Published on MAPNews (https://www.mapnews.ma/am)

Accueil > ⵜⴰⵎⵢⴰⵇⵇⴰⵏⵜ ⵏ ⵜⴷⵔⴰⵡⵜ ⴳⵔ ⴰⵙⵇⵇⵉⵎ ⵏ ⵉⵎⵓⵔⴰ ⴷ ⵜⴰⵎⴰⵡⴰⵙⵜ ⵏ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ ⴰⴼⴰⴷ ⴰⵙⴷⵓⵙ ⵏ ⵓⴼⵔⵉⵙ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ

ⵜⴰⵎⵢⴰⵇⵇⴰⵏⵜ ⵏ ⵜⴷⵔⴰⵡⵜ ⴳⵔ ⴰⵙⵇⵇⵉⵎ ⵏ ⵉⵎⵓⵔⴰ ⴷ ⵜⴰⵎⴰⵡⴰⵙⵜ ⵏ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ ⴰⴼⴰⴷ ⴰⵙⴷⵓⵙ ⵏ ⵓⴼⵔⵉⵙ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ

10 ⵢⵓⵏⵢⵓ 2024 Version Imprimable
ⵕⵕⴱⴰⵟ -  ⵉⵙⵙⴳⵎⴹ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⴰⵎⴰⵡⴰⵙⵜ ⵏ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ ⴰⵙⵙ ⵏ ⵓⵏⵢⴰⵙ  ⴳ ⵕⵕⴱⴰⵟ ⵜⴰⵎⵢⴰⵇⵇⴰⵏⵜ ⵏ ⵜⴷⵔⴰⵡⵜ  ⵜⵎⵛⵎ ⴳ ⵉⴳⵔ ⵏ ⵉⵙⴰⵜⵉⵏ ⵏ ⵜⵏⴱⴰⴹⵜ ⵉⵥⵍⵉⵏ ⵙ  ⴰⵙⴷⵓⵙ ⵏ ⵓⴼⵔⵉⵙ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ.

ⵜⵔⴰ ⵜⵎⵢⴰⵇⵇⴰⵏⵜ ⴰⴷ ⵍⵍⵉ ⵉⵙⵙⴳⵎⴹ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵕⴰⵛⵉⴷ ⵟⵟⴰⵍⴱⵉ ⵄⴰⵍⴰⵎⵉ ⴷ ⵜⴰⵎⴰⵡⵙⴰⵙⵜ ⵏ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ ⵖⵉⵜⴰ ⵎⵣⵓⵔ ⴰⵙⵔⵙ ⵏ ⵓⵖⴰⵡⴰⵙ ⵍⵍⵉ ⵉⵇⴱⵍ ⵓⵙⵇⵇⵉⵎ ⴰⴼⴰⴷ ⴰⵙⴷⵓⵙ ⵏ ⵓⴼⵔⵉⵙ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ ⴳ ⵜⵉⵡⵓⵔⵉⵡⵉⵏ ⵏⵏⵙ.

ⴳ ⵢⴰⵜ ⵜⴳⵓⵔⵉ ⵙ ⵓⵣⵎⵣⵣⵓ ⵢⴰⴷ , ⵉⵙⴷⴷⵉⴷ ⵎⴰⵙⵙ ⵕⴰⵛⵉⴷ ⵟⵟⴰⵍⴱⵉ ⵄⴰⵍⴰⵎⵉ ⵎⴰⵙ ⵔⴰⴷ ⵜⴰⵡⵙ ⵜⵎⵢⴰⵇⵇⴰⵏⵜ ⴰⴷ ⴳ ⵓⵙⴷⵓⵙ ⵏ ⵓⵙⵡⵓⵔⵔⵉ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵜⵓⵜⵍⴰⵢⵜ ⵜⴰⵎⴰⴷⴷⵓⴷⵜⵖ ⵉⵔⵏⵓ ⵉⵏⵏⴰ ⵎⴰⵙ ⵉⵙⴽⵔ ⵓⵙⵇⵇⵉⵎ ⵜⵓⴳⴳⴰⵙ ⴳ ⵓⵙⴰⵜⵉ ⵢⴰⴷⵙ ⵉⵎⴰⵙⵏ ⵉⴷⵔⵓⵙⵏ ⵉⵕⵥⵎ ⴰⵙⵉⵜ ⵏ ⵜⴰⵙⵓⵖⵍⵜ ⵏ ⴷⵖⵢⴰ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵎⴰⵛ ⴰⵎⵛⵛⵓⵎ ⵏ ⵜⵎⴰⵡⴰⵙⵜ ⵉⴷⵔⴰ ⴳ ⴰⵏⵏⴰⵍ ⵉⵖⵓⴷⴰⵏ ⵉ ⵢⵓⵙⵉⵜ ⴰⴷ.

ⵉⵔⵏⵓ ⵉⵏⵏⴰ ⵎⴰⵙ ⵜⵔⴰ ⵜⵎⵢⴰⵇⵇⴰⵏⵜ ⴰⴷ ⴰⵏⵏⴰⵍ ⵏ ⵜⵙⵓⵖⵍⵜ ⵏ ⴷⵖⵢⴰ ⵙ ⵜⵎⴰⵣⵉⵖⵜ ⴷ ⵓⵣⵣⵉⴳⵣ ⵏ ⵓⵙⵍⴳⵏ ⴰⵎⴰⴷⴷⴰⵙ ⵉⵥⵍⵉⵏ ⵙ ⵏ ⵓⵙⵔⵙ ⵏ ⵜⴰⵎⴰⵣⵉⵖⵜ , ⵉⵙⴷⴷⵉⴷ ⵓⵍⴰ ⵎⴰⵙ ⵜⴳⴰ ⵜⵙⵓⵖⵍⵜ ⵏ ⴷⵖⵢⴰ ⵏ ⵜⵉⵖⴰⵎⴰⵜⵉⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⵉⵣⵉ ⵜⴰⵎⵣⵡⴰⵔⵓⵜ  ⵔⴰⴷ ⵜⵙⵜ ⵜⴹⴼⵕ ⵜⵉⵣⵉ ⵜⵉⵙⵙ ⵙⵏⴰⵜ ⴰⴼⴰⴷ ⵜⴰⵙⵓⵖⵍⵜ ⵏ ⵜⵉⵡⵓⵔⵉⵡⵉⵏ ⵏ ⵉⴳⵔⴰⵡⵙⵏ ⵏ ⵉⵎⵓⵔⴰ ⴷ ⵜⴰⵙⵓⵖⵍⵜ ⵏ ⵜⵉⵔⵔⴰ ⴳ ⵙⵎⵎⵓⵙ ⵉⵙⴳⴳⵯⴰⵙⵏ ⵎⴰⵢⴰⴷ ⴰⵔ ⵉⵜⵎⵙⴰⵙⴰ ⴷ ⵓⵙⵍⴳⵏ.

ⴳ ⵜⴰⵙⴳⴰ ⵏⵏⵙ, ⵜⵣⵎⵎⴻⵎ ⵎⴰⵙⵙⴰ ⵎⵣⵓⵔ ⵜⵉⵔⴰⵜ ⵏ ⵜⴰⵎⵡⴰⵙⵜ ⴰⴷ ⵜⵣⴷⵉ ⴰⵏⵏⴰⵍ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵙⵉⴷⴼ ⵏ ⵜⵓⵜⵍⴰⵢⵜ ⵜⴰⵎⵣⵉⵖⵜ ⴳ ⵉⵎⵓⵙⵙⵓⵜ ⵏ ⵏⵏⵙ ⴳ ⵓⵙⴰⵜⵉ ⵏ ⵓⵣⵣⵉⴳⵣ ⵏ ⵓⵙⵍⴳⵏ ⴰⵎⴰⴷⴷⴰⵙ 26.16 ⵙⵍⴰⵡⴰⵏ ⴰⴽⴽⵯ ⴰⵎⴰⴳⵔⴰⴷ ⵡⵉⵙⵙ 9 ⵍⵍⵉ ⵉⵙⴷⴷⵉⴷⵏ ⵅⴼ ⵜⴰⵙⵣⵓⵔⵔⵉ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵜⴰⵎⴰ ⵏ ⵜⵓⵜⵍⴰⵢⵜ ⵜⴰⵄⵔⴰⴱⵜ ⴳ ⵓⵙⴰⵜⵉ ⵏ ⵉⵎⵓⵙⵙⵓⵜⵏ ⵏ ⵜⵉⵖⵉⵎⵉⵜⵉⵏ ⵜⵉⴳⴷⵓⴷⴰⵏⵉⵏ ⵏ ⵓⴱⵕⵍⴰⵎⴰⵏ ⴷ ⵉⴳⵔⴰⵡⵏ ⵏⵏⵙ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B4%B0%E2%B5%8E%E2%B5%A2%E2%B4%B0%E2%B5%87%E2%B5%87%E2%B4%B0%E2%B5%8F%E2%B5%9C-%E2%B5%8F-%E2%B5%9C%E2%B4%B7%E2%B5%94%E2%B4%B0%E2%B5%A1%E2%B5%9C-%E2%B4%B3%E2%B5%94-%E2%B4%B0%E2%B5%99%E2%B5%87%E2%B5%87%E2%B5%89%E2%B5%8E-%E2%B5%8F-%E2%B5%89%E2%B5%8E%E2%B5%93%E2%B5%94%E2%B4%B0-%E2%B4%B7-%E2%B5%9C%E2%B4%B0%E2%B5%8E%E2%B4%B0%E2%B5%A1%E2%B4%B0%E2%B5%99%E2%B5%9C-%E2%B5%8F-%E2%B5%93%E2%B5%8E%E2%B5%93%E2%B5%9C%E2%B5%9C%E2%B5%89-%E2%B4%B0%E2%B5%8E%E2%B5%93%E2%B5%9F%E2%B5%9F%E2%B5%93%E2%B5%8F-%E2%B4%B7-%E2%B5%93%E2%B5%99%E2%B5%8F%E2%B4%B0%E2%B5%8E-%E2%B5%8F