Published on MAPNews (https://www.mapnews.ma/am)

Accueil > ⴰⵕⵥⵥⵓⵎ ⵏ ⵜⵙⵙⵓⵜⵍⵜ ⵜⵉⵙⵙ 29 ⵏ ⵓⵙⴼⵙⵔ ⴰⴳⵔⴰⵖⵍⴰⵏ ⵜⵣⵔⵉⴳⵜ ⴷ ⵓⴷⵍⵉⵙ ⴳ ⵕⵕⴱⴰⵟ

ⴰⵕⵥⵥⵓⵎ ⵏ ⵜⵙⵙⵓⵜⵍⵜ ⵜⵉⵙⵙ 29 ⵏ ⵓⵙⴼⵙⵔ ⴰⴳⵔⴰⵖⵍⴰⵏ ⵜⵣⵔⵉⴳⵜ ⴷ ⵓⴷⵍⵉⵙ ⴳ ⵕⵕⴱⴰⵟ

09 ⵎⴰⵢⵢⵓ 2024 Version Imprimable
ⵕⵕⴱⴰⵟ - ⵉⴼⴽⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵓⵛ ⴰⵙⵙ ⵏⵓⴽⵡⴰⵙ ⴳ ⵕⵕⴱⴰⵟ ⴰⵕⵥⵥⵓⵎ ⵏ ⵜⵙⵙⵓⵜⵍⵜ ⵜⵉⵙⵙ 29 ⵏ ⵓⵙⴼⵙⵔ ⴰⴳⵔⴰⵖⵍⴰⵏ ⵜⵣⵔⵉⴳⵜ ⴷ ⵓⴷⵍⵉⵙ ⴳ ⵕⵕⴱⴰⵟ ⵍⵍⵉ ⵉⵜⵜⵓⵙⵏⵎⴰⵍⴰⵏ ⴷⴷⵓ ⵉⵡⵉⵣ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵙ ⴰⵔ 19 ⵎⴰⵢⵢⵓ ⴰⴷ ⵉⵍⵍⴰⵏ.

ⵜⵙⵙⵏ ⵜⴼⵓⴳⵍⴰ ⵏ ⵓⵏⵎⵓⴳⴳⴰⵔ ⴰⴷⵍⵙⴰⵏ ⴰⵅⴰⵜⴰⵔ ⵍⵍⵉ ⵜⴳⴰ ⵜⵎⵔⵙⵍⵜ ⵏ ⵜⵉⵎⵜⵜⴰ ⵉⵎⵓⵏⵏ (ⵢⵓⵏⵉⵙⴽⵓ) ⴰⵏⴱⴳⵉ ⵜⵉⵍⵉⵜ ⵏ ⵓⵎⴰⵡⵙⴰⵙ ⵜⵉⵄⵄⵓⵔⵎⴰ ⴷ ⵜⴰⴷⵍⵙⴰ ⴷ ⵓⵎⵢⴰⵡⴰⴹ ⵎⵓⵃⵎⵎⴷ ⵍⵎⵀⴷⵉ ⴱⵏⵙⵄⵉⴷ ⴷ ⵉⵏⵖⵓⵔⵏ ⵙⴳ ⵉⴳⵔⴰⵏ ⵜⴰⵙⵔⵢⵉⵜ ⴷ ⵜⴰⴷⵉⴱⵍⵓⵎⴰⵙⵉⵜ ⴷ ⵜⴰⴷⵍⵙⴰ ⴷ ⵜⵏⵎⴰⵙⵜ.
ⵉⵏⵏⴰ ⵎⴰⵙⵙ ⵎⵓⵃⵎⵎⴷ ⵍⵎⵀⴷⵉ ⴱⵏⵙⵄⵉⴷ ⴳ ⵢⴰⵜ ⵜⴳⵓⵔⵉ ⵉⵜⴰⵏⵖⵎⴰⵙⵜ ⵙ ⵓⵣⵎⵣⵣⵓ ⵢⴰⴷ ⵎⴰⵙ ⵉⴳⴰ ⵓⵙⴼⵙⵔ ⴰⴳⵔⴰⵖⵍⴰⵏ ⵜⴼⵓⴳⵍⴰ ⵙ ⵓⴷⵍⵉⵙ ⴷ ⵜⵉⵖⵔⵉ ⴷ ⵓⵏⵎⵓⵇⴰⵔ ⵏ ⵉⴼⴳⴰⵏⵏ ⴰⴷ ⴰⴼⵏ ⵉⵎⵏⵉⴷⵏ ⵉⴷⵍⵙⴰⵏⵏ ⵉⵎⴰⵢⵏⵓⵜⵏ.
ⵉⵔⵏⵓ ⵉⵏⵏⴰ ⵎⴰⵙⵙ ⴱⵏⵙⵄⵉⴷ ⵎⴰⵙ ⴰⵔ ⵜⴽⴽⴰ ⵜⵎⴰⵡⴰⵙⵜ ⵏ ⵜⴷⵍⵙⴰ ⴰⵏⵏⴰⵍ ⵉ ⵜⵉⵖⵔⵉ ⴷ ⵓⴷⵍⵉⵙ ⴷ ⵓⵙⵏⵎⴰⵍⴰ ⵏ ⵉⵙⴼⵙⵔⵏ ⵏ ⵜⵉⵙⴳⴳⵉⵡⵉⵏ ⴷ ⵉⵏⴰⵎⵓⵔⵏ ⴳ ⵜⵉⵎⴷⵉⵏⵉⵏ ⵏ ⵜⴳⵍⴷⵉⵜ.
ⴳ ⵜⵙⴳⴰ ⵏⵏⵙ ⵉⵙⵙⵎⵖⵔ ⵓⵏⵎⵀⴰⵍ ⵏ ⵓⵙⵉⵔⴰ ⵏ ⵍⵢⵓⵏⵉⵙⴽⵓ ⴷⴰⵔ ⵜⵉⵎⵉⵣⴰⵔ ⵏ ⵍⵎⵖⵔⵉⴱ ⴰⵎⵇⵔⴰⵏ ⵉⵔⵉⴽ ⴼⴰⵍⵜ ⴳ ⵜⴰⴳⵓⵔⵉ ⵏⵏⵙ ⴰⵙⵜⴰⵢ ⵏ ⵏ ⵍⵢⵓⵏⵉⵙⴽⵓ ⴰⵜ ⵜⴳ ⴰⵏⴱⴳⵉ ⵏ ⵡⴰⴷⴷⵓⵔ ⵏ ⵜⴰⵙⵙⵓⵜⵍⵜ ⴰⴷ ⵏ ⵓⵙⴼⵙⵔ ⴰⴳⵔⴰⵖⵍⴰⵏ ⵏ ⵜⵣⵔⵉⴳⵜ ⴷ ⵓⴷⵍⵉⵙ.
ⵉⵔⵏⵓ ⵉⵏⵏⴰ ⵎⴰⵙⵙ ⴼⴰⵍ ⵎⴰⵙ ⴰⵔ ⵉⵎⵎⴰⵍ ⵓⵙⵜⴰⵢ ⴰⴷ ⵜⵡⵉⵔⵉ ⵏ ⵜⵎⵔⵙⵍⵜ ⵏ ⵜⵉⵎⵜⵜⴰ ⵉⵎⵓⵏ ⴷ ⵉⵎⵢⴰⵙⵙⴰⵏ ⵉⵍⵍⴰ ⴳⵔ ⵜⵉⴳⵍⴷⵉⵜ ⵏ ⵍⵎⵖⵔⵉⴱ ⴷ ⵍⵢⵓⵏⵉⵙⴽⵓ.
ⵉⵙⴷⴷⵉⵙⴷ ⵎⴰⵙⵙ ⴼⴰⵍⵜ ⵎⴰⵙ ⵔⴰⴷ ⵜⵙⵏⵎⴰⵍⵏⵜ ⴳ ⵓⵙⴰⵢⵔⴰⵔ ⵏ ⵍⵢⵓⵏⵉⵙⴽⵓ 20 ⵏ ⵜⵉⵏⴰⵡⵜ ⴳ ⵓⵣⵎⵣ ⵏ ⵎⵔⴰⵡ ⵏ ⵓⵙⵙⴰⵏ ⵍⵍⵉ ⵔⴰⴷ ⵉⵙⴰⵡⵍ ⵙⵍⴰⵡⴰⵏ ⴰⴽⴽ ⵅⴼ ⵉⵄⵄⵓⵔⵎⴰ.
ⵕⴰⴷ ⵜⵉⵙⵙⴰⵏ ⵜⵙⵙⵓⵜⵍⵜ ⵜⵉⵙⵙ 29 ⵏ ⵓⵙⴼⵙⵔ ⴰⴳⵔⴰⵖⵍⴰⵏ ⵜⵣⵔⵉⴳⵜ ⴷ ⵓⴷⵍⵉⵙ ⴳ ⵕⵕⴱⴰⵟ ⵍⵍⵉ ⵜⵙⵏⵎⴰⵍⴰ ⵜⵎⴰⵡⴰⵙⵜ ⵏ ⵜⴰⴷⵍⵙⴰ ⴷ ⵜⵉⵄⵄⵓⵔⵎⴰ ⵙ ⵜⴰⴷⵔⴰⵡⵜ ⵏ ⵜⴰⵙⴳⴰ ⵏ ⵕⵕⴱⴰⵟ ⵙⵍⴰ ⵇⵏⵉⵟⵕⴰ ⴷ ⵜⴰⴳⵔⴰⵡⵜ ⵏ ⵕⵕⴱⵜ ⵜⵉⵍⵉⵜ ⵏ 743 ⵏ ⵉⵙⴼⵙⴰⵔⵏ ⵙⴳ 48 ⵏ ⵜⵉⵎⵉⵣⴰⵔ.
ⵕⴰⴷ ⵜⵉⵙⵙⴰⵏ ⵜⵙⵙⵓⵜⵍⵜ ⴰⴷ ⵏ ⵓⵙⴼⵙⵔ ⴰⴳⵔⴰⵖⵍⴰⵏ ⵏ ⵜⵣⵔⵉⴳⵜ ⴷ ⵓⴷⵍⵉⵙ ⴳ ⵕⵕⴱⴰⵟ ⵢⴰⵏ ⵓⵖⴰⵡⴰⵙ ⵉⵖⵓⴷⴰⵏ ⵍⵍⵉⵖ ⵍⵍⴰⵏ 241 ⵏ ⵓⵎⵓⵙⵙⵓ ⵉⵙⴰⵡⵍⵏ ⵅⴼ ⵓⵢⴷⴰ ⴷ ⵜⵉⵔⵔⴰ ⵏ ⵉⵎⴰⵍ ⴷ ⵉⴼⵔⵉⵇⵢⴰ ⵜⴰⵎⵢⴰⵏⵡⵜ ⴷ ⵜⴰⵏⵖⵎⴰⵙⵜ ⴷ ⵜⵉⴽⵏⵓⵍⵓⵊⵉⴰ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B4%B0%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F-%E2%B5%9C%E2%B5%99%E2%B5%99%E2%B5%93%E2%B5%9C%E2%B5%8D%E2%B5%9C-%E2%B5%9C%E2%B5%89%E2%B5%99%E2%B5%99-29-%E2%B5%8F-%E2%B5%93%E2%B5%99%E2%B4%BC%E2%B5%99%E2%B5%94-%E2%B4%B0%E2%B4%B3%E2%B5%94%E2%B4%B0%E2%B5%96%E2%B5%8D%E2%B4%B0%E2%B5%8F-%E2%B5%9C%E2%B5%A3%E2%B5%94%E2%B5%89%E2%B4%B3%E2%B5%9C-%E2%B4%B7-%E2%B5%93%E2%B4%B7%E2%B5%8D%E2%B5%89%E2%B5%99-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F