ⵜⴰⴽⵓⵔⵜ ⵏ ⵓⴹⴰⵕ .. ⵎⵙⴰⵙⴰⵏ ⵉⴳⵔⴰⵡⵏ ⵅⴼ ⵓⵖⴰⵡⴰⵙ ⵏ ⵓⵃⵟⵟⵓ ⴰⵏⴰⵎⵓⵏ ⵉ ⵜⵉⵎⵢⴰⵔⵓⵔⵉⵏ ⴷ ⵉⵎⵢⴰⵔⵓⵏ ⴷ ⵉⵙⴰⵜⵉⵏ ⵉⵜⵉⵇⵏⵉⵢⵏ

09 ⵢⵓⵍⵢⵓⵣ 2024 Version Imprimable

ⵕⵕⴱⴰⵟ - ⵎⵙⴰⵙⴰⵏ ⵉⴳⵔⴰⵡⵏ ⵉⵏⴰⵎⵓⵔⵏ ⵏ ⵜⴽⵓⵔⵜ ⵏ ⵓⴹⴰⵕ ⴰⵙⵙ ⵏ ⵓⵢⵏⴰⵙ ⵅⴼ ⵓⵖⴰⵡⴰⵙ ⵏ ⵓⵃⵟⵟⵓ ⴰⵏⴰⵎⵓⵏ ⵉ ⵜⵉⵎⵢⴰⵔⵓⵔⵉⵏ ⴷ ⵉⵎⵢⴰⵔⵓⵔⵏ ⴷ ⵉⵙⴰⵜⵉⵏ ⵉⵜⵉⵇⵏⵉⵢⵏ.

ⵉⵣⵔⵉ ⵓⵎⵙⴰⵙⴰ ⵅⴼ ⵓⵖⴰⵡⴰⵙ ⴰⴷ ⴳ ⵢⴰⵏ ⵓⵏⵎⵓⵇⵇⴰⵔ ⵉⵙⵏⵎⴰⵍⴰⵜ ⵓⵏⵙⵙⵉⵅⴼ ⵏ ⵜⴰⵙⴷⴰⵡⵉⵜ ⵜⴰⴳⵍⴷⴰⵏⵜ ⵜⴰⵎⵖⵔⵉⴱⵉⵢⵜ ⵏ ⵜⴽⵓⵔⵜ ⵏ ⵓⴹⴰⵔ ⴼⴰⵡⵣⵉ ⵍⵇⵊⵄ ⴷ ⵉⵏⵙⵙⵉⵅⴼⵏ ⵏ ⵉⴳⵔⴰⵡⵏ ⵉⵏⴰⵎⵓⵔⵏ.

ⵉⵍⵍⴰ ⴳ ⵓⵖⴰⵡⴰⵙ ⴰⴷ ⴰⵎⴰⵢⵏⵓ ⵏ ⵓⵃⵟⵟⵓ ⴰⵏⴰⵎⵓⵏ ⴰⵙⵔⵙ ⵏ ⵡⴰⵜⵉⴳ ⵏ ⵜⴰⴷⵔⴰⵡⵜ ⵅⴼ ⵓⵙⵡⵓⵔⵔⵉ ⴰⴼⴰⴷ ⵜⵉⴽⴽⵉ ⵏ ⵉⴷⵔⵉⵎⵏ ⵉⵥⵍⵉⵏ ⵙ ⵉⵏⵓⵏⵏⵓⵢⵏ ⴷ ⵉⵙⴰⵜⵉⵏ ⵏ ⵜⵓⵏⵏⵓⵏⵜ ⴷ ⵓⵙⵙⴰⴽⵉ ⵏ ⵡⴰⵜⵉⴳ ⴳ ⵉⵙⴳⴳⴰⵙⵏ 2024/2028 ⵙⴳ 90 ⵅⴼ 100 ⴰⵔ 50ⵅⴼ 100 ⵙ ⴰⵣⵣⵉⴳⵣ ⵏ 10 ⵅⴼ 100 ⴳ ⵓⵙⴳⴳⵯⴰⵙ.

ⵉⵏⵏⴰ ⵓⵙⴰⴳⵎ ⴰⴷ ⴳ ⵎⴰⴷ ⵉⵥⵍⵉⵏ ⵙ ⴰⵃⵟⵟⵓ ⵏ ⵜⵓⵏⵏⵓⵏⵜ ⴷ ⵜⴰⵎⵙⴳⴳⴰⵔⵜ ⵜⵓⵖⵔⵉⵎⵜ ⵏ ⵉⴳⵔⴰⵡⵏ ⵜⵎⵍⴰⵏⵜ ⵜⵖⴰⵡⵙⵉⵡⵉⵏ ⵜⵉⵎⴰⵢⵏⵓⵜⵉⵏ ⴳ ⵉⴳⵔ ⵏ ⵜⴰⵎⵀⵍⴰ ⵏ ⵉⵎⵢⴰⵙⵙⴰⵏ ⴳⵔ ⵉⴳⵔⴰⵡⵏ ⴷ ⵜⵉⵎⵜⵙⵍⵜ ⵏ ⵓⵃⵟⵟⵓ ⴰⴼⴰⴷ ⴰⵙⵔⵙ ⵏ ⵜⴰⵖⵟⵉⵢⴰ ⵜⴰⴷⵓⵙⴰⵏⵜ ⴳ ⵓⵣⵎⵣ ⵉⵖ ⵉⵜⵜⵓⵜⵏ ⵉⵎⴰⵔⵓⵜⵏ ⴷ ⵉⵙⴰⵜⵉⵏ ⵉⵜⵉⵇⵏⵢⵏ ⴳ ⵉⴳⵔ ⵉⵖ ⵙⵍⴰⵏ ⵜⴰⴳⵓⵔⵜ ⵏ ⵓⴹⴰⵕ.

ⵜⵙⴷⴷⵉⴷ ⵜⵙⴷⴰⵡⵉⵜ ⵓⵍⴰ ⵎⴰⵙ ⵉⵏⵏⴰ ⵎⴰⵙⵙ ⴼⴰⵡⵣⵉ ⵍⵇⵊⵄ ⴳ ⵓⵏⵎⵉⵇⵇⴰⵔ ⴰⴷ ⵍⵍⵉ ⵖ ⵉⵍⵍⴰ ⵓⵏⵙⵙⵉⵅⴼ ⵏ ⵜⴰⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵜⵎⵓⵔⵜ ⵏ ⵓⴹⴰⵕ ⵄⴷⵙⵍⴰⵎ ⴱⵍⵇⵛⵓⵔ ⵎⴰⵙ ⵉⴳⴰ ⵓⵖⴰⵡⴰⵙ ⵏ ⵓⵃⵟⵟⵓ ⴰⵏⴰⵎⵓⵏ ⵉ ⵡⵉⵍⵍⵉ ⵉⵙⴰⵍⴰⵏ ⵜⵓⵏⵏⵓⵏⵜ ⵢⴰⵏ ⵓⴷⵖⴰⵔ ⴰⵅⴰⵜⴰⵔ ⴰⴼⴰⴷ ⵜⵓⴷⵔⵜ ⵉⵖⵓⴷⴰⵏ ⵉ ⵉⴼⴳⴰⵏⵏ ⴰⴷ .

ⵉⵙⴷⴷⵉⴷ ⵎⴰⵙⵙ ⵍⵇⵊⵄ ⵓⵍⴰ ⵎⴰⵙ ⴷⵢⵓⵛⴽⴰ ⵓⵖⴰⵡⴰⵙ ⴰⴷ ⵙ ⵜⴰⵡⵓⵔⵉ ⵉⵛⵛⴰⵔⵏ ⴷ ⵜⴰⴷⵔⴰⵡⵜ ⵏ ⵎⵏⵏⴰⵡ ⵉⵎⵙⴽⴰⵔⵏ ⴳ ⵢⴰⵏ ⵓⵣⵎⵣ ⵉⵣⵔⵉⵏ ⵙⵉⵏ ⵉⵙⴳⴳⴰⵙⵏ.

Source URL: https://www.mapnews.ma/am/actualites/%E2%B5%9C%E2%B5%93%E2%B5%8F%E2%B5%8F%E2%B5%93%E2%B5%8F%E2%B5%9C/%E2%B5%9C%E2%B4%B0%E2%B4%BD%E2%B5%93%E2%B5%94%E2%B5%9C-%E2%B5%8F-%E2%B5%93%E2%B4%B9%E2%B4%B0%E2%B5%95-%E2%B5%8E%E2%B5%99%E2%B4%B0%E2%B5%99%E2%B4%B0%E2%B5%8F-%E2%B5%89%E2%B4%B3%E2%B5%94%E2%B4%B0%E2%B5%A1%E2%B5%8F-%E2%B5%85%E2%B4%BC-%E2%B5%93%E2%B5%96%E2%B4%B0%E2%B5%A1%E2%B4%B0%E2%B5%99-%E2%B5%8F-%E2%B5%93%E2%B5%83%E2%B5%9F%E2%B5%9F%E2%B5%93-%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%8F-%E2%B5%89-%E2%B5%9C%E2%B5%89%E2%B5%8E%E2%B5%A2%E2%B4%B0%E2%B5%94%E2%B5%93%E2%B5%94%E2%B5%89%E2%B5%8F-%E2%B4%B7-%E2%B5%89%E2%B5%8E%E2%B5%A2%E2%B4%B0%E2%B5%94%E2%B5%93%E2%B5%8F-%E2%B4%B7