Published on MAPNews (https://www.mapnews.ma/am)

Accueil > ⵉⵎⵖⵔⵉⴱⵉⵏ ⵏ ⵓⵜⵔⵉⵅⵜ ⵙⴼⵓⴳⵍⴰⵏ ⵙ ⵢⵉⵅⴼ ⵏ ⵓⵙⴳⴳⵯⴰⵙ ⴰⵎⴰⵣⵉⵖ 2974

ⵉⵎⵖⵔⵉⴱⵉⵏ ⵏ ⵓⵜⵔⵉⵅⵜ ⵙⴼⵓⴳⵍⴰⵏ ⵙ ⵢⵉⵅⴼ ⵏ ⵓⵙⴳⴳⵯⴰⵙ ⴰⵎⴰⵣⵉⵖ 2974

16 ⵉⵏⵏⴰⵢⵔ 2024 Version Imprimable
ⵓⵜⵔⵉⵅⵜ (ⵀⵓⵍⵏⴷⴰ) -  ⵙⴼⵓⴳⵍⴰⵏ ⵉⵎⵖⵔⵉⴱⵉⵏ ⵏⵏⴰ ⵉⵍⵍⴰⵏ ⴳ ⵓⵜⵔⵉⵅⵜ ⵏ ⵀⵓⵍⴰⵏⴹⴰ ⵙ ⵢⵉⵅⴼ ⵏ ⵓⵙⴳⴳⵯⴰⵙ ⴰⵎⴰⵣⵉⵖ 2974 ⵙ ⵢⴰⵜ ⵜⴼⵓⴳⵍⴰ ⵉⴷⵓⵙⵏ ⵏⵏⴰ ⵜⵙⵏⵎⴰⵍⴰ ⵜⵎⵙⵇⴰⴷⵜ ⵜⴰⵎⴰⵜⴰⵢⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵜⵉⴳⵉⵔⴰ ⵏ ⵉⵎⴰⵍⴰⵙⵙ ⵉⵣⵔⵉⵏ, ⵙ ⵓⵡⵏⵏⵉ ⵏ ⴱⴰⴱ ⵏ ⵡⴰⴷⴷⵓⵔ ⵍⵍⵉⵖ ⵉⵙⵏⵚⴱ ⵢⵉⵅⴼ ⵏ ⵓⵙⴳⴳⵯⴰⵙ ⴰⵎⴰⵣⵉⵖ ⵎⴰⵙ ⵉⴳⴰ ⵜⴰⵏⵓⵕⵥⵎⵜ ⵅⴼ ⵉⵍⵍⴰ ⵡⴰⵏⵏⴰⵍ ⴳ ⵍⵎⵖⵔⵉⴱ .

ⵜⵥⵍⵉ ⵜⴼⵓⴳⵍⴰ ⴰⴷ ⵙ ⵜⵉⵍⵉⵜ ⵏ ⵜⵎⵙⵎⵓⵏⵉⵏ ⵏ ⵍⵎⵖⵔⵉⴱ ⴷ ⵉⵏⵙⵙⵉⵅⴼⵏ ⵏ ⵜⵎⵙⵎⵓⵏⵉⵏ ⴰⴷ ⴷ ⵉⵏⵎⵎⴰⵙⵙⵓⵜⵏ ⵉⵏⴰⵎⵓⵏⵏ ⴷ ⴰⵢⵜ ⵜⵣⵎⵎⴰⵔ ⵏ ⵍⵎⵖⵔⵉⴱ ⴷ ⴽⵉⴳⴰⵏ ⵏ ⵉⵎⵙⵜⴳⴳⴰⵔⵏ ⵏ ⵀⵓⵍⴰⵏⴹⴰ ⴷ ⵓⵕⵓⴱⴱⴰ .

ⴳ ⵜⴳⵓⵔⵉ ⵏⵏⵙ ⵙ ⵜⵎⵍⴷⴰ ⴰⴷ, ⵉⵏⵏⴰ ⵓⵎⵙⵇⴰⴷ ⵏ ⴱⴰⴱ ⵏ ⵡⴰⴷⴷⵓⵔ ⴳ ⵍⴰⵀⴰⵢ, ⵎⴰⵙⵙ ⵎⵓⵃⵎⵎⴰⴷ ⵚⴱⵕⵉ ⵎⴰⵙⴷ ⴰⵙⴼⵓⴳⵍⵓ ⵙ ⵢⵉⵅⴼ ⵏ ⵓⵙⴳⴳⵯⴰⵙ ⴰⵎⴰⵣⵉⵖⴰⵎⴰⵢⵏⵓ ⵉⴳⴰ ⴰⴷⴷⵓⵔ ⵉ ⵓⵎⵢⴰⵏⴰⵡ ⴰⴷⵍⵙⴰⵏ ⴳ ⵍⵎⵖⵔⵉⴱ, ⴷ ⵜⵖⴹⴼⵜ ⵏⵏⴰ ⵢⴰⴽⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⵉ ⵜⵓⵙⵙⵏⴰ ⴷ ⵜⴷⵍⵙⴰ ⵜⴰⵎⴰⵣⵉⵖⵜ ⵎⴰⵙ ⵉⴳⴰ ⴰⵙⴰⵜⵓⵔ ⵏ ⵜⴷⵍⵙⴰ ⵜⴰⵎⵖⵔⵉⴱⵉⵜ, ⴷ ⵎⴰⵙ ⵉⵍⵍⴰ ⵓⵎⵣⵔⵓⵢ ⵉⴷⵓⵙⵏ ⴷⴰⵔ ⵍⵎⵖⵔⵉⴱ, ⴷ ⵓⵏⵎⵓⵇⵇⴰⵔ ⵏ ⵜⴷⵍⵙⵉⵡⵉⵏ ⵙ ⵜⴰⵎⵓⵏⵜ ⵏ ⵜⵎⴰⴳⵉⵜ ⵏⵏⵙ .

ⵉⵏⵏⴰ ⵓⵎⵙⵇⴰⴷ ⵎⴰⵙⴷ ⴰⵙⴽⵓ ⵏ ⵓⵡⴰⵏⴽ ⵏ ⵉⵣⵔⴼⴰⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⵓⵔ ⵉⴳⵉ ⵖⴰⵙ ⴰⵙⴽⵓ ⵏ ⵜⵓⵙⴽⵉⵡⵜ ⵎⴰⵛⴰⵏ ⴰⵙⵎⵙⴰⵙⴰ ⴳⵔ ⵉⵡⴷⴰⵏ ⴷ ⵓⵖⵔⴼ ⴰⵎⵖⵔⵉⴱⵉ .

ⴳ ⵜⵙⴳⴰ ⵏⵏⵙ ⵜⵏⵏⴰ ⵜⵎⵙⵇⴰⴷⵜ ⵜⴰⵎⴰⵜⴰⵢⵜ ⵏ ⵜⴳⵍⴷⵉⵜ ⴳ ⵓⵜⵔⵉⵅⵜ ⵎⴰⵙⵙⴰ ⴱⵓⵜⴰⵢⵏⴰ ⵍⴽⵔⴷⵓⴷⵉ ⵍⴳⵍⴰⵍⵉ, ⵎⴰⵙⴷ ⴰⵙⵏⵚⴱ ⵏ ⵢⵉⵅⴼ ⵏ ⵓⵙⴳⴳⵯⴰⵙ ⴰⵎⴰⵣⵉⵖ ⴷ ⵍⵉⵖ ⵉⴳⴰ ⵜⴰⵏⵓⵕⵥⵎⵜⵉⴳⴰ ⵢⴰⵏ ⵓⵡⵏⵏⵉ ⴰⵎⵣⵔⵓⵢⴰⵏ ⵏⵏⴰⴷ ⴷⴰⵔ ⵜⴰⵎⴰⵜⴰⵔⵜ ⵉⴷⵓⵙⵏ ⵉⴳ ⴰⵡⵇⵇⵔ ⵏ ⵜⵎⴰⴳⵉⵜ ⵜⴰⵎⵖⵔⵉⴱⵉⵜ, ⴷⴼⴼⵉⵔ ⵍⵍⵉⵖ ⵜⴳⴰ ⵜⴷⵍⵙⴰ ⵜⴰⵎⴰⵣⵉⵖⵜ ⴰⵙⴰⵜⵓⵔ ⵏ ⵜⵎⴰⴳⵉⵜ ⵜⴰⵎⵖⵔⵉⴱⵉⵜ ⵙⵍⴰⵡⴰⵏ ⴰⴽⴽⵯ ⵙ ⵜⵖⴹⴼⵜ ⵏⵏⴰ ⵢⴰⵙ ⵢⴰⴽⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⵍⵍⵉⵖ ⵜⴳⴰ ⵢⴰⵜ ⵜⴷⵓⵙⵉ ⴷ ⵜⵎⴰⴳⵉⵜ ⵜⴰⵏⴰⵎⵓⵔⵜ ⴷ ⵜⴰⵏⵏⴰ ⴰⴽⴽⵯ ⵛⵛⴰⵔⵏ ⵉⵎⵖⵔⵉⴱⵉⵏ ⵙ ⵓⵎⴰⵜⴰ .

ⵜⵣⴰⵢⴷ ⵜⵏⵏⴰ ⵎⴰⵙⴷ ⴰⵙⴼⵓⴳⵍⵓ ⴰⴷⵙⵍⴰⵏ ⵙ ⵜⵎⵍⴷⴰ ⴰⴷ ⵉⴳⴰ ⵜⴰⵎⵍⴷⴰ ⴰⴼⴰⴷ ⴰⴷ ⵜⵜⵓⵙⵙⴰⵏ ⵜⴷⵍⵙⴰ ⴷ ⵓⵎⵣⵔⵓⵢ ⴰⴷⵍⵙⴰⵏ ⴷ ⵓⴱⵓⵖⵍⵓ ⵓⵍⴰ ⵜⴰⵜⵜⵓⵢⵜ ⵏ ⵜⵎⵢⵓⵔⵉⵏ ⵏ ⵍⵎⵖⵔⵉⴱ, ⴷ ⵓⵎⵢⴰⵏⴰⵡ ⵏ ⵡⴰⵏⴰⵡⵏ ⵏ ⵓⵙⴼⵓⴳⵍⵓ ⴷ ⵓⵥⴰⵡⴰⵏ ⴰⵢⴰ ⴰⴷ ⵉⵜⵜⴰⵡⵙⵏ ⴳ ⵓⵙⴷⵓⵙ ⵏ ⵡⴰⴷⴷⵓⵔ ⵏ ⵉⵎⵖⵔⵉⴱⵉⵏ ⴰⴼⴰⴷ ⴰⴷ ⴱⵓⵔⵣⵏ ⵙ ⵜⴷⵍⵙⴰ ⴷ ⵓⵎⵣⵔⵓⵢ ⵏⵏⵙⵏ ⵏⵏⴰ ⵉⵍⴰⵏ ⴽⵉⴳⴰⵏ ⵏ ⵉⵙⵓⴳⴰⵎ .

ⴳ ⵜⴼⵓⴳⵍⴰ ⴰⴷ ⵜⵜⵓⵙⵎⵖⵔⵏ ⴽⵉⴳⴰⵏ ⵏ ⵉⵡⵔⵉⴽⵏ ⵉⵎⴰⵣⵉⵖⵏⴳ ⵜⴰⵙⵓⵜ ⵜⴰⵎⵣⵡⴰⵔⵓⵜⵏⵏⴰ ⵉⵣⵓⴳⵏ ⵙ ⵀⵓⵍⴰⵏⴹⴰ, ⵢⵉⵍⵉ ⴳⵉⵙ ⴰⵡⴷ ⵓⵥⴰⵡⴰⵏ ⴰⵎⴰⵣⵉⵖⴰⵇⵇⴱⵓⵔⴷ ⵓⴼⵙⴰⵔ ⵏ ⵜⵎⵍⵙⴰ ⴷ ⵉⴼⴰⵔⵙⵏⵏ ⵜⵎⴳⵓⵔⵉ ⵜⴰⵇⵇⴱⵓⵔⵜⵜⴰⵎⴰⵣⵉⵖⵜ .

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%89%E2%B5%8E%E2%B5%96%E2%B5%94%E2%B5%89%E2%B4%B1%E2%B5%89%E2%B5%8F-%E2%B5%8F-%E2%B5%93%E2%B5%9C%E2%B5%94%E2%B5%89%E2%B5%85%E2%B5%9C-%E2%B5%99%E2%B4%BC%E2%B5%93%E2%B4%B3%E2%B5%8D%E2%B4%B0%E2%B5%8F-%E2%B5%99-%E2%B5%A2%E2%B5%89%E2%B5%85%E2%B4%BC-%E2%B5%8F-%E2%B5%93%E2%B5%99%E2%B4%B3%E2%B4%B3%E2%B5%AF%E2%B4%B0%E2%B5%99-%E2%B4%B0%E2%B5%8E%E2%B4%B0%E2%B5%A3%E2%B5%89%E2%B5%96-2974