ⵎⴰⵏⵏ ⵉⵎⴷⵔⴰⵡⵏ ⴳ ⵢⴰⵜ ⵜⵖⵉⵎⵉⵜ ⴳ ⵓⵙⴰⵜⵉ ⵏ ⵜⵉⵏⴰⵡⵜ ⴰⴷ ⵅⴼ "ⵉⵡⵜⵜⴰⵙⵏ ⵉⵙⵜⵔⴰⵜⵉⵊⵉⵢⵏ ⵏ ⵉⴳⵔⴰⵏ ⵉⵢⵍⴰⵍⵏ ⴳ ⵜⵉⵎⵓⵔⵉⵏ ⵏ ⵉⴼⵔⵉⵇⵢⴰ ⵜⴰⵟⵍⴰⵙⵉⵜ" ⴳ ⵜⴰⵙⴷⴰⵡⵉⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵉⵥⵍⵉⵏ ⵙ ⵜⵉⵣⵏⵉⵢⴰⵜ ⴳ ⵕⵕⴱⴰⵟ ⵎⴰⵙ ⵜⴳⴰ ⵜⴰⵙⵏⵜⴰⵢⵜ ⵜⴰⴳⵍⴷⴰⵏⵜ ⴰⵣⴷⴰⵢ ⵏ ⵍⵉⵍⵜⵉⵣⴰⵎ ⵉⴷⵓⵙⵏ ⵏ ⵍⵎⵖⵔⵉⴱ ⴷⴷⵓ ⵜⴰⵏⵙⵙⵉⵅⴼⵜ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵙ ⴰⴼⴰⴷ ⴰⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ ⵉⴷⵓⵙⵏ ⴳ ⵜⵍⵍⴰ ⵜⵉⵡⵉⵣⵉ.
ⵙⴷⴷⵉⴷⵏ ⵓⵍⴰ ⵎⴰⵙ ⵜⵎⵙⴰⵙⴰ ⵜⵙⵏⵜⴰⵢⵜ ⴰⴷ ⵜⵉⵔⴰⵜ ⵏ ⵜⵉⵎⵉⵣⴰⵔ ⵏ ⵉⴼⵔⵉⵇⵢⴰ ⵜⴰⵟⵍⴰⵙⵉⵜ ⵖⵎⴽⵍⵍⵉ ⵜⵕⵥⵎ ⵉⵎⵏⵉⴷⵏ ⵉⵥⵉⵍⵏ ⴳ ⵎⴰⴷ ⵉⵥⵍⵉⵏ ⵙ ⵓⵙⵉⴷⴼ ⴰⴷⴰⵎⵙⴰⵏ ⴷ ⵍⵉⵙⵜⵉⵇⵔⴰⵔ ⴷ ⵙⵍⴰⵎⵜ ⴷ ⵜⵉⴳⵎⵉ.
ⵉⵏⵏⴰ ⵎⴰⵙⵙ ⵎⵓⵃⵎⵎⴷ ⵟⴰⵏⵊⵉ ⵍⵍⵉ ⵉⵙⵙⵢⵔⵏ ⵜⵉⵏⴰⵡⵜ ⴰⴷ ⴳ ⵢⴰⵜ ⵜⴰⵙⴳⵓⵔⵉ ⵏ ⵓⵕⵥⵥⵓⵎ ⵎⴰⵙ ⵉⵍⵍⴰ ⴷⴰⵔ ⵓⵙⴰⵢⵔⴰⵔ ⵏ ⵉⴼⵔⵉⵇⵢⴰ ⵜⴰⵟⵍⴰⵙⵉⵜ ⵍⵍⵉ ⵉⵣⴷⵉⵏ ⴷ 15000 ⵏ ⴽⵉⵍⵓⵎⵉⵟⵕ ⵏ ⵜⴰⵖⴰⵔⵜ ⵢⴰⵏ ⵓⵏⵙⴰ ⴰⵊⵓⵖⵔⴰⴼⵉ ⴰⵙⵜⵔⴰⵜⵉⵊⵉ ⵍⵍⵉⵖ ⵣⵔⴰⵢⵏⵜ ⵜⵉⵢⴰⴼⵓⵜⵉⵏ ⵜⵉⵢⵍⴰⵍⵉⵏ ⴷ ⵜⵉⵏ ⵎⵓⵜⵛ.
ⵉⵔⵏⴰ ⵢⵏⵏⴰ ⵎⴰⵙⵙ ⵟⴰⵏⵊⵉ ⵎⴰⵙ ⵍⵍⴰⵏⵜ ⵜⵉⵎⵓⴽⵔⵉⵙⵉⵏ ⴷⴰⵔ ⵜⴰⵙⴳⴰ ⵢⴰⴷ ⵣⵓⵏⴷ ⴹⵓⵄⴼ ⵏ ⵜⵉⵎⵢⴰⵇⵇⴰⵏⵉⵏ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⴷ ⵓⵔ ⵉⵍⵍⵉ ⵍⵉⵙⵜⵉⵇⵔⴰⵔⴰ ⴷ ⵜⴰⵀⴷⵉⴷⴰⵜ ⵏ ⵜⵏⴼⵔⵓⵜ ⴷ ⵜⵉⵏ ⵓⵡⵏⴰⴹ.
ⴳ ⵜⵙⴳⴰ ⵏⵏⵙ, ⵉⵏⵏⴰ ⵎⵙⵇⴰⴷ ⴰⵏⵎⵀⴰⵍ ⵏ ⵜⴰⵙⵏⵓⵔⴰⵢⵜ ⵜⴰⵎⵖⵔⵉⴱⵉⵢⵜ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⵎⵓⵃⵎⵎⴷ ⵎⵉⵜⵇⴰⵍ ⵎⴰⵙ ⴷⴰⵔ ⵉⴳⵔⵉⵇⵢⴰ ⵜⴰⵟⵍⴰⵙⵉⵜ ⵉⵙⴰⴳⵎⵏ ⵉⵏⴼⴳⴰⵏⵏ ⵉⵖⵓⴷⴰⵏ ⴳⵙ ⵓⵍⴰ 46 ⴳ 100 ⵏ ⴰⴽⴽⵯ ⵉⵎⵣⴷⴰⵖⵏ ⵏ ⵉⴼⵔⵉⵇⵢⴰ ⴷⴰⵔⵙ ⵓⵍⴰ 55 ⴳ 100 ⵏ ⵓⵙⵢⴰⴼⵓ ⴰⴳⵯⵏⵙⴰⵏ ⵏ ⵉⴼⵔⵉⵇⵢⴰ.
ⴳ ⴰⵙⵡⵉⵔ ⵏⵉⵜ ⵉⵏⵏⴰ ⵎⴰⵙⵙ ⵎⵓⵃⵎⵎⴷ ⵍⵓⵍⵉⵛⴽⵉ ⴰⵎⵔⵣⵣⵓ ⴳ ⵡⴰⵎⵎⴰⵙ ⵏ ⵜⵉⵙⵔⵜⵉⵏ ⴰⴼⴰⴷ ⵉⴼⴼⵓⵙ ⴰⵎⴰⵢⵏⵓ ⵎⴰⵙ ⵔⴰⴷ ⵜⴰⵡⵙ ⵜⵙⵏⵜⴰⵢⵜ ⵜⴰⴳⵍⴷⴰⵏⵜ ⴰⴷ ⴷⵔⵓⵏⵜ ⵉⵎⵉⵣⴰⵔ ⵍⵍⵉ ⵓⵔ ⴷⴰⵔ ⵜⵉⵖⵉⵔⵏ ⴳ ⵜⴰⴷⵉⵏⴰⵎⵉⵜ ⴰⴷ.