ⵜⵙⵏⵎⴰⵍⴰ ⵜⵎⴰⵡⴰⵙⵜ ⵏ ⵜⴷⵓⵙⵉ ⴷ ⵓⴼⵔⴰⴳ ⴰⵏⴰⵎⵓⵏ ⵢⴰⵏ ⵓⵏⵎⵓⵇⵇⴰⵔ ⴰⴼⴰⴷ ⴰⴷ ⵜⵥⵕ ⴰⴷⴷⴰⴷ ⵏ ⵓⴱⴰⵢⵢⵓⵕ ⵏ ⵊⵊⴷⵔⵉ ⵏ ⵓⴱⴰⵖⵓⵙ ⴷ ⵓⵙⴷⵓⵙ ⵏ ⵜⵡⵓⵔⵉⵡⵉⵏ ⵏ ⵓⴼⵔⴰⴳ

16 ⵖⵓⵛⵜ 2024 Version Imprimable

ⵕⵕⴱⴰⵟ - ⵉⵙⴽⵔ ⵓⵎⴰⵡⵙⴰⵙ ⵏ ⵜⴷⵓⵙⵉ ⴷ ⵓⴼⵔⴰⴳ ⴰⵏⴰⵎⵓⵏ, ⵅⴰⵍⵉⴷ ⴰⵢⵜ ⵟⴰⵍⴱ, ⴰⵙⵙ ⵏ ⵓⵙⵉⵎⵡⴰⵙ ⵢⴰⵏ ⵓⵏⵎⵓⵇⵇⴰⵔ ⴷ ⵜⴰⴳⵔⴰⵡⵜ ⵜⴰⵎⵙⵙⴰⵏⵜ ⵉⵥⵍⵉⵏ ⵅⴼ ⵓⵣⵣⵔⵓ ⵏ ⵉⵎⴰⵢⵏⵓⵜⵏ ⵏ ⵓⴱⴰⵢⵢⵓⵕ ⴳ ⵓⵙⴰⵡⵔⴰⵔ ⴰⵏⴰⵎⵓⵔ ⴷ ⴰⴳⵔⴰⵖⵍⴰⵏ ⴳ ⵓⵙⵜⵉ ⵏ ⵜⵡⵓⵔⵉⵡⵉⵏ ⵜⵉⵎⵣⵡⵓⵔⴰ ⴷ ⵜⵓⴳⴳⴰⵙ ⵍⵍⵉ ⵉⵙⴽⴰⵔ ⵍⵎⵖⵔⵉⴱ ⴷⴷⵓ ⵉⵏⴰⴹⵏ ⵉⴳⵍⴷⴰⵏⵏ ⵢⴰⵜⵜⵓⵢⵏ ⴰⴼⴰⴷ ⴰⴷ ⵉⵜⵜⵢⴰⵡⵙⵙⴰⵏ ⴰⴷⴷⴰⵏ ⵏ ⵓⴱⴰⵢⵢⵓⵕ ⵏ ⵊⵊⴷⵔⵉ ⵏ ⵓⴱⴰⵖⵓⵙ (ⵉⵎ-ⴱⵓⴽⵙ).

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵎⴰⵡⴰⵙⵜ ⵎⴰⵙ ⵉⵙⴰⵡⵍ ⵓⵏⵎⵓⵇⵇⴰⵔ ⴰⴷ ⵅⴼ ⵓⵖⴰⵡⴰⵙ ⵏ ⵓⵙⴰⴹⴼ ⵏ ⵓⴱⴰⵢⵢⵓⵕ ⴳ ⵍⵎⵖⵔⵉⴱ ⵍⵍⵉ ⵉⴼⴽⴰⵏ ⵜⵉⵢⴰⴼⵓⵜⵉⵏ ⵉⵖⵓⴷⴰⵏ ⴳ ⵎⴰⴷ ⵉⵥⵍⵉⵏ ⵙ ⵍⵃⴰⵍⴰⵜ ⵍⵍⵉⴷ ⵉⴽⵛⵎⵏ ⴷ ⵓⵙⵔⵙ ⵏ ⵓⴽⵛⵛⵓⵎ ⴷⵖⵢⴰ.

ⵉⵔⵏⵓ ⵉⵏⵏⴰ ⵎⴰⵙ ⵉⵙⴷⴷⵉⴷ ⵎⴰⵙⵙ ⴰⵢⵜ ⵟⴰⵍⴱ ⵅⴼ ⵎⴰⵙⴷ ⵉⵇⵇⴰⵏ ⴰⴷ ⵣⴷⵉⵏⵜ ⵜⵉⵡⵓⵔⵉⵡⵉⵏ ⴰⴼⴰⴷ ⴰⴷ ⴰⵙⴷⵓⵙ ⵏ ⵓⵖⴰⵡⴰⵙⴰⴷ ⵍⵍⵉ ⵉⵎⵙⴰⵙⴰⵏ ⴷ ⵜⵉⵖⵟⴰⵙⵉⵏ ⵏ ⵜⴰⵎⴰⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⴷ ⵜⴷⵓⵙⵉ.

ⴳ ⵓⵙⴰⵜⵉ ⵢⴰⴷ ⵉⵙⴰⵡⵍ ⵓⵏⵎⵓⵇⵇⴰⵔⴰ ⴷ ⵅⴼ ⵍⴱⵔⵓⵟⵓⴽⵓⵍ ⵏ ⵓⵙⵊⵉⵊⵊⵉ ⵎⵏⵉⴷ ⵏ ⵓⴱⴰⵢⵢⵓⵕ ⵏ ⵊⵊⴷⵔⵉ ⵏ ⵓⴱⴰⵖⵓⵙ (ⵉⵎ -ⴱⵓⴽⵙ) ⴷ ⵎⴰⵙ ⴷ ⵉⵇⵇⴰⵏ ⴰⴷ ⵜⵜⵢⴰⴼⴰⵏ ⵉⵎⴰⵙⵙⵏ ⵏ ⵓⵙⵊⵉⵊⵊⵉ ⴷ ⵓⴹⴼⵕ ⵏ ⵍⵃⴰⵍⴰⵜ ⵍⵍⵉ ⵉⵥⴹⴰⵕⵏ ⴰⴷ ⵉⵍⵉⵏⵜ.

ⵉⵙⴰⵡⵍ ⵓⵏⵎⵓⵇⵇⴰⵔⴰ ⴷ ⵓⵍⴰ ⵅⴼ ⵡⴰⴷⴷⵓⵔ ⵏ ⵜⵓⴳⴳⴰⵙ ⵏ ⵓⵙⴼⵔⴽ ⵉ ⵉⴼⴳⴰⵏⵏ ⵙ ⵜⵉⴽⴽⵉ ⵏ ⵉⵎⵛⵉⵡⵔⵏ ⵉⵥⵍⵓⵏ ⵙ ⵜⴰⴷⵓⵙⵉ ⴰⴼⴰⴷ ⴰⴷ ⵉⴱⴷⴷ ⵓⴱⴰⵢⵢⵓⵕ ⴰⴷ.

ⵜⵖⵕⴰ ⵜⵎⴰⵡⴰⵙⵜ ⵏ ⵜⴷⵓⵙⵉ ⴷ ⵓⴼⵔⴰⴳ ⴰⵏⴰⵎⵓⵏ ⵜⵉⴽⵜⵍⵉⵜ ⵢⴰⴹⵏ ⵉ ⵢⴰⴽⴽⵯ ⵉⵎⵖⵔⵉⴱⵉⵢⵏ ⴰⴷ ⴷⴰⵔⵙⵏ ⵜⵉⵍⵉ ⵜⵎⵙⴳⴳⴰⵔⵜ ⴷ ⵍⵢⴰⵇⴰⴷⴰ ⴷ ⴰⴷ ⴰⵎⵥⵏ ⵙ ⵜⵉⵎⵉⵜⴰⵔ ⵏ ⵜⴰⴷⵓⵙⵉ ⴷ ⴰⴷ ⴹⴼⵕⵏ ⵉⵙⴰⴳⵎⵏ ⵉⵎⴰⴷⴷⵓⴷⵏ ⵏ ⵉⵏⵖⵎⵉⵙⵏ.

Source URL: https://www.mapnews.ma/am/actualites/%E2%B4%B0%E2%B5%8F%E2%B5%8E%E2%B5%8F%E2%B4%B0%E2%B4%B9/%E2%B5%9C%E2%B5%99%E2%B5%8F%E2%B5%8E%E2%B4%B0%E2%B5%8D%E2%B4%B0-%E2%B5%9C%E2%B5%8E%E2%B4%B0%E2%B5%A1%E2%B4%B0%E2%B5%99%E2%B5%9C-%E2%B5%8F-%E2%B5%9C%E2%B4%B7%E2%B5%93%E2%B5%99%E2%B5%89-%E2%B4%B7-%E2%B5%93%E2%B4%BC%E2%B5%94%E2%B4%B0%E2%B4%B3-%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%8F-%E2%B5%A2%E2%B4%B0%E2%B5%8F-%E2%B5%93%E2%B5%8F%E2%B5%8E%E2%B5%93%E2%B5%87%E2%B5%87%E2%B4%B0%E2%B5%94-%E2%B4%B0%E2%B4%BC%E2%B4%B0%E2%B4%B7-%E2%B4%B0%E2%B4%B7-%E2%B5%9C%E2%B5%A5%E2%B5%95-%E2%B4%B0%E2%B4%B7%E2%B4%B7%E2%B4%B0%E2%B4%B7-%E2%B5%8F-%E2%B5%93%E2%B4%B1%E2%B4%B0%E2%B5%A2%E2%B5%A2%E2%B5%93%E2%B5%95-%E2%B5%8F