ⴷ ⵡⴰⴷⴷⴰⴷⵏ ⵏ ⵜⵓⴷⵔⵜ ⵏ ⵉⴼⴳⴰⵏⵏ ⴰⴷ ⴳ ⵢⴰⵏ ⵓⵙⴰⵜⵉ ⵏ ⵓⵣⵔⴼ ⴷ ⵜⵓⵙⴽⴰ ⵏ ⵢⴰⵏ ⵓⵣⵎⵣ ⴰⵎⴰⵢⵏⵓ ⴳ ⵓⴱⵔⵉⴷ ⵏ ⵓⵙ,ⵓⵔⵙ ⵏ ⵏ ⵍⵡⵔⵛ ⵏ ⵜⴰⵢⵔⵣⴰ ⵏ ⵍⵇⵏⵏⵉⴱ ⵍⵀⵉⵏⴷⵉ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B4%B0%E2%B5%A2%E2%B5%94%E2%B5%A3%E2%B4%B0-%E2%B5%8F-%E2%B5%8D%E2%B5%87%E2%B5%89%E2%B5%8F%E2%B5%8F%E2%B4%B1-%E2%B5%8D%E2%B5%80%E2%B5%89%E2%B5%8F%E2%B4%B7%E2%B5%89-%E2%B4%B0%E2%B5%99%E2%B5%93%E2%B5%94%E2%B4%BC-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F-%E2%B5%94%E2%B4%B0%E2%B4%B7-%E2%B5%A2%E2%B4%B0%E2%B5%A1%E2%B5%99-%E2%B4%B3-%E2%B5%93%E2%B5%99%E2%B5%89%E2%B4%B7%E2%B4%BC-%E2%B5%89%E2%B5%96%E2%B5%93%E2%B4%B7%E2%B4%B0%E2%B5%8F-%E2%B5%8F-%E2%B5%89%E2%B4%BC%E2%B5%8D%E2%B5%8D%E2%B4%B0%E2%B5%83%E2%B5%8F-%E2%B4%B3-%E2%B5%93%E2%B4%B1%E2%B5%94%E2%B5%89%E2%B4%B7-%E2%B5%8F