ⵉⵙⵔⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵥⵕⵓ ⴰⵎⵣⵡⴰⵔⵓ ⵏ ⵢⴰⵏ ⵡⴰⵎⵎⴰⵙ ⵏ ⵓⵙⵎⵓⵜⵜⴳ ⵏ ⵜⵎⵖⴰⵔⵉⵏ ⵖ ⵜⵡⵓⵔⵉⵡⵉⵏ ⵏ ⵜⴰⵏⴰⴼⵓⵜⵉⵏ ⵜⵉⵙⵏⵙⴰⵏⵉⵏ

07 ⴽⵟⵓⴱⵕ 2013 Version Imprimable

ⴰⵔⴼⵓⴷ - ⵉⵙⵔⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⵏⴰⵙ ⵖ ⴰⵔⴼⵓⴷ, ⴰⵥⵕⵓ ⴰⵎⵣⵡⴰⵔⵓ ⵏ ⵜⵓⵚⴽⴰ ⵏ ⵢⴰⵏ ⵡⴰⵎⵎⴰⵙ ⵏ ⵓⵙⵎⵓⵜⵜⴳ ⵏ ⵜⵎⵖⴰⵔⵉⵏ ⴷ ⵜⵄⵔⵔⵉⵎⵉⵏ ⵖ ⵜⵡⵓⵔⵉⵡⵉⵏ ⵏ ⵜⵏⴰⴼⵓⵜⵉⵏ ⵏ ⵓⵃⴰⵏⵓ, ⵢⴰⵏ ⵓⵙⵏⵜⵉ ⵍⵍⵉ ⵔⴰⴷ ⴰⵙ ⵏⵜ ⵉⴼⴽ ⵢⴰⵏ ⴰⵔⴳⴳⵉⴳ ⴰⵏⴰⵎⵓⵏ ⴷ ⴰⴷⴰⵎⵙⴰⵏ ⵉⴳⴳⵓⵜⵏ.

ⴰⵎⵎⴰⵙ ⴰⴷ ⵍⵍⵉ ⵔⴰⴷ ⵜⵙⴽⵔ ⵜⵎⵔⵙⵍⵜ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⵡⵉⵙⵉ ⵙ 2 ⵏ ⵓⵎⵍⵢⵓⵏ ⵏ ⴷⴷⵔⵀⵎ ⴰⵔ ⵉⵎⵎⴰⵍ ⴰⵜⵉⴳ ⵍⵍⵉ ⵢⴰⴽⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵜⵏⴽⵔⴰ ⵙ ⵜⵎⵙⵓⵜⴰⵍ ⵏ ⵜⴷⴰⵎⵙⴰ ⴷ ⵡⴰⵎⵓⵏ ⵏ ⵜⵎⵟⵟⵓⴹⵜ ⴷ ⵜⴳⵎⵉ ⵜⴰⵏⴰⵎⵓⵔⵜ.

ⵢⵓⵙⵉ ⵡⴰⵎⵎⴰⵙ ⴰⴷ 120 ⵏ ⵓⴼⴳⴰⵏ. ⵔⴰⴷ ⵉⵙⴽⵔ ⴰⵙⵎⵓⵜⵜⴳ ⵖ ⵜⵙⴳⵉⵡⵉⵏ ⵏ ⵜⵏⴰⴼⵓⵜⵉⵏ ⵏ ⵓⵃⴰⵏⵓ ⴷ ⵜⵡⵓⵔⵉ ⵏ ⵜⵏⴱⴱⴰⴹⵜ ⴷ ⵜⵥⵓⵕⵉ ⵜⵉⵔⵎⵜ ⴷ ⵍⴱⴱⴰⵜⵉⵙⵔⵉ. ⵔⴰⴷ ⴳⵉⵙ ⵜⵉⵍⵉ ⵢⴰⵜ ⵜⴷⴰⵍⴰ ⵏ ⵓⵙⵎⵓⵜⵜⴳ ⵖ ⵜⵓⵜⵍⴰⵢⵉⵏ ⵜⵉⴳⵔⴰⵖⵍⴰⵏⵉⵏⴷ ⵢⴰⵜ ⵓⵃⴰⵏⵓ ⴰⴱⵉⴷⴰⵖⵓⵊⵉ ⴷ ⵡⵉⵏ ⵜⵙⵏⵎⴰⵍⴰⵢⵜ.

ⴰⴹⴼⵕ ⴰⴱⵉⴳⴰⵖⵓⵊⵉ ⵏ ⵡⴰⵎⵎⴰⵙ ⴰⴷ ⵔⴰⴷ ⵜ ⵉⵙⴽⵔ ⵓⵙⵉⵔⴰ ⵏ ⵓⵙⵎⵓⵜⵜⴳ ⴰⵣⵣⵓⵍⴰⵏ ⴷ ⵜⵏⴽⵔⴰ ⵙ ⵜⵡⵓⵔⵉ, ⵙ ⵜⵎⴷⵔⴰⵡⵜ ⵏ ⵢⴰⵜ ⵜⵎⵙⵎⵓⵏⵜ ⵜⴰⴷⵖⵔⴰⵏⵜ ⵍⵍⵉ ⵔⴰⴷ ⵉⵙⴽⵔ ⴰⵙⵡⵓⴷⴷⵓ ⵏⵏⵙ.

Dernière modification : 07 ⴽⵟⵓⴱⵕ 2013

Source URL: https://www.mapnews.ma/am/activites-royales/%E2%B5%89%E2%B5%99%E2%B5%94%E2%B5%99-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B0%E2%B5%A5%E2%B5%95%E2%B5%93-%E2%B4%B0%E2%B5%8E%E2%B5%A3%E2%B5%A1%E2%B4%B0%E2%B5%94%E2%B5%93-%E2%B5%8F-%E2%B5%A2%E2%B4%B0%E2%B5%8F-%E2%B5%A1%E2%B4%B0%E2%B5%8E%E2%B5%8E%E2%B4%B0%E2%B5%99-%E2%B5%8F-%E2%B5%93%E2%B5%99%E2%B5%8E%E2%B5%93%E2%B5%9C%E2%B5%9C%E2%B4%B3-%E2%B5%8F-%E2%B5%9C%E2%B5%8E%E2%B5%96%E2%B4%B0%E2%B5%94%E2%B5%89%E2%B5%8F-%E2%B5%96-%E2%B5%9C%E2%B5%A1%E2%B5%93%E2%B5%94%E2%B5%89%E2%B5%A1%E2%B5%89%E2%B5%8F#comment-0