ⵉⵥⵓⵍⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⵥⴰⵍⵍⵉⵜ ⵏ ⵓⵙⵉⵎⵡⴰⵙ ⴳ ⵜⵉⵎⵣⴳⵉⴷⴰ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵕⵕⴱⴰⵟ

11 ⴽⵟⵓⴱⵕ 2013 Version Imprimable

ⵕⵕⴱⴰⵟ - ⵉⵥⵓⵍⵍⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⴰⴷ ⵜ ⵉⵏⵚⵕ ⵕⴱⴱⵉ, ⵜⴰⵥⴰⵍⵍⵉⵜ ⵏ ⵓⵙⵉⵎⵡⴰⵙ ⴳ ⵜⵉⵎⵣⴳⵉⴷⴰ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵕⵕⴱⴰⵟ.

ⴰⵎⵎⴰⵙ ⵏ ⵉⵏⴰⵡ ⵏⵏⵙ, ⵉⵏⵏⴰ ⵍⵉⵎⴰⵎ ⵉⵙ ⵉⴳⴰ ⵡⵣⵔⴰⴽ ⵏ ⵉⵙⵓⵖⵏ ⴷ ⵉⵎⵉⵔⵉⵏ ⵢⴰⵜ ⵜⴰⵙⵉⵍⴰ ⵉⵎⵙⵙⴷⵓⵔⵏ ⴱⴰⵔⵀⴰ ⵏ ⵍⵉⵙⵍⴰⵎ.

ⴰⵎⵉⵔⵓ ⴰⵎⵣⵡⴰⵔⵓ ⵍⵍⵉ ⵢⵅⵚⵚⴰ ⴰⵎⵓⵙⵍⵎ ⴰⴷ ⵉⵣⵔⴽ ⵉⴳⴰⵜ ⴰⵣⴷⴰⵢ ⵏⵏⵙ ⴷ ⵕⴱⴱⵉ. ⴼ ⵖⵉⴽⴰⵏⵏ, ⵉⵅⵚⵚⴰ ⴰⵎⵓⵙⵍⵎ ⴰⴷ ⴷⴰⵔ ⵜ ⵜⵉⵍⵉ ⵢⴰⵜ ⵜⴰⴼⵍⵙⵜ ⵉⵎⵇⵇⵓⵔⵏ ⴳ ⵕⴱⴱⵉ, ⴰⴷ ⵜ ⵉⵄⴱⴷ ⴷ ⴰⴷ ⵉⵣⵣⴳⵔ ⵉⵏⴹⵏ ⵏⵏⵙ ⴷ ⵢⴰⵊⵊ ⴽⵓⵍⵍⵓ ⵎⴰⵢⴰⴷ ⵉⴳⴷⴷⵍ.

ⴰⵎⵉⵔⵓ ⵡⵉⵙⵙ ⵙⵉⵏ ⵜⴳⴰⵜ ⵜⵡⵓⵔⵉ ⵏ ⵍⴱⴰⵢⵄⴰ ⵜⵓⵍⴳⵉⵏⵜ ⴷ ⴰⵣⵣⴳⵉⵔ ⴷ ⴰⵙⵙⴼⴰⵡ ⵉ ⵡⴰⵏⵏⴰ ⵍⵍⵉ ⵢⵓⵎⵥⵏ ⴰⵙⵖⵍⴼ ⵏ ⵓⵙⵡⵓⴷⴷⵓ ⵏ ⵜⵎⵙⴰⵔⵉⵏ ⵏ ⵍⵓⵎⵎⴰ ⴰⵎⵎⴰⵙ ⵏ ⴷⵓⵏⵏⵉⵜ ⵓⵍⴰ ⵍⵉⵅⵔⵜ.

ⵉⵔⵏⵓ ⵢⵏⵏⴰ ⵍⵉⵎⴰⵎ ⵉⵙ ⵉⵏⴱⴹ ⴰⵎⵉⵔⵓ ⵡⵉⵙⵙ ⵙⵉⵏ ⵉⵎⵢⴰⵙⵙⴰⵏ ⵉⵏⴰⵎⵓⵏⵏ ⴳⵔ ⵉⴳⵎⴰⵎⵏ ⵏ ⵜⴳⵔⴰⵡⵜ, ⴰⵎⵎⴰ ⵡⵉⵙⵙ ⴽⴽⵓⵥ ⵉⴳⴰⵜ ⵉⵇⵇⴰⵕⵉⴹⵏ ⵍⵍⵉ ⵜⵙⵙⵍⵍⴰⴼⵏ ⵎⴷⴷⵏ ⴳⵔⴰⵜ ⵜⵏ ⴰⴼⴰⴷ ⴰⴷ ⵔⴰⵔⵏ ⵉ ⵢⵙⵙⴰⵔⵏ ⵏⵏⵙⵏ, ⵎⴰⵛ ⵉⵅⵚⵚⴰ ⴰⴷ ⵜⵏ ⵔⴰⵔⵏ ⴳ ⵍⴰⵊⴰⵍ ⵏⵙⵙⵏ.

ⵉⵜⵜⵔ ⵍⵉⵎⴰⵎ ⵉ ⵕⴱⴱⵉ ⴰⴷ ⵉⵏⵚⵕ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵍⴰⵎⵉⵔ ⵏ ⵉⵎⵓⵎⵏⵏ ⴷ ⴰⴷⴰⵙ ⵢⴰⵊⵊ ⵢⵉⵡⵢⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴷ ⴳⵯⵎⴰⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵓⵍⴰ ⴽⵓⵍⵍⵓ ⵉⴳⵎⴰⵎⵏ ⵏ ⵜⵡⵊⴰ ⵜⴰⴳⵍⴷⴰⵏⵜ.

ⵉⵜⵜⵔ ⵍⵉⵎⴰⵎ ⵉ ⵕⴱⴱⵉ ⵓⵍⴰ ⴰⴷ ⵉⵕⵃⵎ ⵉⴳⵍⵍⵉⴷⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴷ ⵍⵃⴰⵙⴰⵏ ⵡⵉⵙⵙ ⵙⵉⵏ.

Dernière modification : 11 ⴽⵟⵓⴱⵕ 2013

Source URL: https://www.mapnews.ma/am/activites-royales/%E2%B5%89%E2%B5%A5%E2%B5%93%E2%B5%8D%E2%B5%8D-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%9C%E2%B4%B0%E2%B5%A5%E2%B4%B0%E2%B5%8D%E2%B5%8D%E2%B5%89%E2%B5%9C-%E2%B5%8F-%E2%B5%93%E2%B5%99%E2%B5%89%E2%B5%8E%E2%B5%A1%E2%B4%B0%E2%B5%99-%E2%B4%B3-%E2%B5%9C%E2%B5%89%E2%B5%8E%E2%B5%A3%E2%B4%B3%E2%B5%89%E2%B4%B7%E2%B4%B0-%E2%B5%8F-%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B7-%E2%B5%A1%E2%B5%89%E2%B5%99%E2%B5%99-%E2%B5%9A%E2%B4%B9%E2%B5%89%E2%B5%9A-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F#comment-0