Published on MAPNews (https://www.mapnews.ma/am)

Accueil > ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵏ ⵉⵎⴽⵍⵉ ⵅⴼ ⴰⴷⴷⵓⵔ ⵏ ⵓⵎⴰⵡⵙⴰⵙ ⴰⵎⵣⵡⴰⵔⵓ ⵏ ⴱⵍⵊⵉⴽⴰ ⴷ ⵓⴽⴰⴱⴰⵕ ⵍⵍⵉ ⴷⵉⴷⵙ ⵉⵎⴰⵏⵏ

ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵏ ⵉⵎⴽⵍⵉ ⵅⴼ ⴰⴷⴷⵓⵔ ⵏ ⵓⵎⴰⵡⵙⴰⵙ ⴰⵎⵣⵡⴰⵔⵓ ⵏ ⴱⵍⵊⵉⴽⴰ ⴷ ⵓⴽⴰⴱⴰⵕ ⵍⵍⵉ ⴷⵉⴷⵙ ⵉⵎⴰⵏⵏ

16 ⵉⴱⵔⵉⵔ 2024 Version Imprimable
ⵕⵕⴱⴰⵟ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⵙⵙ ⵏ ⵓⵢⵏⴰⵙ ⴳ ⵕⵕⴱⴰⵟ, ⵢⴰⵏ ⵉⵎⴽⵍⵉ ⵅⴼ ⴰⴷⴷⵓⵔ ⵏ ⵓⵎⴰⵡⵙⴰⵙ ⴰⵎⵣⵡⴰⵔⵓ ⴰⴱⵍⵊⵉⴽⵉ, ⵎⴰⵙⵙ ⴰⵍⵉⴽⵙⴰⵏⴷⵔ ⴷⵉ ⴽⵔⵓ, ⴷ ⵓⴽⴰⴱⴰⵕ ⵍⵍⵉ ⴷⵉⴷⵙ ⵉⵎⴰⵏⵏ, ⵍⵍⵉ ⵢⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵓⵛ.

ⵉⵍⵍⴰ ⴳ ⵉⵎⴽⵍⵉ ⵢⴰⴷ ⵙⵍⴰⵡⴰⵏ ⴰⴽⴽⵯ ⵜⴰⵎⴰⵡⵙⴰⵙⵜ ⵏ ⵓⴳⵯⵏⵙ ⴷ ⵉⵙⵡⵓⴷⴷⵓⵜⵏ ⵏ ⵜⵎⵔⵙⵍⵉⵏ ⴷ ⵓⵙⵎⴰⵢⵏⵓ ⴰⴷⵉⵎⵓⵇⵕⴰⵟⵉ, ⴰⵏⵉⵍⵉⵙ ⴼⵉⵔⵍⵉⴷⵉⵏ, ⴷ ⵜⵎⴰⵡⵙⴰⵙⵜ ⵏ ⵜⵉⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵜⵉⵏ ⵓⵕⵓⴱⴱⴰ ⴷ ⵜⴰⵙⴱⴱⴰⴱⵜ ⵏ ⴱⵕⵕⴰ ⴷ ⵜⵉⵎⵔⵙⵍⵉⵏ ⵜⵉⴷⵍⵙⴰⵏⵉⵏ, ⵃⴰⵊⵊⴰ ⵍⵃⴱⵉⴱ, ⴷ ⵓⵎⴰⵔⵉ ⵏ ⵓⵏⵙⵙⵉⵅⴼ ⵉⵎⴰⵡⵙⴰⵙⵏ ⴰⵎⴰⵡⴰⵙ ⵏ ⵜⵣⵔⴼⵜ ⴱⵓⵍ ⴼⴰⵏ ⵜⵉⵖⵛⵉⵍⵜ ⴷ ⵜⵉⵎⵉⵔⵉⵜ ⵏ ⵡⴰⵏⴽ ⵏ ⵜⵉⵖⴰⵡⵙⵉⵡⵉⵏ ⵏ ⵓⵣⵡⴰⴳ  ⵏⵉⴽⵓⵍ ⴷⵉ ⵎⵓⵔ.

ⵉⵃⴰⴹⵕ ⵉⵎⴽⵍⵉ ⵢⴰⴷ ⵓⵍⴰ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵔⴰⵛⵉⴷ ⵟⵟⴰⵍⴱⵉ ⵄⴰⵍⴰⵎⵉ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵎⴰⵙⵙ ⵏⵉⵄⵎ ⵎⵢⵢⴰⵔⴰ ⴷ ⵉⵎⵛⵛⵉⵡⴰⵕ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵎⴰⵙⵙ ⵟⴰⵢⵢⵉⴱ ⵍⴼⴰⵙⵉ ⵍⴼⵉⵀⵔⵉ ⴷ ⵎⴰⵙⵙ ⵄⵓⵎⴰⵕ ⵄⵣⵉⵎⴰⵏ, ⴷ ⵓⵎⴰⵡⵙⴰⵙⵏ ⵓⴳⵯⵏⵙⵓ ⵄⴱⴷⵍⵡⴰⴼⵉ ⵍⴼⵜⵉⵜ, ⴷ ⵓⵎⴰⵡⴰⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵢⵏ ⵣⴷⵖⵏⵉⵏ ⴳ ⴱⵕⵕⴰ, ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴷ ⵓⵎⴰⵡⵙⴰⵙ ⵏ ⵜⵣⵔⴼⵜ ⵎⴰⵙⵙ ⵄⴱⴷⵍⵍⴰⵟⵉⴼ ⵡⵀⴱⵉ.

ⵉⴽⴽⴰⵜⵏ ⵉⵙⵙⵉⵅⴼ ⵎⴰⵙⵙ ⴰⵅⵏⵓⵛ ⴷ ⴰⵍⵉⴽⵙⴰⵏⴷⴰⵕ ⴷⵉ ⴽⵔⵓ ⴰⵏⵎⵓⵇⵇⴰⵔ ⵡⵉⵙⵙ ⴽⵕⴰⴹ ⵏ ⵓⴳⵔⴰⵡ ⴰⵏⴰⴼⵍⵍⴰⵏ ⵉⵛⵛⴰⵔⵏ ⴳⵔ ⵍⵎⵖⵔⵉⴱ ⴷ ⴱⵍⵊⵉⴽⴰ ⵍⵍⵉ ⵉⴽⵎⵍⵙ ⵓⴼⴼⵓⵖ ⵏ ⵢⴰⵜ ⵜⵖⵓⵔⵉ ⵉⵛⵛⴰⵔⵏ ⴷ ⵓⵙⵙⴳⵎⴹ ⵏ ⵙⵏⴰⵜ ⵜⵉⵎⵢⴰⵇⵇⴰⵏⵉⵏ ⴷ ⵍⵅⴰⵔⵉⵟⴰ ⵏ ⵓⴱⵔⵉⴷ ⵏ ⵓⵎⵢⴰⵡⴰⵙ.

ⵉⵎⵍⴰ ⵍⵎⵖⵔⵉⴱ ⴷ ⴱⵍⵊⵉⴽⴰ ⵜⵉⵔⴰⵜ ⵏⵏⵙⵏ ⵉⵛⵛⴰⵔⵏ ⴰⴼⴰⴷ ⵜⵏⴽⵔⴰ ⵙ ⵉⵎⵢⴰⵙⵙⴰⵏ ⴳⵔ ⵜⵉⵎⵉⵣⴰⵔ ⵙⵏⴰⵜ ⴰⴼⴰⴷ ⴰⵙⵔⵙ ⵏ ⵜⴰⵎⴷⵔⴰⵡⵜ ⵜⴰⵙⵜⵔⴰⵜⵉⵊⵉⵜ ⵎⵏⵉⴷ ⵉⵎⴰⵍ ⵍⵍⵉ ⵉⵍⵍⴰⵏ ⴳ ⵓⵙⵡⵉⵔ ⵏ ⵕⵕⵊⴰ ⴷ ⵜⵉⵖⴰⵡⵙⵉⵡⵉⵏ ⵍⵍⵉ ⵉⵍⵍⴰⵏ ⴷⴰⵔ ⵜⴰⵎⵓⵔⵉⵏ ⵙⵏⵜⴰ.

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%A2%E2%B4%B0%E2%B5%8F-%E2%B5%89%E2%B5%8E%E2%B4%BD%E2%B5%8D%E2%B5%89-%E2%B5%85%E2%B4%BC-%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%8F-%E2%B5%93%E2%B5%8E%E2%B4%B0%E2%B5%A1%E2%B5%99%E2%B4%B0%E2%B5%99-%E2%B4%B0%E2%B5%8E%E2%B5%A3%E2%B5%A1%E2%B4%B0%E2%B5%94%E2%B5%93-%E2%B5%8F-%E2%B4%B1%E2%B5%8D%E2%B5%8A%E2%B5%89%E2%B4%BD%E2%B4%B0-%E2%B4%B7-%E2%B5%93%E2%B4%BD%E2%B4%B0%E2%B4%B1%E2%B4%B0%E2%B5%95