Published on MAPNews (https://www.mapnews.ma/am)

Accueil > ⵜⵜⵢⴰⵎⴰⵥ ⵢⴰⵜ ⵜⵔⴰⴱⴱⵓⵜ ⵜⴰⴱⵔⵙⴳⴳⵯⴰⴷⵜ ⴳ ⵍⵍⴰⵏ ⵙⵎⵎⵓⵙ ⵉⴳⵎⴰⵎⵏ ⵉⴹⴼⵕⵏ ⵉ ⵓⴳⵔⴰⵡ “ⴷⴰⵄⵉⵛ” ⴰⵔ ⵙⵙⵉⵡⵊⵉⴷⵏ ⵉ ⵢⵉⵖⴰⵡⴰⵙⵏ  ⵉⴱⵔⵙⴳⴳⵯⴰⴷⵉⵏ (ⴰⵙⵉⵡⴹ)

ⵜⵜⵢⴰⵎⴰⵥ ⵢⴰⵜ ⵜⵔⴰⴱⴱⵓⵜ ⵜⴰⴱⵔⵙⴳⴳⵯⴰⴷⵜ ⴳ ⵍⵍⴰⵏ ⵙⵎⵎⵓⵙ ⵉⴳⵎⴰⵎⵏ ⵉⴹⴼⵕⵏ ⵉ ⵓⴳⵔⴰⵡ “ⴷⴰⵄⵉⵛ” ⴰⵔ ⵙⵙⵉⵡⵊⵉⴷⵏ ⵉ ⵢⵉⵖⴰⵡⴰⵙⵏ  ⵉⴱⵔⵙⴳⴳⵯⴰⴷⵉⵏ (ⴰⵙⵉⵡⴹ)

03 ⵎⴰⵢⵢⵓ 2024 Version Imprimable
ⵕⵕⴱⴰⵟ - ⵉⵕⵥⵎ ⵓⵙⵉⵔⴰ ⴰⵏⴰⵎⵎⴰⵙ ⵏ ⵉⵔⵣⵣⵓⵜⵏ ⵉⵣⵔⴼⴰⵏⵏ ⵉⴹⴼⵕⵏ ⴷ ⵜⴰⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵉⴹⴰⴼ ⵏ ⵡⴰⴽⴰⵍ ⴰⵏⴰⵎⵓⵔ ⴰⵙⵙ ⵏ ⵓⵙⵉⵎⵡⴰⵙ ⵢⴰⵜ ⵜⵔⴰⴱⴱⵓⵜ ⵜⴰⴱⵔⵙⴳⴳⵯⴰⴷⵜ ⴳ ⵍⵍⴰⵏ ⵙⵎⵎⵓⵙ ⵉⴳⵎⴰⵎⵏ ⵉⴹⴼⵕⵏ ⵉ ⵓⴳⵔⴰⵡ “ⴷⴰⵄⵉⵛ”ⴷⴰⵔⵙⵏ ⴳⵔ 22 ⴰⵔ 46 ⵏ ⵓⵙⴳⴳⵯⴰⵙ ⴰⵔ ⵙⵙⵉⵡⵊⵉⴷⵏ ⵉ ⵢⵉⵖⴰⵡⴰⵙⵏ  ⵉⴱⵔⵙⴳⴳⵯⴰⴷⵉⵏ ⴰⴼⴰⴷ ⴰⵙ ⵓⵜⵏ ⴰⴳⵔⴰⵡ ⴰⴳⴷⵓⴷⴰⵏ.

ⵉⵏⵏⴰ ⵢⴰⵏ ⵓⵙⵉⵡⴹ ⵓⵙⵉⵔⴰ ⴰⵏⴰⵎⵎⴰⵙ ⵏ ⵉⵔⵣⵣⵓⵜⵏ ⵉⵣⵔⴼⴰⵏⵏ ⵎⴰⵙ ⵜⵜⵓⵎⵥⵏ ⵉⴳⵎⴰⵎⵏ ⴰⴷ ⵙⴳ ⵉⴳⵎⴰⵎⵏ ⵏ ⵜⴰⴷⵓⵙⵉ  ⵉⴹⴼⵕⵏ ⴷ ⵜⴰⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵉⴹⴰⴼ ⵏ ⵡⴰⴽⴰⵍ ⴰⵏⴰⵎⵓⵔ ⴳ ⴹⴹⴰⵕⵍⴱⵉⴹⴰ ⴷ ⵟⴰⵏⵊⴰ ⴷ ⵜⵉⵟⵡⴰⵏ ⴷ ⵎⴰⵔⵜⵉⵍ ⴷ ⵜⴰⴳⵔⴰⵡⵜ ⵓⵏⴰⵖⴰ ⴳ ⵜⴰⵙⴳⴰ ⵏ ⵚⵚⵡⵉⵕⴰ ⴷⴼⴼⵉⵔ ⵍⵍⵉⵖ ⵜⵜⵢⴰⵡⵙⴰⵏ ⵉⵖⴰⵡⴰⵙⵏ ⵏⵏⵙⵏ ⵉⴱⵔⵙⴳⴳⵯⴰⴷⵉⵏ ⵙⴳ ⵉⵔⵣⵣⵓⵜⵏ ⴷ ⵉⵙⵏⵓⴱⴱⵓⵛⵏ ⵍⵍⵉ ⵙⴽⵔⵏⵜ ⵜⵉⵏⴰⴼⵓⵜⵉⵏ ⵏ ⵜⵎⵀⵍⴰ.

ⵉⵏⵏⴰ ⵉⵙⴰⴳⵎ ⴰⴷ ⵎⴰⵙ ⵎⵍⴰⵏ ⵉⵏⵖⵎⵉⵙⵏ ⵉⵎⵣⵡⴰⵔⵓⵜⵏ ⵏ ⵓⵙⵏⵓⴱⵛ ⵎⴰⵙ ⵔⴰⵏ ⵉⴳⵎⴰⵎⵏ ⴰⴷ ⵍⵍⵉ ⵉⴱⴰⵢⵄⵏ ⵡⴰⵍⵍⵉ ⵎⵉ ⵜⵉⵏⵉⵏ ⵍⵅⴰⵍⵉⴼⴰ ⵏ ⵓⴳⵔⴰⵡ ⵏ “ⴷⴰⵄⵉⵛ” ⴰⴷ ⵙⴽⵔⵏ ⵉⵙⴰⵜⵉⵏ ⵉⴱⵔⵙⴳⴳⵯⴰⴷⵏ ⵍⵍⵉ ⵉⵔⴰⵏ ⴰⴷ ⵓⵜⵏ ⵉⵎⴰⵡⴰⵜⵏ ⵉⵎⵇⵔⴰⵏⵏ ⴷ ⵜⵉⵎⵔⵙⴰⵍⵉⵏ ⵏ ⵜⵏⴼⵔⵓⵜ ⵍⵍⵉ ⵉⵣⴷⵉⵏ  ⴷ ⵓⵙⵙⵉⴷⴼ ⵏⵏⵙⵏ ⴷ ⵉⵎⵣⵉⵣⵣⵍⵏ ⵅⴼ ⵜⵉⴽⵕⴹⵉ.

  ⵉⵔⵏⵓ ⵉⵏⵏⴰ ⵎⴰⵙ ⵎⵍⴰⵏ ⵉⵔⵣⵣⵓⵜⵏ ⴰⵍⴰ ⵎⴰⵙ ⵉⵍⵍⴰ ⴷⴰⵔ ⵢⴰⵏ ⵓⴳⵎⴰⵎ ⵏ ⵜⵔⴰⴱⴱⵓⵜ ⴰⴷ ⵉⵔⵉⵎ ⴳ ⵉⴳⵔ ⵍⵉⴽⵜⵔⵓⵏⵉⴽ ⵉⵔⴰ ⴰⴷ ⵉⴷⴽⵔ ⵍⵄⴱⵓⵡⴰⵜ ⵏⴰⵙⵉⴼⴰ.

ⵍⵍⴰⵏ ⵉⴳⵎⴰⵎⵏ ⵜⵔⴰⴱⴱⵓⵜ ⵜⴰⴱⵔⵙⴳⴳⵯⴰⴷⵜ ⴷⴷⵓ ⵓⵙⵡⵓⴷⴷⵓ ⵏ ⵜⵉⴹⴰⴼⵏ  ⴷⴷⴰⵡ ⴰⴼⴰⴷ ⴰⵔⵣⵣⵓ ⴰⵣⵔⴼⴰⵏ ⵍⵍⵉ ⵉⵙⴽⴰⵔ ⵓⵙⵉⵔⴰ ⴰⵏⴰⵎⵎⴰⵙ ⵏ ⵉⵔⵣⵣⵓⵜⵏ ⵉⵣⵔⴼⴰⵏⵏ ⴷⴷⵓ ⵜⵉⵔⵔⴰ ⵏ ⵜⴰⵎⴰⵔⴰⵢⵜ ⵜⴰⵎⴰⵜⴰⵢⵜ ⵉⵥⵍⵉⵏ ⵙ ⵜⵉⵖⴰⵡⵙⵉⵡⵏ ⵏ ⵓⴱⵔⵙⴳⴳⵯⴰⴷ ⴰⴼⴰⴷ ⴰⴷ ⵜⵢⴰⵡⵙⵙⴰⵏ ⵉⵖⴰⵡⴰⵙⵏ ⵏ ⵜⵔⴰⴱⴱⵓⵜ ⴰⴷ ⵜⴰⴱⵔⵙⴳⴳⵯⴰⴷⵜ ⴷ ⵉⵖⴰⵡⴰⵙⵏ ⵏⵏⵙ ⵉⵅⵛⵏⵏ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B5%9C%E2%B5%A2%E2%B4%B0%E2%B5%8E%E2%B4%B0%E2%B5%A5-%E2%B5%A2%E2%B4%B0%E2%B5%9C-%E2%B5%9C%E2%B5%94%E2%B4%B0%E2%B4%B1%E2%B4%B1%E2%B5%93%E2%B5%9C-%E2%B5%9C%E2%B4%B0%E2%B4%B1%E2%B5%94%E2%B5%99%E2%B4%B3%E2%B4%B3%E2%B5%AF%E2%B4%B0%E2%B4%B7%E2%B5%9C-%E2%B4%B3-%E2%B5%8D%E2%B5%8D%E2%B4%B0%E2%B5%8F-%E2%B5%99%E2%B5%8E%E2%B5%8E%E2%B5%93%E2%B5%99-%E2%B5%89%E2%B4%B3%E2%B5%8E%E2%B4%B0%E2%B5%8E%E2%B5%8F-%E2%B5%89%E2%B4%B9%E2%B4%BC%E2%B5%95%E2%B5%8F-%E2%B5%89-%E2%B5%93%E2%B4%B3%E2%B5%94%E2%B4%B0%E2%B5%A1-%E2%80%9C%E2%B4%B7%E2%B4%B0%E2%B5%84%E2%B5%89%E2%B5%9B%E2%80%9D-%E2%B4%B0%E2%B5%94