Published on MAPNews (https://www.mapnews.ma/am)

Accueil > ⵜⵓⵙⵎⵉⵔⵜ ⵏ ⵜⵓⵙⴽⴰ ⵏ ⵓⴳⵔⴰⵡ ⵏ ⵜⵙⵢⴰⴼⵓⵜ ⵜⴰⵎⵖⵔⵉⴱⵉⵢⵜ ⵏ ⵙⵉⵏⵉⵎⴰ ⵜⴰⵎⴰⵣⵉⵖⵜ

ⵜⵓⵙⵎⵉⵔⵜ ⵏ ⵜⵓⵙⴽⴰ ⵏ ⵓⴳⵔⴰⵡ ⵏ ⵜⵙⵢⴰⴼⵓⵜ ⵜⴰⵎⵖⵔⵉⴱⵉⵢⵜ ⵏ ⵙⵉⵏⵉⵎⴰ ⵜⴰⵎⴰⵣⵉⵖⵜ

12 ⵉⴱⵔⵉⵔ 2024 Version Imprimable
ⵕⵕⴱⴰⵟ - ⵉⴷⵓⵙ ⵓⵎⵓⵖⵍⵉ ⵏ ⵙⵉⵏⵉⵎⴰ ⵜⴰⵎⵖⵔⵉⴱⵉⵢⵜ ⴳ ⵎⴰⴷ ⵉⴳⵔⴰⵏ ⵙ ⵜⵓⵙⴽⴰ ⵏ ⵓⴳⵔⴰⵡ ⵏ ⵜⵙⵢⴰⴼⵓⵜ ⵜⴰⵎⵖⵔⵉⴱⵉⵢⵜ ⵏ ⵙⵉⵏⵉⵎⴰ ⵜⴰⵎⴰⵣⵉⵖⵜ ⵙ ⵜⵙⵏⵜⴰⵢⵜ ⵏ ⵎⵏⵏⴰⵡ ⵏ ⵉⵎⵙⵢⵓⴼⴰ ⵏ ⵙⵉⵏⵉⵎⴰ.

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵡⵉⵍⵍⵉ ⵉⵙⴽⵔⵏ ⴰⴳⴰⵡⴰ ⴰⴷ ⵎⴰⵙ ⵉⴳⴰ ⴰⵙⴰⵜⵉ ⴰⵎⵣⵡⴰⵔⵓ ⵍⵍⵉ ⵢⴰⴽⴽⴰⵏ ⴰⴷⴷⵓⵔ ⵉ ⵜⵏⴽⵔⴰ ⵙ ⵉⴳⵔ ⵏ ⵙⵉⵏⵉⵎⴰ ⵜⴰⵎⴰⵣⵉⵖⵜ , ⵎⴰⵢⴰⴷ ⵉⵎⵙⴰⵙⴰ ⴷ ⴷⴷⵓⵙⵜⵓⵔ ⴳ ⵎⴰⴷ ⵉⵥⵍⵉⵏ ⵙ ⵜⴰⴷⵍⵙⴰ ⵜⴰⵎⴰⵣⵉⵖⵜ ⴷ ⵜⵡⵓⵔⵉ ⵏ ⵙⵉⵏⵉⵎⴰ ⵅⴼ ⵜⴰⵏⴽⵔⴰ ⵙ ⵜⵎⴰⴳⵉⵜ ⵜⴰⵎⴰⵣⵉⵖⵜ.

ⵉⵔⵏⵓ ⵉⵏⵏⴰ ⵓⵙⵉⵡⴹ ⵎⴰⵙ ⴷ ⵢⵓⵛⴽⴰ ⵜⵓⵙⴽⴰ ⵏ ⵓⴳⵔⴰⵡ ⵏ ⵜⵙⵢⴰⴼⵓⵜ ⵜⴰⵎⵖⵔⵉⴱⵉⵢⵜ ⵏ ⵙⵉⵏⵉⵎⴰ ⵜⴰⵎⴰⵣⵉⵖⵜ ⴳ ⵓⵙⴰⵜⵉ ⵏ ⵓⵎⵣⴰⵖ ⵅⴼ ⵜⵉⵢⴰⴼⵓⵜⵉⵏ ⵜⵉⵣⵓⵍⴰⵏⵉⵏ ⵉ ⵢⴰⴽⴽⵯ ⵡⵉⵍⵍⵉ ⵉⵅⴷⵎⵏ ⴳ ⵓⵙⵢⴰⴼⵓ ⵏ ⵍⴰⴼⵍⴰⵎ ⵏ ⵙⵉⵏⵉⵎⴰ ⵜⴰⵎⴰⵣⵉⵖⵜ ⵙⵍⴰⵡⴰⵏ ⴰⴽⴽⵯ.

ⵉⵔⴰ ⵓⴳⵔⴰⵡ ⵏ ⵜⵙⵢⴰⴼⵓⵜ ⵜⴰⵎⵖⵔⵉⴱⵉⵢⵜ ⵏ ⵙⵉⵏⵉⵎⴰ ⵜⴰⵎⴰⵣⵉⵖⵜ ⵖⵎⴽⵍⵍⵉ ⵙ ⵉⵏⵏⴰ ⵓⵙⵉⵡⴹ ,ⵜⴰⵎⵓⵏⵜ ⵏ ⵉⵎⵙⵢⵓⴼⴰ ⴷ ⵜⵉⵔⴰⴱⴱⵓⵜⵉⵏ ⴷ ⵉⴳⵎⴰⵎⵏ ⵏ ⵉⴳⵔ ⵏ ⵙⵉⵏⵉⵎⴰ ⵜⴰⵎⴰⵣⵉⵖⵜ ⴷ ⵓⵙⵔⵙ ⵏ ⵓⵣⵔⴼ ⴰⵙⵓⵍⴰⵏ ⵉ ⵜⴰⵎⴳⵓⵔⵉ ⵢⴰⴷ ⴷ ⵓⵙⵙⴼⵓⵍⴽⵉ ⵏ ⴰⴷⴷⴰⴷⵏ ⵏ ⵜⵡⴰⵔⵉ ⴷ ⵓⵙⵏⵓⴱⵛ ⵅⴼ ⵉⵙⴰⴳⵎⵏ ⵉⵜⵉⴰⵏⵉⵢⵏ ⴷ ⵉⵍⵓⵊⵉⵙⵜⵉⴽⵏ ⴰⴼⴰⴷ ⵜⴰⵏⴽⵔⴰ ⵙ ⵙⵉⵏⵉⵎⴰ ⵜⴰⵎⴰⵣⵉⵖⵜ ⵙⴳ ⵜⵓⵙⴽⴰ ⵏ ⵜⵉⵎⴷⵔⴰⵡⵉⵏ ⴷ ⵜⵉⵎⵔⴰⵙⴰⵍⵉⵏ.

ⴰⴳⵔⴰⵡ ⵏ ⵜⵙⵢⴰⴼⵓⵜ ⵜⴰⵎⵖⵔⵉⴱⵉⵢⵜ ⵏ ⵙⵉⵏⵉⵎⴰ ⵜⴰⵎⴰⵣⵉⵖⵜ ⵉⵔⴰ ⵓⵍⴰ ⴰⴷ ⵉⵜⵜⵢⴰⵡⵔⵥⴰⵎ ⵅⴼ ⵜⵉⵙⵏⵜⴰⵢⵉⵏ ⵏ ⵓⵙⵢⴰⴼⵓ ⵏ ⵙⵉⵏⵉⵎⴰ ⵜⴰⵎⵣⵉⵖⵜ ⴷ ⵓⵎⵣⴰⵖ ⵅⴼ ⵜⴰⵏⴽⴰⴰ ⵏⵏⵙ.

ⵉⵍⵍⴰ ⴳ ⵓⵙⵉⵔⴰ ⵍⵍⵉ ⵉⵙⵡⵓⵔⵉⵏ ⴰⴳⵔⴰⵡⴰ ⴷ ⵏ ⵜⵙⵢⴰⴼⵓⵜ ⵜⴰⵎⵖⵔⵉⴱⵉⵢⵜ ⵏ ⵙⵉⵏⵉⵎⴰ ⵜⴰⵎⴰⵣⵉⵖⵜ ⴰⵢⵓⴱ ⵍⵎⵃⵊⵓⴱ ⴰⵏⵙⵙⵉⵅⴼ ⴷ ⴰⵢⵓⴱ ⴰⵢⵜ ⴱⵉⵀⵉ ⴰⵎⴰⵔⵉ ⵏ ⵓⵏⵙⵙⵉⵅⴼ ⴷ ⵍⵃⵙⵏ ⴼⴰⵔⵃ ⴰⵏⴼⵍⵓⵙ ⴰⵎⴰⵜⴰⵢ ⴷ ⵄⴱⴷⵍⵃⴰⵇ ⵀⴰⴷⵉⵡⵉ ⴰⵏⴼⵍⵓⵙ ⵏ ⵉⴷⵔⵉⵎⵏ ⴷ ⵄⴱⴷⵕⵃⵎⴰⵏ ⵄⴰⵍⴰⵎⵉ ⴰⵎⵛⵉⵡⴰⵕ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%9C%E2%B5%93%E2%B5%99%E2%B5%8E%E2%B5%89%E2%B5%94%E2%B5%9C-%E2%B5%8F-%E2%B5%9C%E2%B5%93%E2%B5%99%E2%B4%BD%E2%B4%B0-%E2%B5%8F-%E2%B5%93%E2%B4%B3%E2%B5%94%E2%B4%B0%E2%B5%A1-%E2%B5%8F-%E2%B5%9C%E2%B5%99%E2%B5%A2%E2%B4%B0%E2%B4%BC%E2%B5%93%E2%B5%9C-%E2%B5%9C%E2%B4%B0%E2%B5%8E%E2%B5%96%E2%B5%94%E2%B5%89%E2%B4%B1%E2%B5%89%E2%B5%A2%E2%B5%9C-%E2%B5%8F-%E2%B5%99%E2%B5%89%E2%B5%8F%E2%B5%89%E2%B5%8E%E2%B4%B0-%E2%B5%9C%E2%B4%B0%E2%B5%8E%E2%B4%B0%E2%B5%A3%E2%B5%89%E2%B5%96%E2%B5%9C