ⵉⵣⵔⴼⴰⵏ ⵏ ⵜⵎⵖⴰⵔⵜ ..ⵓⵎⵎⴰⵣ ⵏ ⵔⴰⴱⵃⴰ ⴰⵍⵃⴰⵢⵎⴰⵔ ⵜⴰⵙⵎⵖⵓⵔⵜ ⵏ ⵜⴷⴷⴰⵔⵜ ⵜⵓⵎⵍⵉⵍⵉⵜ ⴰⵙⵎⵖⵔ ⵏ ⵉⵙⴳⴷⴷⵏ ⵏⵏⴰ ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ

04 ⵎⴰⵕⵚ 2024 Version Imprimable

ⵡⴰⵛⵉⵏⵟⵓⵏ - ⵜⴳⴰ " ⵜⴰⵙⵎⵖⵓⵔⵜ ⵜⴰⵎⴰⴹⵍⵏⵜ ⵏ ⵜⵎⵖⴰⵔⵜ ⵜⴰⵙⵔⵇⴱⵜ 2024" ⵏⵏⴰ ⵎⵉ ⵉⴼⴽⴰ ⵡⴰⵙⵙ ⵏ ⵓⵢⵏⴰⵙ ⴳ ⵡⴰⵛⵉⵏⵟⵓⵏ ⵉ ⵜⴰⵎⴰⵖⵔⴰⴱⵉⵜ ⵔⴰⴱⵃⴰ ⵍⵃⴰⵢⵎⴰⵔ ⴰⵙⵎⵖⵔ ⵏ ⵉⵙⴳⴳⴷⵏ ⵏⵏⴰ ⵉⵕⵥⵎ ⵍⵎⵖⵔⵉⴱ ⴳ ⵢⵉⴳⵔ ⵏ ⵉⵣⵔⴼⴰⵏ ⵏ ⵜⵎⵖⴰⵔⵜ ⴷⴷⴰⵡ , ⵏ ⵜⵏⵙⵙⵉⵅⴼⵜ ⵜⴰⵖⵓⴷⴰⵏⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ .

ⵜⵢⴰⴽⴽⴰ ⵜⴰⵙⵎⵖⵓⵔⵜ ⴰⴷ ⵉ ⵎⴰⵙⵙⴰ ⵍⵃⴰⵢⵎⴰⵔ ⵙⴳ ⵎⴰⵙⵙⴰ ⵜⴰⵎⴰⵣⵡⴰⵔⵓⵜ ⵏ ⵎⵉⵔⵉⴽⴰⵏ ⵊⵉⵍ ⴱⴰⵢⴷⵏ ⴷ ⵓⵎⴰⵡⵙⴰⵙ ⵏ ⴱⵕⵕⴰ ⴰⵎⵉⵔⵉⴽⴰⵏⵉ ⴰⵏⵟⵓⵏⵉ ⴱⵍⵉⵏⴽⵏ ⴳ ⵢⴰⵜ ⵜⴼⵓⴳⵍⴰ ⵏⵏⴰ ⵜⵜⵓⵙⵏⵎⴰⵍⴰ ⵜⴰⴷⴷⴰⵔⵜ ⵜⵓⵎⵍⵉⵍⵉⵜ ⵃⴰⴹⵕⵏ ⴳⵉⵙ ⵙⴰⵍⴰⵡⵏ ⴰⴽⴽⵯ ⴰⵎⵙⵇⴰⴷ ⵏ ⴱⴰⴱ ⵏ ⵡⴰⴷⴷⵓⵔ ⴳ ⵡⴰⵛⵉⵏⵟⵓⵏ ⵢⵓⵙⴼ ⵍⵄⵎⵔⴰⵏⵉ . ⴳ ⵓⵣⵎⵎⵣⵓ ⴷⵖ ⵜⵎⵍⴰ ⵎⴰⵙⵙ ⵍⵃⴰⵢⵎⴰⵔ ⵏⵏⴰ ⵜⵓⵎⵣ ⵜⴰⵙⵎⵖⵓⵔⵜ ⴰⴷ ⵜⴰⵎⴰⵏ ⵏ ⵜⵎⵖⴰⵔⵉⵏ ⵢⴰⴹⵏⵉⵏ ⴳ ⵎⵛⵜⴰ ⵏ ⵉⵏⵙⵉⵡⵏ ⵏ ⵓⵎⴰⴹⴰⵍ ⵜⵓⵎⵔⵜ ⵏⵏⵙ ⴳ ⵜⴰⵙⵎⵖⵓⵔⵜ ⴰⴷ ⵏⵏⴰ ⵉⴷⴷⴰⵏ ⴳ ⵓⵛⵎⵍ ⵏ ⵜⵓⴳⴳⴰⵣ ⵏ ⵜⵎⵖⴰⵔⵜ ⵜⴰⵎⴰⵖⵔⴰⴱⵉⵜ. ⵜⵏⵏⴰ ⵙⵓⵍ ⴳ ⵜⴳⵓⵔⵉ ⵉ ⵜⴰⵙⵏⵓⵔⴰⵢⵜ ⵜⴰⵎⴰⵖⵔⴰⴱⵉⵜ ⵏ ⵉⵏⵖⵎⵉⵙⵏ ⵎⴰⵙ ⵜⴳⴰ ⵜⴰⵙⵎⵖⵓⵔⵜ ⴰⴷ ⵉⵜⵜⵓⵢⵢⴰⵙⵙⵏ ⵢⴰⴹⵏⵉ ⵏ ⵓⵙⴳⴳⴰⴷ ⵉⴷⴷⵓⵔⵏ ⵏ ⵓⵙⵍⴳⴰⵏ ⵏ ⵜⵡⵊⵊⴰ ⵏⵏⴰ ⵉⴱⴷⴰⵏ ⴳ 2004 " ⴰⵛⴽⵓ " ⵜⵓⴳⴳⴰⵣ ⴷ ⵜⴰⵏⴰⵢⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ".

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%A3%E2%B5%94%E2%B4%BC%E2%B4%B0%E2%B5%8F-%E2%B5%8F-%E2%B5%9C%E2%B5%8E%E2%B5%96%E2%B4%B0%E2%B5%94%E2%B5%9C-%E2%B5%93%E2%B5%8E%E2%B5%8E%E2%B4%B0%E2%B5%A3-%E2%B5%8F-%E2%B5%94%E2%B4%B0%E2%B4%B1%E2%B5%83%E2%B4%B0-%E2%B4%B0%E2%B5%8D%E2%B5%83%E2%B4%B0%E2%B5%A2%E2%B5%8E%E2%B4%B0%E2%B5%94-%E2%B5%9C%E2%B4%B0%E2%B5%99%E2%B5%8E%E2%B5%96%E2%B5%93%E2%B5%94%E2%B5%9C-%E2%B5%8F-%E2%B5%9C%E2%B4%B7%E2%B4%B7%E2%B4%B0%E2%B5%94%E2%B5%9C-%E2%B5%9C%E2%B5%93%E2%B5%8E%E2%B5%8D%E2%B5%89%E2%B5%8D%E2%B5%89%E2%B5%9C-%E2%B4%B0%E2%B5%99%E2%B5%8E%E2%B5%96%E2%B5%94-%E2%B5%8F-%E2%B5%89%E2%B5%99%E2%B4%B3%E2%B4%B7%E2%B4%B7%E2%B5%8F