Published on MAPNews (https://www.mapnews.ma/am)

Accueil > ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵖ ⵕⵕⴱⴰⵟ ⴰⵙⵏⵜⵉ ⵏ ⵜⵎⵀⵍⵜ ⵜⴰⵏⴰⵎⵓⵔⵜ "ⵕⵎⴹⴰⵏ 1445" ⵉ ⵎⵍⵢⵓⵏ ⴰⵢⵜⵓⵅⴰⵎ
  1. Accueil
  2. Activités royales

ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵖ ⵕⵕⴱⴰⵟ ⴰⵙⵏⵜⵉ ⵏ ⵜⵎⵀⵍⵜ ⵜⴰⵏⴰⵎⵓⵔⵜ "ⵕⵎⴹⴰⵏ 1445" ⵉ ⵎⵍⵢⵓⵏ ⴰⵢⵜⵓⵅⴰⵎ

13 ⵎⴰⵕⵚ 2024 Version Imprimable
ⵕⵕⴱⴰⵟ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵡⴰⵙⵙ ⵏ ⵓⴽⵕⴰⵙ ⴳ ⵜⵓⴷⴷⵓⵔⵜ ⵢⵄⵇⵓⴱ ⵍⵎⵏⵚⵓⵕ ⵖ ⵕⵕⴱⴰⵟ ⴰⵙⵏⵜⵉ ⵏ ⵜⵎⵀⵍⵜ ⵜⴰⵏⴰⵎⵓⵔⵜ "ⵕⵎⴹⴰⵏ 1445" ⵏⵏⴰ ⵜⵜⵓⵙⵏⵎⴰⵍⴰ ⵜⵎⵔⵙⴰⵍⵜ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ ⵙ ⵜⵎⵍⴷⴰ ⵏ ⵡⴰⵢⵢⵓⵔ ⵏ ⵕⵎⴹⴰⵏ ⴰⵎⴱⴰⵔⴽⵉ ⵎⴰⵢⴰⴷ ⵉⵙⴱⵖⵓⵔ ⴳⵉⵙ ⵎⵍⵢⵓⵏ ⵏ ⵓⵢⵜ ⵓⵅⴰⵎ ⵉⴳⴰⵏ ⵍⵃⴰⵡⴰⵍ ⵏ 5 ⵎⵍⵢⵓⵏ ⵓⴼⴳⴰⵏ.
ⵜⵎⵍⴰ ⵜⴰⵙⵏⵜⴰⵢⵜ ⴰⴷ ⵖⵓⵔⵙⵏ ⵓⵏⴳⵉⵍ ⴰⴷⴷⵓⵙ ⴳ ⵡⴰⵢⵢⵓⵕ ⴰⵎⴱⴰⵔⴽⵉ ⵉⵡⵉⵣ ⴰⴳⵍⴷⴰⵏ ⵉ ⵎⵉⴷⴷⵏ ⴳ ⵡⴰⴷⴷⴰⴷ ⵉⵎⵥⵍⴰⴹ ⴰⵏⴰⵎⵓⵏ ⴷ ⵜⴽⵛⵎ ⴳ ⵓⵙⴰⵜⵉ ⵏ ⵉⵜⵉⴳⵏ ⵉⵖⵓⴷⴰⵏ ⵏ ⵜⴱⴷⴰⴷⵜ ⴷ ⵉⵛⵛⴰⵔⵏ ⵏ ⵓⵎⵓⵏ ⴰⵎⵖⵔⵉⴱⵉ. ⵜⵣⴷⵉ ⵜⵎⵀⵍⵜ " ⵕⵎⴹⴰⵏ 1445" ⵏⵏⴰ ⵉⵜⵜⵓⵣⵍⴰⵢ ⵏ ⵜⴱⵔⴰⵜ ⵏ ⵉⵇⵇⴰⵕⵉⴹⵏ ⵉⵍⴽⵎⵏ 347 ⵎⵍⵢⵓⵏ ⴷⵔⵀⵎ ⵜⵉⴽⴽⵉ 34 ⵉⴼⴹ 550 ⵟⵟⵓⵏ ⵙⴳ ⵜⵎⵜⵜⵉⵡⵉⵏ ⵜⵉⵎⵙⵓⴷⵔⵏ ⵉⵍⵍⴰ ⴳⵉⵙⵏ ⴰⴳⴳⵯⵔⵏ ⴷ ⵓⵖⵓ ⴷ ⵍⵡⵓⵔⵣ ⴷ ⵓⵎⵎⴰⵙ ⵏ ⵜⵓⵎⴰⵜⵉⵛ ⴷ ⵍⵄⴷⵙ ⴷ ⵡⵜⵜⴰⵢ ⵉⵔⴰⵏ ⵜⴰⵎⵀⵍⵜ ⴰⴷ ⵓⵙⵎⵏⵉⴷ ⵏ ⵜⵉⵡⵙⵉ ⴷ ⵡⴰⵏⵏⴰⵍ ⵏ ⵉⵙⵎⵉⵍⵏ ⵉⵏⴰⵎⵓⵏⵉⵏ ⵓⴳⴳⵔ ⵉⵎⵥⵍⴰⴹ ⵙⴰⵍⴰⵡⵏ ⴰⴽⴽⵯ ⵜⵎⵖⵔⵉⵏ ⴱⵍⴰ ⵉⵔⴳⵣⵏ ⴷ ⵎⵉⴷⴷⵏ ⵉⵡⵙⵙⴰⵔⵏ ⴷ ⵉⵎⵄⴹⵓⵔⵏ ⵜⵙⵙⵏ ⵜⵓⵏⵖⵉⵍⵜ ⴰⴷ ⵜⵉⵙⵙ 25 ⵙⴳ "ⵜⵎⵀⵍⵜ ⵏ ⵕⵎⴹⴰⵏ" ⴰⵙⴱⵖⵓⵔ ⵏ 82 ⵉⴼⴹ ⴷ 40 ⴰⵢⵜ ⵓⵅⴰⵎ ⵉⴷⴷⴰⵏ ⵙⴳ ⵜⵙⴳⴳⵉⵡⵉⵏ ⵏ ⵍⵃⴰⵡⵣ ⴷ ⵜⴰⵡⵔⵓⴷⴰⵏⵜ ⴷ ⵛⵉⵛⴰⵡⴰ ⵉⵕⵥⴰⵏ ⵙⴳ ⵓⵏⴷⵓⴷⵉ 8 ⵛⵓⵜⴰⵏⴱⵉⵔ 2023. ⵢⵓⵎⵣ ⵓⵎⵓⵙⵙⵓ ⵏ "ⵜⵎⵀⵍⵜ ⵏ ⵕⵎⴹⴰⵏ" ⵓⵎⵏⵉⴷ ⵢⴰⵜⵜⵓⵢⵏ ⴳ ⵉⵙⴳⴳⵯⴰⵙⵏ ⵉⵎⴳⴳⵓⵔⴰ ⵎⵔⴰ ⴰⴷ ⵉⵍⴽⵎ ⵓⵟⵓⵏ ⵏ ⴰⵢⵜ ⵓⵅⴰⵎⵏ ⵉⵙⴱⵖⵓⵔⵏ ⴳⵉⵙ 1 ⵎⵍⵢⵓⵏ ⴰⵢⵜ ⵓⵅⴰⵎ ⴳ ⵓⵙⴳⴳⵯⴰⵙ 2023 ( 473 ⵉⴼⴹ ⴷ 900 ⴰⵢⵜ ⵓⵅⴰⵎ ⴳ ⵓⵙⴳⴳⵯⴰⵙ 2017 ⴷ 600 ⵉⴼⴹ ⵏ ⴰⵢⵜ ⵓⵅⴰⵎ ⴳ ⵓⵙⴳⴳⵯⴰⵙ 2020) ⵉⴼⵔⵓⵔⵉⵏ ⴷⴰⵔ 83 ⵜⵙⴳⴰ ⴷ ⵜⵎⵏⴱⴰⴹⵜ ⴳ ⵜⴳⵍⴷⵉⵜ ⵍⵍⵉⵖ ⵉⴷⴷⵔ 74 ⴳ ⵜⵎⵉⴹⵉ ⴳ ⴰⵢⵜ ⵓⵅⴰⵎ ⴰⴷ ⵏⵏⵉⵜ ⵉⵙⴱⵖⵓⵔⵏ ⴳ ⵓⵎⵎⴰⵙ ⴰⴼⴰⵔⵏ. ⴰⵎⴽ ⵜⵜⴳⴳⵏⵜ ⵜⵉⴳⵔⴰⵡⵉⵏ ⵜⵉⵏⴰⵎⵓⵏⵉⵏ ⵏ ⵜⴷⵡⴰⵙ ⵜⵉⵙⵔⴷⴰⵙⵉⵏ ⵜⵉⴳⵍⴷⴰⵏⵉⵏ, ⴷ ⵓⵙⴷⴷⵔ ⴰⵏⴰⵎⵓⵏ, ⴷ ⵜⵏⴱⴱⴰⴹⵉⵏ ⵃⵎⴰ ⴰⴷ ⴼⴽⵏⵜ ⵜⵡⵉⵣⴰ ⵉ ⵜⴰⵎⵔⵙⵍⵜ ⵏ ⵎⵓⵃⵎⵎⴰⴷ ⵡⵉⵙ ⵙⵎⵎⵓⵙ ⵃⵎⴰ ⴰⴷ ⵙⵙⵓⴳⵓⵔⵏ ⵙ ⴷⴰⵜ ⵉ ⵓⵙⴽⴽⵉⵔ ⴰⴷ ⴰⵡⵉⵣⴰⵡⴰⵏ. ⵎⴰⵏⵉ ⵜⴰⵎⴰⵡⴰⵙⵜ ⵏ ⵜⴷⵓⵙⵉ ⴷ ⵓⵃⵟⵟⵓ ⴰⵏⴰⵎⵓⵏ ⴷ ⵓⵙⵉⵔⴰ ⴰⵏⴰⵎⵓⵔ ⵏ ⵜⵏⴼⵓⵔⵜ ⵏ ⵉⴼⴰⵔⵙⵏ ⵏ ⵎⴰⵛⵛⴰ, ⵙⴳ ⵓⵖⵣⴷⵉⵙ ⵏⵏⵙⵏ ⵅⵣⵣⵔⵏ ⴷ ⵃⵟⵟⴰⵏ ⵜⵖⴰⵔⴰ ⵏ ⵉⴼⴰⵔⵙⵏ ⴰⴷ ⵏ ⵎⴰⵛⵛⴰ ⵉⵜⵜⵓⴱⴹⴰⵏ.
Dernière modification : 13 ⵎⴰⵕⵚ 2024
Source URL: https://www.mapnews.ma/am/activites-royales/%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%96-%E2%B5%95%E2%B5%95%E2%B4%B1%E2%B4%B0%E2%B5%9F-%E2%B4%B0%E2%B5%99%E2%B5%8F%E2%B5%9C%E2%B5%89-%E2%B5%8F-%E2%B5%9C%E2%B5%8E%E2%B5%80%E2%B5%8D%E2%B5%9C-%E2%B5%9C%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%94%E2%B5%9C-%E2%B5%95%E2%B5%8E%E2%B4%B9%E2%B4%B0%E2%B5%8F-1445-%E2%B5%89-%E2%B5%8E%E2%B5%8D%E2%B5%A2%E2%B5%93%E2%B5%8F-%E2%B4%B0%E2%B5%A2%E2%B5%9C%E2%B5%93%E2%B5%85%E2%B4%B0%E2%B5%8E