"ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⴷⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵍⵄⵓⵍⴰⵎⴰ, ⵡⴰⵙⵙ ⵏ ⵓⵙⵉⵎⵡⴰⵙ 28 ⴷⵉ ⵍⵃⵉⵊⴰ 1445 ⵀⵉⵊⵔⵉ ⵉⵎⴰⴳⴳⴰⵔ ⴷ 28 ⵢⵓⵏⵢⵓ 2024 ⵉⵙⵡⴰⵍⵏ ⵢⴰⵜⵜⵓⵢⵏⵉ ⵉ ⵓⵙⵇⵇⵉⵎ ⴰⴷ ⴰⴼⴰⴷ ⵉⵥⵕⴰ ⵎⵏⵏⴰⵡⵜ ⵏ ⵜⵉⵙⵇⵙⵉⵜⵉⵏ ⵍⵍⴰⵏⵜ ⴳ ⵜⵙⵓⵎⵔⵉⵏ ⵏ ⵓⴳⵔⴰⵡ ⵉⵜⵜⵓⵙⵎⴰⴳⴰⵍⵏ ⵏ ⵓⵄⴰⵡⴷ ⵏ ⵜⵎⵓⵖⵍⵉ ⴳ ⵜⵓⴳⵔⵉⵡⵜ ⵏ ⵜⵡⵊⴰ ⴳ ⵓⵎⵎⴰⵙ ⵏ ⵎⴰⴷ ⵉⵏⵏⴰ ⵍⵇⵓⵕⴰⵏ ⴷ ⵍⵉⵙⵍⴰⵎ ⵏ ⵓⵎⵙⵓⵔⵓⴼ ⴰⴷ ⴰⵙ ⵢⴰⵙⵙⵉ ⵍⴼⴰⵜⵡⴰ ⵙ ⵜⵎⵍⴷⴰ ⴰⴷ .
ⴰⵣⵔⴰⵢ ⴰⴷ ⵢⵓⵛⴽⴰⴷ ⴷⴼⴼⵉⵔ ⵍⵍⵉⵖ ⵉⴽⵎⵍ ⵓⴳⵔⴰⵡ ⵉⵜⵜⵓⵙⵎⴰⴳⴰⵍⵏ ⵏ ⵓⵄⴰⵡⴷ ⵏ ⵜⵎⵓⵖⵍⵉ ⴳ ⵜⵓⴳⵔⵉⵡⵜ ⵏ ⵜⵡⵊⴰ ⵜⴰⵡⵓⵔⵉ ⵏⵏⵙ ⴳ ⵓⵣⵎⵣ ⵉⵍⵍⴰⵏ ⴷ ⵉⴼⴽⴰ ⵜⵙⵓⵎⵔⵉⵏ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵉⵍⵍⴰ ⴳ ⵓⵎⵎⴰⵙ ⵏⵙⵏⵏⵜ ⵎⴰⴷ ⵉⵣⴷⵉⵏ ⵙ ⵉⴹⵕⵉⵚⵏ ⵏ ⵓⵙⴳⴷⴰ ⴷ ⵓⴳⵍⵍⵉⴷ ⵉⵖⵜⵙ ⴰⴷ ⵜⵏ ⵉⴼⴽⴰ ⵉ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵍⵄⵓⵍⴰⵎⴰ ⵖⵉⴽ ⵉⵏⵏⴰ ⵓⵎⵏⵏⵉ ⵡⵉⵙⵙ 41 ⵏ ⵓⴷⵓⵙⵜⵓⵔ ⵎⴰⵢⴰⴷ ⵉⴳⴰⵏ ⵓⴳⵔⴰⵡ ⵉⵜⵜⵓⵙⵎⴰⴳⴰⵍⴰⵏ ⴰⴷ ⵢⵉⵏⵉ ⴼⴰⵜⴰⵡⴰ ⵉⵎⴰⴷⴷⵓⴷⵏ ⵉⵜⵜⵓⵢⴰⵎⴰⵣⵏ .
ⵉⵖⵔⴰ ⵓⴳⵍⵍⵉⴷ ⵓⵍⴰ ⴰⵙⵇⵇⵉⵎ ⴰⵏⴰⴼⵍⵍⴰ ⵏ ⵍⵄⵓⵍⴰⵎⴰ ⴰⴷ ⵉⵥⵕⴰ ⴳ ⵜⵎⵍⴷⴰ ⵏ ⵉⴼⴽⴰⵏ ⵍⴼⴰⵜⵡⴰ ⵎⴰⴷ ⵜⵙⵓⵎⵔⵉⵏ ⵎⴰⴷ ⵉⵍⵍⴰⵏ ⴳ ⵜⴰⴱⵔⴰⵜ ⵜⴰⴳⵍⴷⴰⵏⵜ ⵏⵏⴰ ⵜⵜⵓⵣⵏⵉⵏ ⵉ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⴰⴷ ⵓⵎⵎⵣⵏ ⵜⴰⵖⵢⴰⵙⵜ ⴷ ⵍⵉⵊⵜⵉⵀⴰⴷ ⵉⵕⵥⵎⵏ ⵡⵉⵏⵏ ⵏ ⵜⵓⵚⴽⴰ ⴷ ⵉⵍⵓⴳⴰⵏ ⵏⵏⴰ ⵅⴼ ⵉⵙⴰⵡⵍ ⴱⴰⴱ ⵏ ⵡⴰⴷⴷⵓⵔ ⴰⴷ ⵉⵙⵙⵔⵏⵓ ⵕⴱⴱⵉ ⵎⵏⵏⴰⵡ ⵏ ⵜⴽⵍⴰⵢ ⵎⴰⵢⴰⴷ ⵢⵓⴷⴷⵊⴰ ⴰⴷ ⵓⵔ ⵏⴼⴽⴰ ⵎⴰⴷ ⵓⵔ ⵉⵃⵍⵉⵏ ⴷ ⴰⴷ ⵏⵓⴳⴳⴷⵍ ⵎⴰⴷ ⵉⵃⵍⵉⵏ ".