Published on MAPNews (https://www.mapnews.ma/am)

Accueil > ⵉⵎⴹⴰⴽⴰⵕ ⵎⴰⵙⵙ ⵍⵓⴷⵉⵢⵉ ⴷ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵄⵙⴽⵔⵉ ⵏ ⵜⴳⵔⴰⵡⵜ ⵏ ⵍⵃⵉⵍⴼ ⵏ ⵉⵥⵥⵍⵎⴹ ⵏ ⵍⴰⵟⵍⴰⵙⵉ

ⵉⵎⴹⴰⴽⴰⵕ ⵎⴰⵙⵙ ⵍⵓⴷⵉⵢⵉ ⴷ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵄⵙⴽⵔⵉ ⵏ ⵜⴳⵔⴰⵡⵜ ⵏ ⵍⵃⵉⵍⴼ ⵏ ⵉⵥⵥⵍⵎⴹ ⵏ ⵍⴰⵟⵍⴰⵙⵉ

29 ⵉⴱⵔⵉⵔ 2024 Version Imprimable
ⵕⵕⴱⴰⵟ -  ⵉⵍⴰⵡⴰⵎⵉⵔ ⵉⴳⵍⴷⴰⵏⵏ ⵢⴰⵜⵜⵓⵢⵏ ⵉⵙⵏⵓⴱⴳ ⵓⵎⴰⵡⵙⴰⵙ ⴰⵎⴰⵔⵉ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴳⴰⵍⵏ ⵙ ⵜⵎⵙⵙⵓⴳⵓⵔⵜ ⵏ ⵓⵎⵣⴰⵖ ⴰⵏⴰⵎⵓⵔ ⴰⵙⵙ ⵏ ⵓⵏⵢⴰⵙ ⴳ ⵓⵙⵖⵉⵎ ⵏ ⵜⵎⵙⵙⵓⴳⵓⵔⵜ ⵙⵜⵉⵍⵉⵜ ⵏ ⵍⴼⴰⵔⵉⴽ ⴰⵎⵣⵡⴰⵔⵓ ⴰⵎⴳⴳⵉⵡⵙ ⵏ ⵜⴰⴳⴳⴰⵍⵉⵏ ⵜⵉⵏⴰⴼⵉⵏ ⵜⵉⴳⵍⴷⴰⵏⵉⵏ ⴰⵏⵙⵙⵉⵅⴼ ⵏ ⵜⵙⴳⴰ ⵏ ⵉⴼⴼⵓⵙ ⵍⴰⵎⵉⵔⴰⵍ ⵔⵓⴱ ⴱⴰⵡⵔ ⴰⵏⵙⵙⵉⵅⴼ ⵏ ⵓⴳⵔⴰⵡ ⴰⵄⵙⴽⵔⵉ ⵏ ⵜⴳⵔⴰⵡⵜ ⵏ ⵍⵃⵉⵍⴼ ⵏ ⵉⵥⵥⵍⵎⴹ ⵏ ⵍⴰⵟⵍⴰⵙⵉ (ⵏⴰⵜⵓ) ⵍⵍⵉ ⵉⵙⴽⴰⵔⴱ ⵢⴰⵏ ⵓⵔⵣⴰⴼ ⵉ ⵍⵎⵖⵔⵉⴱ ⵙⴳ 28 ⴰⵔ 30 ⵉⴱⵔⵉⵔ ⴰⴷ ⵉⵍⵍⴰⵏ.

ⵜⵏⵏⴰ ⵜⵎⵙⵙⵓⴳⵓⵔⵜ ⵏ ⵓⵎⵣⴰⵖ ⴰⵏⴰⵎⵓⵔ ⴳ ⵢⴰⵏⵉⵙⵉⵡⴹ ⵎⴰⵙ “ ⵜⵎⵛⵎ ⴳ ⵓⵙⴰⵜⵉ ⵏ ⵜⵓⴳⴳⴰⵙ ⵏ “ⵏⴰⵜⵓ” ⴰⴼⴰⴷ ⴰⴷ ⵉⵙⴷⵓⴷ ⵉ ⵜⴷⵔⴰⵡⵜ ⵏⵏⵙ ⴷ ⵉⴳⵎⴰⵎⵏ ⵏ ⵓⵎⴹⵉⴽⵉⵔ ⵏ ⵉⵍⵍ ⴰⵏⴰⵎⵎⴰⵙ ⵎⵏⵉⴷ ⴰⴷ ⵉⵙⴽⵔ ⵢⴰⵏ ⵓⵔⵣⵣⵓ ⵅⴼ ⴰⴷⴷⴰⴷ ⴰⵏⴼⵔⴰⵏ ⴳ ⵜⴰⵙⴳⴰ ⴷ ⴰⵏⵏⴰⵍ ⵏ ⵓⵎⵢⴰⵡⴰⵙ ⴷ ⵍⵃⵉⵍⴼ.”

ⵉⵏⵏⴰ ⵓⵙⴰⴳⵎ ⴰⴷ ⵓⵍⴰ ⵎⴰⵙ ⵙⴰⵡⵍⵏ ⵉⵎⵙⵜⴳⴳⴰⵔⵏ ⴳ ⵓⵎⴹⵉⴽⵉⵔⴰⴷ ⵅⴼ ⵎⵏⵏⴰⵡⵜ ⵏ ⵜⵉⵖⵉⵔⵡⵉⵏ ⵏ ⵓⵎⵢⴰⵡⴰⵙ ⴳⵔ ⵍⵃⵍⴼ ⵏ ⵉⵥⵥⵍⵎⴹ ⵏ ⵍⴰⵟⵍⴰⵙⵉ ⴷ ⵍⵎⵖⵔⵉⴱ ⴳ ⵉⴳⵔⴰⵏ ⵏ ⵓⵙⵎⵓⵜⵜⴳ ⴷ ⵓⵙⴷⵓⵙ ⵏ ⵜⴰⵥⴰⵕⵉⵏ ⵏ ⴰⴼⴰⴷ ⵜⵓⵙⴽⴰ ⵏ ⵜⴰ,ⴼⵔⵓⵜ ⴳ ⵜⴰⵙⴳⴰ ⵏ ⵉⵍⵍ ⴰⵎⴰⵙⵙⴰⵏ.

ⵉⵙⵙⴼⵓⵍⴽⵉ ⵓⵎⵙⵜⵜⴳⴰⵔ ⵏ “ⵏⴰⵜⵓ” ⴰⴽⵛⵛⵓⵎ ⵏ ⵜⴳⵍⴷⵉⵜ ⵍⵍⵉ ⵉⴳⴰⵏ ⴰⵎⵙⴽⴰⵔ ⴰⵎⵇⵔⴰⵏ ⴳ ⵜⵓⵙⴽⴰ ⵏ ⵍⵉⵙⵜⵉⵇⵔⴰⵔ ⵎⵏⵉⴷ ⵜⵉⵎⵓⴽⵔⵉⵙⵉⵏ ⵍⵍⵉ ⵉⵍⵍⴰⵏ ⴷⴰⵔ ⵜⴰⵏⴼⵔⵓⵜ ⵜⴰⵏⵎⵏⴰⴹⵜ ⴷ ⵜⵉⵔⴰⵜ ⵏⵏⵙ ⴷⴷⵓ ⵜⴰⵏⵙⵙⵉⵅⴼ ⴷⴰⵔ ⵜⵉⴼⴰⵡⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵙ ⴰⵜ ⵉⵏⵚⵕ ⵕⴱⴱⵉ ⴰⴼⴰⴷ ⴰⵙⵔⵙ ⵏ ⵜⵉⵙⵜⵔⴰⵜⵉⵊⵉⵢⵉⵏ ⴷ ⵉⵙⵡⵓⴷⴷⵓⵜⵏ ⴷ ⵜⴰⵡⵍⴰⴼⵜ ⵏ ⵜⵉⴳⵍⴷⵉⵜ ⵍⵍⵉ ⵉⴳⴰⵏ ⴰⴽⴰⵍ ⵏ ⵍⵉⵙⵜⵉⵇⵔⴰⵔ ⴷ ⵙⵍⴰⵎⵜ ⵉ ⴰⵔⵊⴰⵍⵏ ⵏⵏⵙ

ⴳ ⵜⵉⴳⵉⵔⴰ ⵏ ⵓⵏⵎⵓⵇⵇⴰⵔ ⴰⴷ, ⵎⵍⴰⵏ ⵉⵎⵙⵜⴳⴳⴰⵔⵏ ⵔⵔⵊⴰ ⵏⵏⵙⵏ ⴷ ⵜⵉⵔⴰⵜ ⵉⵛⵛⴰⵔⵏ ⴰⴼⴰⴷ ⴰⵙⴷⵓⵙ ⵏ ⵉⵎⵢⴰⵙⵙⴰⵏ ⴳⵔ ⵜⵉⴳⵍⴷⵉⵜ ⵜⴰⵎⵖⵔⵉⴱⵉⵢⵜ ⴷ ⵍⵃⵉⵍⴼ ⵏ ⵉⵥⵥⵍⵎⴹ ⵏ ⵍⴰⵟⵍⴰⵙⵉ.

ⴳ ⵜⴰⵙⴳⴰ ⵢⴰⴹⵏ, ⵉⵔⵏⵓ ⵉⵏⵏⴰ ⵓⵙⵉⵡⴹ , ⵔⴰⴷ ⵉⴼⴽ ⵍⴰⵎⵉⵔⴰⵍ ⵔⵓⴱ ⴱⴰⵡⵔ ⵢⴰⵜ ⵜⵉⵏⴰⵡⵜ ⴳ ⵜⴰⵖⵉⵡⴰⵏⵜ ⵏ ⵜⵖⵓⵔⵓⵡⵉⵏ ⵜⵉⵄⵙⴽⵔⵉⵢⵉⵏ ⵜⴰⵏⴰⴼⵍⵍⴰ ⴳ ⵍⵇⵏⵉⵟⵕⴰ ⵉ ⴹⴹⵓⴱⴱⴰⵟ ⵉⵄⵙⴽⵔⵉⵢⵏ ⵅⴼ “ⵉⵎⵏⵉⴷⵏ ⴷ ⵜⵉⵙⵜⵔⴰⵜⵉⵊⵉⵜⵉⵏ ⵏ ⵍⵃⵉⵍⴼ ⵏ ⵉⵥⵥⵍⵎⴹ ⵏ ⵍⴰⵟⵍⴰⵙⵉ”.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%8E%E2%B4%B9%E2%B4%B0%E2%B4%BD%E2%B4%B0%E2%B5%95-%E2%B5%8E%E2%B4%B0%E2%B5%99%E2%B5%99-%E2%B5%8D%E2%B5%93%E2%B4%B7%E2%B5%89%E2%B5%A2%E2%B5%89-%E2%B4%B7-%E2%B5%93%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F-%E2%B5%93%E2%B4%B3%E2%B5%94%E2%B4%B0%E2%B5%A1-%E2%B4%B0%E2%B5%84%E2%B5%99%E2%B4%BD%E2%B5%94%E2%B5%89-%E2%B5%8F-%E2%B5%9C%E2%B4%B3%E2%B5%94%E2%B4%B0%E2%B5%A1%E2%B5%9C-%E2%B5%8F-%E2%B5%8D%E2%B5%83%E2%B5%89%E2%B5%8D%E2%B4%BC-%E2%B5%8F-%E2%B5%89%E2%B5%A5%E2%B5%A5%E2%B5%8D%E2%B5%8E%E2%B4%B9-%E2%B5%8F-%E2%B5%8D%E2%B4%B0%E2%B5%9F%E2%B5%8D%E2%B4%B0%E2%B5%99%E2%B5%89