Published on MAPNews (https://www.mapnews.ma/am)

Accueil > ⵜⵙⵎⴰⵢⵏⵓ ⵍⵉⴱⵉⵔⵢⴰ ⵜⵉⴽⵍⵉⵜ ⵢⴰⴹⵏ ⴰⵏⵏⴰⵍ ⵏⵏⵙ ⵉ ⵜⵎⵓⵏⵜ ⵏ ⵡⴰⴽⴰⵍ ⵏ ⵍⵎⵖⵔⵉⴱ, ⵎⴰⴷ ⴳⵉⵙ ⵉⵍⵍⴰⵏ ⵚⵚⵃⵕⴰ ⵜⴰⵎⵖⵔⵉⴱⵉⵢⵜ

ⵜⵙⵎⴰⵢⵏⵓ ⵍⵉⴱⵉⵔⵢⴰ ⵜⵉⴽⵍⵉⵜ ⵢⴰⴹⵏ ⴰⵏⵏⴰⵍ ⵏⵏⵙ ⵉ ⵜⵎⵓⵏⵜ ⵏ ⵡⴰⴽⴰⵍ ⵏ ⵍⵎⵖⵔⵉⴱ, ⵎⴰⴷ ⴳⵉⵙ ⵉⵍⵍⴰⵏ ⵚⵚⵃⵕⴰ ⵜⴰⵎⵖⵔⵉⴱⵉⵢⵜ

19 ⵉⴱⵔⵉⵔ 2024 Version Imprimable
ⵕⵕⴱⴰⵟ - ⵜⵙⵎⴰⵢⵏⵓ ⵜⴳⴷⵓⴷⵏⵜ ⵏ ⵍⵉⴱⵉⵔⵢⴰ ⵜⵉⴽⵍⵉⵜ ⵢⴰⴹⵏ, ⴰⵙⵙ ⵏ ⵓⴽⵡⴰⵙ ⴳ ⵕⵕⴱⴰⵟ, ⴰⵏⵏⴰⵍ ⵏⵏⵙ ⵉ ⵜⵎⴰⵏⵜ ⵏ ⵡⴰⴽⴰⵍ ⵏ ⵍⵎⵖⵔⵉⴱ, ⵎⴰⴷ ⴳⵉⵙ ⵉⵍⵍⴰⵏ ⵚⵚⵃⵕⴰ ⵜⴰⵎⵖⵔⵉⴱⵉⵢⵜ.

ⵜⵓⵛⴽⴰⴷ ⵜⵏⵏⴰⵢⵜ ⴰⴷ ⴳ ⵓⵙⵉⵡⴹ ⵉⵛⵛⴰⵔⵏ ⵍⵍⵉⴷ ⵉⴼⵖⵏ ⴷⴼⴼⵉⵔ ⵏ ⵉⵎⴹⵉⴽⵉⵕⵏ ⴳⵔ ⵓⵎⴰⵡⴰⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵢⵏ ⵉⵣⴷⵖⵏ ⴳ ⴱⵕⵕⴰ, ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴷ ⵜⵎⴰⵡⵙⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵏ ⵍⵉⴱⵉⵔⵢⴰ, ⵙⴰⵔⴰ ⴱⵉⵙⵓⵍⵓ ⵏⵢⴰⵏⵜⵉ.

ⴳ ⵓⵙⴰⵜⵉ ⴰⴷ ⵜⵙⵎⴰⵢⵏⵓ ⵎⴰⵙⵙⴰ ⵏⵢⴰⵏⵜⵉ ⴰⵏⵏⴰⵍ ⵏ ⵜⵎⴰⵣⵉⵔⵜ ⵏⵏⵙ ⵉ ⵜⴰⵙⵏⵜⴰⵢⵏ ⵏ ⵍⵃⵓⴽⵎ ⴷⴷⴰⵜⵉ ⵍⵍⵉ ⵉⵎⵍⴰ ⵍⵎⵖⵔⵉⴱ ⴳ 2007 ⵍⵍⵉ ⵉⴳⴰⵏ ⴰⴼⵔⴰ ⵉⴷⵓⴷⵏ ⴷ ⵡⵉⵏ ⵍⵎⵄⵇⵓⵍ ⴰⴼⴰⴷ ⴰⴼⵙⴰⵢ ⵏ ⵉⵎⵏⵖⵉ ⵅⴼ ⵚⵚⵃⵕⴰ ⵜⴰⵎⵖⵔⵉⴱⵉⵢⵜ.

ⵜⵙⵙⴼⵓⵍⴽⵉ ⵓⵍⴰ ⵜⵓⴳⴳⴰⵙ ⵏ ⵜⵉⵎⵜⵜⴰ ⵉⵎⵓⵏⵏ ⵍⵍⵉ ⵉⴳⴰⵏ ⴰⵙⵜⵉ ⵢⴰⵏ ⴰⴼⴰⴷ ⴰⵏⵍⵢⴰⴽⴰⵎ ⴷ ⵢⴰⵏ ⵓⴼⵔⴰ ⴰⵙⵓⵍⴰⵏ ⵏ ⵉⵎⵏⵖⵉ ⵅⴼ ⵚⵚⵃⵕⴰ ⵜⴰⵎⵖⵔⵉⴱⵉⵢⵜ.

ⴷⴼⴼⵉⵔ ⵏ ⵍⵍⵉⵖ ⵉⵙⵙⴼⵓⵍⴽⵉ ⵜⴰⵖⵜⴰⵙⵜ ⴰⴷ , ⵉⵙⵏⵉⵎⵎⵔ ⵎⴰⵙⵙ ⴱⵓⵕⵉⵜⴰ ⵍⵉⴱⵉⵔⵢⴰ ⵅⴼ ⴰⵏⵏⴰⵍ ⵏⵏⵙ ⵉⴷⵓⵙⵏ ⵉ ⵜⴰⵎⵓⵏⵜ ⵏ ⵍⵎⵖⵔⵉⴱ ⵙⵍⴰⵡⴰⵏ ⴰⴽⴽⵯ ⵜⴰⵏⵏⴰⵢⵜ ⵏⵏⵙ ⵏ ⵡⴰⵏⵏⴰⵍ ⵉ ⵚⵚⵃⵕⴰ ⵜⴰⵎⵖⵔⵉⴱⵉⵢⵜ ⵍⵍⵉ ⵉⴷⵓⵙⵏ ⵜⵉⴽⵍⵉⵜ ⵢⴰⴹⵏ ⵍⵍⵉⵖ ⵜⵕⵥⵎ ⵜⴰⵇⵓⵏⵚⵓⵍⵉⵜ ⵜⴰⵎⴰⵜⴰⵢⵜ ⵏ ⵍⵉⴱⵉⵔⵢⴰ ⴳ ⴷⴷⴰⵅⵍⴰ ⴳ ⵎⴰⵕⵙ 2020 ⴷ ⵜⴰⴷⵔⴰⵡⵜ ⵏ ⵜⴰⵎⴰⵣⵉⵔⵜ ⴰⴷ ⴳ 15 ⵉⵏⵏⴰⵢⵔ 2021 ⴳ ⵜⵉⵏⴰⵡⵜ ⵜⴰⵎⴰⵡⵙⴰⵙⵏ ⵏ ⵡⴰⵏⵏⴰⵍ ⵏ ⵜⴰⵙⵏⵜⴰⵢⵜ ⵏ ⵍⵃⵓⴽⵎ ⴷⴷⴰⵜⵉ ⵙ ⵜⴰⵖⵓⵔⵉ ⵏ ⵜⵉⴳⵍⴷⵉⵜ ⵏ ⵍⵎⵖⵔⵉⴷ ⴷ ⵉⵡⴰⵏⴽⵏ ⵉⵎⵓⵏⵏ ⵏ ⵎⵉⵔⵉⴽⴰⵏ.

ⵖⵎⴽⵍⵍⵉ ⵜⵙⴷⴷⵉⴷ ⵎⴰⵙⵙⴰ ⵏⵢⴰⵏⵜⵉ ⵅⴼ ⴰⵏⵙⴰ ⴰⵅⴰⵜⴰⵔ ⵏ ⵜⵉⵙⴳⴳⵉⵡⵉⵏ ⵏ ⵉⴼⴼⵓⵙ ⵏ ⵍⵎⵖⵔⵉⴱ ⵍⵍⵉ ⵉⴳⴰⵏ ⴰⵎⵎⴰⵙ ⴰⵎⵇⵔⴰⵏ ⴳ ⵉⴼⵔⵉⵇⵢⴰ ⵜⵖⵔⴰ ⵓⵍⴰ ⴰⴼⴰⴷ ⵉⴳ ⵉⵔⵉⵎ ⵏ ⵜⵉⵙⴳⴳⵉⵡⵉⵏ ⴰⴷ ⵜⴰⵙⵉⵍⴰ ⵏ ⵓⵣⵣⵉⴳⵣ ⵏ ⵢⴰⵜ ⵜⴰⵙⵔⵜⵉⵜ ⵏ ⵜⵉⴳⵎⵉ ⵉ ⵢⴰⴽⴽⵯ ⵉⴼⵔⵉⵇⵢⴰ.

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B5%9C%E2%B5%99%E2%B5%8E%E2%B4%B0%E2%B5%A2%E2%B5%8F%E2%B5%93-%E2%B5%8D%E2%B5%89%E2%B4%B1%E2%B5%89%E2%B5%94%E2%B5%A2%E2%B4%B0-%E2%B5%9C%E2%B5%89%E2%B4%BD%E2%B5%8D%E2%B5%89%E2%B5%9C-%E2%B5%A2%E2%B4%B0%E2%B4%B9%E2%B5%8F-%E2%B4%B0%E2%B5%8F%E2%B5%8F%E2%B4%B0%E2%B5%8D-%E2%B5%8F%E2%B5%8F%E2%B5%99-%E2%B5%89-%E2%B5%9C%E2%B5%8E%E2%B5%93%E2%B5%8F%E2%B5%9C-%E2%B5%8F-%E2%B5%A1%E2%B4%B0%E2%B4%BD%E2%B4%B0%E2%B5%8D-%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B5%8E%E2%B4%B0%E2%B4%B7-%E2%B4%B3%E2%B5%89%E2%B5%99-%E2%B5%89%E2%B5%8D%E2%B5%8D%E2%B4%B0%E2%B5%8F