ⵜⵉⵡⵙⵉ ⵜⴰⵎⴰⵖⵔⴰⴱⵉⵜ ⵉ ⵉⵎⵣⴷⴰⵖⵏ ⵏ ⵖⴰⵣⵣⴰ..ⵜⵙⵎⵖⵔ ⵎⵉⵔⵉⴽⴰⵏ ⵓⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ (ⴰⵎⵙⵇⴰⴷ ⵏ ⵎⵉⵔⵉⴽⴰⵏ ⴳ ⵜⴳⵓⵔⵉ ⵉⵜⵜⵓⴼⴽⴰⵏ ⵖⴰⵙ ⵉ ⵓⵙⴰⵔⵓ ⵎⵉⴷⵉ 1 ⵜⵉⴼⵉ)

14 ⵎⴰⵕⵚ 2024 Version Imprimable

ⵕⵕⴱⴰⵟ - ⵉⵙⴷⴷⵉⴷ ⵓⵎⵙⵇⴰⴷ ⵏ ⵎⵉⵔⵉⴽⴰⵏ ⴷⵉ ⵕⵕⴱⴰⵟ ⴱⵓⵏⵉⵜ ⵜⴰⵍⵡⴰⵔ ⴳ ⵜⴳⵓⵔⵉ ⵖⴰⵙ ⵉⵜⵜⵓⴼⴽⴰⵏ ⵉ ⵓⵙⴰⵔⵓ " ⵎⵉⴷⵉ 1 ⵜⵉⴼⵉ" ⵎⴰⵙ ⵜⴰⵎⴰⵣⵉⵔⵜ ⵏⵏⵙ ⵜⵙⵎⵖⵕ ⵓⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵓⵣⵎⵣ ⵉⵛⵇⵇⴰⵏ ⴳ ⵓⵙⴰⵜⵉ ⵏ ⵜⵓⴳⴳⴰⵣ ⵜⵉⵏⴼⴳⴰⵏⵏ ⵉ ⵉⵎⵣⴷⴰⵖⵏ ⵏ ⵖⴰⵣⵣⴰ .

ⵉⵏⵏⴰ ⵓⴷⵉⴱⵍⵓⵎⴰⵙⵉ ⴰⵎⵉⵔⵉⴽⴰⵏⵉ " ⵎⴰⵙ ⵎⵉⵔⵉⴽⴰⵏ ⵜⵙⵎⵖⵔ ⵓⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⴷⵉ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵓⵙⴰⵜⵉ ⵏ ⵜⵓⴳⴳⴰⵣ ⵜⵉⵏⴼⴳⴰⵏⵏ ⵉ ⵖⴰⵣⵣⴰ ⵙⴰⵍⵡⴰⵏ ⴰⴽⴽⵯ ⴳ ⵡⴰⵢⵢⵓⵔ ⵏ ⵓⵥⵓⵎ ⴰⵎⴱⴰⵔⴽⵉ " ⵉⵙⵙⴽⵜⵉ ⵎⴰⵙ " ⴰⵎⴰⵔⵉ ⵏ ⵓⵡⴰⵏⴽ ⴰⵏⵟⵓⵏⵉ ⴱⵍⵉⵏⴽⵏ ⵉⵙⴰⵡⵍ ⵡⴰⵙⵙ ⵏ ⵓⵙⵉⵏⴰⵙ ⵜⵉⵡⵙⵉ ⵜⴰⵏⴰⴼⴳⴰⵏⵜ ⵏⵏⴰ ⵢⵓⵣⵏ ⵍⵎⵖⵔⵉⴱ ⵉ " (ⵉⵎⵣⴷⴰⵖⵏ ⵏ ⵖⴰⵣⵣⴰ). ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴰⵏⵙⵙⵉⵅⴼ ⵏ ⵓⴳⵔⴰⵡ ⵏ ⵍⵇⵓⴷⵙ ⵜⵓⵎⵍⴰⵢⵉⵏ ⵢⴰⵜⵜⵓⵢⵏⵉⵏ ⵏ ⵓⵏⵏⵓⵕⵥⵎ ⵏ ⵜⵎⵀⵍⴰ ⵜⴰⵏⴰⴼⴳⴰⵏⵜ ⵉⵔⴰⵏ ⵏ ⵉⴷⴷⴰⵏ ⵏ ⵜⵡⵙⵉ ⵜⴰⵎⵙⴷⵓⵔⵜ ⴳ ⵓⵙⴱⵔⵉⴷ ⵏ ⵡⴰⴽⴰⵍ ⵉ ⵉⵎⵣⴷⴰⵖⵏ ⵉⴼⵉⵍⵉⵚⵟⵉⵏⵉⵏ ⴳ ⵖⴰⵣⵣⴰ ⴷ ⵜⵖⵔⵎⵜ ⵏ ⵍⵇⵓⴷⵙ ⴰⵛⵛⵔⵉⴼ . ⵉⵏⵏⴰ ⵡⵙⵉⵡⴹ ⵏ ⵜⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴰⴱⵢⵉⵏ ⵣⴷⵖⵉⵏ ⴳ ⴱⵕⵕⴰ ⵎⴰⵙ ⵜⵉⵡⵙⵉ ⴰⴷ ⵜⵣⴷⵉ ⴷ ⵓⴽⵊⵊⵓⵎ ⴳ ⵡⴰⵢⵢⵓⵔ ⵏ ⵕⵎⴹⴰⵏ ⴰⵎⴱⴰⵔⴽⵉ ⵉⴽⵛⵎ ⴳ ⵓⵙⴼⵙⵓⵙ ⵏ ⵉⵛⵇⵇⴰⵏ ⵏ ⵉⵎⵣⴷⴰⵖⵏ ⵉⴼⵉⵍⵉⵚⵟⵏⵉⵏⵉ ⵙⴰⵍⴰⵡⵏ ⴰⴽⴽⵯ ⵉⵙⵎⵍ ⵓⴳⴳⵔ ⵉⵎⵥⵍⴰⴹ

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B4%B0%E2%B5%8E%E2%B5%99%E2%B4%B0/%E2%B5%9C%E2%B5%89%E2%B5%A1%E2%B5%99%E2%B5%89-%E2%B5%9C%E2%B4%B0%E2%B5%8E%E2%B4%B0%E2%B5%96%E2%B5%94%E2%B4%B0%E2%B4%B1%E2%B5%89%E2%B5%9C-%E2%B5%89-%E2%B5%89%E2%B5%8E%E2%B5%A3%E2%B4%B7%E2%B4%B0%E2%B5%96%E2%B5%8F-%E2%B5%8F-%E2%B5%96%E2%B4%B0%E2%B5%A3%E2%B5%A3%E2%B4%B0%E2%B5%9C%E2%B5%99%E2%B5%8E%E2%B5%96%E2%B5%94-%E2%B5%8E%E2%B5%89%E2%B5%94%E2%B5%89%E2%B4%BD%E2%B4%B0%E2%B5%8F-%E2%B5%93%E2%B5%9C%E2%B5%93%E2%B5%A2-%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B5%8E%E2%B5%99%E2%B5%87%E2%B4%B0%E2%B4%B7-%E2%B5%8F