Published on MAPNews (https://www.mapnews.ma/am)

Accueil > ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴳ ⵍⵎⵖⵔⵉⴱ ⴰⵏⴰⵡ ⵏ ⵜⵜⴰⵄⴰⵢⵓⵛ ⴷ ⵓⵎⵢⴰⵏⴰⵡ “ⵎⵉⴳⵉⵍ ⴰⵏⵅⵉⵍ ⵎⵓⵔⴰⵜⵉⵏⵓⵙ”

ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴳ ⵍⵎⵖⵔⵉⴱ ⴰⵏⴰⵡ ⵏ ⵜⵜⴰⵄⴰⵢⵓⵛ ⴷ ⵓⵎⵢⴰⵏⴰⵡ “ⵎⵉⴳⵉⵍ ⴰⵏⵅⵉⵍ ⵎⵓⵔⴰⵜⵉⵏⵓⵙ”

23 ⵢⵓⵍⵢⵓⵣ 2024 Version Imprimable
ⵜⵉⵎⵜⵜⴰ ⵉⵎⵓⵏⵏ/ ⵏⵢⵓⵢⵓⵔⴽ/, - ⵉⵏⵏⴰ ⵓⵎⴰⵔⵉ ⴰⵏⴰⴼⵍⵍⴰ ⵏ ⵓⴳⵔⴰⵡ ⵏ ⵜⵉⵖⵔⵎⴰ ⵏ ⵜⵉⵎⵜⵜⴰ ⵉⵎⵓⵏⵏ ⵎⵉⴳⵉⵍ ⴰⵏⵅⵉⵍ ⵎⵓⵔⴰⵜⵉⵏⵓⵙ ⵎⴰⵙ ⵉⵍⵍⴰ ⴷⴰⵔ ⵍⵎⵖⵔⵉⴱ ⴷⴷⵓ ⵜⴰⵏⵙⵙⵉⵅⴼⵜ ⵏ ⴱⴰⴱⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷⵡⵉⵙⵙ ⵚⴹⵉⴹ ⴰⵏⵙⴰ ⵉⴳⴰⵏ ⴰⵏⴰⵡ ⵏ ⵜⵜⴰⵄⴰⵢⵓⵛ ⴷ ⵓⵎⵢⴰⵏⴰⵡ ⴳ ⵉⵙⵡⵉⵔⵏ ⵏ ⵓⵏⵎⵏⴰⴹⵏ ⴷ ⵓⴳⵔⴰⵖⵍⴰⵏ.

ⵉⵏⵏⴰ ⵎⴰⵙⵙ ⵎⵓⵔⴰⵜⵉⵏⵓⵙ ⴳ ⵢⴰⵜ ⵜⴰⵙⴳⵓⵔⵉ ⵉ ⵜⴰⵙⵏⵓⵔⴰⵢⵜ ⵜⴰⵎⵖⵔⵉⴱⵉⵢⵜ ⵏ ⵉⵏⵖⵎⵉⵙ ⵎⴰⵙ ⵉⵍⵍⴰ ⴷⴰⵔ ⵍⵎⵖⵔⵉⴱ ⵢⴰⵏ ⵡⴰⴷⴷⵓⵔ ⴰⵅⴰⵜⴰⵔ ⵍⵍⵉ ⵔⴰⴷ ⵉⴹⴼⵕ ⴳ ⵜⴰⵏⴽⵔⴰ ⵙ ⴰⵜⵉⴳⵏ ⵏ ⵜⵓⴷⵔⵏ ⵉⵛⵛⴰⵔⵏ ⴷ ⵜⴰⴷⵍⵙⴰ ⵏ ⵍⵉⵃⵜⵉⵔⴰⵎ ⴷ ⵜⴰⵙⴰⵎⵓⵃ ⴳ ⵓⵎⴰⴹⴰⵍ.

ⵉⵙⴽⵜⵉⴷ ⴳ ⵓⵙⴰⵜⵉ ⵢⴰⴷ ⴰⵙⵏⵎⴰⵍⴰ ⵏ ⵓⴳⵔⴰ ⴰⴳⵔⴰⵖⵍⴰⵏ ⵡⵉⵙⵙ 9 ⵏ ⵓⴳⵔⴰⵡ ⵏ ⵜⵉⵖⵔⵎⴰ ⵉⴷⴼⵕⵏ ⵉ ⵜⵉⵎⵜⵜⴰ ⵉⵎⵓⵏⵏ ⴳ ⵜⴰⵎⴷⵉⵏⵜ ⵏ ⴼⴰⵙ ⴳ ⵏⵓⵡⴰⵏⴱⵉⵔ 2022 , ⵉⵙⴷⵉⴷ ⵎⴰⵙ ⵉⴳⴰ ⵓⵏⵎⵓⵇⵇⴰⵔ ⴰⴷ ⴰⵎⵣⵡⴰⵔⵓ ⵍⵍⵉ ⵉⵜⵜⵓⵙⵏⵎⴰⵍⴰⵏ ⴳ ⵉⴼⵔⵉⵇⵢⴰ.

ⵉⵏⵏⴰ ⵎⴰⵙ ⵉⵜⵜⵓⵙⵏⵍⴰⵍ ⴳ ⴼⴰⵙ ⵜⵉⴽⵍⵉⵜ ⵜⴰⵎⵣⵡⴰⵔⵓⵜ ⴳ ⵉⴼⵔⵉⵇⴰⵢ ⵓⴳⵔⴰⵡ ⴰⴳⵔⴰⵖⵍⴰⵏ ⵏ ⵜⴰⵃⴰⵍⵓⴼ ⵏ ⵜⵉⵖⵔⵎⴰ ⵉⴹⴼⵕⵏ ⵉ ⵜⵉⵎⵜⵜⴰ ⵉⵎⵓⵏⵏ , ⵉⵙⴰⵡⵍ ⵓⵍⴰ ⵅⴼ ⵜⴰⴱⵔⴰⵜ ⵜⴰⵅⴰⵜⴰⵔⵜ ⵍⵍⵉ ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵉ ⵉⵎⴷⵔⴰⵡⵏ ⴳ ⵓⵏⵎⵓⵇⵇⴰⵔ ⴰⴷ.

ⵉⵔⵏⵓ ⵉⵏⵏⴰ ⵓⵎⴰⵔⵉ ⴰⵏⴰⴼⵍⵍⴰ ⵏ ⵓⴳⵔⴰⵡ ⵏ ⵜⵉⵖⵔⵎⴰ ⵏ ⵜⵉⵎⵜⵜⴰ ⵉⵎⵓⵏⵏ ⵎⵉⴳⵉⵍ ⴰⵏⵅⵉⵍ ⵎⵓⵔⴰⵜⵉⵏⵓⵙ ⵎⴰⵙ ⵜⴼⴽⴰ ⵜⴰⴱⵔⴰⵜ ⵜⴰⴳⵍⴷⴰⵏⵜ ⵢⴰⵜ ⵜⵏⵏⴰⵢⵜ ⵏ ⵜⴰⵎⴷⴰⵔⵡⵜ ⵏ ⵍⵎⵖⵔⵉⴱ ⴳ ⵓⵎⵣⵔⵓⵢ ⴳ ⵉⴳⵔ ⵏ ⵜⴰⵏⴽⵔⴰ ⵙ ⵉⵜⵉⴳⵏ ⵏ ⵜⵓⴷⵔⵜ ⵉⵛⵛⵇⵔⵏ ,.

ⵉⵙⴷⴷⵉⴷ ⵎⴰⵙⵙ ⵎⵓⵔⴰⵜⵉⵏⵓⵙ ⵓⵍⴰ ⵎⴰⵙ ⵉⴱⴰⵢⵏ ⵓⵙⴷⵓⵙ ⵏ ⵜⴰⴷⵍⵙⴰ ⵏ ⵜⴰⵄⴰⵢⵓⵛ ⴳ ⵓⴳⵏⵙ ⵏ ⵡⴰⵎⵓⵏ ⴰⵎⵖⵔⵉⴱⵉⵢ ⵎⴰⵢⴰⴷ ⵢⵓⵊⵊⴰⵜ ⵉⴳⴰ ⴰⵏⴰⵡ ⵉ ⵜⵉⵙⵏⵜⴰⵢⵏ ⵜⵉⵏⵎⵏⴰⴹⵉⵏ ⴷ ⵜⵉⴳⵔⴰⵖⵍⴰⵏⵉⵏ ⵢⴰⴹⵏ.

ⵉⵎⵍⴰ ⵎⴰⵙⵙ ⵎⵓⵔⴰⵜⵉⵏⵓⵙ ⵎⴰⵙ ⵜⴳⴰ ⵜⴰⴱⵔⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴳ ⵓⴳⵔⴰⵡ ⵏ ⴼⴰⵙ ⵜⵉⴼⴰⵡⵜ ⵉ ⵉⵎⵓⵙⵙⵓⵜⵏ ⵏ ⵓⴳⵔⴰⵡ ⵏ ⵜⵉⵖⵔⵎⴰ ⵖⵎⴽⵍⵍⵉ ⵜⴷⵔⴰ ⴳ ⵓⵙⵔⵙ ⵏ ⵜⴰⵙⵜⵔⴰⵜⵉⵊⵉⵜ ⵍⵍⵉ ⵔⴰⴷ ⵜⵜⵢⴰⵡⵥⵕⴰ ⴳ ⵓⴳⵔⴰⵡ ⴰⵏ ⴷ ⵢⵓⵛⴽⴰⵏ ⵍⵍⵉ ⵔⴰⴷ ⵉⵜⵜⵓⵙⵏⵎⴰⵍⴰ ⴳ ⵍⵉⵛⴱⵓⵏⴰ ⴰⵙⴳⴳⴰⵙ ⴰⴷ ⵉⵍⵍⴰⵏ.

ⵉⵙⴰⵡⵍ ⵉⵏⵏⴰ ⵓⵍⴰ ⴰⵎⴰⵙ ⵉⴳⴰ ⵓⵡⵜⵜⴰⵙ ⴰⵅⴰⵜⴰⵔ  ⵏ ⵜⴰⵡⵓⵔⵉ ⵢⴰⴷ ⵉⵛⵛⴰⵔⵏ ⴰⴹⴼⵕ ⵏ ⵜⵓⴳⴳⴰⵙ ⵙⵓⵎⵢⴰⵡⴰⵙ ⴷ ⵜⴰⴷⵔⴰⵡⵜ ⵏ ⵍⵎⵖⵔⵉⴱ ⴰⴼⴰⴷ “ⵜⵓⵙⴽⴰ ⵏ ⵓⵎⴰⴹⴰⵍ ⵉⵖⵓⴷⴰⵏ ⵍⵍⵉ ⵉⵍⵍⴰⵏ ⵉⵜⵉⴳⵏ ⵏ ⵍⵉⵃⵜⵉⵔⴰⵎ ⴷ ⵜⴰⵄⴰⵢⵓⵛ”.

 ⵉⴳⴰ ⵓⴳⵔⴰⵡ ⵏ ⵜⵉⵎⵜⵜⴰ ⵉⵎⵓⵏⵏ ⵏ ⵜⵉⵖⵔⵎⴰ ⵜⵉⵎⵔⵙⵍⵜ ⵍⵍⵉ ⵎⵄ ⵜⴳⴰ ⵜⴰⵡⵓⵔⵉ ⴰⵙⴱⴷⴷ ⵏ ⵍⵓⵚⵓⵍⵉⵢⴰ ⵙ ⵓⵎⵢⴰⵡⴰⵙ ⴷ ⵓⵙⴷⵓⴷ ⵏ ⵓⵎⴹⵉⴽⵉⵔ ⴳ ⵜⴰⴷⵍⵙⴰⵜⵉⵏ ⴷ ⵍⴰⴷⵢⴰⵏ.

Dernière modification : 23 ⵢⵓⵍⵢⵓⵣ 2024
Source URL: https://www.mapnews.ma/am/dossier/%E2%B5%89%E2%B5%99%E2%B4%BD%E2%B5%94-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B3-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B0%E2%B5%8F%E2%B4%B0%E2%B5%A1-%E2%B5%8F-%E2%B5%9C%E2%B5%9C%E2%B4%B0%E2%B5%84%E2%B4%B0%E2%B5%A2%E2%B5%93%E2%B5%9B-%E2%B4%B7-%E2%B5%93%E2%B5%8E%E2%B5%A2%E2%B4%B0%E2%B5%8F%E2%B4%B0%E2%B5%A1-%E2%80%9C%E2%B5%8E%E2%B5%89%E2%B4%B3%E2%B5%89%E2%B5%8D-%E2%B4%B0%E2%B5%8F%E2%B5%85%E2%B5%89%E2%B5%8D-%E2%B5%8E%E2%B5%93%E2%B5%94%E2%B4%B0%E2%B5%9C%E2%B5%89%E2%B5%8F%E2%B5%93%E2%B5%99%E2%80%9D