Published on MAPNews (https://www.mapnews.ma/am)

Accueil > ⵜⵙⵙⵎⴰⵢⵏⵓ ⵙⴰⵏⵜ ⴽⵉⵜⵙ ⴷ ⵏⵉⴼⵉⵙ ⵜⴰⵏⵏⴰⵢⵜ ⵏⵏⵙ ⵉⴷⵓⵙⵏ ⵉⵏⵏⴰⵍⵏ ⴰⵣⵔⴼ ⵏ ⵍⵎⵖⵔⵉⴱ ⵅⴼ ⵚⵚⵃⵕⴰ ⵏⵏⵙ ⴷ ⵜⴰⵎⵓⵏⵜ ⵏ ⵡⴰⴽⴰⵍ ⵏⵏⵙ

ⵜⵙⵙⵎⴰⵢⵏⵓ ⵙⴰⵏⵜ ⴽⵉⵜⵙ ⴷ ⵏⵉⴼⵉⵙ ⵜⴰⵏⵏⴰⵢⵜ ⵏⵏⵙ ⵉⴷⵓⵙⵏ ⵉⵏⵏⴰⵍⵏ ⴰⵣⵔⴼ ⵏ ⵍⵎⵖⵔⵉⴱ ⵅⴼ ⵚⵚⵃⵕⴰ ⵏⵏⵙ ⴷ ⵜⴰⵎⵓⵏⵜ ⵏ ⵡⴰⴽⴰⵍ ⵏⵏⵙ

18 ⵉⴱⵔⵉⵔ 2024 Version Imprimable
ⵕⵕⴱⴰⵟ - ⵉⵙⵙⵎⴰⵢⵏⵓ ⵓⵎⴰⵡⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵜⴰⵙⴱⴱⴰⴱⵜ ⵜⴰⴳⵔⴰⵖⵍⴰⵏⵜ ⴷ ⵜⵉⴳⵎⵉ ⵜⴰⴷⴰⵎⵙⴰⵏⵜ ⴷ ⵓⵙⵙⴰⵔⵓ ⵏ ⵙⴰⵏⵜ ⴽⵉⵜⵙ ⴷ ⵏⵉⴼⵉⵙ, ⴷⵉⵏⵣⵉⵍ ⵍⵡⵉⵏⵍⵉⵏ ⴷⵓⴳⵍⴰⵙ, ⴰⵙⵙ ⵏ ⵓⴽⵔⴰⵙ, ⵜⴰⵏⵏⴰⵢⵜ ⵏ ⵜⵎⴰⵣⵉⵔⵜ ⵏⵏⵙ ⵉⴷⵓⵙⵏ ⵉⵏⵏⴰⵍⵏ ⴰⵣⵔⴼ ⵏ ⵍⵎⵖⵔⵉⴱ ⵅⴼ ⵚⵚⵃⵕⴰ ⵏⵏⵙ ⴷ ⵜⵎⵓⵏⵜ ⵏ ⵡⴰⴽⴰⵍ ⵏⵏⵙ.

ⵉⵙⴷⴷⵉⴷ ⵎⴰⵙⵙ ⴷⵓⴳⵍⴰⵙ ⴳ ⵜⵙⴳⵓⵔⵉ ⵉ ⵜⴰⵏⵖⵎⴰⵙⵜ ⴷⴼⵉⵉⵔ ⵏ ⵉⵎⴷⵉⴽⵉⵕⵏ ⴷ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵏ ⵉⴼⵔⵉⵇⵢⴰ ⴷ ⵉⵎⵖⵔⵉⴱⵉⵢⵏ ⵉⵣⴷⵖⵏ ⴳ ⴱⵕⵕⴰ  ⵎⴰⵙⵙ ⵏⴰⵚⵕ ⴱⵓⵔⵉⵟⴰ ⵜⵉⴽⵍⵉⵜ ⵢⴰⴹⵏ ⴰⵏⵏⴰⵍ ⵏ ⵜⵎⴰⵣⵉⵔⵜ ⵏⵏⵙ ⵉ ⵜⴰⵡⴰⵔⵉ ⵜⴰⵙⵔⵜⵉⵜ ⵍⵍⵉ ⵎⵉ ⵜⵣⵡⴰⵔ ⵜⵉⵎⵜⵜⴰ ⵉⵎⵓⵏⵏ ⴰⴼⴰⴷ ⴰⴷ ⵜⵍⴽⵎ ⵉ ⵢⴰⵏ ⵓⴼⵙⵙⴰⵢ ⵉⴷⴰⵡⵎⵏ ⵉ ⵜⴰⵎⵓⴽⵔⵉⵜ ⴰⴷ ⵜⴰⵏⵎⵏⴰⴹⵜ.

ⵉⵙⵙⴼⵓⵍⴽⵉ ⵓⵎⴰⵡⵙⴰⵙ ⵏ ⵙⴰⵏⵜ ⴽⵉⵜⵙ ⴷ ⵏⵉⴼⵉⵙ ⵜⴰⵙⵏⵜⴰⵢⵜ ⵜⴰⵎⵖⵔⵉⴱⵉⵢⵜ ⵏ ⵍⵃⵓⴽⵎ ⴷⴷⴰⵜⵉ ⵍⵍⵉ ⵉⴳⴰⵏ ⵢⴰⵏ ⵓⴼⵙⴰⵢ ⵉⵖⵓⴷⴰⵏ ⴷ ⵡⵉⵏ ⵍⵎⴰⵄⵇⵓⵍ.

ⵉⵏⵏⴰ ⵢⴰⵏ ⵓⵙⵉⵡⴹ ⵍⵍⵉ ⴷ ⵉⴼⵖⵏ ⴷⴼⴼⵉⵔ ⵏ ⵉⵎⴹⵉⴽⵉⵕⵏ ⴰⴷ ⵎⴰⵙ ⵜⵎⵙⴰⵙⴰ ⵜⵙⵏⵜⴰⵢⵜ ⵜⴰⵎⵖⵔⵉⴱⵉⵢⵜ ⴷ ⵓⵣⵔⴼ ⴰⴳⵔⴰⵖⵍⴰⵏ ⴷ ⵍⵎⵉⵜⴰⵇ ⵏ ⵜⵉⵎⵜⵜⴰ ⵉⵎⵓⵏⵏ ⴷ ⵜⵉⵖⵜⴰⵙⵉⵏ ⵏ ⵜⴰⵎⵙⵎⵓⵏⵜ ⵜⴰⵎⴰⵜⴰⵢⵜ ⴷ ⵓⵙⵇⵇⵉⵎ ⵏ ⵜⴱⴼⵔⵓⵜ ⵉⴹⴼⵕⵏ ⵉ ⵜⵉⵎⵜⵜⴰ ⵉⵎⵓⵏⵏ.

ⵉⵔⵏⵓ ⵉⵏⵏⴰ ⵓⵙⵉⵡⴹ ⵎⴰⵙ ⵜⵎⵍⴰ ⵜⴰⴼⵉⴷⵉⵔⴰⵍⵉⵜ ⵏ ⵙⴰⵏⵜ ⴽⵉⵜⵙ ⴷ ⵏⵉⴼⵉⵙ ⴰⵙⵙ ⴰⴷ ⵎⴰⵙ ⵜⵙⵙⵏ ⴰⵣⵔⴼ ⵏ ⵍⵎⵖⵔⵉⴱ ⵅⴼ ⵜⵉⵙⴳⵉⵡⵉⵏ ⵏⵏⵙ ⵏ ⵉⴼⴼⵓⵙ ⴷ ⵡⴰⵏⵏⴰⵍ ⵏⵏⵙ ⵉ ⵜⴰⵙⵏⵜⴰⵢⵜ ⵜⴰⵎⵖⵔⵉⴱⵉⵢⵜ ⵏ ⵃⵓⴽⵎ ⴷⴷⴰⵜⵉ.

ⵜⵙⵙⵙⴼⵓⵍⴽⵉ ⵓⵍⴰ ⵜⵉⴳⵎⵉ ⵜⴰⵏⴰⵎⵓⵏⵜ ⴷ ⴰⴷⴰⵎⵙⴰⵏⵜ ⵍⵍⵉ ⵉⵍⵍⴰⵏ ⴳ ⵚⵚⵃⵕⴰ ⵜⴰⵎⵖⵔⵉⴱⵉⵜ ⵍⵍⵉ ⴷ ⵢⵓⵛⴽⴰⵏ ⴷ ⵉⵏⴰⵡ ⴰⵎⴰⵢⵏⵓ ⵏ ⵜⵉⴳⵎⵉ ⴳ ⵜⵉⵙⴳⵉⵡⵉⵏ ⵏ ⵉⴼⴼⵓⵙ ⵏ ⵜⵉⴳⵍⴷⵉⵜ.

ⵜⵙⵙⴼⵓⵍⴽⵉ  ⵙⴰⵏⵜ ⴽⵉⵜⵙ ⴷ ⵏⵉⴼⵉⵙ ⵓⵍⴰ ⵍⵍⵉ ⵉⴳⴰⵏ ⴰⴳⵎⴰⵎ ⴳ ⵜⴰⵎⵙⵎⵓⵏⵜ ⵏ ⵉⵡⴰⵏⴽⵏ ⵏ ⵍⵇⴱⵍⵜ ⵏ ⴽⴰⵔⴰⵢⴱⵉ ⵜⴰⵎⵙⵇⴰⴷⵜ ⵏ ⵏ ⵜⴰⵎⵙⵎⵓⵏⵜ ⴳ ⵕⵕⴱⴰⵟ ⴳ 19 ⴽⵜⵓⴱⵔ 2018 ⴷ ⵜⴰⵇⵓⵏⵙⵓⵍⵉⵜ ⵜⴰⵎⴰⵜⴰⵢⵜ ⴳ ⴷⴷⴰⵅⵍⴰ ⴳ 31 ⵎⴰⵕⵙ 2022.

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B5%9C%E2%B5%99%E2%B5%99%E2%B5%8E%E2%B4%B0%E2%B5%A2%E2%B5%8F%E2%B5%93-%E2%B5%99%E2%B4%B0%E2%B5%8F%E2%B5%9C-%E2%B4%BD%E2%B5%89%E2%B5%9C%E2%B5%99-%E2%B4%B7-%E2%B5%8F%E2%B5%89%E2%B4%BC%E2%B5%89%E2%B5%99-%E2%B5%9C%E2%B4%B0%E2%B5%8F%E2%B5%8F%E2%B4%B0%E2%B5%A2%E2%B5%9C-%E2%B5%8F%E2%B5%8F%E2%B5%99-%E2%B5%89%E2%B4%B7%E2%B5%93%E2%B5%99%E2%B5%8F-%E2%B5%89%E2%B5%8F%E2%B5%8F%E2%B4%B0%E2%B5%8D%E2%B5%8F-%E2%B4%B0%E2%B5%A3%E2%B5%94%E2%B4%BC-%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B5%85%E2%B4%BC-%E2%B5%9A%E2%B5%9A%E2%B5%83%E2%B5%95%E2%B4%B0-%E2%B5%8F%E2%B5%8F%E2%B5%99-%E2%B4%B7