ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⴰⵙⵎⴰ ⵢⴰⵏ ⵉⵎⴽⵍⵉ ⵏⵏⴰ ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵅⴼ ⵡⴰⴷⴷⵓⵔ ⵏ ⵎⴰⵙⵙⴰ ⵜⴰⵎⴰⵣⵡⴰⵔⵓⵜ ⵏ ⵍⴽⵓⵜ ⴷⵉⴼⵡⴰⵕ ⵎⴰⵙⵙⴰ ⴷⵓⵎⵉⵏⵉⴽ ⵡⴰⵟⴰⵕⴰ

06 ⵎⴰⵕⵚ 2024 Version Imprimable

ⵕⵕⴱⴰⵟ - ⵜⵙⵙⵉⵅⴼ ⵍⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⴰⵙⵎⴰ ⵡⴰⵙⵙ ⵏ ⵓⴽⵕⴰⵙ ⴳ ⵜⴳⴰⴷⵉⵔⵜ ⵏ ⵓⵙⵏⵓⴱⴳ ⴷⵉ ⵕⵕⴱⴰⵟ ⵢⴰⵏ ⵉⵎⴽⵍⵉ ⵏⵏⴰ ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵅⴼ ⵡⴰⴷⴷⵓⵔ ⵏ ⵎⴰⵙⵙⴰ ⵜⴰⵎⴰⵣⵡⴰⵔⵓⵜ ⵏ ⵍⴽⵓⵜ ⴷⵉⴼⵡⴰⵕ ⵎⴰⵙⵙⴰ ⴷⵓⵎⵉⵏⵉⴽ ⵡⴰⵟⴰⵕⴰ ⵏⵏⴰ ⵜⵙⴽⵔ ⴰⵔⵣⴰⴼ ⵏ ⵜⵡⵓⵔⵉ ⵖⵔ ⵜⴰⴳⵍⴷⵉⵜ.

ⵃⴰⴹⵕⵏ ⴳ ⵉⵎⴽⵍⵉ ⴰⴷ ⴰⵎⴰⵡⵙⴰⵙ ⵏ ⵜⴷⵓⵙⵉ ⴷ ⵓⴼⵔⴰⴳ ⴰⵏⴰⵎⵓⵏ ⵎⴰⵙⵙ ⵅⴰⵍⵉⴷ ⴰⵢⵜ ⵟⵟⴰⵍⴱ ⴷ ⵜⴰⵎⴰⵡⵙⴰⵙⵜ ⵏ ⵜⴱⴷⴰⴷⵜ ⴷ ⵓⵙⵉⴷⴼ ⴰⵏⵎⵓⵏ ⴷ ⵜⵡⵊⴰ ⵎⴰⵙⵙ ⵄⴰⵡⴰⵟⵟⵉⴼ ⵃⵢⵢⴰⵔ ⴷ ⴰⵎⴰⵡⵙⴰⵙ ⵏ ⵉⵄⵄⵔⵉⵎⵏ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ ⵎⴰⵙⵙ ⵍⵎⵀⴷⵉ ⴱⵏⵙⵄⵉⴷ ⴷ ⵓⵎⵙⵇⴰⴷ ⵏ ⵍⵎⵖⵔⵉⴱ ⴳ ⴽⵓⵜ ⴷⵉⴼⵡⴰⵕ ⵎⴰⵙⵙ ⵄⴱⴷ ⵍⵎⴰⵍⴽ ⵍⴽⵜⴰⵏⵉ ⴷ ⵡⴰⵍⵉ ⵏ ⵜⵎⵏⴰⴹⵜ ⵏ ⵕⵕⴱⴰⵟ ⵙⵍⴰ -ⵍⵇⵏⵉⵟⵕⴰ ⴰⵏⴱⴰⴹ ⵏ ⵜⵎⵏⴱⴰⴹⵜ ⵏ ⵕⵕⴱⴰⵟ ⵎⴰⵙⵙ ⵎⵓⵃⵎⵎⴷ ⵍⵢⵄⵇⵓⴱⵉ ⵃⴰⴹⵕⵏ ⵓⵍⴰ ⴳ ⵉⵎⴽⵍⵉ ⴰⴷ ⵜⴰⵎⴰⵀⴰⵍⵜ ⵜⴰⵏⴰⵎⵓⵔⵜ ⵏ ⵜⵎⵔⵙⴰⵍⵜ "ⵉⴼⵔⴰⵅⵏ ⵏ ⵉⴼⵔⵉⵇⵢⴰ" ⵎⴰⵙⵙⴰ ⵏⴰⴷⵉⵏ ⵙⵏⴳⴰⵔⵉ ⴷ ⵜⴰⵎⵀⴰⵍⵜ ⵏ ⵓⴱⵔⵙⵉⵔⴰ ⵏ ⵎⴰⵙⵙⴰ ⴱⴰⵜⵔⵉⵙⵢⴰ ⵢⴰⵡ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B4%B0%E2%B5%99%E2%B5%8E%E2%B4%B0-%E2%B5%A2%E2%B4%B0%E2%B5%8F-%E2%B5%89%E2%B5%8E%E2%B4%BD%E2%B5%8D%E2%B5%89-%E2%B5%8F%E2%B5%8F%E2%B4%B0-%E2%B5%89%E2%B5%99%E2%B4%BD%E2%B5%94-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94