ⵉⵖⵔⴰ ⵜⴰⴱⵔⴰⵜ ⵜⴰⴳⵍⴷⴰⵏⵜ ⴰⴷ ⴰⵎⴰⵡⵙⴰⵙ ⵏ ⵍⴰⵡⵇⴰⴼ ⴷ ⵜⵖⴰⵡⵙⵉⵡⵉⵏ ⵏ ⵉⵙⵍⵎⴰ ⵎⴰⵙⵙ ⴰⵃⵎⴰⴷ ⵜⵜⴰⵡⴼⵉⵇ
ⵢⵓⵛⴽⴰⴷ ⵓⵏⵎⵓⵇⵇⴰⵔ ⴰⴷ ⴰⵎⵇⵔⴰⵏ ⵡⵉⵙⵙ 25 ⵏ ⵜⵏⵎⴰⵍⴰⵢⵜ ⵏ ⵓⵎⵢⴰⵡⴰⵙ ⵓⵙⵍⵉⵎ ⴳ ⵢⴰⵏ ⵓⵣⵎⵣ ⴰⴳⵔⴰⵖⵍⴰⵏ ⵉⵛⵇⵇⴰⵏ ⵍⵍⵉⵖ ⵍⵍⴰⵏⵜ ⵜⵉⵎⵓⴽⵔⵉⵙⵉⵏ ⴳ ⴰⵎⴰⴹⴰⵍ ⵓⵙⵍⵉⵎ ⴷ ⵜⴰⵀⴷⵉⴷⴰⵜ ⵜⵉⴱⵔⵙⴳⴳⵯⴰⴷⵉⵏ ⴷ ⵜⵉⵏ ⵜⵏⴼⵔⵓⵜ ⵎⴰⵢⴰⴷ ⴰⵔ ⵢⴰⴽⴽⴰ ⵜⵉⴽⵕⴹⵉ . ⵎⴰⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴳ ⵜⴰⴱⵔⴰⵜ ⴰⴷ .
ⵖⵎⴽⵍⵍⵉ ⵢⵓⵛⴽⴰ ⵡⴰⴼⴰ ⵢⴰⴷ ⴳ ⵢⴰⵏ ⵓⵣⵎⵣ ⵍⵍⵉⵖ ⵙⵙⵏⵜ ⵎⵏⵏⴰⵡⴰⵜ ⵏ ⵜⵉⵙⴳⴳⵉⵡⵉⵏ ⵏ ⵓⵎⴰⴹⴰⵍ ⵓⵙⵍⵉⵎ ⵜⵉⵖⵡⴰⵖⵉⵏ ⵜⵉⵙⵔⵜⴰⵏⵉⵏ ⴷ ⵜⵉⵄⵙⴽⵔⵉⵢⵉⵏ ⴷ ⵜⵉⵏ ⵜⵏⴼⵔⵓⵜ ⵎⴰⵢⴰⴷ ⵉⴼⴽⴰ ⵜⵓⴷⵔⵜ ⵉⵛⵇⵇⴰⵏ ⴳ ⵜⵉⵎⵉⵣⴰⵔ ⵉⴳⵎⴰⵎⵏ ⴳ ⵜⵏⵎⴰⵍⴰⵢⵜ ⴰⴷ ⵙⵍⴰⵇⴰⵏ ⴰⴽⴽⵯ ⴳ ⵉⴼⵔⵉⵇⵢⴰ.
ⵉⵇⵇⴰⵏⴷ ⵅⴼ ⵜⵏⵎⴰⵍⴰⵢⵜ ⴷ ⵜⵎⵔⵙⴰⵍⵉⵏ ⵏⵏⵙ ⴰⴷ ⵣⴰⵢⴷⵏⵜ ⵜⵓⴳⴳⴰⵙ ⴷ ⵜⵙⵏⵜⴰⵢⵉⵏ ⵏⵏⵙⵏⵜ ⵍⵍⵉ ,ⵉⴷⴷⴰⵏ ⵙ ⵜⵉⵎⵉⵣⴰⵔ ⴰⴷ ⴳ ⵓⵙⴰⵜⵉ ⵏ ⵜⴰⴳⵎⴰⵜ ⴷ ⵜⴰⵏⴱⴷⴰⴷⵜ ⴷ ⵓⵎⵢⴰⵡⴰⵙ ⴳⵔ ⵉⵎⵓⵙⵍⵎⵏ ⴰⴼⴰⴷ ⴰⴷ ⴰⵎⵥⵏ ⵉⴱⵖⵓⵔⵏ ⵙⴳ ⵉⵖⴰⵡⴰⵙⵏ ⵏ ⵜⵉⴳⵎⵉ ⵍⵍⵉ ⴷ ⵉⴼⵖⵏ ⵙⴳ ⵉⵏⵎⵓⵇⵇⴰⵔⵏ ⵏⵏⵖ .ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ .
ⵍⵍⵉⵖ ⵍⵍⴰ ⵜⵉⴳⵍⴷⵉⵜ ⵏ ⵍⵎⵖⵔⵉⴱ ⴳ ⵡⴰⴽⴰⵍ ⵏ ⵓⵎⵏⵥⴰⵡ ⵏ ⵉⴼⵔⵉⵇⵢⴰ ⴷ ⵉⵎⵢⴰⵙⵙⴰⵏ ⴷ ⵜⵉⵎⵉⵣⴰⵔ ⵜⴰⴳⵎⴰⵜⵉⵏ ⵏⵏⵙ ⵍⵍⵉ ⴳⴰⵏⵉⵏ ⵉⵏⴼⴳⴰⵏⵏ ⴷ ⵡⵉⵏ ⴷⴷⵉⵏ , ⵏⵙⴷⴷⵉⴷ ⵎⴰⵙ ⵉⵇⵇⴰⵏ ⴰⴷ ⵏⴰⵡⵙ ⵉ ⵜⵉⵎⵉⵣⴰⵔ ⵏ ⵉⴼⵔⵉⵇⵢⴰ ⵉⴹⴰⵄⴼⵏ ⴰⴼⴰⴷ ⴰⴷ ⴰⴼⵏⵜ ⵉⴼⵙⵙⴰⵢⵏ ⵉ ⵜⵉⵎⵓⴽⵔⵉⵙⵉⵏ ⵏⵏⵙⵏⵜ.
ⵙⵖⵎⴽⴰⴷ, ⴰⵛⴽⵓ ⵏⵓⵎⵏ ⵙ ⵡⴰⴷⴷⵓⵔ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ ⵏⵕⵥⵎ ⵜⴰⵙⵏⵜⴰⵢⵜ ⵜⴰⴼⵔⵉⵇⵉⵢⵜ ⵜⴰⵟⵍⴰⵙⵉⵜ ⵍⵍⵉ ⵉⴳⴰⵏ ⴰⴱⵔⵉⴷ ⵏ ⵜⵎⴷⵔⴰⵡⵜ ⵜⴰⴼⵔⵉⵇⵉⵢⵜ ⴰⵡⵜⵜⴰⵙ ⵏⵏⵙ ⴰⵅⴰⵜⵔ ⵉⴳⴰⵜ ⴰⵙⴷⵓⵙ ⵏ ⵉⵎⵢⴰⵙⵙⴰⵏ ⵏ ⵓⵎⵢⴰⵡⴰⵙ ⴷ ⵓⵙⵉⴷⴼ ⴳⵔ ⵉⵡⴰⵏⴽⵏ ⵉⴼⵔⵉⵇⵉⵢⵏ ⵍⵍⵉ ⵉⵜⵜⴰⴳⴰⵏ ⵅⴼ ⵓⴳⴰⵔⵓ ⴰⵟⵍⴰⵙⵉ ⴰⴼⴰⴷ ⵙⵙⵍⴰⵎⵜ ⴷ ⵍⵉⵙⵜⵉⵇⵔⴰⵔ ⴷ ⵜⵎⵔⵏⵉⵡⵜ ⵉⵛⵛⴰⵔⵏ ⵉ ⵜⴰⵙⴳⴰ ⵢⴰⴷ. ⵉⵔⵏⴰ ⵢⵉⵏⵏⴰ ⴱⴰⴱ ⵏ ⵡⴰⴷⴷⵓⵔ
ⵖⵎⴽⵍⵍⵉ ⵏⵕⵥⵎ ⵢⴰⵜ ⵜⵙⵏⵜⴰⵢⵜ ⴳ ⵓⵙⵡⴰⵉ ⴰⴳⵔⴰⵖⵍⴰⵏ ⵍⵍⵉ ⵉⵔⴰⵏ ⴰⴷ ⴰⴼⵏⵜ ⵜⵉⵎⵉⵣⴰⵔ ⵏ ⵙⵙⴰⵃⵉⵍ ⴰⴱⵔⵉⴷ ⵙ ⵓⴳⴰⵔⵓ ⴰⵟⵍⴰⵙⵉ.
ⴰⵎⵎⴰ ⴰⵙⵏⵜⵉ ⵏ ⵓⴱⵔⵉⴷ ⵏ ⵍⴳⴰⵣ ⵍⵎⵖⵔⵉⴱ-ⵏⵉⵊⵉⵔⵢⴰ ⵢⵓⵛⴽⴰⴷ ⵏⵏⵜⵜⴰ ⵙⴳ ⵔⵔⵓⵃ ⵏ ⵓⵎⵢⴰⵡⴰⵙ ⴷ ⵜⴱⴷⴰⴷⵜ ⴰⵛⴽⵓ ⵉⴳⴰ ⴰⵙⵏⵜⵉ ⵏ ⵓⵙⵉⴷⴼ ⵏ ⵜⵙⴳⴰ ⴷ ⵜⵎⵔⵏⵉⵡⵜ ⵜⴰⴷⴰⵎⵙⴰⵏⵜ ⵉⵛⵛⴰⵔⵏ .
ⵉⴳⴰ ⵙⵙⴰⵃⵜ ⵉⵙ ⵜⵥⵕⴰ ⵜⵏⵎⴰⵍⴰⵢⵜ ⵏ ⵓⵎⵢⴰⵡⴰⵙ ⵓⵙⵍⵉⵎ ⵜⵉⴼⴰⵡⵜ ⵙⴳ 55 ⵏ ⵓⵙⴳⴳⵯⴰⵙ ⴳ ⵜⵉⴳⵍⴷⵉⵜ ⵏ ⵍⵎⵖⵔⵉⴱ ⵍⵍⵉⵖ ⵉⵊⴷⵔ ⵢⴰⵏ ⵍⵎⵓⵜⴰⵟⴰⵔⵔⵉⴼ ⵜⵉⵎⵣⴳⵉⴷⴰ ⵏ ⵍⴰⵇⵚⴰ ⵍⵍⵉ ⴷⴰⵔ ⵉⵍⵍⴰ ⴰⴷⴷⵓⵔ ⴰⵅⴰⵜⴰⵔ ⴳ ⵓⵍⴰⵡⵏ ⵏ ⵉⵎⵓⵙⵍⵎⵏ ⴳ ⵓⵎⴰⴹⴰⵍ. ⵎⴰⵢⴰⴷ ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ .