Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵕⵥⵥⵓⵎ ⵏ ⵜⵡⴰⵍⴰ ⵜⴰⵎⵣⵡⴰⵔⵓⵜ ⵏ ⵓⵙⴳⴳⵯⴰⵙ ⵓⵣⵔⵉⴼ ⵡⵉⵙⵙ ⴽⵕⴰⴹ
  1. Accueil
  2. Activités royales

ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵕⵥⵥⵓⵎ ⵏ ⵜⵡⴰⵍⴰ ⵜⴰⵎⵣⵡⴰⵔⵓⵜ ⵏ ⵓⵙⴳⴳⵯⴰⵙ ⵓⵣⵔⵉⴼ ⵡⵉⵙⵙ ⴽⵕⴰⴹ

11 ⴽⵟⵓⴱⵕ 2013 Version Imprimable
ⵕⵕⴱⴰⵟ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵍⵍⵉ ⵢⵎⴰⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴰⵙⵙ ⵏ ⵓⵙⵉⵎⵡⴰⵙ ⴳ ⵕⵕⴱⴰⵟ, ⴰⵕⵥⵥⵓⵎ ⵏ ⵜⵡⴰⵍⴰ ⵜⴰⵎⵣⵡⴰⵔⵓⵜ ⵏ ⵓⵙⴳⴳⵯⴰⵙ ⵓⵣⵔⵉⴼ ⵡⵉⵙⵙ ⴽⵕⴰⴹ ⵏ ⵜⵏⴱⴰⴹⵜ ⵜⵓⵣⵔⵉⴼⵜ 9, ⵍⵍⵉⵖ ⵉⴼⴽⴰ ⵢⴰⵏ ⵉⵏⴰⵡ ⵉⵎⵙⴷⴷⵓⵔⵏ.


ⵜⵉⴳⵎⵉ ⵏ ⵜⵉⵣⵉⴳⵣⵜ ⵏ ⵜⵎⵔⵙⵍⵜ ⴳ ⵜⵎⴰⵣⵉⵔⵜ ⵏⵏⴳ ⵜⵙⵙⵏ ⵢⴰⵏ ⵓⵎⵓⵙⵙⵓ ⴰⵙⵓⵍⴰⵏ, ⵎⴰⵢⴰⴷ ⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

ⴼ ⵖⵉⴽⴰⵏⵏ, ⵉⵙⴰⵡⵍ ⴱⴰⴱ ⵏ ⵡⴰⴷⴷⵓⵔ ⵓⴳⵍⵍⵉⴷ ⵅⴼ ⵍⵡⵉⵍⴰⵢⴰ ⵜⴰⴱⵕⵍⴰⵎⴰⵏⵉⵜ, ⵉⵏⵏⴰ ⵉⵙ ⵉⵅⵚⵚⴰ ⵉⴱⵕⵍⴰⵎⴰⵏⵉⵢⵏ ⴰⴷ ⵎⵙⵜⴳⴳⵔⵏ ⴳ ⵓⵣⵣⴳⵉⵔ ⵏ ⵜⴰⵙⵎⵉⴳⵍⵉⵏ ⵉⵣⵔⵉⴼⵏ ⵏⵏⵙⵏ. ⴰⵛⴽⵓ ⵜⴰⵖⴰⵔⴰ ⵜⵓⵣⵔⵉⴼⵜ ⵏ ⵉⵍⴳⴰⵎⵏ ⵍⵉⵉ ⵜⵜⵓⴹⴼⵕⵏ ⴰⴷ ⵉⵙⴷⴷⵓⵔⵏ ⴱⴰⵀⵔⴰ, ⵓⵔⴷ ⴽⴰ ⵜⴰⵙⵎⴽⵜⴰ ⵏⵏⵙⵏ.

ⵉⵔⵏⵓ ⵢⵏⵏⴰ ⴱⴰⴱ ⵏ ⵡⴰⴷⴷⵓⵔ ⵉⵙ ⵉⵅⵚⵚⴰ ⴰⴷ ⵉⵎⵎⵥ ⴰⵍⴳⴰⵎ ⵏ ⵜⵓⵣⵍⵜ ⵜⴰⴱⵕⵍⴰⵎⴰⵏⵉⵜ, ⴰⴼⴰⴷ ⴰⴷ ⵜⵓⵔⴰⵔ ⵜⵉⵍⴰⵍⵜ ⵏⵏⵙ ⴳ ⵜⵉⴹⴰⴼ ⵏ ⵜⵉⴳⴰⵡⵜ ⵏ ⵜⵏⴱⴰⴹⵜ ⴷ ⴰⴷ ⵜⴼⵊ ⵢⴰⵏ ⵓⵣⵖⴰⵏ ⵉⵜⵜⵓⵚⴽⴰⵏ ⵙ ⵜⵏⴰⴼⵓⵜ ⵉⴱⵖⵓⵔⵏ ⵉⵏⴰⴼⵍⵍⴰⵏ ⵏ ⵜⵎⵜⵜⵉ.

ⴳ ⵎⴰⴷ ⵉⵥⵍⵉⵏ ⵙ ⵜⴰⵎⵙⴰⵔⵜ ⵏ ⵚⵚⵃⵕⴰ ⵉⵜⵜⵔ ⴱⴰⴱ ⵏⵡⴰⴷⴷⵓⵔ ⴰⴷ ⵜⵉⵍⵉ ⵢⴰⵜ ⵜⵎⵓⵏⵜ ⵉⴷⵓⵙⵏ ⴷ ⵉⵎⵓⵙⵙⵓⵜⵏ ⴳⴳⵯⵓⵜⵏⵉⵏ ⵏ ⴽⵔⴰ ⵢⴳⴰⵜ ⵉⵎⵙⴽⴰⵔⵏ ⴳ ⵓⴳⴳⵯⵏⵙ ⴷ ⴱⵕⵕⴰ ⴰⴼⴰⴷ ⴰⴷ ⵙⵙⴱⴽⵙⵏ ⵉⵎⵏⵉⵍⵏ ⵏ ⵜⵎⵓⵔⵜ .

ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⵓⵍⴰ ⵎⴰⵙ ⵓⵔ ⵜⴳⵉ ⵜⴰⵎⵙⴰⵔⵜ ⵏ ⵚⵚⵃⵕⴰ ⵜⴰⵎⵙⵜⴳⴳⴰⵔⵜ ⵏ ⵓⴳⵍⵍⵉⴷ ⵖⵉⵔ, ⵎⴰⵛ ⵜⴳⴰ ⵜⴰⵎⵙⴰⵔⵜ ⵏ ⴽⵔⴰ ⵉⴳⴰⵜ ⵜⵉⵎⵔⵙⵍⵉⵏ ⵏ ⵡⴰⵏⴽ ⴰⴱⴰⵔⵎⴰⵎⴰⵏ ⴷ ⵉⵙⵇⵇⵉⵎⵏ ⵜⵜⵓⵙⵜⵢⵏⵉⵏ ⴷ ⵉⵎⵓⵍⵍⵉⵜⵏ ⵉⵙⵔⵜⴰⵏⵏ ⴷ ⵉⵏⵎⴰⵍⵍⵓⵜⵏ ⴷ ⵓⵎⵓⵏ ⵓⵖⵔⵉⵎ.

ⴷⴼⴼⵉⵔ ⵏ ⵉⵏⴰⵡ ⵏ ⴱⴰⴱ ⵏ ⵡⴰⴷⴷⵓⵔ ⵉⵙⵏⵓⴱⴳ ⵓⴳⵍⵍⵉⴷ ⵍⵍⵉ ⵉⵎⵓⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵎⵓⵍⴰⵢ ⵔⴰⵛⵉⴷ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⴽⴰⵔⵉⵎ ⵖⵍⵍⴰⴱ ⵍⵍⵉ ⴰⵙ ⵉⵎⵍⴰⵏ ⵜⴰⵎⴰⵖⵓⵏⵜ ⵏ ⵉⵎⵓⵙⵙⵓⵜⵏ ⵏ ⵓⵙⵇⵇⵉⵎ ⴳ ⵓⵣⵎⵣ ⵏ 2012-2013 .

ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⵓⵍⴰ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵎⵓⵃⵎⵎⴷ ⵛⵛⵉⵅ ⴱⵉⵢⴰⴷⵉⵍⵍⴰⵀ ⵍⵍⵉ ⴰⵙ ⵉⵎⵍⴰⵏ ⵜⴰⵎⴰⵖⵓⵏⵜ ⵏ ⵉⵎⵓⵙⵙⵓⵜⵏ ⵏ ⵓⵙⵇⵇⵉⵎ ⴳ ⵓⵣⵎⵣ ⵏ 2012-2013 .

ⴷⴼⴼⵉⵔ ⵏ ⵎⴰ ⵢⴰⴷ ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⵎⴰⵡⵙⴰⵙ ⵏ ⵉⵎⵢⴰⵙⵙⴰⵏ ⴷ ⵓⴱⵕⵍⴰⵎⴰⵏ ⴷ ⵓⵎⵓⵏ ⵓⵖⵔⵉⵎ ⵍⵍⵉ ⴰⵙ ⵉⵎⵍⴰⵏ ⵜⴰⵎⴰⵖⵓⵏⵜ ⵏ ⵏ ⵜⵏⴱⴰⴹⵜ ⴳ ⵓⴱⴰⵕⵍⴰⵎⴰⵏ ⴰⵙⴳⴳⵯⴰⵙ ⴰⴷ ⵍⵍⵉ ⵉⴳⴳⴳⵯⵔⴰⵏ.

Dernière modification : 11 ⴽⵟⵓⴱⵕ 2013
Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B0%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F-%E2%B5%9C%E2%B5%A1%E2%B4%B0%E2%B5%8D%E2%B4%B0-%E2%B5%9C%E2%B4%B0%E2%B5%8E%E2%B5%A3%E2%B5%A1%E2%B4%B0%E2%B5%94%E2%B5%93%E2%B5%9C-%E2%B5%8F-%E2%B5%93%E2%B5%99%E2%B4%B3%E2%B4%B3%E2%B5%AF%E2%B4%B0%E2%B5%99-%E2%B5%93%E2%B5%A3%E2%B5%94%E2%B5%89%E2%B4%BC-%E2%B5%A1%E2%B5%89%E2%B5%99%E2%B5%99-%E2%B4%BD%E2%B5%95%E2%B4%B0%E2%B4%B9#comment-0