Published on MAPNews (https://www.mapnews.ma/am)

Accueil > ⵜⵉⵙⵏⵓⵔⴰⵢⵉⵏ ⵏ ⵉⵏⵖⵎⵉⵙⵏ ⵜⵉⵔⵉⵇⵢⵉⵏ ⵉⵇⵇⴰⵏ ⴷ ⴰⴷ ⵜⵙⴽⵔ ⵜⴰⵡⵓⵔⵉ ⵏⵏⵙ ⴳ ⵓⵙⵙⵉⵅⴼ ⵏ ⵜⴼⵔⵉⵇⵜ (ⴰⵙⵍⵡⴰⵢ ⵏ ⵜⴼⵉⴷⵉⵔⴰⵍⵉⵜ ⵜⴰⵟⵍⴰⵚⵉⵜ ⵏ ⵜⵙⵏⵓⵔⴰⵢⵉⵏ ⵏ ⵉⵏⵖⵎⵉⵙⵏ ⵜⵉⴼⵔⵉⵇⵢⵉⵏ)

ⵜⵉⵙⵏⵓⵔⴰⵢⵉⵏ ⵏ ⵉⵏⵖⵎⵉⵙⵏ ⵜⵉⵔⵉⵇⵢⵉⵏ ⵉⵇⵇⴰⵏ ⴷ ⴰⴷ ⵜⵙⴽⵔ ⵜⴰⵡⵓⵔⵉ ⵏⵏⵙ ⴳ ⵓⵙⵙⵉⵅⴼ ⵏ ⵜⴼⵔⵉⵇⵜ (ⴰⵙⵍⵡⴰⵢ ⵏ ⵜⴼⵉⴷⵉⵔⴰⵍⵉⵜ ⵜⴰⵟⵍⴰⵚⵉⵜ ⵏ ⵜⵙⵏⵓⵔⴰⵢⵉⵏ ⵏ ⵉⵏⵖⵎⵉⵙⵏ ⵜⵉⴼⵔⵉⵇⵢⵉⵏ)

22 ⵉⵏⵏⴰⵢⵔ 2024 Version Imprimable
ⵙⵍⴰ - ⵉⵏⵏⴰ ⵓⵏⵙⵙⵉⵅⴼ ⵏ ⵜⴼⵉⴷⵉⵔⴰⵍⵉⵜ ⵜⴰⵟⵍⴰⵚⵉⵜ ⵉ ⵜⵙⵏⵓⵔⴰⵢⵉⵏ ⵏ ⵉⵏⵖⵎⵉⵙⵏ ⵜⵉⴼⵔⵉⵇⵢⵉⵏ (ⴼⴰⴱⴰ), ⴰⵏⵎⵀⴰⵍ ⴰⵎⴰⵜⵓ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵉ ⵢⵉⵏⵖⵎⵉⵙⵏ, ⴼⵓⵡⴰⴷ ⵄⴰⵔⵉⴼ, ⴰⵙⵙ ⴰⴷ ⵏ ⵓⵢⵏⴰⵙ ⴳ ⵙⵍⴰ, ⵎⴰⵙⴷ ⵜⵉⵙⵏⵓⵔⴰⵢⵉⵏ ⵏ ⵉⵏⵖⵎⵉⵙⵏ ⵉⵇⵇⴰⵏ ⴷ ⵜⵙⴽⵔ ⵜⴰⵡⵓⵔⵉ ⵏⵏⵙ ⴳ ⵓⵙⵙⴷⵓⵙ ⵏ ⵓⵙⵙⵉⵅⴼ ⴰⵏⵉⵎⴰⵏ ⵏ ⵜⴼⵔⵉⵇⵜ.

ⵉⵎⵍ ⵎⴰⵙⵙ ⵄⴰⵔⵉⴼ ⴳ ⵜⴳⵓ ⵛ ⵏⵏⵙ ⵏ ⵓⵏⵏⵓⵕⵥⵎ ⵏ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙⵙ ⵙⴰ ⵏ ⵜⵎⵙⵎⵓⵏⵜ ⵜⴰⵎⴰⵜⵓⵜ ⵜⴰⴼⵉⴷⵉⵔⴰⵍⵉⵜ ⵜⴰⵟⵍⴰⵚⵉⵜ ⵏ ⵜⵙⵏⵓⵔⴰⵢⵉⵏ ⵏ ⵉⵏⵖⵎⵉⵙⵏ ⵜⵉⵖⵔⵉⵇⵢⵉⵏ (ⴼⴰⴱⴰ) ⵍⵍⵉ ⵉⵜⵜⵉⵢⵙⴽⴰⵔⵏ ⴷⴷⵓ ⵜⵎⴰⵜⴰⵔⵜ "ⴰⵙⵏⵖⵎⵙ ⴰⴼⵔⵉⵇ... ⵜⴰⵎⴰⵖⵜ ⵅⴼ ⵓⵙⵙⵉⵅⴼ ⴰⵏⵉⵎⴰⵏ" , ⵎⴰⵙⴷ ⴰⵙⵙⵉⵅⴼ ⴰⴷ "ⵉⴳⴰ ⴰⵙⵙ ⴰⴷ ⵜⴰⵡⵓⵔⵉ ⵍⵍⵉ ⵙ ⴷ ⵉⵇⵇⴰⵏ ⴰⴷ ⵜⵜ ⵏⵙⴽⵔ, ⴷ ⵓⵡⵜⵜⴰⵙ ⵍⵍⵉ ⵙ ⵏⵔⴰ ⴰⴷ ⵜ ⵏⵍⴽⵎ, ⵙⵍⴰⵡⴰⵏⴷ ⴰⴽⴽⵯ ⵍⵍⵉ ⵉⵏⴼⵍ ⴽⵉⴳⴰⵏ ⴳ ⵓⵎⴰⴹⴰⵍ ⴷ ⴳ ⵜⴼⵔⵉⵇⵜ ⵙ ⵜⵥⵍⴰⵢⵜ".

ⵢⵉⵏⵉ, ⴳ ⵓⵎⵏⵉⴷ ⴰⴷ, ⵎⴰⵙⴷ ⵉⵇⵇⴰⵏ ⴰⴷ ⵏⴰⵍⵍ ⴰⵏⴰⵥⴰⵕ ⵏ ⴰⴷ ⵏⵙⴽⵔ ⵢⴰⵜ ⵜⴷⵉⵏⴰⵎⵉⵜ ⵏ ⵓⵎⵙⴰⵡⴰⵍ ⴼⴰⴷ ⴰⴷ ⵏⵙⵔⵙⵓ ⵜⴰⵙⵙⵉⵅⴼⵜ ⵜⴰⵏⵉⵎⴰⵏⵜ ⵏ ⵜⴼⵔⵉⵇⵜ ⴳ ⵢⵉⴳⵔ ⵏ ⵓⵙⵏⵖⵎⵙ.

ⵉⵙⵎⴷ ⵎⴰⵙⵙ ⵄⴰⵔⵉⴼ ⵎⴰⵙⴷ ⵎⴰⵢⴰⴷ ⵓⵔ ⵔⴰⴷ ⵉⵜⵜⵉⵢⵙⴽⴰⵔ ⴰⵎⵔ ⵉⵖ ⵏⵙⴱⵓⵖⵍⴰ ⵉⵏⴰⵡ ⴰⵙⵏⵖⵎⴰⵙ ⴼⴰⴷ ⴰⴷ ⵉⴳ ⴰⵏⴰⵎⵓⵔ, ⵢⵉⵏⵉ ⵎⴰⵙⴷ ⵎⴰⵢⴰⴷ ⵉⵣⴷⵉ ⴷ ⵓⵙⴽⴽⵉⵔ ⵏ ⵜⴼⴰⴷⵉⵡⵉⵏ ⵏ ⵜⵉⵍⵉⵜ ⵏ ⵉⵏⵖⵎⵉⵙⵏ ⵉⴼⵔⵉⵇⵏ ⵙ "ⵜⴹⵓⴹⵉⵏ" ⵜⵉⴼⵔⵉⵇⵢⵉⵏ", ⵍⵍⵉ ⴳ ⵔⴰⴷ ⵏⵙⵜⵉ ⵉⵙⵏⵜⴰⵍ ⵏⵏⵖ ⵏⵥⵕ ⵜⵏ ⵣⴳ ⵓⵎⵏⵉⴷ ⵏⵏⵖ.

ⵢⵉⵏⵉ "ⵉⴳⴰ ⴷⴰⵔⵏⵖ ⵎⴰⵢⴰ, ⴳ ⵜⵎⵔⵙⵍⵜ ⵏ (ⴼⴰⴱⴰ), ⵜⴰⵡⵓⵔⵉ ⵉⵎⵇⵇⵓⵔⵏ ⵅⴼ ⵜⵎⵥⵍⴰⵢⵉⵏ ⵏⵏⵖ ⵜⵉⴼⵔⵉⵇⵢⵉⵏ ⴳ ⵉⵏⵖⵎⵉⵙⵏ ⵍⵍⵉ ⵏⵙⴽⴰⵔ, ⵜⵉⴷ ⴳⴰⵏ ⵏ ⵜⵉⴷⵍⵙⴰⵏⵉⵏ ⴷ ⵜⵙⵔⵜⴰⵏⵉⵏ ⵓⵍⴰ ⵜⵉⴷⵎⵙⴰⵏⵉⵏ".

ⵢⵉⵏⵉ ⵎⴰⵙⵙ ⵄⴰⵔⵉⴼ ⴳ ⵜⵙⴳⴰ ⴰⴹⵏⵉ ⵎⴰⵙⴷ ⵜⴰⵎⵙⵎⵓⵏⵜ ⵜⴰⵎⴰⵜⵓⵜ ⵜⵉⵙⵙ ⵙⴰ ⵏ (ⴼⴰⴱⴰ) ⵜⵔⴰ ⴰⴷ ⵜⵙⴽⵔ ⵢⴰⵜ ⵜⵡⵓⵔⵉ ⵎⵇⵇⵓⵔⵏ, ⵔⴰⴷ ⴳⵉⵙ ⴷⵔⵓⵏ ⵜⵓⴳⵜⵜ ⵏ ⵉⵎⵓⵙⵏⴰⵡⵏ ⴳ ⵓⵙⵏⵖⵎⵙ ⴷ ⵉⵡⵔⵉⴽⵏ ⵎⵇⵇⵓⵔⵏ ⴳ ⵜⵙⴳⴰ ⵜⴰⵟⵍⴰⵚⵉⵜ ⵜⴰⴼⵔⵉⵇⵜ, ⵜⴰⵎⴰ ⵏ ⵉⵏⵎⵀⴰⵍⵏ ⵉⵎⴰⵜⵓⵢⵏ ⵏ ⵜⵙⵏⵓⵔⴰⵢⵉⵏ ⵜⵉⴼⵔⵉⵇⵢⵉⵏ ⵏ ⵉⵏⵖⵎⵉⵙⵏ, ⴼⴰⴷ ⴰⴷ ⵏⵉⵜ ⵙⴽⴰⵏⴳⵎⵜ ⴳ ⵓⵙⵏⵜⵍ ⵏ "ⴰⵙⵙⵉⵅⴼ ⴰⵙⵉⵎⴰⵏ ⵏ ⵜⴼⵔⵉⵇⵜ.. ⵉⵎⵏⴰⴷⵏ ⵏ ⵓⵙⵏⵖⵎⵙ ⴷ ⵜⵙⵏⵜⴰⵢ ⵏ ⵡⵓⴷⵎ ⴰⵟⵍⴰⵚⵉ".

ⵉⵙⵎⴷ ⵎⴰⵙⴷ ⴰⵏⵎⵀⵇⵇⴰⵔ ⴰⴷ ⵉⵔⴰ ⴰⴷ ⵉⵎⵍ ⵜⴰⵡⵓⵔⵉ ⵏ ⵜⵙⵏⵓⵔⴰⵢ ⵏ ⵉⵏⵖⴹⵉⵙⵏ ⵙ ⵓⵎⴰⵜⴰ, ⴷ ⵜⴼⵉⴷⵉⵔⴰⵍⵉⵜ ⵜⴰⵟⵍⴰⵚⵉⵜ ⵏ ⵜⵙⵏⵓⵔⴰⵢⵉⵏ ⵏ ⵉⵏⵖⵎⵉⵙⵏ ⵜⵉⴼⵔⵉⵇⵢⵉⵏ ⵙ ⵓⵥⵍⴰⵢ, ⴳ ⵓⵙⴱⵓⵖⵍⵓ ⵏ ⵓⵎⵢⴰⵡⴰⵙ ⴰⵙⵏⵖⵎⴰⵙ ⴳ ⵜⵙⴳⴰ ⵡⴰⵟⵍⴰⵚ, ⴷ ⵓⴹⴼⴰⵕ ⵏ ⵜⵙⵏⵜⴰⵢ ⵜⵉⵏⴼⴰⵍⵢⵉⵏ ⴳ ⵓⴷⵖⴰⵔ ⵏ ⵓⴼⵜⴰⵙ-ⴰⵟⵍⴰⵚⵉ, ⴷ ⵡⴰⵔⴰⵢ ⵏ ⵓⵙⵙⵓⵅⴼ ⴰⵏⵉⵎⴰⵏ ⵏ ⵜⴼⵔⵉⵇⵜ, ⵉⵎⵍ ⵎⴰⵙⴷ ⵉⵎⴰⵙⵙⵏ ⵏ ⵓⵙⵏⵖⵎⵙ ⴷⴰⵔⵙ ⵜⴰⵡⵡⵓⵔⵉ ⴱⴰⵀⵔⴰ ⵉⴷⵓⵙⵏ ⴳ ⵓⵎⵏⵉⴷ ⴰⴷ.

ⵉⵙⵎⴷ ⵎⴰⵙⴷ ⵜⵏⵎⵓⵇⵇⴰⵔ ⴰⴷ ⵔⴰⴷ ⵢⴰⵡⵙ ⴳ ⵓⵙⴱⵓⵖⵍⵓ ⵏ ⵓⵎⵙⴰⵡⴰⵍ ⴼⴰⴷ ⴰⴷ ⵜⵉⵍⵉ ⵜⵎⵔⵙⵍⵜ ⵉⵙⵎⵓⵏⵏ ⵉⵡⴰⵏⴽⵏ ⵏ ⵜⴼⵔⵉⵇⵜ ⵜⴰⵟⵍⴰⵚⵉⵜ, ⴼⴰⴷ ⴰⴷ ⵢⵉⵍⵉ ⵓⴼⵔⴰ ⴷ ⵜⵓⴷⴷⵔⵜ ⵉⵜⵜⵓⴷⵔⴰⵏ, ⵉⵙⵙⴽⵜⵉ ⴷ ⵎⴰⵙⴷ ⵜⴰⵎⵔⵙⵍⵜ ⴰⴷ ⵍⵍⵉ ⵢⴰⴷ ⵉⵜⵜⵓⵙⴽⴰⵔⵏ, ⴰⵢⵢⵓⵔ ⵏ ⵡⴰⴹⴰⵏ ⴰⵢⴰ, ⴳ ⵢⵉⵏⴰⵡ ⵍⵍⵉ ⵉⵙⴽⵔ ⴱⴰⴱ ⵏ ⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⴳ ⵚⴹⵉⵚ ⵏⵓⵡⴰⵏⴱⵉⵔ ⵉⵣⵔⵉⵏ, ⵍⵍⵉ ⵉⵏⵏⴰ "ⴰⵡⵜⵜⴰⵙ ⵏⵏⵖ ⴰⴷ ⵜⴳ ⵜⵙⴳⴰ ⵜⴰⵟⵍⴰⵚⵉⵜ, ⵢⴰⵏ ⵓⵙⴰⵢⵔⵓⵔ ⵏ ⵓⵎⵢⴰⵡⴰⴹ ⴰⵏⴰⴼⴳⴰⵏ, ⴷ ⵓⴷⵎⵙⴰⵏ, ⵏ ⵓⵥⵏⵥⵕ ⴰⴷⵖⵔⴰⵏ ⴷ ⵓⴳⵔⴰⵖⵍⴰⵏ".

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%9C%E2%B5%89%E2%B5%99%E2%B5%8F%E2%B5%93%E2%B5%94%E2%B4%B0%E2%B5%A2%E2%B5%89%E2%B5%8F-%E2%B5%8F-%E2%B5%89%E2%B5%8F%E2%B5%96%E2%B5%8E%E2%B5%89%E2%B5%99%E2%B5%8F-%E2%B5%9C%E2%B5%89%E2%B5%94%E2%B5%89%E2%B5%87%E2%B5%A2%E2%B5%89%E2%B5%8F-%E2%B5%89%E2%B5%87%E2%B5%87%E2%B4%B0%E2%B5%8F-%E2%B4%B7-%E2%B4%B0%E2%B4%B7-%E2%B5%9C%E2%B5%99%E2%B4%BD%E2%B5%94-%E2%B5%9C%E2%B4%B0%E2%B5%A1%E2%B5%93%E2%B5%94%E2%B5%89-%E2%B5%8F%E2%B5%8F%E2%B5%99-%E2%B4%B3-%E2%B5%93%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F-%E2%B5%9C%E2%B4%BC%E2%B5%94%E2%B5%89%E2%B5%87%E2%B5%9C-%E2%B4%B0%E2%B5%99%E2%B5%8D%E2%B5%A1%E2%B4%B0%E2%B5%A2