ⵉⵙⵏⵜⴰ ⵢⴰⴷ ⵍⵍⵉ ⵔⴰⴷ ⵜⵙⴽⵔ ⵜⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⵡⵉⵙⵉ ⵙ ⵢⴰⵏ ⵓⵙⵙⴰⵔⵓ ⵏ 17,5 ⵏ ⵓⵎⵍⵢⵓⵏ ⵏ ⴷⴷⵔⵀⵎ, ⵔⴰⴷ ⵉⵙⵙⵓⴼⵖ ⵢⴰⵏ ⵓⴷⵉⵙ ⵏ ⵜⵙⴱⴱⴰⴱⵜ ⵏ ⵡⴰⵢⴰⴼⵓⵜⵏ ⵉⴷⵖⵔⴰⵏⵏ ⴷ ⵢⴰⵜ ⵜⴰⴷⴷⴰⵔⵜ ⵏ ⵜⵎⵃⴹⴰⵕⵜ ⴷ ⵢⴰⵏ ⵡⴰⵎⵎⴰⵙ ⵏ ⵜⴰⵣⵣⴰⵏⵉⵏ ⵜⵜⵓⴼⴼⴰⵍⵏⵉⵏ ⵓⵍⴰ ⵙⵓⵍ ⵢⴰⵏ ⵡⴰⵎⵎⴰⵙ ⵏ ⵡⴰⴷⴰⵙ.
ⵓⴷⴷⵉⵙ ⵏ ⵜⵙⴱⴱⴰⴱⵜ ⵏ ⵡⴰⵢⴰⴼⵓⵜⵏ ⵉⴷⵖⵔⴰⵏⵏ ⵢⵓⵛⴽⴰⴷ ⴰⴷ ⵉⵔⴰⵔ ⵉ ⵡⴰⵙⵙⴰⵔ ⴷ ⵡⴰⴳⴰⵏⵉ ⵏ ⵜⵎⵙⵎⵓⵏⵉⵏ ⵜⵉⴷⵖⵔⴰⵉⵏ. ⵔⴰⴷ ⵉⵜⵜⵓⵚⴽⴰ ⵖ ⵜⵓⴷⴷⵓⵔⵜ ⵏ ⵍⵇⵓⴷⵙ ⵙ 3,5 ⵏ ⵓⵎⵍⵍⵢⵓⵏ ⵏ ⴷⴷⵔⵀⵎ. ⵔⴰⴷ ⴳⵉⵙ ⵉⵍⵉⵏ ⵜ ⴽⴽⵓⵥ ⵜ ⵜⴷⴰⵍⵉⵡⵉⵏ ⵏ ⵓⵙⴼⵙⵔ ⵏ ⵡⴰⵢⴰⴼⵓⵜⵏ ⵉⴷⵖⵔⴰⵏⵏ (ⵍⵃⵏⵏⴰ, ⵍⴽⵎⵎⵓⵏ, ⵜⴰⵎⵎⵏⵜ, ⴰⵃⴰⵢⴽⵏ…), ⵓⵍⴰ ⵙⵓⵍ ⵜⴰⴷⴰⵍⵉⵡⵉⵏ ⴰⴹⵏⵉⵏ.
ⵜⴰⴷⴷⴰⵔⵜ ⵏ ⵜⵎⵃⴹⴰⵕⵜ « ⴷⴰⵔ ⵟⵟⴰⵍⵉⴱⴰ» ⵉⴳⴰ ⴰⵡⵜⵜⴰⵙ ⵏⵏⵙ ⴰⵙ ⵜⴰⵡⵙ ⴳ ⵓⵙⵖⵓⵔⵉ ⵏ ⵜⵎⵃⴹⴰⵔⵉⵏ ⵍⵍⵉ ⴰⵇⵔⴰⵏⵉⵏ ⵖ ⴰⵙⵉⵏⴰⵏ ⵏ ⵓⵙⵎⵓⵜⵜⴳ.
ⴰⵙⵏⵜⵉ ⵢⴰⴷ (8 ⵏ ⵓⵎⵍⵢⵓⵏ ⵏ ⴷⴷⵔⵀⵎ), ⵔⴰⴷ ⵢⴰⵙⵉ120 ⵏ ⵜⴼⵔⵓⵅⵜ, ⵉⵍⵉⵏ ⵜ ⴳⵉⵙ ⵜⴷⴰⵍⵉⵡⵉⵏ ⵣⵓⴷ ⵜⵉⵏ ⵎⵉⵍⵜⵉⵎⵉⴷⵢⴰ ⴷ ⵜⵙⴷⵍⵉⵙⵜ ⴷ ⵜⵃⴰⵏⵓⵜⵉⵏ ⵏ ⵜⵙⴱⴱⴰⴱⵜ.
ⴰⵎⵎⴰⵙ ⵏ ⵜⴰⵣⵣⴰⵏⵉⵏ ⵜⵜⵓⴼⴼⴰⵍⵉⵏⵉⵏ (3 ⵏ ⵓⵎⵍⵢⵓⵏ ⵏ ⴷⴷⵔⵀⵎ) ⵔⴰⴷ ⵢⴰⵎⵥ ⴰⴽⴽⵯ ⵜⴰⵣⵣⵏⵉⵏ ⵢⴰⵡⵙ ⵖ ⵓⵙⵖⵓⵔⵉ ⵏⵏⵙⵏ ⴷ ⵓⴽⵛⵛⵓⵎⵏ ⵏⵙⵏ ⵙ ⵡⴰⵎⵓⵏ.
ⴰⵎⵎⴰⵙ ⴰⴷ ⵉⵥⴹⴰⵕ ⴰⴷ ⵉⵙⵏⵓⴱⴳ 25 ⵏ ⵡⴰⵣⵣⴰⵏ, ⵔⴰⴷ ⴷⵉⴳⵙ ⵜⵍⵉ ⵢⴰⵜ ⵜⵙⴳⴰ ⵏ ⵉⴱⵊⵊⵓⴽⵏ ⴷ ⵢⴰⵜ ⴰⴹⵏⵉⵏ ⵏ ⵜⴰⵣⵣⵏⵉⵏ ⵏ ⴳⵔ 1 ⴷ 4 ⵏ ⵉⵙⴳⴳⵯⴰⵙⵏ, ⵓⵍⴰ ⵙⵓⵍ ⵢⴰⵜ ⵜⴷⴰⵍⴰ ⵏ ⵓⵣⵣⵔⴰⵢ ⵏ ⵓⵙⵏⵉⵊⵊⵉ ⴷ ⵢⴰⵜ ⵜⴷⴰⵍⴰ ⵏ ⵓⵔⴰⵔⵏ ⵜ ⴷⴰⵍⵉⵡⵉⵏ ⴰⴹⵏⵉⵏ.
ⴰⵎⵎⴰⵙ ⴰⵏⴰⵎⵓⵏ ⵏ ⵡⴰⴷⴰⵙ ⵔⴰⴷ ⵢⴰⵙⵉ ⴰⵔ 200 ⵏ ⵓⴼⴳⴰⵏ. ⵔⴰⴷ ⵉⴼⴽ ⴰⵙⵎⵓⵜⵜⴳ ⵉ ⵜⵎⵟⵟⵓⴹⵜⵉⵏ, ⴷ ⵡⴰⵏⵏⴰⵍ ⴰⵏⵎⵍⴰⵏ ⴷ ⵓⴱⵉⴷⴰⴳⵓⵊⵉ ⵉ ⵢⵄⵔⵔⵉⵎⵏ ⵏ ⵜⵙⴳⴰ. ⵔⴰⴷ ⵉⵜⵜⵓⵙⴽⴰⵔ ⵖ ⵜⵓⴷⴷⵓⵔⵜ ⵏ «ⵏⵏⵀⴹⴰ» ⵙ 3 ⵏ ⵓⵎⵍⵢⵓⵏ ⵏ ⴷⴷⵔⵀⵎ.