Published on MAPNews (https://www.mapnews.ma/am)

Accueil > ⵍⵎⵖⵔⵉⴱ-ⴱⵍⵊⵉⴽⴰ: ⵉⵙⵙⴼⵓⵍⴽⵉ ⵎⴰⵙⵙ ⴰⵅⵏⵓⵛ ⴰⵙⵡⵉⵔ ⵏ ⵓⵎⴹⵉⴽⵉⵕ ⴰⵙⵔⵜⴰⵏ ⴷ ⵜⴰⵎⵔⵏⵉⵡⵜ ⵉⵖⵓⴷⴰⵏ ⵏ ⵉⵎⵢⴰⵙⵙⴰⵏ ⵏ ⵓⵎⵢⴰⵡⴰⵙ ⴳⵔ ⵜⴰⵎⵓⵔⵉⵏ ⵙⵏⴰⵜ

ⵍⵎⵖⵔⵉⴱ-ⴱⵍⵊⵉⴽⴰ: ⵉⵙⵙⴼⵓⵍⴽⵉ ⵎⴰⵙⵙ ⴰⵅⵏⵓⵛ ⴰⵙⵡⵉⵔ ⵏ ⵓⵎⴹⵉⴽⵉⵕ ⴰⵙⵔⵜⴰⵏ ⴷ ⵜⴰⵎⵔⵏⵉⵡⵜ ⵉⵖⵓⴷⴰⵏ ⵏ ⵉⵎⵢⴰⵙⵙⴰⵏ ⵏ ⵓⵎⵢⴰⵡⴰⵙ ⴳⵔ ⵜⴰⵎⵓⵔⵉⵏ ⵙⵏⴰⵜ

16 ⵉⴱⵔⵉⵔ 2024 Version Imprimable
ⵕⵕⴱⴰⵟ - ⵉⵙⵙⴼⵓⵍⴽⵉ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵙⵙ ⵏ ⵓⵏⵢⴰⵙ ⴳ ⵕⵕⴱⴰⵟ, ⴰⵙⵡⵉⵔ ⵏ ⵓⵎⴹⵉⴽⵉⵕ ⴰⵙⵔⵜⴰⵏ ⴳⵔ ⵍⵎⵖⵔⵉⴱ-ⴱⵍⵊⵉⴽⴰ ⴷ ⵜⴰⵎⵔⵏⵉⵡⵜ ⵍⵍⵉ ⵙⵙⵏ ⵏ ⵉⵎⵢⴰⵙⵙⴰⵏ ⵏ ⵓⵎⵢⴰⵡⴰⵙ ⴳⵔ ⵜⴰⵎⵓⵔⵉⵏ ⵙⵏⴰⵜ ⴳ ⵉⵙⴳⴳⵯⴰⵙ ⵏ ⵉⴳⵔⴰⵏ ⴷ ⴷⵉⵏⴰⵎⵉⴰⵢ ⵏⵏⵙⵏ ⵖⵉⵍⴰⴷ.

ⵉⵏⵏⴰ ⵎⴰⵙⵙ ⴰⵅⵏⵓⵛ ⴳ ⵜⵉⵏⴰⵡⵜ ⵏⵏⴰⵙ ⴳ ⵜⴰⵏⵙⵙⵉⵅⴼ ⵏⵏⵙ ⴷ ⵓⵎⴰⵡⵙⴰⵙ ⴰⵎⵣⵡⴰⵔⵓ ⵏ ⴱⵍⵊⵉⴽⴰ ⴰⵍⵉⴽⵙⴰⵏⴷⴰⵕ ⴷⵉ ⴽⵔⵓ ⵉ ⵓⵏⵎⵓⵇⵇⴰⵔ ⵡⵉⵙⵙ ⴽⵕⴰⴹ ⵏ ⵓⴳⵔⴰⵡ ⴰⵏⴰⴼⵍⵍⴰⵏ ⵉⵛⵛⴰⵔⵏ ⴳⵔ ⵍⵎⵖⵔⵉⴱ ⴷ ⴱⵍⵊⵉⴽⴰ ⵎⴰⵙ ⵙⵙⵏ ⵉⵎⵢⴰⵙⵙⴰⵏ ⴳ ⵉⵙⴳⴳⵯⴰⵙⵏ ⵉⴳⵔⴰⵏ ⵜⴰⵎⵔⵏⵉⵡⵜ ⴷⴼⴼⵉⵔ ⵏ ⵓⵙⵔⵙ ⵏ ⵢⴰⵏ ⵓⵙⴰⵜⵉ ⴰⵣⵔⴼⴰⵏ ⵉⴷⵓⵙⵏ ⵉⵥⵍⵉⵏ ⵙ ⵓⵎⵢⴰⵡⴰⵙ ⴳ ⵎⵏⵏⴰⵡ ⵏ ⵉⴳⵔⴰⵏ.

ⵉⵙⵙⴼⵓⵍⴽⵉ ⵓⵍⴰ ⵜⴰⴷⵉⵏⴰⵎⵉⵜ ⵏ ⵉⵎⵢⴰⵙⵙⴰⵏ ⴳⵔ ⵜⵉⵎⵉⵣⴰⵔ ⵙⵏⴰⵜ ⵙⵍⴰⵡⴰⵏ ⴰⴽⴽⵯ ⵙⴳ ⴰⵙⵏⴼⵍ ⵏ ⵉⵔⵣⴰⴼⵏ ⴷ ⵜⵉⵎⵢⵉⵜⵉⵏ ⴷ ⵜⵉⵎⵢⴰⵇⵇⴰⵏⵉⵏ ⴷ ⵉⵖⴰⵡⴰⵙⵏ ⵉⵜⵜⵓⵙⴽⴰⵔⵏ.

ⵉⵙⴷⴷⵉⴷ ⵎⴰⵙ ⵜⵔⴰ ⵜⴰⵙⵙⵓⵜⵍⵜ ⴰⴷ ⵜⴰⵏⴽⵔⴰ ⵙ ⵉⵎⵢⴰⵙⵙⴰⵏ ⴳⵔ ⵍⵎⵖⵔⵉⴱ ⴷ ⴱⵍⵊⵉⴽⴰ ⴰⴼⴰⴷ ⴰⴷ ⵍⴽⵎⵏ ⵜⴰⵎⴷⵔⴰⵡⵜ ⴰⵙⵜⵔⴰⵜⵉⵊⵉⵜ ⵙ ⵉⵡⵉⵣ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵙ ⴰⵜ ⵉⵏⵚⵕ ⵕⴱⴱⵉ ⴷ ⵓⴳⵍⵍⵉⴷ ⴼⵉⵍⵉⴱ.

ⵉⵎⵍⴰ ⵎⴰⵙⵙ ⴰⵅⵏⵓⵛ ⴰⵙⵙⴼⵓⵍⵎⵉ ⵏ ⵜⴳⵍⴷⵉⵜ ⵉ ⵜⴰⵏⵏⴰⵢⵜ ⵏ ⴱⵍⵊⵉⴽⴰ ⴳ ⵎⴰⴷ ⵉⵥⵍⵉⵏ ⵙ ⵓⵙⴷⴰⵡ ⵏ ⵚⵚⵃⵕⴰ ⵜⴰⵎⵖⵔⵉⴱⵉⵜ ⵍⵍⵉ ⵉⵏⵏⴰⵍⵏ ⵜⴰⵙⵏⵜⴰⵢⵜ ⵜⴰⵎⵖⵔⵉⴱⵉⵜ ⵏ ⵍⵃⴽⵎ ⴷⴷⴰⵜⵉ ⵍⵍⵉ ⵉⴳⴰⵏ ⵜⴰⵙⵉⵍⴰ ⵉⵖⵓⴷⴰⵏ ⵉ ⵜⴰⵎⵓⴽⵔⵉⵙⵜ ⴰⴷ ⵜⵙⵙⴼⵓⵍⴽⵉ ⵓⵍⴰ ⵜⴱⴷⴷⴰⴷⵜ ⵏ ⴱⵍⵊⵉⴽⴰ ⴷ ⵜⴰⵔⴱⴱⵓⵜ ⵏ ⵜⵉⵎⵉⵣⴰⵔ ⵏ ⵓⵕⴱⴱⴰ ⵍⵍⵉ ⵉⵎⵍⴰⵏ ⴰⵏⵏⴰⵍⵏ ⵏⵏⵙⵏⵜ ⵉ ⵜⵓⴳⴳⴰⵙ ⵏ ⵍⵎⵖⵔⵉⴱ ⴰⴼⴰⴷ ⴰⴼⵙⵙⴰⵢ ⵏ ⵜⴰⵎⵓⴽⵔⵉⵙⵜ ⴰⴷ.

ⵉⵙⵙⴽⵜⵉⴷ ⵓⵍⴰ ⵎⴰⵙ ⴳ ⵉⴳⵔ ⵏ ⵜⵓⴳⴳⴰⵙ ⵏ ⵜⵉⴳⵍⴷⵉⵜ ⵏ ⵍⵎⵖⵔⵉⴱ ⴰⴼⴰⴷ ⵙⵍⴰⵎⵜ ⴷ ⵍⵉⵙⵜⵉⵇⵔⴰⵔ ⴷ ⵜⵎⵔⵏⵉⵡⵜ ⴳ ⵜⴰⵙⴳⴰ ⵏ ⵉⴼⵔⵉⵇⵢⴰ , ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵙ ⴰⵜ ⵉⵏⵚⵕ ⵕⴱⴱⵉ ⵜⴰⵙⵏⵜⴰⵢⵜ ⵜⴰⴳⵔⴰⵖⵍⴰⵏⵜ ⵜⴰⵟⵍⴰⵚⵉⵜ ⵍⵍⵉ ⵉⵔⴰⵏ ⴰⴷ ⵜⵙⴷⵓⵙ ⵉ ⵓⵙⵉⴷⴼ ⴰⵏⵎⵏⴰⴹ ⴷ ⵉⵎⴹⵉⴽⵉⵕⵏ ⴷ ⵓⵎⵙⴰⵙⵣⴰ ⴳⵔ ⵜⵉⵎⵉⵣⴰⵔ ⵏ ⵜⵙⴳⴰ ⵢⴰⴷ ⴰⴼⴰⴷ ⴰⴷ ⴰⴼⵏⵜ ⵉⴼⵙⵙⴰⵢⵏ ⵉ ⵜⵉⵎⵓⴽⵔⵉⵙⵏ ⴰⴼⵏ ⵓⵍⴰ ⵉⵙⵙⵓⵔⴰ ⴷ ⵜⵎⵔⵏⵉⵡⵜ ⵜⴰⴷⴰⵎⵙⴰⵏⵜ ⵙⵍⴰⵡⴰⵏ ⴰⴽⴽⵯ ⴰⵣⵣⵉⴳⵣ ⵏ ⵓⴱⵔⵉⴷ ⵏ ⵍⴳⴰⵣ ⵙⴳ ⵏⵉⵊⵉⵔⵢⴰ ⴰⵔ ⵍⵎⵖⵔⵉⴱ ⵍⵍⵉ ⵔⴰⴷ ⵢⴰⵡⵉ ⵍⴳⴰⵣ ⵉ ⵓⵔⵓⴱⴱⴰ ⵉⵣⵔⵉ ⴳ 13 ⵏ ⵜⵉⵎⵉⵣⴰⵔ ⵏ ⵉⴼⵉⵇⵢⴰ.

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B1%E2%B5%8D%E2%B5%8A%E2%B5%89%E2%B4%BD%E2%B4%B0-%E2%B5%89%E2%B5%99%E2%B5%99%E2%B4%BC%E2%B5%93%E2%B5%8D%E2%B4%BD%E2%B5%89-%E2%B5%8E%E2%B4%B0%E2%B5%99%E2%B5%99-%E2%B4%B0%E2%B5%85%E2%B5%8F%E2%B5%93%E2%B5%9B-%E2%B4%B0%E2%B5%99%E2%B5%A1%E2%B5%89%E2%B5%94-%E2%B5%8F-%E2%B5%93%E2%B5%8E%E2%B4%B9%E2%B5%89%E2%B4%BD%E2%B5%89%E2%B5%95-%E2%B4%B0%E2%B5%99%E2%B5%94%E2%B5%9C%E2%B4%B0%E2%B5%8F-%E2%B4%B7-%E2%B5%9C%E2%B4%B0%E2%B5%8E%E2%B5%94%E2%B5%8F%E2%B5%89%E2%B5%A1%E2%B5%9C-%E2%B5%89%E2%B5%96%E2%B5%93%E2%B4%B7%E2%B4%B0%E2%B5%8F-%E2%B5%8F