Published on MAPNews (https://www.mapnews.ma/am)

Accueil > ⵉⵙⵏⵓⴱⴳ   ⵍⴼⴰⵔⵉⴽ ⴰⵎⵣⵡⴰⵔⵓ ⴰⵎⴳⴳⵉⵡⵙ ⵏ ⵜⴰⴳⴳⴰⵍⵉⵏ ⵜⵉⵏⴰⴼⵉⵏ ⵜⵉⴳⵍⴷⴰⵏⵉⵏ ⴰⵏⵙⵙⵉⵅⴼ ⵏ ⵜⵙⴳⴰ ⵏ ⵉⴼⴼⵓⵙ ⵜⴰⵎⴰⵔⵉⵜ ⵓⵎⴰⵡⵙⴰⵙ ⵏ ⵓⵎⵣⴰⵖ ⵏ ⵎⵉⵔⵉⴽⴰⵏ ⵉⵥⵍⵉⵏ ⵙ ⵜⴰⵏⴼⵔⵓⵜ ⵜⴰⴳⵔⴰⵖⵍⴰⵏⵜ

ⵉⵙⵏⵓⴱⴳ   ⵍⴼⴰⵔⵉⴽ ⴰⵎⵣⵡⴰⵔⵓ ⴰⵎⴳⴳⵉⵡⵙ ⵏ ⵜⴰⴳⴳⴰⵍⵉⵏ ⵜⵉⵏⴰⴼⵉⵏ ⵜⵉⴳⵍⴷⴰⵏⵉⵏ ⴰⵏⵙⵙⵉⵅⴼ ⵏ ⵜⵙⴳⴰ ⵏ ⵉⴼⴼⵓⵙ ⵜⴰⵎⴰⵔⵉⵜ ⵓⵎⴰⵡⵙⴰⵙ ⵏ ⵓⵎⵣⴰⵖ ⵏ ⵎⵉⵔⵉⴽⴰⵏ ⵉⵥⵍⵉⵏ ⵙ ⵜⴰⵏⴼⵔⵓⵜ ⵜⴰⴳⵔⴰⵖⵍⴰⵏⵜ

20 ⵎⴰⵢⵢⵓ 2024 Version Imprimable
ⵕⵕⴱⴰⵟ -  ⵙ ⵉⵏⴰⴹⵏ ⵉⴳⵍⴷⴰⵏⵏ ⵢⴰⵜⵜⵓⵢⵏ ⵉⵥⵍⵉⵏ ⵙ ⵓⵙⵏⵎⴰⵍⴰ ⵏ ⵜⴰⵙⵙⵓⵜⵍⵜ ⵜⵉⵙⵙ 13 ⵏ ⵓⴳⵔⴰⵡ ⵏ ⵓⵎⵛⵉⵡⴰⵕ ⵏ ⵓⵎⵖⵣⵓ ⵉⵙⵏⵓⴱⴳ ⵍⴼⴰⵔⵉⴽ ⴰⵎⵣⵡⴰⵔⵓ ⴰⵎⴳⴳⵉⵡⵙ ⵏ ⵜⴰⴳⴳⴰⵍⵉⵏ ⵜⵉⵏⴰⴼⵉⵏ ⵜⵉⴳⵍⴷⴰⵏⵉⵏ ⴰⵏⵙⵙⵉⵅⴼ ⵏ ⵜⵙⴳⴰ ⵏ ⵉⴼⴼⵓⵙ ⴰⵙⵙ ⵏ ⵓⵏⵢⴰⵙ ⵖ ⵓⵙⵖⵉⵎ ⵜⴰⵏⵙⵙⵉⵅⴼⵜ ⵜⴰⵎⴰⵜⴰⵢⵜ ⵏ ⵜⴰⴳⴳⴰⵍⵉⵏ ⵜⵉⵏⴰⴼⵉⵏ ⵜⵉⴳⵍⴷⴰⵏⵉⵏ ⵖ ⵕⵕⴱⴰⵟ ⵜⴰⵎⴰⵔⵉⵜ ⵓⵎⴰⵡⵙⴰⵙ ⵏ ⵓⵎⵣⴰⵖ ⵏ ⵎⵉⵔⵉⴽⴰⵏ ⵉⵥⵍⵉⵏ ⵙ ⵜⴰⵏⴼⵔⵓⵜ ⵜⴰⴳⵔⴰⵖⵍⴰⵏⵜ ⵎⴰⵙⵙⴰ ⵙⵉⵍⵉⵙⵜ ⵡⴰⵍⴰⵏⴷⵔ ⵜⵎⵓⵏ ⴷ ⵓⵎⵙⵇⴰⴷ ⵏ ⵎⵉⵔⵉⴽⴰⵏ ⴳ ⵍⵎⵖⵔⵉⴱ ⴷ ⵓⵏⴱⴷⴰⴷ ⴰⵄⵙⴽⵔⵉⵢ ⴳ ⵍⵎⵖⵔⵉⴱ ⵉⵣⵡⴰⵔⵏ ⵉ ⵢⴰⵏ ⵓⴽⴰⴱⴰⵔ ⴰⵄⵙⴽⵔⵉⵢ ⴰⵅⴰⵜⴰⵔ ⵉⵣⵔⴼⵏ ⵍⵎⵖⵔⵉⴱ ⵙⴳ 17  ⴰⵔ 22 ⵎⴰⵢⵢⵓ .

ⵉⵏⵏⴰ ⵓⴰⵏ ⵓⵙⵉⵡⴹ ⵏ ⵜⴰⵏⵙⵙⵉⵅⴼⵜ ⵜⴰⵎⴰⵜⴰⵢⵜ ⵏ ⵜⴰⴳⴳⴰⵍⵉⵏ ⵜⵉⵏⴰⴼⵉⵏ ⵜⵉⴳⵍⴷⴰⵏⵉⵏ ⵎⴰⵙ ⵙⴷⴷⵉⴷⵏ ⵉⵎⵙⵙⵓⴳⵔⵏ ⴳ ⵉⵎⴹⵉⴽⵉⵕⵏ ⵏⵏⵙⵏ ⵅⴼ ⵉⵎⵢⴰⵙⵙⴰⵏ ⵉⴷⵓⵙⵏ ⴷ ⵜⴰⵙⵜⵔⴰⵜⵉⵊⵉⵜ ⵉⵖⵓⴷⴰⵏ ⵍⵍⵉ ⵉⵍⵍⴰⵏ ⴳⵔ ⵍⵎⵖⵔⵉⴱ ⴷ ⵎⵉⵔⵉⴽⴰⵏ .

ⵙⵙⴼⵓⵍⴽⵉ ⵉⵎⵙⵙⵓⴳⵔⵏ ⵜⴰⵢⴰⴼⵓⵜ ⵉⵖⵓⴷⴰⵏ ⵏ ⵓⵎⵢⴰⵡⴰⵙ ⴰⵄⵙⴽⵔⵉⵢ ⴳⵔ ⵜⵉⵎⵉⵣⴰⵔ ⵙⵏⴰⵜ ⴳ ⵎⵏⵏⴰⵡ ⵉⴳⵔⴰⵏ ⵙⵍⴰⵡⴰⵏ ⴰⴽⴽⵯ ⴰⵙⵙⴳⵎⴹ ⵏ ⵜⵎⵢⴰⵇⵇⴰⵏⵉⵏ  ⴷ ⵉⵎⵎⴰⵙⵏ ⴷ ⵓⵙⵎⵓⵜⵜⴳ ⴷ ⵓⵙⵏⵎⴰⵍⴰ ⵏ ⵉⵔⵉⵎⵏ ⵉⵄⵙⴽⵔⵉⵢⵏ ⵉⵛⵛⴰⵔⵏ ⵣⵓⵏⴷ “ⵉⵣⵎ ⴰⴼⵔⵉⵇⵉⵢ” ⵍⵍⵉ ⵉⵍⴽⵎⵏ ⵜⴰⵙⵙⵓⵜⵍⵜ ⵜⵉⵙⵙ 20.

ⵉⵔⵏⵓ ⵉⵏⵏⴰ ⵎⴰⵙ ⵎⴹⴰⴽⴰⵔⵏ ⴳ ⵓⵏⵎⵓⵇⵇⴰⵔ ⴰⴷ ⵅⴼ ⵎⵏⵏⴰⵡⵜ ⵏ ⵜⵖⴰⵡⵙⵉⵡⵉⵏ ⵉⵛⵛⴰⵔⵏ ⵉⵥⵍⵉⵏ ⵙ ⵜⵉⵎⵓⴽⵔⵉⵙⵉⵏ ⵏ ⵜⵏⴼⵔⵓⵜ ⴷ ⵓⵎⵣⴰⵖ ⴳ ⵉⴼⵔⵉⵇⵢⴰ ⴷ ⵓⵏⵙⴰ ⵏ ⵍⵎⵖⵔⵉⴱ ⴳ ⵓⵃⵟⵟⵓ ⵏ ⵙⵙⵍⴰⵎⵜ ⴷ ⵉⵎⵢⴰⵡⴰⵙⵏ ⵉⵏⴼⴳⴰⵏⵏ ⴷ ⵓⵙⴱⴷⴷ ⵏ ⵓⵙⴱⵔⵡⵉⴷ ⴳⵔ ⵉⵡⵜⵜⴰ ⴷ ⴰⵙⵙⴰⵖ ⵏ ⵉⵎⴰⵙⵙⵏ.

ⵉⵙⴷⴷⵉⴷ ⵓⵍⴰ ⵓⵙⴰⴳⵎ ⴰⴷ ⵎⴰⵙ ⵉⴳⴰ ⵓⵏⵎⵓⵇⵇⴰⵔ ⵏ   ⵓⴳⵔⴰⵡ ⵏ ⵓⵎⵛⵉⵡⴰⵕ ⵏ ⵓⵎⵖⵣⵓ ⵜⴰⵙⵉⵍⴰ ⵏ ⵉⵎⴹⵉⴽⵉⵕⵏ ⵉⵙⵜⵔⴰⵜⵉⵊⵉⵢⵏ ⵙⴰⵡⵍⵏ ⴳⵉⵙ ⵅⴼ ⵜⴰⵏⴼⵔⵓⵜ ⴳ ⵜⴰⵙⴳⴰ ⴷ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵉⵎⴰⵍ ⴷ ⵜⴰⵏⵙⵙⵉⵅⴼⵜ ⵜⴰⵎⵉⵔⵉⴽⴰⵏⵉⵜ ⴳ ⵉⴼⵔⵉⵇⵢⴰ “ ⴰⴼⵔⵉⴽⵓⵎ” ⴷ  ⵜⵉⴹⴹⴰⴼ ⴰⵏⴰⵎⵓⵔ ⵏ ⵎⵉⵔⵉⴽⴰⵏ ⴳ ⵍⵡⵉⵍⴰⵢⴰ “ⵢⵓⵜⴰ” ⴷ ⵉⵙⴰⵜⵉⵏ ⵏ ⵜⵉⴳⵎⵉ ⵏ ⵜⵉⵥⴹⴰⵕⵉⵏ ⵍⵍⵉ ⵜⵙⵏⵎⴰⵍⴰ ⵜⴰⵙⵏⵓⵔⴰⵢⵜ ⵏ ⵓⵎⵢⴰⵡⴰⵙ ⵏ ⵜⴰⵏⴼⵔⵓⵜ ⵏ ⵓⵎⵣⴰⵖ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%99%E2%B5%8F%E2%B5%93%E2%B4%B1%E2%B4%B3%C2%A0-%C2%A0%E2%B5%8D%E2%B4%BC%E2%B4%B0%E2%B5%94%E2%B5%89%E2%B4%BD-%E2%B4%B0%E2%B5%8E%E2%B5%A3%E2%B5%A1%E2%B4%B0%E2%B5%94%E2%B5%93-%E2%B4%B0%E2%B5%8E%E2%B4%B3%E2%B4%B3%E2%B5%89%E2%B5%A1%E2%B5%99-%E2%B5%8F-%E2%B5%9C%E2%B4%B0%E2%B4%B3%E2%B4%B3%E2%B4%B0%E2%B5%8D%E2%B5%89%E2%B5%8F-%E2%B5%9C%E2%B5%89%E2%B5%8F%E2%B4%B0%E2%B4%BC%E2%B5%89%E2%B5%8F-%E2%B5%9C%E2%B5%89%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%89%E2%B5%8F-%E2%B4%B0%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F-%E2%B5%9C%E2%B5%99%E2%B4%B3%E2%B4%B0-%E2%B5%8F