Published on MAPNews (https://www.mapnews.ma/am)

Accueil > ⵜⵕⵥⵎ ⵜⵛⴰⴷ ⵢⴰⵜ ⵜⵙⵇⵓⵏⵙⵓⵜ ⵜⴰⵎⴰⵜⴰⵢⵜ ⴳ ⴷⴷⴰⵅⵍⴰ

ⵜⵕⵥⵎ ⵜⵛⴰⴷ ⵢⴰⵜ ⵜⵙⵇⵓⵏⵙⵓⵜ ⵜⴰⵎⴰⵜⴰⵢⵜ ⴳ ⴷⴷⴰⵅⵍⴰ

14 ⵖⵓⵛⵜ 2024 Version Imprimable
ⴷⴷⴰⵅⵍⴰ - ⵜⵕⵥⵎ ⵜⴳⴷⵓⴷⴰⵏⵜ ⵏ ⵜⵛⴰⴷ, ⴰⵙⵙ ⵏ ⵓⴽⵕⴰⵙ, ⵢⴰⵜ ⵜⵙⵇⵓⵏⵙⵓⵜ ⵜⴰⵎⴰⵜⴰⵢⵜ ⴳ ⴷⴷⴰⵅⵍⴰ.

ⴰⵕⵥⵥⵓⵎ ⵏ ⵓⵙⵖⵉⵎ ⵏ ⵜⵙⵇⵓⵏⵙⵓⵜ ⵜⵎⴰⵜⴰⵢⵜ ⴷ ⵓⵙⵔⵓⵙ ⵏ ⵓⵇⵓⵏⵙⵓ ⴰⵎⴰⵜⴰⵢ ⴰⵎⴰⵢⵏⵓ ⵣⵔⵉⵏ ⴳ ⵓⵣⵎⵣⵣⵓ ⵏ ⵢⴰⵜ ⵜⴼⵓⴳⵍⴰ ⵍⵍⵉ ⵙⵙⵉⵅⴼⵏ ⵓⵎⴰⵡⵙⴰⵙ ⵏ ⵓⵡⴰⵏⴽ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵙⵉⴷⴼ ⴰⴼⵔⵉⵇⵉ ⴷ ⵉⵜⵛⴰⴷⵉⵢⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ, ⴰⵎⵙⵡⵉⵍ ⵙ ⵉⵙⵎ ⵏ ⵜⵏⴱⴰⴹⵜ, ⵎⴰⵙⵙ ⵄⴱⴷⵕⵕⵃⵎⴰⵏ ⴽⵓⵍⴰⵎⴰⵍⵍⴰⵀ, ⴷ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴰⴱⵉⵢⵏ ⵣⴷⵖⵏⵉⵏ ⴳ ⴱⵕⵕⴰ, ⵎⴰⵙⵙ ⵏⴰⵚⵕ ⴱⵓⵕⵉⵟⴰ.  

ⴰⵕⵥⵥⵓⵎ ⵏ ⵜⵙⵇⵓⵏⵙⵓⵜ ⵜⵎⴰⵜⴰⵢⵜ ⵜⴰⵜⵛⴰⴷⵉⵜ ⴳ ⴷⴷⴰⵅⵍⴰ ⵉⵎⵍⴰ ⵜⵖⵜⴰⵙⵜ ⵏ ⵜⴳⴷⵓⴷⴰⵏⵜ ⵏ ⵜⵜⵛⴰⴷ ⵍⵍⵉ ⵜⵙⵙⵉⴼⴹ ⵉ ⵜⵏⴱⴰⴹⵉⵏ ⵜⵉⵎⵖⵔⴰⴱⵉⵢⵏ ⴰⵙⵙ ⵏ 7 ⵛⵓⵜⴰⵏⴱⵉⵔ 2022, ⴰⴼ ⴰⴷ ⵜⵏⵏⵓⵕⵥⵎ ⵢⴰⵜ ⵜⵙⵇⵓⵏⵙⵓⵜ ⵜⴰⵎⴰⵜⴰⵢⵜ ⴳ ⴷⴷⴰⵅⵍⴰ, ⴳ ⵚⵚⵃⵕⴰ ⵜⵎⵖⵔⴰⴱⵉⵜ.

ⴰⵎⵎⴰⵙ ⵏ ⵜⴼⵓⴳⵍⴰ ⵢⴰⴷ, ⵙⴷⴷⵉⴷⵏ ⵙⵉⵏ ⵉⵎⴰⵡⵙⴰⵙⵏ ⵎⴰⵙ ⴰⵕⵥⵥⵓⵎ ⵏ ⵜⵙⵇⵓⵏⵙⵓⵜ ⵜⵎⴰⵜⴰⵢⵜ ⵏ ⵜⵜⵛⴰⴷ ⴳ ⴷⴷⴰⵅⵍⴰ ⵉⵎⵍⴰ ⵜⴰⵖⴰⵔⴰ ⴷ ⴰⵙⵙⴰⵙ ⵏ ⵜⵓⵇⵇⵏⴰ ⵉⵙⵎⴰⵏⵏ ⵍⵎⵖⵔⵉⴱ ⴷ ⵜⵜⵛⴰⴷ, ⵖⵉⴽ ⵍⵍⵉ ⵔⴰⵏ ⵉⵏⴹⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴷ ⴳⵯⵎⴰⵜ ⴰⵏⵙⵙⵉⵅⴼ ⵎⴰⵀⴰⵎⴰⵜ ⵉⴷⵔⵉⵙ ⴷⵉⴱⵉ ⵉⵜⵏⵓ.

ⴷⴼⴼⵉⵔ ⵍⵍⵉⵖ ⵜⵕⵥⵎ ⵜⴳⴷⵓⴷⴰⵏⵜ ⵏ ⵜⵛⴰⴷ ⵉ ⵜⵙⵇⵓⵏⵙⵓⵜ ⵏⵏⵙ ⴳ ⴷⴷⴰⵅⵍⴰ, ⵉⵍⴽⵎ ⵓⵎⵏⵏⴰⵡ ⵏ ⵜⵙⵇⵓⵏⵙⵓⵜⵉⵏ ⵉⵕⵥⵎⵏ ⴳ ⵜⵙⴳⵉⵡⵉⵏ ⵏ ⵉⴼⴼⵓⵙ 29, 17 ⴳⵉⵜⵙⵏ ⵍⵍⴰⵏ ⴳ ⴷⴷⴰⵅⵍⴰ.

 

Source URL: https://www.mapnews.ma/am/actualites/%E2%B4%B0%E2%B5%8F%E2%B5%8E%E2%B5%8F%E2%B4%B0%E2%B4%B9/%E2%B5%9C%E2%B5%95%E2%B5%A5%E2%B5%8E-%E2%B5%9C%E2%B5%9B%E2%B4%B0%E2%B4%B7-%E2%B5%A2%E2%B4%B0%E2%B5%9C-%E2%B5%9C%E2%B5%99%E2%B5%87%E2%B5%93%E2%B5%8F%E2%B5%99%E2%B5%93%E2%B5%9C-%E2%B5%9C%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2%E2%B5%9C-%E2%B4%B3-%E2%B4%B7%E2%B4%B7%E2%B4%B0%E2%B5%85%E2%B5%8D%E2%B4%B0