ⵉⵙⵏⵓⴱⴳ ⵎⴰⵙⵙ ⴱⵓⵕⵉⵟⴰ ⴰⵎⴰⵡⵙⴰⵙ ⵏ ⴱⵕⵕⴰ ⴰⴳⴰⵎⴱⵉ ⵢⵉⵡⵉ ⵜⴰⴱⵔⴰⵜ ⵉⵜⵜⵢⵓⵔⴰⵏ ⵉ ⴱⴰⴱ ⵏ ⵡⴰⴷⴷⵓⵔ ⵙⴳ ⵓⵏⵙⵙⵉⵅⴼ ⵏ ⴳⴰⵎⴱⵢⴰ

29 ⵉⴱⵔⵉⵔ 2024 Version Imprimable

ⵕⵕⴱⴰⵟ - ⵉⵙⵏⵓⴱⴳ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷⵉⵎⵖⵔⴰⴱⵢⵉⵏ ⵣⴷⵖⵉⵏ ⴳ ⴱⵕⵕⴰ ⵏⴰⵚⵕ ⴱⵓⵕⵉⵟⴰ ⵡⴰⵙⵙ ⵏ ⵓⵢⵏⴰⵙ ⵖ ⵕⵕⴱⴰⵟ ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴳⴰⵎⴱⵉ ⵎⴰⵎⴰⴷⵓ ⵜⴰⵏⴳⴰⵔⴰ ⵏⵏⴰ ⵢⵉⵡⵉⵏ ⵜⴰⴱⵔⴰⵜ ⵉⵜⵜⵢⵓⵔⴰⵏ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵙⴳ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⴳⴰⵎⴱⵢⴰ ⴰⴷⴰⵎⴰ ⴱⴰⵔⵓ

ⵉⵣⵓⵍ ⵎⴰⵙⵙ ⵜⴰⵏⴳⴰⵔⴰ ⴳ ⵜⵙⴳⵓⵔⵉ ⵉ ⵜⵏⵙⵖⵎⴰⵙⵜ ⴷⴼⴼⵉⵔ ⵏ ⵓⵏⵎⵓⴳⴳⴰⵔ ⴰⴷ ⵏ ⵉⵎⵢⴰⵙⵙⴰⵏ ⵉⵎⵓⴼⴰⵢⵏ ⵏⴳⵔ ⵍⵎⵖⵔⵉⴱ ⴷ ⴳⴰⵎⴱⴰⵢ ⵉⵙⵎⵖⵓⵔ ⴷ ⵡⴰⵏⵏⴰⵍ ⵏ ⵜⵉⴷⴷⵜ ⵏⵏⴰ ⵜⵙⵎⵏⵉⴷ ⵜⴰⴳⵍⴷⵉⵜ ⵙ ⵜⴰⵏⵙⵙⵉⵅⴼ ⵏ ⴱⴰⴱ ⵏ ⵡⴰⴷⴷⵓⵔ ⴰⴼⴰⴷ ⵏ ⵓⵎⵓⵔⵙ ⵏ ⵡⴰⴼⴰ ⵏ ⵓⵎⵢⴰⵡⴰⵙ ⴰⵎⵓⵙⵍⵉⵎ ⵏⵏⴰ ⵔⴰⴷ ⵢⵉⵍⵉ ⵓⵙⵙⴰⵏ 4 ⴷ 5 ⵎⴰⵢⵢⵓ ⵢⵓⵛⴽⴰⵏ ⴷⵉ ⴳⴰⵎⴱⵢⴰ .

ⵉⵙⵎⵢⴰⵏ ⵓⵎⴰⵡⵙⴰⵙ ⴰⴳⴰⵎⴱⵉ ⴳ ⵓⵙⴰⵜⵉ ⴷⵖ ⴰⵙⴷⴷⵉⴷ ⵏ ⵜⵉⵔⴰⵜ ⵏ ⵜⵎⴰⵣⵉⵔⵜ ⵏⵏⵙ ⴳ ⵜⵡⵓⵔⵉ ⵉⵎⵓⵏ ⴷ ⵍⵎⵖⵔⵉⴱ ⵏ ⵓⵙⴽⵔ ⵏ ⵉⵡⵜⵜⴰⵙⵏ ⵉⵍⵍⴰⵏ ⴰⴼⴰⴷ ⵏ ⵉⴼⵔⵉⵇⵢⴰ ⵏ ⵓⵍⴰⵢ ⴷ ⵓⵔⴳⴳⵉⴳ ⴷ ⵉⵙⴷⴷⵉⴷ ⵏ ⵡⴰⴷⴷⵓⵔ ⵏ ⵜⵙⵏⵜⴰⵢⵜ ⵜⴰⴳⵍⴷⵏⵜ ⴰⴼⴰⴷ ⴰⵟⵍⴰⵚⵉ ⵎⴰⵢⴰⴷ ⵉⴳⴰⵏ " ⵜⴰⵏⴼⵔⵓⵜ ⵏ ⵓⵔⴳⴳⵉⴳ ⴷ ⵓⵍⴰⵢ".

ⴳ ⵜⵙⴳⴰ ⵢⴰⴹⵏ ⵉⵙⵎⴰⵢⴰⵏ ⵓⵏⵙⵙⵉⵅⴼ ⵏ ⵜⴷⵉⴱⵍⵓⵎⵙⵉⵜ ⵜⴰⴳⴰⵎⴱⵉⵜ ⵏ ⵓⵙⴷⴷⵉⴷ ⵏ ⵡⴰⵏⵏⴰⵍ ⵏ ⵜⵎⴰⵣⵉⵔⵜ ⵏⵏⵙ ⵏ ⵓⴳⵣⵣⵓⵎ ⵏ ⵡⴰⴽⴰⵍ ⵏ ⵜⴳⵍⴷⵉⵜ ⴷ ⵓⵙⵏⴱⴹ ⵏⵏⵙ ⵅⴼ ⴰⴽⴽⵯ ⵉⴽⴰⵍⵉⵡⵉⵏ ⵏⵏⵙ ⴳ ⵜⴰⵏⵣⵔⵓⴼⵜ ⵜⴰⵎⴰⵖⵔⴰⴱⵉⵜ

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%99%E2%B5%8F%E2%B5%93%E2%B4%B1%E2%B4%B3-%E2%B5%8E%E2%B4%B0%E2%B5%99%E2%B5%99-%E2%B4%B1%E2%B5%93%E2%B5%95%E2%B5%89%E2%B5%9F%E2%B4%B0-%E2%B4%B0%E2%B5%8E%E2%B4%B0%E2%B5%A1%E2%B5%99%E2%B4%B0%E2%B5%99-%E2%B5%8F-%E2%B4%B1%E2%B5%95%E2%B5%95%E2%B4%B0-%E2%B4%B0%E2%B4%B3%E2%B4%B0%E2%B5%8E%E2%B4%B1%E2%B5%89-%E2%B5%A2%E2%B5%89%E2%B5%A1%E2%B5%89-%E2%B5%9C%E2%B4%B0%E2%B4%B1%E2%B5%94%E2%B4%B0%E2%B5%9C-%E2%B5%89%E2%B5%9C%E2%B5%9C%E2%B5%A2%E2%B5%93%E2%B5%94%E2%B4%B0%E2%B5%8F-%E2%B5%89-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%99%E2%B4%B3