ⵜⴰⵙⵓⵜⵍⵜ ⵜⵉⵙⵙ 23 ⵏ ⵓⵏⵎⵓⴳⴳⴰⵔ ⴰⵏⴰⵎⵓⵔ ⵏ ⵜⵥⵓⵕⵉ ⵏ ⵓⵃⵉⴷⵓⵙ ⴳ ⵄⵉⵏ ⵍⵍⵓⵃ ⴳⵔ 12 ⴷ 14 ⵢⵓⵍⵢⵓⵣ ⴰⴷ

11 ⵢⵓⵍⵢⵓⵣ 2024 Version Imprimable

ⴼⴰⵙ - ⴰⵔ ⵜⵜⵓⵙⵏⵎⵍⴰ ⵜⴰⵎⴰⵡⴰⵙⵜ ⵏ ⵜⴷⵍⵙⴰ ⴷ ⵜⵉⵄⵄⵓⵔⵎⴰ ⴷ ⵓⵎⵢⴰⵡⴰⴹ (ⵢⵉⴳⵔ ⵏ ⵜⴷⵍⵙⴰ ) ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙⵙ 23 ⵏ ⵓⵏⵎⵓⴳⴳⴰⵔ ⴰⵏⴰⵎⵓⵔ ⵏ ⵜⵥⵓⵕⵉ ⵏ ⵓⵃⵉⴷⵓⵙ ⴳ ⵓⵣⵎⵣ ⴳⵔ 12 ⴷ14 ⵢⵓⵍⵢⵓⵣ ⴰⴷ ⴳ ⵄⵉⵏ ⵍⵍⵓⵃ (ⵜⴰⵙⴳⴰ ⵏ ⵉⴼⵔⴰⵏ) ⵙ ⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ .

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵎⴰⵡⴰⵙⵜ ⵎⴰⵙ ⵜⵙⵓⵜⵍⵜ ⵏ ⵓⵙⴳⴳⵯⴰⵙ ⴰⴷ ⵜⵜⵓⵙⵏⵎⴰⵍⴰⵏ ⵙ ⵜⴷⵔⴰⵡⵜ ⵏ ⵜⵎⵏⴱⴰⴹⵜ ⵏ ⵜⵙⴳⴰ ⵏ ⵉⴼⵔⴰⵏ ⴷ ⵓⵙⵇⵉⵎ ⴰⵙⴳⵡⴰⵏ ⵏ ⵜⴳⵔⴰⵡⵜ ⵏ ⵄⵓⵏ ⵍⵍⵓⵃ ⵉⴽⵛⵎ ⵓⵎⵃⵉⵣⵡⴰⴰ ⵎⴰⵢⴰⴷ ⵜⵜⵓⵙⵏⵎⴰⵍⴰ ⵙ ⵓⵏⵏⴰⵍ ⵏ ⵜⵎⴰⵡⴰⵙⵜ ⵏ ⵜⴷⵍⵙⴰ ⴷ ⵜⵉⵄⵄⵓⵔⵎⴰ ⴷ ⵓⵎⵢⴰⵡⴰⴹ (ⵉⴳⵔ ⵏ ⵓⵎⵢⴰⵡⴰⴹ) ⵙ ⵜⴰⵎⴰⵏ ⵏ ⵓⵙⵙⵙⴼⵓⴳⵍⵓ ⵏ ⵜⴰⵥⵓⵕ ⵏ ⴰⵟⵍⴰⵚ ⵡⴰⵏⴰⵎⴰⵙ ⴳ ⵜⵎⴷⵢⴰⵣⵜ ⴷ ⵓⵙⴽⵔ ⴳ ⵓⵎⵎⴰⵙ ⵏ ⵉⵙⴼⵙⴰⵔ ⵍⵍⵉ ⵔⴰⴷ ⵙⵎⵏⵉⴷⵏ (37) ⵜⵔⴰⴱⴱⵓⵜ ⵙⴳ ⵎⵛⵜⴰ ⴱ ⵉⵎⵢⴰⵡⵏ ⵏ ⵜⴰⵥⵓⵕⵉ ⵏ ⵡⴰⵢⴷⴰ ⴰⵇⵇⴱⵓⵔ ⵙⴳ ⵎⵏⵏⴰⵡⵏ ⵏ ⵜⵙⴳⴳⵉⵡⵉⵏ ⴷ ⵜⵎⵏⴰⴹⵉⵏ ⵏ ⵜⴳⵍⴷⵉⵜ .

ⵉⵙⵓⵍ ⵉⵏⵏⴰ ⵡⵙⵉⵡⴹ ⵎⴰⵙ ⵉⴳⴳⵟⵓⵎⵏ ⵏ ⵓⵏⵎⵓⴳⴳⴰⵔ ⵉⵍⵍⴰ ⴳⵉⵙ ⴰⵣⵎⵣ ⵏ ⵜⵢⴰⵙⵙⴰⵏⵜ ⴷ ⵓⵙⵎⵖⵔ ⵏ ⵎⵏⵏⴰⵡ ⵏ ⵎⵉⴷⴷⵏ ⵉⵅⴰⵜⴰⵔⵏ ⴳ ⵜⴰⵥⵓⵕⵉ ⵏ ⵓⵃⵉⴷⵓⵙ ⴷ ⵉⵏⴰⵕⵓⵕⵏ ⵏⵏⵙ ⴳ ⵓⵙⴰⵜⵉ ⵏ ⵜⵙⵜⵔⴰⵜⵉⵊⵉⵜ ⵏ ⵜⵎⴰⵡⴰⵙⵜ ⵉⵔⴰⵏ ⵏ ⵓⴼⵔⴰⴳ ⵅⴼ ⵓⵢⴷ ⴰ ⴰⴷ ⴳ ⵎⵛⵜⴰ ⵏ ⵉⵡⵏⵏⵉⵏ ⴷ ⵜⵔⵏⵓⵏⵜ ⵏⵏⵙⵏ .

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%9C%E2%B4%B0%E2%B5%99%E2%B5%93%E2%B5%9C%E2%B5%8D%E2%B5%9C-%E2%B5%9C%E2%B5%89%E2%B5%99%E2%B5%99-23-%E2%B5%8F-%E2%B5%93%E2%B5%8F%E2%B5%8E%E2%B5%93%E2%B4%B3%E2%B4%B3%E2%B4%B0%E2%B5%94-%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%94-%E2%B5%8F-%E2%B5%9C%E2%B5%A5%E2%B5%93%E2%B5%95%E2%B5%89-%E2%B5%8F-%E2%B5%93%E2%B5%83%E2%B5%89%E2%B4%B7%E2%B5%93%E2%B5%99-%E2%B4%B3-%E2%B5%84%E2%B5%89%E2%B5%8F-%E2%B5%8D%E2%B5%8D%E2%B5%93%E2%B5%83-%E2%B4%B3%E2%B5%94-12-%E2%B4%B7-14-%E2%B5%A2%E2%B5%93%E2%B5%8D%E2%B5%A2%E2%B5%93%E2%B5%A3-%E2%B4%B0%E2%B4%B7