ⵜⴰⴽⵓⵙⵜ ⵏ ⵜⵎⵜⵜⴰ ⵏ ⵉⴼⵔⵉⵇⵢⴰ ⵏ ⵜⴽⵓⵔⵜ ⵏ ⵓⴹⴰⵕ ⴰⴳⴳⵯⵏⵙ ⵏ ⵜⴰⴷⴰⵍⴰ "ⵍⵎⵖⵔⵉⴱ 2024/ⵜⴰⵔⴰⴱⴱⵓⵜ ⵜⴰⵎⵣⵡⴰⵔⵓⵜ": ⵉⵣⵔⵉ ⵍⵎⵖⵔⵉⴱ ⵙ ⵏⵏⵚ ⵏ ⵓⵙⵎⵓⵔ ⵍⵍⵉⵖ ⵉⵏⵏⵔⴰ ⵥⴰⵎⴱⵢⴰ 13-0

16 ⵉⴱⵔⵉⵔ 2024 Version Imprimable

ⵕⵕⴱⴰⵟ - ⵜⵣⵔⵉ ⵜⵔⴰⴱⴱⵓⵜ ⵏ ⵍⵎⵖⵔⵉⴱ ⵙ ⵏⵏⵚ ⵏ ⵓⵙⵎⵓⵔ ⵏ ⵜⴰⵙⵙⵓⵜⵍⵜ ⵜⵉⵙⵙ ⵙⴰⵜ ⵏ ⵜⴽⵓⵙⵜ ⵏ ⵜⵉⵎⵜⵜⴰ ⵏ ⵉⴼⵔⵉⵇⵢⴰ ⵏ ⵜⴽⵓⵔⵜ ⵏ ⵓⴹⴰⵕ ⴰⴳⴳⵯⵏⵙ ⵏ ⵜⴰⴷⴰⵍⴰ "ⵍⵎⵖⵔⵉⴱ 2024" ⴷⴼⴼⵉⵔ ⵍⵍⵉⵖ ⵜⵏⵔⴰ ⵜⴰⵔⴰⴱⴱⵓⵜ ⵏ ⵥⴰⵎⴱⵢⴰ ⵙ 13-0 ⴳ ⵜⴱⵔⵣⴰ ⵍⵍⵉⵜⵏ ⵉⵙⵎⵓⵏⵏ ⴰⵙⵙ ⵏ ⵓⵢⵏⴰⵙ ⴳ ⵡⴰⵎⵎⴰⵙ ⵏ ⵜⵓⵏⵏⵓⵏⵜ ⵏ ⵎⵓⵍⴰⵢ ⵄⴱⴷⵍⵍⴰⵀ ⴳ ⵕⵕⴱⴰⵟ ⴳ ⵓⵙⴰⵜⵉ ⵏ ⵜⵙⵙⵓⵜⵍⵜ ⵜⵉⵙⵙ ⴽⵕⴰⵟ ⵏ ⵜⵉⴱⵔⵣⴰ ⵜⴰⵔⴰⴱⴱⵓⵜ ⵜⴰⵎⵣⵡⴰⵔⵓⵜ.

ⵙⵙⴰⵏ ⵜⵉⵎⵙⵙⵉⵡⵉⵜⵉⵏ ⵏ ⵍⵎⵖⵔⵉⴱ ⴱⵉⵍⴰⵍ ⴱⵇⵇⴰⵍⵉ ⴷ ⴰⵏⴰⵙ ⵍⵄⵢⵢⴰⵏ ⴷ ⵙⵓⴼⵢⴰⵏ ⵛⵛⵄⵔⴰⵡⵉ (ⵙⵏⴰⵜ ⵜⴽⵍⴰⵢ) ⴷ ⵙⵓⴼⵢⴰⵏ ⵍⵎⵙⵔⴰⵔ ⴷ ⵙⵎⴰⵄⵉⵍ ⴰⵎⴰⵣⴰⵍ ⴷ ⴷⵔⵉⵙ ⵍⴼⵏⵏⵉ ⴷ ⵄⵜⵎⴰⵏ ⵉⴷⵔⵉⵙⵉ ⴷ ⴰⵏⴰⵙ ⴷⵃⵃⴰⵏ ⴷ ⵊⴰⴽⵙⵓⵏ ⵙⵉⵢⵓ ⵎⴰⵡⴰⵎⵉ ⵅⴼ ⵜⵔⴰⴱⴱⵓⵜ ⵏⵏⵙ.

ⴷⴼⴼⵉⵔ ⵏ ⵜⴱⵔⵣⴰ ⵢⴰⴷ, ⵉⵙⵎⴰⵏ ⵍⵎⵖⵔⵉⴱ 9 ⵏ ⵜⵉⵏⵇⵇⵉⵜⵉⵏ ⴷ ⵉⴳⴰ ⴰⵎⵣⵡⴰⵔⵓ ⴷⴼⴼⵉⵔ ⵍⵍⵉⵖ ⵉⵏⵏⵔⴰ ⵜⵔⴰⴱⴱⵓⵜⵉⵏ ⵏ ⴰⵏⴳⵓⵍⴰ ⴷ ⵖⴰⵏⴰ ⴷ ⵣⴰⵎⴱⴰⵢⴰ. ⵖⵎⴽⵍⵍⵉ ⵉⵍⵍⴰ ⴳ ⵜⴰⵔⴰⴱⴱⵓⵜ ⵜⵉⵙⵙ ⵙⵏⴰⵜ ⵎⴰⵚⵕ ⴷ ⵍⵉⴱⵢⴰ ⴷ ⵏⴰⵎⵉⴱⵢⴰ ⴷ ⵎⵓⵔⵉⵜⴰⵏⵢⴰ.

ⵜⵉⵔⴰⴱⴱⵓⵜⵉⵏ ⵍⵍⵉ ⵔⴰⴷ ⵉⵍⵎⵍ ⵜⵉⴳⵉⵔⴰ ⵔⴰⴷ ⴷⵔⵓⵏⵜ ⴳ ⵜⴰⴽⵓⵙⵜ ⵏ ⵓⵎⴰⴹⴰⵍ ⵏ ⵜⴽⵓⵔⵜ ⵏ ⵓⴹⴰⵕ ⴰⴳⴳⵯⵏⵙ ⵏ ⵜⴰⴷⴰⵍⴰ ⵍⵍⵉ ⵔⴰⴷ ⵉⵙⵏⵓⴱⴳ ⵓⵣⴱⵉⴽⵉⵙⵜⴰⵏ ⵙⴳ 14 ⵛⵓⵜⴰⵏⴱⵉⵔ ⴰⵔ 6 ⴽⵜⵓⴱⵔ ⴰⴷ ⵢⵓⵛⴽⴰⵏ.

ⵉⴽⴽⴰⵜⵜⵉⵏ ⵍⵎⵖⵔⵉⴱ ⵢⵉⵡⵉ ⵙⵏⴰⵜ ⵜⴽⵓⵙⵉⵏ ⵉⵙⵏⵓⴱⴳ ⵜⴰⵙⵙⵓⵜⵍⵜ ⵉⵣⵔⵉⵏ ⴳ ⵓⵙⴳⴳⵯⴰⵙ 2020 ⴳ ⵍⵄⵢⵓⵏ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B4%B0%E2%B4%BD%E2%B5%93%E2%B5%99%E2%B5%9C-%E2%B5%8F-%E2%B5%9C%E2%B5%8E%E2%B5%9C%E2%B5%9C%E2%B4%B0-%E2%B5%8F-%E2%B5%89%E2%B4%BC%E2%B5%94%E2%B5%89%E2%B5%87%E2%B5%A2%E2%B4%B0-%E2%B5%8F-%E2%B5%9C%E2%B4%BD%E2%B5%93%E2%B5%94%E2%B5%9C-%E2%B5%8F-%E2%B5%93%E2%B4%B9%E2%B4%B0%E2%B5%95-%E2%B4%B0%E2%B4%B3%E2%B4%B3%E2%B5%AF%E2%B5%8F%E2%B5%99-%E2%B5%8F-%E2%B5%9C%E2%B4%B0%E2%B4%B7%E2%B4%B0%E2%B5%8D%E2%B4%B0-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-2024%E2%B5%9C%E2%B4%B0%E2%B5%94%E2%B4%B0%E2%B4%B1%E2%B4%B1%E2%B5%93%E2%B5%9C-0