Published on MAPNews (https://www.mapnews.ma/am)

Accueil > ⵔⴰⴷ ⵉⵙⴼⵓⴳⵍⵓ ⵓⴷⴰⴱⵓ ⴰⵎⵖⵔⵉⴱⵉ ⴰⵙⵙ ⵏ ⵜⵍⴰⵍⵉⵜ ⵡⵉⵙⵙ 21 ⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵔⴰⴷ ⵉⵙⴼⵓⴳⵍⵓ ⵓⴷⴰⴱⵓ ⴰⵎⵖⵔⵉⴱⵉ ⴰⵙⵙ ⵏ ⵜⵍⴰⵍⵉⵜ ⵡⵉⵙⵙ 21 ⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ

07 ⵎⴰⵢⵢⵓ 2024 Version Imprimable
ⵕⵕⴱⴰⵟ -  ⵜⴰⵡⵊⴰ ⵜⴰⴳⵍⴷⴰⵏⵜ ⴷ ⵜⵎⵜⵜⵉ ⵜⴰⵎⵖⵔⵉⴱⵉⵜ ⵔⴰⴷ ⴰⴽⴽⵯ ⵙⴼⵓⴳⵍⵓⵏ, ⴰⵙⴽⴽⴰ ⴰⵙⵙ ⵏ ⵓⴽⵕⴰⵙ , ⴰⵙⵙ ⵏ ⵜⵍⴰⵍⵉⵜ ⵡⵉⵙⵙ 21 ⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ, ⵉⴳⴰⵏ ⴰⵣⵎⵣⵣⵓ ⵉⵎⵎⵔⵏ ⵉⵜⵜⵓⵙⴼⵓⴳⵍⴰⵏ ⴳ ⵜⵓⵎⵔⵜ.

ⵉⴼⴽⴰ ⵡⵣⵎⵣⵣⵓ ⵢⴰⴷ, ⵢⴰⵜ ⵜⴽⵍⵉⵜ ⵢⴰⴹⵏⵉⵏ, ⴰⵎⴷⵢⴰ ⵏ ⵓⵣⴷⴰⵢ ⵉⵚⵃⴰⵏ ⵉⵍⵍⴰⵏ ⴳⵔ ⵜⵎⵜⵜⵉ ⴷ ⵓⴷⴰⴱⵓ ⴰⵄⴰⵍⴰⵡⵉ, ⵉⴳⴰⵏ ⵜⴰⵢⴰⴼⵓⵜ ⵏ ⵓⴳⵣⵣⵓⵎ ⴷ ⵜⴰⵎⵓⵏⵜ ⵏ ⵜⴳⵍⴷⵉⵜ.

ⴰⵔ ⴷ ⵉⵙⵙⴽⵜⴰⵢ ⵡⴰⵙⵙ ⵏ ⵜⵍⴰⵍⵉⵜ ⴰⴷ ⵜⵖⴰⵡⵙⵉⵡⵉⵏ ⵍⵍⵉ ⵢⵙⴽⴰⵔ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⵓⵙⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ,  ⵣⵓⵏⴷ ⵍⵍⵉⵖ ⵉⵙⵙⵉⵅⴼ ⴰⵙⵙ 28 ⵉⴱⵔⵉⵔ 2024  ⴳ ⵕⵕⴱⴰⵟ ⵜⴰⵙⵎⵖⵓⵔⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⴷⵉ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵏⴹⴰⵡ ⴼ ⵉⵙⵏⴷⴰⵔ ⵏ ⵜⵎⵢⵓⴳⴳⴰⵔⵜ ⵜⴰⵎⴰⴷⴷⵓⴷⴰⵜ ⵏ ⵓⵏⴹⴰⴼ ⴰⴳⵍⴷⴰⵏ (ⴽⵔⴰⴹ ⵏ ⵉⵜⵔⴰⵏ) ⵏⵏⴰ ⵉⵜⵜⴰⵡⵙⴽⴰⵔ ⴳ ⴽⵕⴰⴹ ⵏ ⵓⵙⵙⴰⵏ ⴳ ⵓⴷⴷⵉⵙ ⵏ ⵍⵃⴰⵙⴰⵏ ⵡⵉⵙⵙ ⵙⵉⵏ ⴳ ⵍⵎⵉⵛⵡⴰⵔ ⵙⴰⵄⵉⴷ ⴳ ⵕⵕⴱⴰⵟ ⴷⴷⴰⵡ ⵏ ⵜⵏⵙⵙⵉⵅⴼⵜ ⵏ ⴱⴰⴱ ⵏ ⵡⴰⴷⴷⵓⵔ

ⴳ 22 ⵉⴱⵔⵉⵔ 2024 ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⵡⴰⵙⵙ ⵏ ⵓⵢⵏⴰⵙ ⴳ ⵍⵎⵉⵛⵡⴰⵕ ⵙⵜⵉⵏⵢⴰ ⴳ ⵚⵚⵀⵔⵉⵊ ⵚⵚⵡⴰⵏⵉ ⴳ ⵎⴽⵏⴰⵙ ⵎⴽⵏⴰⵙ ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵜⵙⵓⵜⵍⵜ ⵜⵉⵙⵙ 16 ⵏ ⵓⵙⴼⵙⵔ ⵏ ⵜⵏⴼⵍⴰⵃⵜ ⵖ ⵕⵕⴱⴰⵟ (ⵚⵢⴰⵎ) ⵏⵏⴰ ⵉⵜⵜⵓⵙⵏⵎⴰⵍⴰⵏ ⵙ ⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵙⴳ 22 ⴰⵔ 28 ⵉⴱⵔⵉⵔ ⴷⴷⵓ ⵏ ⵜⵎⵜⴰⵔⵜ " ⴰⵏⵣⵡⵉ ⴷ ⵜⵏⴼⵍⴰⵃⵜ …ⴰⴼⴰⴷ ⴱ ⵉⵏⵔⴳⴰⵡⵏ ⵏ ⵜⵙⵢⴰⴼⵓⵜ ⵜⴰⵙⵏⴼⴰⵍⴰⵏⵜ ⵥⴹⴰⵕⵏⵜ ⴰⴷ ⵉⵇⵉⵎⵎⴰ" .

ⴰⵙⵙ ⵏ 17 ⴽⵟⵓⴱⵕ, ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⵓⵙⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵜⵙⵓⵜⵍⵜ ⵜⵉⵙⵙ 13 ⵏ ⵓⵙⴼⵙⵔ ⵏ ⵓⵢⵢⵉⵙ ⵉⵜⵜⵓⵙⵏⵎⴰⵍⴰⵏ ⵙ ⵉⵡⵉⵣ ⵢⴰⵜⵜⵓⵢⵏ ⵏ ⴰⴱⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵓⵣⵎⵣ ⴳⵔ 18 ⴰⵔ 23 ⴽⵟⵓⴱⵕ ⴰⵏⵏ.

ⵍⵍⵉⵖ ⵢⴰⴷⵍⵍⵉ ⵢⵍⴽⵎ ⵉ ⵓⵎⵎⴰⵙ ⵏ ⵉⵙⴼⵙⵔⵏ ⵎⵓⵃⵎⵎⴷ ⵡⵉⵙⵙ ⵙⴹⵉⵚ ⴳ ⵊⵊⴷⵉⴷ ⵢⴰⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⵓⵙⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰ ⴳ ⵓⵙⵏⵓⴱⴳ ⵏⵙⵏⵏ ⵎⵓⵍⴰⵢ ⵄⴱⴷ ⵍⵍⴰⵀ ⵍⵄⴰⵍⴰⵡⵉ ⴰⵏⵙⵙⵉⵅⴼ ⵏ ⵜⵙⴷⴰⵡⵉⵜ ⵜⴰⴳⵍⴷⴰⵏⵜ ⵜⴰⵎⴰⵖⵔⵉⴱⵉⵜ ⵏ ⵜⵓⵏⵏⵓⵏⵜ ⵏ ⵜⴰⵖⵣⵓⵜ.

ⴰⵙⵙ ⵏ 17 ⵛⵓⵜⴰⵏⴱⵉⵔ, ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵓⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴳ ⵓⵙⴳⵔⴰⵡ ⵏ ⵙⵙⵡⵉⵙⵉ ⵉⴹⴼⴰⵕⵏ ⵉ ⵓⴹⴰⴼ ⴰⴳⵍⴷⴰⵏ ⵜⵎⵏⵢⵓⴳⴰⵔⵜ ⵉⴳⴳⵯⵔⴰⵏ ⵏ ⵜⵙⵓⵜⵍⵜ ⵜⴰⵎⴰⵣⵡⴰⵔⵓⵜ ⵏ ⵜⴽⵓⵙⵜ ⵏ ⵓⴷⴰⴱⵓ ⵏ ⵜⵓⵏⵏⵓⵏⵜ ⵏ ⴱⵓⵍⵓ.

ⵍⵍⵉⵖ ⵉⵍⴽⵎ ⵉ ⵓⵙⴳⵔⴰⵡ ⵢⵓⴼⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵓⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴳ ⵓⵙⵏⵓⴱⴳ ⵏⵏⵙ ⴰⵊⵉⵏⵉⵔⴰⵍ ⴷⵓ ⴷⵓⴼⵉⵣⵢⵓⵏ ⴰⵎⵖⴰⵕ ⵏ ⴰⴹⴰⴼ ⴰⴳⵍⴷⴰⵏ ⴷ ⵓⵏⵙⵙⵉⵅⴼ ⵏ ⵜⵙⴷⴰⵡⵉⵜ ⵜⴰⴳⵍⴷⴰⵏⵜ ⵜⴰⵎⵖⵔⴰⴱⵉⵜ.

 

 

Dernière modification : 07 ⵎⴰⵢⵢⵓ 2024
Source URL: https://www.mapnews.ma/am/activites-princieres/%E2%B5%94%E2%B4%B0%E2%B4%B7-%E2%B5%89%E2%B5%99%E2%B4%BC%E2%B5%93%E2%B4%B3%E2%B5%8D%E2%B5%93-%E2%B5%93%E2%B4%B7%E2%B4%B0%E2%B4%B1%E2%B5%93-%E2%B4%B0%E2%B5%8E%E2%B5%96%E2%B5%94%E2%B5%89%E2%B4%B1%E2%B5%89-%E2%B4%B0%E2%B5%99%E2%B5%99-%E2%B5%8F-%E2%B5%9C%E2%B5%8D%E2%B4%B0%E2%B5%8D%E2%B5%89%E2%B5%9C-%E2%B5%A1%E2%B5%89%E2%B5%99%E2%B5%99-21%C2%A0%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B4%B0%E2%B5%8E%E2%B4%BD%E2%B4%BD%E2%B5%93%E2%B5%99%E2%B5%93