Published on MAPNews (https://www.mapnews.ma/am)

Accueil > ⵜⴰⴼⵓⴳⵍⴰ ⵏ ⵓⴷⴰⴱⵓ: ⴱⴰⴱ ⵏ ⵡⴰⴷⴷⵓⵔ ⵉⵙⵙⵉⵅⴼ ⴳ ⵜⵉⵟⵟⴰⵡⵉⵏ ⵜⴰⴼⵓⴳⵍⴰ ⵏ ⵓⵙⵏⴱⴹ ⴷ ⵜⴳⴰⵍⵍⵉⵜ ⵉ ⵉⵙⵔⴷⴰⵙ ⵉⵏⴰⴼⵓⵖⵏ ⴳ ⵜⵉⵏⵎⴰⵍ ⵜⵉⵎⴰⵜⴰⵢⵉⵏ ⵏ ⵜⵙⵔⴷⴰⵙⵜ
  1. Accueil
  2. Activités royales

ⵜⴰⴼⵓⴳⵍⴰ ⵏ ⵓⴷⴰⴱⵓ: ⴱⴰⴱ ⵏ ⵡⴰⴷⴷⵓⵔ ⵉⵙⵙⵉⵅⴼ ⴳ ⵜⵉⵟⵟⴰⵡⵉⵏ ⵜⴰⴼⵓⴳⵍⴰ ⵏ ⵓⵙⵏⴱⴹ ⴷ ⵜⴳⴰⵍⵍⵉⵜ ⵉ ⵉⵙⵔⴷⴰⵙ ⵉⵏⴰⴼⵓⵖⵏ ⴳ ⵜⵉⵏⵎⴰⵍ ⵜⵉⵎⴰⵜⴰⵢⵉⵏ ⵏ ⵜⵙⵔⴷⴰⵙⵜ

31 ⵢⵓⵍⵢⵓⵣ 2024 Version Imprimable
ⵜⵉⵟⵡⴰⵏ -  ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵏⵙⵙⵉⵅⴼ ⴰⵏⴰⴼⵍⵍⴰ ⴷ ⵓⵏⵙⵙⵉⵅⴼ ⵏ ⵍⵉⵟⴰ ⵎⴰⵊⵓⵕ ⴰⵎⴰⵜⴰⵢ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏ, ⵍⵍⵉ ⵢⵎⴰⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ, ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴳ ⵜⵣⴷⵡⵉⵜ ⵏ ⵓⴽⵕⴰⵙ 31 ⵢⵓⵍⵢⵓⵣ 2024 ⴳ ⵓⵙⴰⵢⵙ ⵏ ⵍⵎⵉⵛⵡⴰⵕ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⵜⵉⵟⵡⴰⵏ, ⵙ ⵓⵣⵎⵎⵣⵓ ⵏ ⵜⴰⴼⵓⴳⵍⴰ ⵏ ⵓⵙⵙⴽⵯⵜⵉ ⵡⵉⵙⵙ ⵙⵉⵎⵔⴰⵡ ⴷ ⵙⵎⵎⵓⵙ  ⵏ ⵡⴰⵎⵓⴷ ⵏ ⵓⴷⴰⴱⵓ ⵜⴳⴳⴰⵍⵍⵉⵜ ⵏ ⴹⴹⵓⴱⴱⴰⵟ  ⵏⵏⴰ ⴷ ⵉⴼⴼⵖⵏ ⵙⴳ ⵜⵉⵏⵎⴰⵍ ⵜⵉⵏⴰⴼⵍⵍⴰⵢⵉⵏ ⵏ ⵍⵄⵚⴽⵕ ⴷ ⵎⴰⴷ ⵉⵔⵡⴰⵙⵏ ⵍⵄⵚⴽⵕ, ⵓⵍⴰ ⵙⵓⵍ ⴹⴹⵓⴱⴱⴰⵟ ⵏ ⵚⵚⴼ ⵉ ⴹⴹⵓⴱⵉⵟ ⵏⵏⴰ ⴷ ⵉⴼⴼⵖⵏ ⴳ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ.

ⵉⵙⵙⴰⵖ ⴱⴰⴱ ⵏ ⵡⴰⴷⴷⵓⵔ ⵅⴼ ⵓⴷⵡⴰⵍ ⴰⴷ ⴰⵙⵙⴰⵖ ⵏ "ⵍⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵍⴰⵟⵉⴼⴰ" .

ⴷⴼⴼⵉⵔ ⵏ ⵉⵣⵍⵉ ⴰⵏⴰⵎⵓⵔ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵜⴰⴳⵓⵔⵉ ⴰⴷ ⵏⵏⵙ ⵜⴰⵎⴰⵜⴰⵢⵜ :

"ⵜⵓⵎⴰⵢⵜ ⵏ ⴱⴰⴱ ⵏ ⵉⴳⵏⵡⴰⵏ ⴷ ⵓⴼⵔⴰ ⵅⴼ ⵓⵎⴰⵣⴰⵏ ⵏⵏⵙ .

ⵉⵙⵔⴷⴰⵙ

ⵏⵙⵙⵓⵙⵎ ⴰⴷ ⴽⵓⵏ ⵏⵙⵔⵖⵓⴷ ⵙ ⵜⵎⵍⴷⴰ ⵏ ⵓⴼⴼⵓⵖ ⵏⵏⵓ ⴳ ⵎⵛⵜⴰ ⵏ ⵜⵉⵏⵎⴰⵍ ⴷ ⵉⵙⵉⵏⴰⴳⵏ ⵉⵄⵚⴽⴰⵔⵢⵉⵏ ⴷ ⵡⵉⵏⵏ ⵏ ⵜⵏⴰⴼⵓⵜ ⴷ ⵡⴰⴽⴰⵍ .

ⴳ ⵡⴰⵙⵙⴰⴷ ⵜⴳⴰ ⵜⵓⵎⵔⵜ ⴰⴷ ⵏⵙⵙⵉⵅⴼ ⵏ ⵜⴳⴳⴰⵍⵉⵜ ⴷⴰⵜ ⵏⵏⵖ ⴰⵎ ⴰⵏⵙⵙⵉⵅⴼ ⴰⵏⴼⵍⵍⴰ ⴷ ⵓⵙⵙⵉⵅⴼ  ⵍⵉⵟⴰ ⵎⴰⵊⵓⵔ ⴰⵎⴰⵜⵜⴰⵢ  ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ  .

ⵏⵖⵟⴰⵙ ⴰⴷ ⵏⴼⴽⴰ ⵉ ⵉⵎⵉⵔ ⴰⴷ ⵡⴰⵙⵙⴰⵖ ⵏ ⵎⴰⵢⵜ ⵏⵖ ⵜⵉⴳⵍⵉⵏⵜ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵍⴰⵟⵉⴼⴰ ⴰⴷ ⵜ ⵉⵕⵃⵎ ⵕⴱⴱⵉ ⴳ ⴰⵎⵏⵉⴷ ⵏ ⵡⴰⴷⴷⵓⵔ ⵏⵏⴰ ⵎⵉ ⵏⴼⴽⴰ ⵉ  ⵉⵎⵎⴰⵜⵏⵖ ⵜⵉⵎⵖⵔⴰⴱⵢⵉⵏ ⵏⵏⴰ ⴽⴼⵉⵏⵜ  ⵓⵙⴳⵎⵉ ⵉⵖⵓⴷⴰⵏ ⵉ ⵉⵛⵛⴰⵔⵏ ⴷ ⵉⵜⵉⴳⵏ ⵏ ⵉⵎⴰⵏ ⴷ ⵉⵏⴰⵎⵓⵔⵏ ⵎⴰⵢⴰⴷ ⴳⴰⵏ ⵉⵥⵓⵕⴰⵏ ⵏⵏⵖ. 

ⴳ ⴰⵙⵎⵎⵓⵜⴳ ⴰⵜⵔⴰⵔ   ⴷ ⵓⵙⵡⵉⵔ ⵢⴰⵜⵜⵓⵢⵏ ⵏⵏⴰ ⵎⵉ ⵏⴼⴽⴰ ⵖⵓⵔⵖ ⵜⴰⵖⵍⵉⴼⵜ ⴰⴷ ⴽⵎⵍⵏ ⵏ ⵜⵡⵓⵔⵉ ⵏⵏⵓⵏ ⵜⴰⵏⴰⵎⵓⵔⵜ ⴳ ⵜⴰⵏⴰⵎⵓⵔⵜ ⴷ ⵓⵎⵎⴰⵣ ⵏ ⵉⵜⵉⴳⵏ ⵉⵎⵓⵇⴷⴰⵙⵉⵏ ⵏ ⵜⵓⵎⵔⵜ ⵉⵜⵜⵢⵓⵙⵙⴰⵏ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ .

ⴳⵉⵏ  ⵕⵕⴱⵉ ⴰⴷ ⴽⵓⵏ ⵉⵃⴼⴹ ⴳ ⵓⵙⵡⵉⵔ ⵏⵏⴰ ⵎⵉ ⵏⴳⵯⴰⵏⵉ ⴽⵉⴷⵓⵏ ⵎⴰⵢⴰⴷ ⵉⴳⴰⵏ ⴰⵖⵓⴷⴰⵏ ⴷ ⵜⵜⴰⵙⴽⴰⵔⵏ ⴷ ⵜⴰⵖⵍⵉⴼⵜ ⵓⵎⵎⴰⵙ ⵏ ⵜⵎⴰⵜⴰⵔⵜ ⵏ ⵡⴰⴱⴷⴰ  : ⵕⵕⴱⵉ , ⵜⵓⵎⵔⵜ , ⴰⴳⵍⵍⵉⴷ "

ⴷⴼⴼⵉⵔ ⵏ ⵜⴳⴰⵍⵍⵉⵜ ⵎⵏⵉⴷ ⵏ ⴱⴰⴱ ⵏ ⵡⴰⴷⴷⵓⵔ , ⴰⵏⵙⵙⵉⵅⴼ ⴰⵎⴰⵜⴰⵢ ⵏ ⵉⵙⵔⴷⴰⵙ ⵉⴳⵍⴷⴰⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⴷ ⵎⵓⵍⴰⵢ ⵕⴰⵛⵉⴷ .

ⴰⴷⵡⴰⵍ ⴰⴷ ⵏⵏⴰ ⵉⵏⵏⴰ ⵜⴰⴳⴰⵍⵍⵉⵜ ⵏⵏⵙ ⵎⵏⵉⴷ ⵏ ⴱⴰⴱ ⵏ ⵡⴰⴷⴷⵓⵔ ⴳⵉⵙ ;

-ⵜⴰⴽⴰⴷⵉⵎⵉⵜ ⵜⴰⵙⵔⴷⴰⵙⵜ ⵜⴰⴳⵍⴷⴰⵏⵜ

-ⵜⵉⵏⵎⵍ ⵜⴰⵎⴰⵜⴰⵢⵜ ⵏ ⵉⴳⵏⵡⴰⵏ

- ⵜⵉⵏⵎⵍ ⵜⴰⴳⵍⴷⴰⵏⵜ ⵏ ⵢⵉⵍ

ⵜⵉⵏⵎⵍ ⵜⴰⵎⴰⵜⴰⵢⵜ ⵏ ⵜⵏⴰⴼⵓⵜⵉⵏ ⵏ ⵜⴷⵓⵙⵉ ⵜⵉⵙⵔⴷⴰⵙⵉⵏ

ⴷ ⵉⵙⵔⴷⴰⵙ ⵏ ⵓⵙⵡⵉⵔ ⵓⵙⵍⵉⴳ ⴷ ⴷⴷⵓⴱⴱⴰⵜ ⵏ ⵚⵚⴰⴼ ⴷ ⵉⵎⵙⵜⴳⴳⴰⵔⵏ ⵏ ⵜⵙⵔⴷⴰⵙⵜ ⵜⴰⴳⵍⴷⴰⵏⵜ ⴷ ⵜⴷⵓⵙⵉⵡⵉⵏ ⵜⵉⵎⴰⵡⴰⵙⵉⵏ .

ⵎⴽⵍⵍⵉ ⵓⵎⴰⵏ ⵉⵏⴰⴼⵓⵖⵏ

ⵜⵉⵏⵎⵍ ⵜⴰⵎⵓⵃⵎⵎⴰⴷⵉⵜ ⵏ ⵜⵎⵙⴷⴰⴳⵜ

ⴰⵙⵉⵏⴰⴳ ⴰⴳⵍⴷⴰⵏ ⵏ ⵜⵎⵙⵙⵓⴳⵓⵔⵜ ⵜⴰⵔⴰⴽⴰⵍⵜ ⵏ ⵜⵎⴰⵡⴰⵙⵜ ⵏ ⵓⴳⵏⵙⵓ

ⴰⵙⵉⵏⴰⴳ ⴰⵎⴰⵜⴰⵢ ⵏ ⵉⵙⵔⴷⴰⵙ

ⵜⵉⵏⵎⵍ ⵜⴰⵏⴰⵎⵓⵔⵜ ⵏ ⵜⴰⴳⴰⵏⵉⵏ ⴷ ⵜⵎⵙⴷⴰⴳⵜ

ⴰⵎⵎⴰⵙ ⵏ ⵓⵙⵎⵓⵜⴳ ⵏ ⵜⴼⴳⵓⵔⵉⵏ ⴷ ⴷⴷⵉⵡⴰⵏⴰ

ⵎⴽⵍⵍⵉ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⵙⵡⵉⵔ ⵢⴰⵜⵜⵓⵢⵏ ⵉ ⵉⵎⵙⵜⴳⴳⴰⵔⵏ ⵉⵙⵔⴷⴰⵙⵏⵎⴽⵍⵍⵉ ⵉⴼⴽⴰ ⴰⵡⴷ ⵜⴰⵙⴽⵯⴼⵍⵜ ⵢⴰⵜⵜⵓⵢⵏ ⵉ ⴽⵉⴳⴰⵏ ⵏ ⵉⵎⵙⵜⴳⴳⴰⵔⵏ ⵉⵙⵔⴷⴰⵙⵏ ⵏ ⵉⵎⵉⵔ ⵏ ⵓⵙⴳⴳⴰⵙⵏ ⵏ 2024 ;

ⵜⴰⵙⵏⵜⴰⵢⵜ ⴰⴷ ⵏ ⴱⴰⴱ ⵏ ⵡⴰⴷⴷⵓⵔ ⵜⴷⴷⴰⴷ ⴷⴼⴼⵉⵔ ⵏ ⵜⵖⴷⴼⵜ ⵢⴰⵜⵜⵓⵢⵏ ⵏⵏⴰ ⵢⴰⴽⴽⴰ ⴱⴰⴱ ⵏ ⵡⴰⴷⴷⵓⵔ ⵉ ⵉⴳⵔ ⵏ ⵜⵙⵔⴷⴰⵙⵜ ⵜⴰⴳⵍⴷⴰⵏⵜ ⵙ ⵓⵎⴰⵜⴰ .

ⵉⴽⴽⴰ ⵜⵜ ⵉⵏⵏ ⴱⴰⴱ ⵏ ⵡⴰⴷⴷⵓⵔ ⵉⵙⵏⵓⴱⴳ ⴳ ⵡⴰⵙⵙ ⵏ 29 ⵢⵓⵍⵢⵓⵣ ⵉⵣⵔⵉⵏ ⴳ ⵜⵉⵟⵟⴰⵡⵉⵏ ⵜⴰⵔⴰⴱⴱⵓⵜ ⵏ ⵎⵓⵃⵎⵎⴰⴷ ⴱⵕⵉⵟⴰⵎⴳⴳⵉⵡⵙ ⴰⵎⴰⵜⴰⵢ ⵏ ⵉⵙⵔⴷⴰⵙ ⵉⴳⵍⴷⴰⵏⵏ , ⴷ ⵓⵏⵙⵙⵉⵅⴼ ⵏ ⵜⵙⴳⴰ ⵏ ⵉⴼⴼⵓⵙ , ⴷ ⵓⵏⵙⵙⵉⵅⴼ ⵏ ⵜⴰⵢⵎⵓⵏⵜ ⵏ ⵓⵙⵙⴰⵍⵉ ⵏ ⵓⵙⵡⵉⵔⵏ ⵉⵙⵔⴷⴰⵙ ⵉⴳⵍⴷⴰⵏⵏ .

ⵙⵏⵉⵎⵎⵔⵏ ⵡⵉⵏⵏⴰ ⴰⴽⴽ ⵉⵜⵜⵓⵙⵎⵖⵕⵏ ⴷ ⵡⵉⵏⵏⴰ ⵉⵙⵙⴰⵍⵉ ⴱⴰⴱ ⵏ ⵡⴰⴷⴷⵓⵔ ⴳ ⵜⵙⴽⴼⴰⵍ ⵏⵏⵙⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⵙ ⵜⵙⵏⵜⴰⵢⵜ ⴰⴷ ⵏⵏⴰ ⵉⵍⴰⵏ ⴰⵜⵉⴳ ⴰⵅⴰⵜⴰⵔ .

ⵎⴽⵍⵍⵉ ⵜⵏ ⵉⵙⵏⵉⵎⵎⵔ ⴰⵡⴷ ⴱⴰⴱ ⵏ ⵡⴰⴷⴷⵓⵔ ⵙ ⵓⵙⵡⵉⵔ ⵏⵏⴰ ⵙ ⵓⵍⵉⵏ ⴷⴼⴼⵉⵔ ⵏ ⵜⵡⵡⵓⵔⵉ ⵏⵏⵙⵏ ⵏⵏⴰ ⵉⵍⵍⴰⵏ ⴷⴷⵓ ⵜⵎⴰⵜⴰⵔⵜ ⵜⴰⵏⴰⵎⵓⵔⵜ ⴱⴰⴱ ⵏ ⵉⴳⵏⵡⴰⵏ, ⵜⴰⵎⵓⵔⵜ , ⴰⴳⵍⵍⵉⴷ .

ⵢⵓⵎⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴳ ⵜⴼⵓⴳⵍⴰ ⴰⴷ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⵕⵏ ⴷ ⵉⵎⵓⵔⴰ ⴷ ⵓⵎⵛⵛⵉⵡⵕ ⵏ ⴱⴰⴱ ⵏ ⵡⴰⴷⴷⵓⵔ ⴷ ⵉⵏⵙⵙⵉⵅⴼⵏ ⵉⵙⵔⴷⴰⵙⴷ ⵉⵎⵙⵜⴳⴳⴰⵔⵏ ⴳ ⵜⵎⵙⵇⴰⴷⵉⵏ ⵏⵏⴰ ⵉⵍⵍⴰⵏ ⴳ ⵕⵕⴱⴰⵟ ⴷ ⴽⵉⴳⴰⵏ ⵏ ⵉⵡⵔⵉⴽⵏ ⵢⴰⴷⵏⵉⵏ ⵉⵙⵔⴷⴰⵙ

Dernière modification : 31 ⵢⵓⵍⵢⵓⵣ 2024
Source URL: https://www.mapnews.ma/am/activites-royales/%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B4%B7%E2%B4%B0%E2%B4%B1%E2%B5%93-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B3-%E2%B5%9C%E2%B5%89%E2%B5%9F%E2%B5%9F%E2%B4%B0%E2%B5%A1%E2%B5%89%E2%B5%8F-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B5%99%E2%B5%8F%E2%B4%B1%E2%B4%B9-%E2%B4%B7-%E2%B5%9C%E2%B4%B3%E2%B4%B0%E2%B5%8D%E2%B5%8D%E2%B5%89%E2%B5%9C-%E2%B5%89-%E2%B5%89%E2%B5%99%E2%B5%94%E2%B4%B7%E2%B4%B0%E2%B5%99