ⵉⵙⵎⴷⵢⴰ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴱⴰⴱ ⵏ ⵡⴰⴷⴷⵓⵔ ⴳ ⵜⴼⵓⴳⵍⴰ ⵏ ⵓⵙⵔⵙ ⵏ ⵓⵏⵙⵙⵉⵅⴼ ⵏ ⵍⵉⴱⵉⵔⵢⴰ ⵜⵜⵓⵙⵜⵜⴰⵢⵏ ⵊⵓⵣⵉⴼ ⴱⵡⴰⴽⴰⵢ

22 ⵉⵏⵏⴰⵢⵔ 2024 Version Imprimable

ⵎⵓⵏⵔⵓⴼⵢⴰ - ⵙⵎⴷⵢⴰ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵕⴰⵛⵉⴷ ⵟⵟⵍⴱⵉ ⵍⵄⴰⵍⴰⵎⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵜⴼⵓⴳⵍⴰ ⵜⴰⵎⴰⴷⴷⵓⴷⵜ ⵏ ⵓⵙⵔⵙ ⵏ ⵓⵏⵙⵙⵉⵅⴼ ⵏ ⵍⴱⵉⵔⵢⴰ ⵜⵜⵓⵙⵜⵜⴰⵢⵏ ⵊⵓⵣⵉⴼ ⴱⵡⴰⴽⴰⵢ ⵉⵜⵜⴰⵡⵙⴽⴰⵔⵏ ⵡⴰⵙⵙ ⵏ ⵓⵢⵏⴰⵙ ⴳ ⵜⴰⵎⴰⵣⵓⵏⵜ ⵏ ⵎⵓⵏⵔⵓⴼⵢⴰ .

ⵜⵙⵙⵏ ⵜⴼⵓⴳⵍⴰ ⵏ ⵓⵙⵔⵙ ⵏ ⵓⵏⵙⵙⵉⵅⴼ ⴱⵡⴰⴽⴰⵢ ⵏⵏⴰ ⵉⵜⵜⴰⵡⵙⴽⴰⵔⵏ ⴳ ⵓⵙⵖⵉⵎ ⵏ ⵓⴱⵕⵍⴰⵎⵏ ⵙ ⵜⵉⵍⵉⵜ ⵏ ⵎⵏⵏⴰⵡⵏ ⵏ ⵉⵏⵙⵙⵉⵅⴼⵏ ⵏ ⵉⵡⴰⵏⴽⵏ ⴷ ⵉⵏⵙⵙⵉⵅⴼⵏ ⵏ ⵉⴽⴰⴱⴰⵕⵏ ⴷ ⵉⴳⵎⵎⴰⵏ ⵏ ⵓⵏⴳⵔⴰⵡ ⴰⴷⵉⴱⵍⵓⵎⴰⵙⵉ ⵜⵜⵓⵖⵣⴰⵏ ⴷ ⵎⵏⵏⴰⵡⵏ ⵏ ⵉⵡⵔⴽⵏ

ⵉⴽⴰⵜ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵢⵓⵣⵏ ⵢⴰⵜ ⵜⴱⵔⴰⵜ ⵏ ⵓⵙⵔⵖⵓⴷ ⵉ ⵎⴰⵙⵙ ⵊⵓⵣⵉⴼ ⴱⵡⴰⴽⴰⵢ ⴷⴼⴼⵉⵔ ⵍⵍⵉⵖ ⵉⵜⵜⵓⵙⵜⴰⵢ ⴰⴷ ⵉⴳ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⵍⵉⴱⵉⵔⵢⴰ ⵉⵎⵍⴰ ⴳⵉⵙ ⴱⴰⴱ ⵏ ⵡⴰⴷⴷⵓⵔ ⵜⵜⴰⵀⴰⵏⵉ ⵏⵏⵙ ⴷ ⵓⵏⴰⵔⵓⵣ ⵏⵏⵙ ⴰⴷ ⵜ ⵉⵎⵓⵔⵙ ⴳ ⵉⵏⴽⵔⵙ ⵏ ⵜⵉⵡⵉⵔⵉⵡⵉⵏ ⵢⴰⵜⵜⵓⵢⵏ ⴳ ⵜⵏⴰⴼⵓⵜ ⵏ ⵓⵎⴰⴷⴰⵏ ⴰⵍⵉⴱⵉⵔⵉ ⴳⵯⵎⴰⵜⵏ ⴰⴷ ⵉⵙⴽⵔ ⵓⵍⴰ ⵉ ⵓⵎⵍⴰⴷⴰⵏ ⴰⴷ ⵏ ⵓⴳⴳⵔ ⵏ ⵓⵍⴰⵢ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%99%E2%B5%8E%E2%B4%B7%E2%B5%A2%E2%B4%B0-%E2%B5%93%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F-%E2%B5%93%E2%B5%99%E2%B5%87%E2%B5%87%E2%B5%89%E2%B5%8E-%E2%B5%8F-%E2%B5%89%E2%B5%8E%E2%B5%93%E2%B5%94%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B3-%E2%B5%9C%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B5%99%E2%B5%94%E2%B5%99-%E2%B5%8F-%E2%B5%93%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F-%E2%B5%8D%E2%B5%89%E2%B4%B1%E2%B5%89%E2%B5%94%E2%B5%A2%E2%B4%B0