Published on MAPNews (https://www.mapnews.ma/am)

Accueil > ⵜⵙⴷⴷⵉⴷ ⵜⵛⴰⴷ ⵜⵉⴽⵍⵉⵜ ⵢⴰⴹⵏ ⴰⴽⵛⵛⵓⵎ ⵏⵏⵙ ⴳ ⵜⴰⵙⵏⵜⴰⵢⵜ ⵜⴰⴳⵍⴷⴰⵏⵜ ⵏ ⵓⵙⵙⵔⵅⵓ ⵏ ⵓⵙⴷⵉⴼ ⵏ ⵉⵡⴰⵏⴽⵏ ⵏ ⵙⵙⴰⵃⵉⵍ ⵙ ⵓⴳⴰⵔⵓ ⴰⵟⵍⴰⵙⵉ ⴷ ⵜⵉⵔⴰⵜ ⵏⵏⵙ ⵏ ⵓⵣⵣⵉⴳⵣ ⵏ ⵜⵙⵏⵜⴰⵢⵜ ⴰⴷ

ⵜⵙⴷⴷⵉⴷ ⵜⵛⴰⴷ ⵜⵉⴽⵍⵉⵜ ⵢⴰⴹⵏ ⴰⴽⵛⵛⵓⵎ ⵏⵏⵙ ⴳ ⵜⴰⵙⵏⵜⴰⵢⵜ ⵜⴰⴳⵍⴷⴰⵏⵜ ⵏ ⵓⵙⵙⵔⵅⵓ ⵏ ⵓⵙⴷⵉⴼ ⵏ ⵉⵡⴰⵏⴽⵏ ⵏ ⵙⵙⴰⵃⵉⵍ ⵙ ⵓⴳⴰⵔⵓ ⴰⵟⵍⴰⵙⵉ ⴷ ⵜⵉⵔⴰⵜ ⵏⵏⵙ ⵏ ⵓⵣⵣⵉⴳⵣ ⵏ ⵜⵙⵏⵜⴰⵢⵜ ⴰⴷ

14 ⵖⵓⵛⵜ 2024 Version Imprimable
ⴷⴷⴰⵅⵍⴰ - ⵉⵙⴷⴷⵉⴷ ⵓⵎⴰⵡⵙⴰⵙ ⵏ ⵓⵡⴰⵏⴽ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵙⵉⴷⴼ ⴰⴼⵔⵉⵇⵉ ⴷ ⵉⵜⵛⴰⴷⵉⵢⵏ ⵏ ⴱⵔⵕⴰ ⴷ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⴰⵎⵙⵉⵡⵍ ⵙ ⵉⵙⵎ ⵏ ⵜⴰⵏⴱⴰⴹⵜ, ⵎⴰⵙⵙ ⵄⴱⴷⵔⵃⵎⴰⵏ ⵖⵓⵍⴰⵎ ⵍⵍⴰⵀ, ⴰⵙⵙ ⵏ ⵓⴽⵚⴰⵙ ⴳ ⴷⴷⴰⵅⵍⴰ, ⵜⵉⴽⵍⵉⵜ ⵢⴰⴹⵏ ⴰⴽⵛⵛⵓⵎ ⵏ ⵜⴰⵎⴰⵣⵉⵔⵜ ⵏⵏⵙ ⴳ ⵜⴰⵙⵏⵜⴰⵢⵜ ⵜⴰⴳⵍⴷⴰⵏⵜ ⵏ ⵓⵙⴷⵓⵙ ⵏ ⵓⵙⴷⵉⴼ ⵏ ⵉⵡⴰⵏⴽⵏ ⵏ ⵙⵙⴰⵃⵉⵍ ⵙ ⵓⴳⴰⵔⵓ ⴰⵟⵍⴰⵙⵉ.

ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⴰⴷⵉⴱⵍⵓⵎⴰⵙⵉⵜ ⵏ ⵜⵛⴰⴷ ⴳ ⵢⴰⴱ ⵓⵙⵉⵡⴹ ⵉⵛⵛⴰⵔⵏ ⵍⵍⵉ ⵉⵙⵙⴳⵎⴹ ⴰⵙⵙ ⴰⴷ ⴳ ⴷⴷⴰⵅⵍⴰ ⴳ ⵜⴰⵎⴰ ⵏ ⵓⵎⴰⵡⴰⵙ ⵏ ⵜⵖⴰⵡⵙⵉⵙⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵢⵏ ⵣⴷⵖⵏⵉⵏ ⴳ ⴱⵕⵕⴰ, ⵏⴰⵚⵕ ⴱⵓⵕⵉⵟⴰ, ⵅⴼ ⵜⵉⵍⴰⵍⵜ ⵍⵍⵉ ⵢⴰⴽⴽⴰⵏ ⵉⵏⵙⵙⵉⵅⴼⵏ ⵏ ⵜⵉⵎⵉⵣⴰⵔ ⵙⵏⴰⵜ ⵉ ⵓⵙⵙⴷⵓⵙ ⵏ ⵉⵎⵢⴰⵙⵙⴰⵏ ⵏ ⵜⵙⴱⴱⴰⴱⵜ ⴳⵔ ⵜⵉⵎⵉⵣⴰⵔ ⵜⴰⴳⵎⴰⵜⵉⵏ ⵙⵍⴰⵡⴰⵏ ⴰⴽⴽⵯ ⴳ ⵓⵙⴰⵜⵉ ⵏ ⵜⴰⵙⵏⵜⴰⵢⵜ ⵜⴰⴳⵍⴷⴰⵏⵜ ⵏ ⵓⵙⴷⵓⵙ ⵏ ⵓⴽⵛⵛⵓⵎ ⵏ ⵜⵉⵎⵉⵣⴰⵔ ⵏ ⵙⵙⴰⵃⵉⵍ ⵙ ⵓⴳⴰⵔⵓ ⴰⵟⵍⴰⵙⵉ , ⵉⵎⵍⴰ ⵓⵍⴰ ⵜⵉⵔⴰⵜ ⵏ ⵜⴰⵎⵓⵔⵜ ⵏⵏⵙ ⴰⴼⴰⴷ ⴰⵣⵣⵉⴳⵣ ⵏ ⵜⴰⵙⵏⵜⴰⵢⵜ ⴰⴷ.

ⵉⵙⵙⵉⵙⴼⵉⵡ ⵎⴰⵙⵙ ⵖⵓⵍⴰⵎ ⵍⵍⴰⵀ ⵎⴰⵙ "ⵜⵎⵙⴰⵙⴰ ⵜⵙⵏⵜⴰⵢⵜ ⴰⴷ ⵔⵔⵊⴰ ⵏ ⵜⵉⵎⵉⵣⴰⵔ ⵏ ⵙⵙⴰⵃⵉⵍ ⵍⵍⵉ ⴷⴰⵔ ⵓⵔ ⵉⵍⵍⵉ ⴰⵙⵖⴰⵔ ⵅⴼ ⵉⵍⵍ ⴷ ⵔⴰⴷ ⵜⴷⵔⵓ ⵓⵍⴰ ⵅⴼ ⴰⵙⵙⴼⵓⵍⴽⵉ ⵏ ⵜⵓⴷⵔⵜ ⵏ ⵉⵎⵣⴷⴰⵖⵏ ⵓⵔⴷ ⴳ ⵜⴰⵙⴳⴰⵏ ⵙⵙⴰⵃⵉⵍ ⵡⴰⵃⴷⵓⵜ ⵎⴰⵛ ⴳ ⵜⴰⵙⴳⴰ ⵏ ⵜⴰⴳⵓⵜ ⵏ ⵉⴳⵔⵉⵇⵢⴰ ⴰⴽⴽⵯ".

ⴳ ⵎⴰⴷ ⵥⵍⵄⵉⵏ ⵙ ⵓⵣⵣⵓⴳⵣ ⵏ ⵜⴰⵙⵏⵜⴰⵢⵜ ⴰⴷ ⵜⴰⵙⵜⵔⴰⵜⵉⵊⵉⵜ, ⵉⵙⵙⴼⵓⵍⴽⵉⵏ ⵉⵎⴰⵡⴰⵙⵏ ⵜⴰⵡⵓⵔⵉ ⵍⵍⵉ ⵙⴽⵔⵏⵜ ⵜⵉⴳⵔⴰⵡⵉⵏ ⵏ ⵜⵡⵓⵔⵉ ⵜⴰⵏⴰⵎⵓⵔⵜ ⴳ ⵉⵏⵎⵓⵇⵇⴰⵔⵏ ⵍⵍⵉ ⵉⵣⵔⵉⵏ ⴳ ⵕⵕⴱⴰⵟ ⵓⵙⵙⴰⵏ ⵏ 5 ⴷ 6 ⵢⵓⵏⵢⵓ 2024.

ⴳ ⵜⵙⴳⴰ ⵢⴰⴹⵏ ⵖ ⵉⵙⵙⴼⵓⵍⴽⵉ ⵓⵎⴰⵡⴰⵙ ⴰⵜⵛⴰⴷⵉ ⵜⴰⵙⵏⵜⴰⵢⵜ ⵉⵖⵓⴷⴰⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵓⵙⴰⵜⵉ ⵏ ⵓⵖⴰⵡⴰⵙ ⵏ ⵜⵉⵎⵉⵣⴰⵔ ⵏ ⵉⴼⵔⵉⵇⵢⴰ ⵏ ⵍⴰⵟⵍⴰⵙⵉ ⵍⵍⵉ ⵉⵔⴰⵏ ⴰⵙⵙⴷⵓⵙ ⵏ ⵓⵎⵢⴰⵡⴰⵙ ⵙ ⴰⴷ ⵉⴳ ⵓⵙⴰⵢⵔⴰⵔ ⴰⴼⵔⵉⵇⵉ ⵏ ⵍⴰⵟⵍⴰⵙⵉ ⴷ ⵙⵙⵃⵉⵍ ⴰⵙⴰⵜⵉ ⴰⵊⵢⵓⵙⵜⵔⴰⵜⵉⵊⵉ ⵏ ⵓⵎⵢⴰⵡⴰⵙ ⴰⴼⵔⵉⵇⵉ.

ⵖⵎⴽⵍⵍⵉ ⵙⵙⴼⵓⵍⴽⵉⵏ ⵉⵎⴰⵡⴰⵙⵏ ⵜⴰⵡⵓⵔⵉ ⵉⵖⵓⴷⴰⵏ ⵉⵜⵜⵓⵙⴽⴰⵔⵏ ⴳ ⵜⵓⵙⴽⴰ ⵏ ⵓⵖⴰⵡⴰⵙ ⵏ ⵓⴱⵔⵉⴷ ⵏ ⵍⴳⴰⵣ ⴰⵟⵍⴰⵙⵉ ⴰⴼⵔⵉⵇⵉ ⵏⵉⵊⵉⵔⵢⴰ ⵍⵎⵖⵔⵉⴱ, ⵍⵍⵉ ⵢⴳⴰⵏ ⵜⴰⵎⵜⴰⵔⵜ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ ⵍⵍⵉ ⵔⴰⴷ ⵉⴷⵔⵓ ⵉⵖ ⵉⴽⵎⵎⵍ ⴳ ⵓⵙⵙⴼⵓⵍⴽⵉ ⵏ ⵜⵓⴷⵔⵜ ⵏ ⵉⵎⵣⴷⴰⵖⵏ ⴷ ⵓⵙⵙⵉⴷⴳ ⴰⴷⴰⵎⵙⴰⵏ ⵏ ⵜⴰⵙⴳⴰ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B4%B9%E2%B4%B0%E2%B5%8F/%E2%B5%9C%E2%B5%99%E2%B4%B7%E2%B4%B7%E2%B5%89%E2%B4%B7-%E2%B5%9C%E2%B5%9B%E2%B4%B0%E2%B4%B7-%E2%B5%9C%E2%B5%89%E2%B4%BD%E2%B5%8D%E2%B5%89%E2%B5%9C-%E2%B5%A2%E2%B4%B0%E2%B4%B9%E2%B5%8F-%E2%B4%B0%E2%B4%BD%E2%B5%9B%E2%B5%9B%E2%B5%93%E2%B5%8E-%E2%B5%8F%E2%B5%8F%E2%B5%99-%E2%B4%B3-%E2%B5%9C%E2%B4%B0%E2%B5%99%E2%B5%8F%E2%B5%9C%E2%B4%B0%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%8F-%E2%B5%93%E2%B5%99%E2%B5%99%E2%B5%94%E2%B5%85%E2%B5%93-%E2%B5%8F-%E2%B5%93%E2%B5%99%E2%B4%B7%E2%B5%89%E2%B4%BC-%E2%B5%8F-%E2%B5%89%E2%B5%A1%E2%B4%B0%E2%B5%8F%E2%B4%BD%E2%B5%8F-%E2%B5%8F