ⴰⴳⵔⴰⵡ ⴰⴷⴰⵎⵙⴰⵏ ⴳ ⵎⴰⴷⵔⵉⴷ: ⵜⴰⵙⴳⴰ ⵏ ⴷⴷⴰⵅⵍⴰ ⵡⴰⴷ ⴷⴷⴰⵀⴰⴱ ⵜⴳⴰ ⴰⴳⵊⴷⵉ ⴰⴷⴰⵎⵙⴰⵏ ⴰⵏⴰⵎⵏⴰⴹ (ⵎⴰⵙⵙⴰ ⴱⵏⵢⴰⵄⵉⵛ)

18 ⵉⴱⵔⵉⵔ 2024 Version Imprimable

ⵎⴰⴷⵔⵉⴷ - ⵜⵏⵏⴰ ⵜⵎⵙⵇⴰⴷⵜ ⵏ ⵍⵎⵖⵔⵉⴱ ⴳ ⵚⴱⴰⵏⵢⴰ, ⴽⴰⵔⵉⵎⴰ ⴱⵏⵢⴰⵄⵉⵛ, ⴰⵙⵙ ⵏ ⵓⵙⵉⵏⴰⵙ ⴳ ⵎⴰⴷⵔⵉⴷ, ⵎⴰⵙ ⵜⴳⴰ ⵜⵙⴳⴰ ⵏ ⴷⴷⴰⵅⵍⴰ ⵡⴰⴷ ⴷⴷⴰⵀⴰⴱ ⴰⴳⵊⴷⵉ ⴰⴷⴰⵎⵙⴰⵏ ⴰⵏⴰⵎⵏⴰⴹ ⴰⵅⴰⵜⴰⵔ ⵍⵍⵉ ⵉⵙⵎⵓⵏⵏ ⵍⵎⵖⵔⵉⴱ ⴷ ⵉⵥⵓⵕⴰⵏ ⵏⵏⵙ ⴳ ⵉⴼⵔⵉⵇⵢⴰ.

ⵜⵔⵏⴰ ⵜⵏⵏⴰ ⵎⴰⵙⵙⴰ ⴱⵏⵢⴰⵄⵉⵛ ⵎⵏⵉⴷ ⵉⵎⵙⵇⴰⴷⵏ ⵉⴼⵔⵉⵇⵉⵢⵏ ⴷ ⵡⴰⵄⵔⴰⴱⵏ ⴷ ⵄⵍⴰⵢⵏ 100 ⵏ ⵉⵎⵙⵙⵓⴳⵓⵔⵏ ⴷ ⵉⵏⵙⵙⵉⵅⴼⵏ ⵏ ⵜⵎⵏⵙⵙⵏⵜⴰⵢ ⵉⵚⴱⵍⵢⵓⵏⵉⵢⵏ ⵍⵍⵉ ⵉⴷⵔⴰⵏ ⴳ ⵓⴳⵔⴰⵡ ⴰⴷⴰⵎⵙⴰⵏ ⵅⴼ ⵉⵙⵙⵓⵔⴰ ⵍⵍⵉ ⵜⴰⴽⴽⴰ ⵜⴰⵙⴳⴰ ⵏ ⴷⴷⴰⵅⵍⴰ ⴷ ⵡⴰⴷ ⴷⴷⴰⵀⴰⴱ ⵎⴰⵙ ⵉⵍⵍⴰ ⴷⴰⵔ ⵓⴳⵊⴷⵉ ⵢⴰⴷ ⵉⵙⵙⴰⵔⵓⵜⵏ ⵉⵎⵇⵔⴰⵏⵏ ⵉ ⵉⵎⵙⴽⴰⵔⵏ ⵉⴷⴰⵎⵙⴰⵏⵏ ⵉⵎⵖⵔⵉⴱⵉⵢⵏ ⴷ ⵡⵉⵏ ⴱⵕⵕⴰ.

ⵜⵙⴷⴷⵉⴷ ⵓⵍⴰ ⵎⴰⵔ ⴷⴰⵔ ⵜⴰⵙⴳⴰ ⵢⴰⴷ ⵜⴰⴷⵉⵏⴰⵎⵜ ⵜⴰⵎⵇⵔⴰⵏⵜ ⵙ ⴰⵏⴰⵡ ⴰⵎⴰⵢⵏⵓ ⵏ ⵜⵉⴳⵎⵉ ⵏ ⵜⵉⵙⴳⴳⵉⵡⵉⵏ ⵏ ⵉⴼⴼⵓⵙ ⵍⵍⵉ ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵙ ⴳ 2015.

ⵜⵏⵏⴰ ⵓⵍⴰ ⵎⴰⵙ ⵉⵕⵥⵎ ⵍⵎⵖⵔⵉⴱ ⴷⴷⵓ ⵜⴰⵏⵙⵙⵉⵅⴼⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵜⴰⵙⵔⵜⵉⵜ ⵜⴰⴼⵔⵉⵇⵉⵢⵜ ⵉⵖⵓⴷⴰⵏ ⵍⵍⵉⴷ ⵉⵔⵉⵔⵏ ⵜⵉⴳⵍⴷⵉⵜ ⴰⴳⵊⴷⵉ ⴰⵏⴰⵎⵏⴰⴹ ⴳ ⵉⴼⵔⵉⵇⵢⴰ.

ⵜⵙⵙⴽⵜⵉⴷ ⵓⵍⴰ ⵜⵎⵙⵇⴰⴷⵜ ⵏ ⵍⵎⵖⵔⵉⴱ ⴳ ⵙⵙⴱⴰⵏⵢⴰ ⴽⴰⵔⵉⵎⴰ ⴱⵏⵢⵉⵄⵛ ⴰⵕⵥⵥⵓⵎ ⵏ ⴱⴰⴱ ⵏⵡⴰⴷⴷⵓⵔ ⴳ ⵏⵓⵡⴰⵏⴱⵉ 2023 ⵉ ⵜⴰⵙⵏⵜⴰⵢⵜ ⵜⴰⵟⵍⴰⵙⵉⵜ ⵍⵍⵉ ⵉⵔⴰⵏ ⴰⵙⴷⵓⵙ ⵏ ⵓⵏⵍⵢⴰⵏⴽⴰⵎ ⵏ ⵉⵡⴰⵏⴽ ⵉ ⵜⴰⵖⴰⵔⵜ ⵉ ⵍⵎⵓⵃⵉⵟ ⴰⵟⵍⴰⵙⵉ ⵍⵍⵉ ⵔⴰⴷ ⵢⴰⵡⵙ ⴳ ⵓⵙⵏⴼⵍ ⴰⴷⵎⵙⴰⵏ ⴷ ⴰⵏⴰⵎⵓⵏ ⴷ ⵡⵉⵏ ⵜⴰⵏⴼⵔⵓⵜ ⴷ ⵓⵡⵏⴰⴹ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B4%B9%E2%B4%B0%E2%B5%8D/%E2%B4%B0%E2%B4%B3%E2%B5%94%E2%B4%B0%E2%B5%A1-%E2%B4%B0%E2%B4%B7%E2%B4%B0%E2%B5%8E%E2%B5%99%E2%B4%B0%E2%B5%8F-%E2%B4%B3-%E2%B5%8E%E2%B4%B0%E2%B4%B7%E2%B5%94%E2%B5%89%E2%B4%B7-%E2%B5%9C%E2%B4%B0%E2%B5%99%E2%B4%B3%E2%B4%B0-%E2%B5%8F-%E2%B4%B7%E2%B4%B7%E2%B4%B0%E2%B5%85%E2%B5%8D%E2%B4%B0-%E2%B5%A1%E2%B4%B0%E2%B4%B7-%E2%B4%B7%E2%B4%B7%E2%B4%B0%E2%B5%80%E2%B4%B0%E2%B4%B1-%E2%B5%9C%E2%B4%B3%E2%B4%B0-%E2%B4%B0%E2%B4%B3%E2%B5%8A%E2%B4%B7%E2%B5%89-%E2%B4%B0%E2%B4%B7%E2%B4%B0%E2%B5%8E%E2%B5%99%E2%B4%B0%E2%B5%8F-%E2%B4%B0%E2%B5%8F%E2%B4%B0%E2%B5%8E%E2%B5%8F%E2%B4%B0%E2%B4%B9-%E2%B5%8E%E2%B4%B0%E2%B5%99%E2%B5%99%E2%B4%B0