ⵜⴰⵏⵔⵣⵓⴼⵜ -ⴰⴳⵔⴰⵡ ⵡⵉⵙⵙ 24..ⵜⵙⵎⴰⵢⴰⵏ ⴳⴰⵎⴱⵢⴰ ⴰⵙⴷⴷⵉⴷ ⵏ " ⵡⴰⵏⵏⴰⵍ ⵏ ⵜⵉⵙⵉ " ⵏ ⵓⵙⵏⴱⴹ ⵏ ⵍⵎⵖⵔⵉⴱ ⴷ ⵓⴳⵣⵣⵓⵎ ⵏ ⵡⴰⴽⴰⵍ ⵏⵏⵙ ⴷ ⵜⴰⵙⵏⵜⴰⵢⵜ ⵏ ⵓⵙⵏⴱⴹ ⴰⵏⵉⵎⴰⵏ

17 ⵎⴰⵢⵢⵓ 2024 Version Imprimable

ⴽⴰⵔⴰⴽⴰⵙ - ⵜⵙⵎⴰⵢⵏⴰ ⴳⴰⵎⴱⵢⴰ ⴷⴰⵜ ⵏ ⵉⴳⵎⴰⵎⵏ ⵏ ⵓⴳⵔⴰⵡ ⵡⵉⵙⵙ 24 ⵏ ⵜⵉⵎⵜⵜⴰ ⵉⵎⵓⵏⵏ ⴰⵙⴷⴷⵉⴷ ⵏ "ⵡⴰⵏⵏⴰⵍ ⵏ ⵜⵉⵙⵉ" ⴷ ⵓⵙⵏⴱⴹ ⴰⵏⴰⵎⵓⵔ ⵏ ⵍⵎⵖⵔⵉⴱ ⴷ ⵓⴳⵣⵣⵓⵎ ⵏⵏⵙ ⵏ ⵡⴰⴽⴰⵍ ⴷ ⵜⵙⵏⵜⴰⵢⵜ ⵏ ⵓⵙⵏⴱⴹ ⴰⵏⵉⵎⴰⵏ ⴰⵎⵎ ⵓⴼⵙⵙⴰⵢ ⵉⵇⵇⵏⵏ ⴷ ⵊⵊⵉⴷⵉ ⴷ ⵉⴱⵉⴷⴷⵏ ⵅⴼ ⵓⵎⵙⴰⵙⴰ ⵏ ⵓⵎⵏⵣⴰⵖ ⴰⵙⴳⵡⴰⵏ ⵅⴼ ⵜⴰⵏⵔⵣⵓⴼⵜ ⵜⴰⵎⴰⵖⵔⴰⴱⵉⵜ .

ⴳ ⵜⴳⵓⵔⵉ ⴳ ⵓⵙⴳⵔⴰⵡ ⴰⵙⴳⵡⴰⵏ ⵏ ⵓⴳⵔⴰⵡ ⵡⵉⵙⵙ 24 ⵏ ⵜⵙⴳⴰ ⵏ ⵍⴽⴰⵔⵢⴱⵉ (14-16 ⴳ ⴽⴰⵔⴰⴽⴰⵙ ⴳ ⴼⵉⵏⵣⵡⵉⵍⴰ) ⵉⵏⵏⴰ ⵓⵎⵙⵇⴰⴷ ⴰⵙⵎⴰⴷⵢⴰ ⴰⵎⴰⵖⵍⴰⵍ ⵏ ⴳⴰⵎⴱⵢⴰ ⴷⴰⵔ ⵏ ⵜⵉⵎⵜⵜⴰ ⵉⵎⵓⵏⵏ ⵍⴰⵎⵉⵏ ⴷⵉⴱⴰ ⵎⴰⵙ ⵜⴰⵎⴰⵣⵉⵔⵜ ⵏⵏⵙ " ⵜⵙⵎⴰⵢⴰⵏ ⵡⴰⵏⵏⴰⵍ ⵏ ⵜⵉⵙⵉ ⵏ ⵜⵙⵏⵜⴰⵢⵜ ⵜⴰⵎⵖⵔⴰⴱⵉⵜ ⵏ ⵓⵙⵏⴱⴹ ⴰⵏⵉⵎⴰⵏ ⵎⴰⵢⴰⴷ ⵉⴳⴰⵏ ⴰⴼⵙⵙⴰⵢ ⵉⴱⵉⴷⴷⵏ ⵅⴼ ⵓⵎⵙⴰⵙⴰ ⴷ ⵊⵊⵉⴷⵢⴰ ⴷ ⵉⵥⴹⵕ ⴰⴷ ⵢⵉⵍⵉ ⴳ ⵜⵉⴷⴷⵜ ⵏ ⵓⵎⵙⴰⵙⴰ ⵏ ⵓⵎⵏⵣⴰⵖ ⴰⵙⴳⵡⴰⵏ ⴰⴷ".

ⵉⵙⴰⵡⵍ ⴳ ⵜⵖⵡⴰⵙⴰ ⴰⴷ ⵎⴰⵙ ⵜⵙⵏⵜⴰⵢⵜ ⵏ ⵓⵙⵏⴱⴹ ⴰⵏⵉⵎⴰⵏ ⵖⵓⵔⵙ ⵡⴰⵏⵏⴰⵍ ⴰⵎⴷⴰⵍⵏ ⵉⵙⴱⴰⵢⵏ ⵔⴰⴷ ⵉⴷⵔⵓ ⴳ ⵓⵙⴽⵔ ⵏ ⵜⵏⴼⵔⵓⵜ ⴷ ⵓⵔⴳⴳⵉⴳ ⴳ ⵜⵙⴳⴰ ⵙⴰⵍⵡⴰⵏ ⴰⴽⴽⵯ ⵎⴰⵙ ⵜⵙⴳⴰ ⵏ ⵙⵙⴰⵃⵉⵍ ⵜⵙⵙⵏ ⵜⵎⵓⴽⵔⵉⵙⵉⵏ ⵉⵏⴼⵓⵏ ⵓⵔ ⵉⵍⵉ ⴰⵎⵎ ⵏⵉⵜⵏⵉ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B4%B0%E2%B5%8F%E2%B5%94%E2%B5%A3%E2%B5%93%E2%B4%BC%E2%B5%9C-%E2%B4%B0%E2%B4%B3%E2%B5%94%E2%B4%B0%E2%B5%A1-%E2%B5%A1%E2%B5%89%E2%B5%99%E2%B5%99-24%E2%B5%9C%E2%B5%99%E2%B5%8E%E2%B4%B0%E2%B5%A2%E2%B4%B0%E2%B5%8F-%E2%B4%B3%E2%B4%B0%E2%B5%8E%E2%B4%B1%E2%B5%A2%E2%B4%B0-%E2%B4%B0%E2%B5%99%E2%B4%B7%E2%B4%B7%E2%B5%89%E2%B4%B7-%E2%B5%8F-%E2%B5%A1%E2%B4%B0%E2%B5%8F%E2%B5%8F%E2%B4%B0%E2%B5%8D-%E2%B5%8F-%E2%B5%9C%E2%B5%89%E2%B5%99%E2%B5%89-%E2%B5%8F-%E2%B5%93%E2%B5%99%E2%B5%8F%E2%B4%B1%E2%B4%B9-%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B7