Published on MAPNews (https://www.mapnews.ma/am)

Accueil > ⵜⴰⵎⵙⵎⵓⵏⵜ ⵜⴰⵎⴰⵜⵓⵜ ⵜⴰⴼⵉⴷⵉⵔⴰⵍⵉⵜ ⵜⴰⵟⵍⴰⵚⵉⵜ ⵉ ⵜⵙⵏⵓⵔⴰⵢⵉⵏ ⵏ ⵉⵏⵖⵎⵉⵙⵏ ⵜⵉⴼⵔⵉⵇⵢⵉⵏ.. ⴰⵙⴳⵎⴹ ⵏ ⵓⵖⴰⵡⴰⵙ ⵏ ⵜⵡⵓⵔⵉ 2024 

ⵜⴰⵎⵙⵎⵓⵏⵜ ⵜⴰⵎⴰⵜⵓⵜ ⵜⴰⴼⵉⴷⵉⵔⴰⵍⵉⵜ ⵜⴰⵟⵍⴰⵚⵉⵜ ⵉ ⵜⵙⵏⵓⵔⴰⵢⵉⵏ ⵏ ⵉⵏⵖⵎⵉⵙⵏ ⵜⵉⴼⵔⵉⵇⵢⵉⵏ.. ⴰⵙⴳⵎⴹ ⵏ ⵓⵖⴰⵡⴰⵙ ⵏ ⵜⵡⵓⵔⵉ 2024 

23 ⵉⵏⵏⴰⵢⵔ 2024 Version Imprimable
ⵙⵍⴰ - ⵜⴳⵎⴹ ⵜⵙⵓⵜⵍⵜ ⵜⵉⵙⵙ ⵙⴰⵜ ⵏ ⵜⵎⵙⵎⵓⵏⵜ ⵜⴰⵎⴰⵜⵓⵜ ⵜⴰⴼⵉⴷⵉⵔⴰⵍⵉⵜ ⵜⴰⵟⵍⴰⵚⵉⵜ ⵏ ⵜⵙⵏⵓⵔⴰⵢⵉⵏ ⵏ ⵉⵏⵖⵎⵉⵙⵏ ⵜⵉⴼⵔⵉⵇⵢⵉⵏ (ⴼⴰⴱⴰ), ⵍⵍⵉ ⵉⵜⵜⵉⵢⵙⴽⴰⵔⵏ ⴷⴷⵓ ⵜⵎⴰⵜⴰⵔⵜ "ⴰⵙⵏⵖⵎⵙ ⴰⴼⵔⵉⵇ.. ⴰⵏⴰⵥⴰⵕ ⵏ ⵓⵙⵙⵉⵅⴼ ⴰⵏⵉⵎⴰⵏ", ⴰⵙⵙ ⵏ ⵓⵙⵉⵏⴰⵙ ⴳ ⵙⵍⴰ, ⵅⴼ ⵓⵖⴰⵡⴰⵙ ⵏ ⵜⵡⵓⵔⵉ ⴰⴼⵉⴷⵉⵔⴰⵍⵉ ⴳ ⵓⵙⴳⴳⵯⴰⵙ ⵏ 2024.

ⵉⵍⵍⴰ ⴳ ⵓⵖⴰⵡⴰⵙ ⴰⴷ ⵏ ⵜⵡⵓⵔⵉ, ⵍⵍⵉ ⴳⵎⴹⵏ ⴳ ⵡⴰⵙⵙ ⵡⵉⵙⵙ ⵙⵉⵏ ⵏ ⵜⵡⵓⵔⵉⵡⵉⵏ ⵏ ⵜⵎⵙⵎⵓⵏⵜ ⵜⴰⵎⴰⵜⵓⵜ, ⵉⵣⵔⵉⵏ ⵙ ⵓⵙⵙⵉⵅⴼ ⵏ ⵎⴰⵙⵙ ⴼⵓⵡⴰⴷ ⵄⴰⵔⵉⴼ, ⴰⵙⵍⵡⴰⵢ ⵏ ⵜⴼⵉⴷⵉⵔⴰⵍⵉⵜ ⵜⴰⵟⵍⴰⵚⵉⵜ ⵏ ⵜⵙⵏⵓⵔⴰⵢⵉⵏ ⵏ ⵉⵏⵖⵎⵉⵙⵏ ⵜⵉⴼⵔⵉⵇⵢⵉⵏ, ⴰⵏⵎⵀⴰⵍ ⴰⵎⴰⵜⵓ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵉ ⵢⵉⵏⵖⵎⵉⵙⵏ, ⵜⵓⴳⵜⵜ ⵏ ⵉⴳⵔⴰⵏ ⵏ ⵓⵙⵏⵎⵉⵍⵉ, ⴷ ⵓⵙⵎⵓⵜⵜⴳ ⴷ ⵓⵙⵎⴷⵉ ⴰⵣⵣⵓⵍⴰⵏ, ⴷ ⵓⴽⵉⵙⴳⴳⵓⵔⵏ ⵏ ⵓⵙⵏⵖⵎⵙ, ⴷ ⵓⵎⵢⴰⵡⴰⴹ, ⴷ ⵓⵎⵢⴰⵡⴰⵙ ⴷ ⵜⴷⵔⴰⵡⵜ.

ⴳ ⵎⴰⴷ ⵉⵥⵍⵉⵏ ⵙ ⵓⵙⵏⵎⴰⵍⴰ, ⵢⵉⵡⵉ ⴷ ⵓⵖⴰⵡⴰⵙ ⵎⴰⵙ ⵔⴰⴷ ⵜⵉⵍⵉ ⵜⵙⵓⵜⵍⵜ ⵜⵉⵙⵙ ⵜⵜⴰⵎⵜ ⵏ ⵜⵎⵙⵎⵓⵏⵜ ⵜⴰⵎⴰⵜⵓⵜ ⵏ "ⴼⴰⴱⴰ" ⴳ ⴽⵜⵓⴱⵕ 2024, ⵙ ⵓⵙⴼⵓⴳⵍ ⵏ ⵓⴽⵜⵜⴰⵢ ⵡⵉⵙⵙ 10 ⵏ ⵜⵉⵍⵉⵜ ⵏ ⵜⴼⵉⴷⵉⵔⴰⵍⵉⵜ,

ⵔⴰⴷ ⵜⵉⵍⵉ ⴳ ⵜⵙⵓⵜⵍⵜ ⴰⴷ, ⵍⵍⵉ ⵉⴳⴰⵏ ⵜⴰⴼⵓⴳⵍⴰ ⵏ ⵓⴽⵜⵜⴰⵢ ⵡⵉⵙⵙ 10 ⵏ ⵜⵉⵍⵉⵜ ⵏ ⵜⴼⵉⴷⵉⵔⴰⵍⵉⵜ, ⵢⴰⵜ ⵜⵉⵏⴰⵡⵜ ⵉⴳⴰⵏ ⵙ ⵓⵣⵡⵍ "ⵜⵉⵙⵏⵓⵔⴰⵢⵉⵏ ⵏ ⵢⵉⵏⵖⵎⵉⵙⵏ ⴳ ⵓⵣⵎⵣ ⵏ ⵜⵉⵖⵉⵙⵜ ⵜⴰⵜⵉⴽⵏⵓⵍⵓⵊⵉⵜ".

ⵎⴽⵍⵍⵉ ⵔⴰⴷ ⵢⵉⵍⵉ ⵓⴳⵔⴰⵡ ⵡⵉⵙⵙ ⵙⴰ ⵏ ⵓⵙⵇⵇⵉⵎ ⵏ ⵜⴼⵉⴷⵉⵔⴰⵍⵉⵜ ⵜⴰⵟⵍⴰⵚⵉⵜ ⵏ ⵜⵙⵏⵓⵔⴰⵢⵉⵏ ⵏ ⵉⵏⵖⵎⵉⵙⵏ ⵜⵉⴼⵔⵉⵇⵢⵉⵏ ⴳ ⴽⵓⵜ ⴷⵉⴼⵡⴰⵔ.

ⴳ ⵢⵉⴳⵔ ⵏ ⵓⵙⵎⵓⵜⵜⴳ ⵏ ⵓⵙⵎⴷⵉ ⵉⵣⵣⵓⵍⴰⵏⵏ, ⵔⴰⴷ ⵜⵙⵏⵎⴰⵍⴰ "ⴼⴰⴱⴰ" ⴰⵎⵎⴰⵙ ⴰⴼⵔⵉⵇ ⵉ ⵓⵙⵎⵓⵜⵜⴳ ⵏ ⵉⵙⵏⵖⵎⴰⵙⵏ, ⴳ ⵓⵙⴳⴳⵯⴰⵙ ⵏ 2024, ⵜⵉⵏⴰⵡⵜ ⵅⴼ ⵓⵙⵡⵍⴼ ⴰⵙⵏⵖⵎⴰⵙ, ⴷ ⵓⵏⵎⵓⵇⵇⴰⵔ ⵡⵉⵙⵙ ⵙⵉⵏ ⵏ ⵜⵡⵜⵎⵉⵏ, ⴷ ⵓⵏⵎⵓⵇⵇⴰⵔ ⵡⵉⵙⵙ ⵙⵉⵏ ⵏ ⵉⵏⵎⵀⴰⵍⵏ ⵏ ⵓⵙⵏⵖⵎⵙ, ⴷ ⵜⵉⵏⴰⵡⵜ ⵜⵉⵙⵙ ⵙⵏⴰⵜ ⵏ ⵉⵏⵎⵀⴰⵍⵏ ⵏ ⵜⴰⵜⵉⴽⵏⵓⵍⵓⵊⵉⵜ ⵏ ⵉⵏⵖⵎⵉⵙⵏ.

ⴳ ⵎⴰⴷ ⵉⵥⵍⵉⵏ ⵙ ⵓⵙⵏⵖⵎⵙ ⵏ ⵉⵙⴳⴳⵓⵔⵏ ⵉⵎⵏⵏⴰⵡⵏ, ⵢⵉⵡⵉ ⴷ ⵓⵖⴰⵡⴰⵙ ⵏ ⵜⵡⵓⵔⵉ ⴰⵙⵎⴰⵢⵏⵓ ⴷ ⵓⵙⴱⵓⵖⵍⵓ ⵏ ⵜⴰⵏⵙⴰ ⵜⴰⵍⵉⴽⵜⵔⵓⵏⵉⵜ ⵏ "ⴼⴰⴱⴰ", ⴷ ⵓⵙⴱⵓⵖⵍⵓ ⴷ ⵓⵙⴷⵓⵙ ⵏ ⵜⴰⵏⵙⴰ ⵜⴰⵍⵉⴽⵜⵔⵓⵏⵉⵜ ⵉ ⵜⵔⴰⵜⵙⴰ ⵏ ⵜⵡⵜⵎⵉⵏ (NWL-FAAPA), ⴷ ⵓⵍⴰ ⴰⵙⴽⴽⵉⵔ ⵏ ⵢⴰⵜ ⵜⴰⵏⵙⴰ ⵜⴰⵍⵉⴽⵜⵔⵓⵏⵉⵜ ⵉ ⵜⵔⴰⵜⵙⴰ ⵏ ⵉⵙⵏⵖⵎⴰⵙⵏ ⵏ ⵜⵓⵏⵏⵓⵏⵜ (RJS-FAAPA).

ⴳ ⵢⵉⴳⵔ ⵏ ⵓⵎⵢⴰⵡⴰⴹ, ⵢⵉⵡⵉ ⴷ ⵓⵖⴰⵡⴰⵙ ⵏ ⵜⵡⵓⵔⵉ ⵎⴰⵙ ⵔⴰⴷ ⵜⵜⵉⵢⴼⴽⴰ ⵜⵙⵎⵖⵓⵔⵜ "ⴼⴰⴱⴰ" ⵜⴰⵎⵇⵕⴰⵏⵜ ⵉ ⵓⵕⵓⴱⵓⵕⵟⴰⵊ ⵍⵍⵉ ⴰⴽⴽⵯ ⵢⵓⴼⵏ, ⴷ ⵓⵎⴰⴳⵔⴰⴷ ⵢⵓⴼⵏ, ⴷ ⵜⵡⵍⴰⴼⵜ ⴰⴽⴽⵯ ⵉⴼⵓⵍⴽⵉⵏ ⵉ ⵓⵙⴳⴳⵯⴰⵙ 2024.

ⵎⴽⵍⵍⵉ ⴳⵉⵙ ⴰⵙⵏⵎⴰⵍⴰ ⴷ ⵜⴷⵔⴰⵡⵜ ⴳ ⵜⵉⵍⴰⵍ ⴷ ⵉⵏⵎⵓⴳⴳⴰⵔⵏ ⵏ ⵓⵙⵏⵖⵎⵙ (ⵉⵏⵎⵓⵇⵇⴰⵔⵏ, ⵜⵉⵏⴰⵡⵉⵏ, ⵉⵙⴼⵙⴰⵔ..)

 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B4%B0%E2%B5%8E%E2%B5%99%E2%B5%8E%E2%B5%93%E2%B5%8F%E2%B5%9C-%E2%B5%9C%E2%B4%B0%E2%B5%8E%E2%B4%B0%E2%B5%9C%E2%B5%93%E2%B5%9C-%E2%B5%9C%E2%B4%B0%E2%B4%BC%E2%B5%89%E2%B4%B7%E2%B5%89%E2%B5%94%E2%B4%B0%E2%B5%8D%E2%B5%89%E2%B5%9C-%E2%B5%9C%E2%B4%B0%E2%B5%9F%E2%B5%8D%E2%B4%B0%E2%B5%9A%E2%B5%89%E2%B5%9C-%E2%B5%89-%E2%B5%9C%E2%B5%99%E2%B5%8F%E2%B5%93%E2%B5%94%E2%B4%B0%E2%B5%A2%E2%B5%89%E2%B5%8F-%E2%B5%8F-%E2%B5%89%E2%B5%8F%E2%B5%96%E2%B5%8E%E2%B5%89%E2%B5%99%E2%B5%8F-%E2%B5%9C%E2%B5%89%E2%B4%BC%E2%B5%94%E2%B5%89%E2%B5%87%E2%B5%A2%E2%B5%89%E2%B5%8F-%E2%B4%B0%E2%B5%99%E2%B4%B3%E2%B5%8E%E2%B4%B9-%E2%B5%8F