ⵜⵔⴰ ⵍⵢⴰⴱⴰⵏ ⴰⴷ ⵜⵙⴷⵓⵙ ⵉ ⵉⵎⵢⴰⵙⵙⴰⵏ ⵏⵏⵙ ⵉⴷⵎⵙⴰⵏⵏ ⴷ ⵍⵎⵙⵖⵔⵉⴱ (ⵜⴰⵎⴰⵡⴰⵙⵜ ⵏ ⴱⵕⵕⴰ)

31 ⵎⴰⵢⵢⵓ 2024 Version Imprimable

ⵟⵓⴽⵢⵓ - ⵜⵏⵏⴰ ⵜⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵏ ⵍⵢⴰⴱⴰⵏ ⵢⵓⴽⵓ ⴽⴰⵎⵉⴽⴰⵡⴰ ⴰⵙⵙ ⵏ ⵓⵙⵉⵎⵡⴰⵙ ⴳ ⵟⵓⴽⵢⵓ ⵎⴰⵙ ⵜⵔⴰ ⵟⵓⴽⵢⵓ ⴰⴷ ⵜⵙⴷⵓⵙ ⵉⵎⵢⴰⵙⵙⴰⵏ ⵏⵏⵙ ⵉⴷⴰⵎⵙⴰⵏⵏ ⴷ ⵍⵎⵖⵔⵉⴱ.

ⵜⵏⵔⵓ ⵜⵏⵏⴰ ⵜⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵏ ⵍⵢⴰⴱⴰⵏ ⴳ ⵓⵏⵎⵓⴳⴳⴰⵔ ⵏ ⵜⵏⵖⵎⴰⵙⵜ ⵎⴰⵙ ⵉⴳⴰ ⵍⵎⵖⵔⵉⴱ ⵜⵉⴼⵍⵉⵜ ⵏ ⵓⴳⴰⴷⴰⵣ ⵏ ⵉⴼⵔⵉⵇⵢⴰ ⵉⵣⴷⵉ ⵓⵍⴰ ⴳⵔ ⵉⴼⵔⵉⵇⵢⴰ ⴷⴰ ⵓⵕⵓⴱⴱⵙ ⵉⵍⵍⵉⵏ ⴷⴰⵔⵙ ⵓⵍⴰ ⵉⵙⴰⴳⵎⵏ ⴳ ⵉⴳⵔⴰⵏ ⵓⵙⵙⴰⵔⵓ ⴷ ⵜⴰⵡⵓⵔⵉ.

ⵜⵙⴷⴷⵉⴷ ⵎⴰⵙⵙⴰ ⴽⴰⵎⵉⴽⴰⵡⴰ ⴳ ⵜⵎⵔⴰⵔⵓⵜ ⴳ ⵢⴰⵏ ⵓⵙⵇⵙⵉ ⵅⴼ ⴰⵔⵣⴰⴼ ⵏ ⵓⵎⴰⵡⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵢⵏ ⵉⵣⴷⵖⵏ ⴳ ⴱⵕⵕⴰ ⵎⴰⵙⵙ ⵏⴰⵚⵕ ⴱⵓⵕⵉⵟⴰ ⵎⴰⵙ ⵜⵅⴷⵎ ⵜⴳⵍⴷⵉⵜ ⴳ ⵉⵙⴳⴳⴰⵙⵏ ⵉⴳⵔⴰⵏ ⴰⴼⴰⴷ ⴰⴷ ⵜⵍⴷⵉ ⴰⵙⵙⴰⵔⵓ ⵜⵔⵏⵓ ⵜⵏⵏⴰ ⵎⴰⵙ ⵍⵍⴰⵏⵜ ⵜⵉⵎⵔⵙⴰⵍ ⵏ ⵍⵢⴰⴱⴰⵏ ⵉⵔⴰⵏ ⴰⴷ ⵜⵜⵔⵙⵏⵜ ⴳ ⵍⵎⵖⵔⵉⴱ ⵍⵍⵉ ⵉⴳⴰⵏ ⵜⴰⵙⵉⵍⴰ ⵉⵖⵓⴷⴰⵏ ⵏ ⵉⵙⵙⵓⵔⴰ ⴳ ⵉⴼⵔⵉⵇⵢⴰ.

ⵜⵙⵙⴽⴷⵉⴷ ⵓⵍⴰ ⵎⴰⵙ ⵍⵍⴰⵏ ⵉⵎⵢⴰⵙⵙⴰⵏ ⵏ ⵜⵉⴷⴷⵓⴽⵍⴰ ⴳⵔ ⵍⵎⵖⵔⵉⴱ ⴷ ⵍⵢⴰⴱⴰⵏ ⵜⵓⴳⴳⵜ ⵏ ⵉⵙⴳⴳⵯⵙⵏ ⵉⵜⵜⵔⵙⵏ ⵅⴼ ⵉⵎⵢⴰⵙⵙⴰⵏ ⵏ ⵜⵉⴷⴼⵓⴽⵍⴰ ⵍⵍⵉ ⵉⵙⵎⵓⵏⵏ ⵜⴰⵡⵊⴰ ⵜⴰⴳⵍⴷⴰⵏⵜ ⴷ ⵜⴰⵡⵊⴰ ⵜⴰⵎⴱⵕⵟⵓⵔⵉⵜ.

ⵜⵙⴷⴷⵉⴷ ⵓⵍⴰ ⵎⴰⵙ ⵔⴰⴷ ⵜⵎⴹⵉⴽⵉⵕ ⴷ ⵓⵎⴰⵡⴰⵙ ⴰⵎⵖⵔⵉⴱⵉ ⵅⴼ ⵜⵉⵖⴻⵙⵉⵡⵉⵏ ⵉⵥⵍⵉⵏ ⵙⵍⴰⵡⴰⵏ ⴰⴽⴽ ⴰⴷⴷⴰⴷ ⴳ ⵉⵥⵥⵍⵎⴹ ⴰⵏⴰⵎⵎⴰⵙ.

ⵜⵔⵏⵓ ⵜⵏⵏⴰ ⵎⴰⵙ ⵉⴳⴰ ⵓⵔⵣⴼ ⵏ ⵎⴰⵙⵙ ⴱⵓⵕⵉⵟⴰ ⵢⴰⵏ ⵓⵣⵎⵣⵣⵓ ⵉ ⵓⵙⴷⵓⵙ ⵏ ⵉⵎⵢⴰⵙⵙⴰⵏ ⴳⵔ ⵜⵉⵎⵉⵣⴰⵔ ⵙⵏⴰⵜ .

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B5%9C%E2%B5%94%E2%B4%B0-%E2%B5%8D%E2%B5%A2%E2%B4%B0%E2%B4%B1%E2%B4%B0%E2%B5%8F-%E2%B4%B0%E2%B4%B7-%E2%B5%9C%E2%B5%99%E2%B4%B7%E2%B5%93%E2%B5%99-%E2%B5%89-%E2%B5%89%E2%B5%8E%E2%B5%A2%E2%B4%B0%E2%B5%99%E2%B5%99%E2%B4%B0%E2%B5%8F-%E2%B5%8F%E2%B5%8F%E2%B5%99-%E2%B5%89%E2%B4%B7%E2%B5%8E%E2%B5%99%E2%B4%B0%E2%B5%8F%E2%B5%8F-%E2%B4%B7-%E2%B5%8D%E2%B5%8E%E2%B5%99%E2%B5%96%E2%B5%94%E2%B5%89%E2%B4%B1-%E2%B5%9C%E2%B4%B0%E2%B5%8E%E2%B4%B0%E2%B5%A1%E2%B4%B0%E2%B5%99%E2%B5%9C-%E2%B5%8F-%E2%B4%B1%E2%B5%95%E2%B5%95%E2%B4%B0