ⵉⴳⴰ ⵓⵙⴼⵓⴳⵍⵓ ⴰⵙⴳⴳⵯⴰⵙ ⴰⴷ ⵡⴰⵥ, ⴰⵛⴽⵓ ⵜⵙⴽⵔ ⵜⵏⴱⴰⴹⵜ ⴳ ⴽⴰⵙⵙ ⴰⴷ ⵜⴰⵏⵏⵓⵕⵥⵎⵜ ⵜⵓⵏⵚⵉⴱⵜ ⵙ ⵡⴰⴰⵡⴰⵍ ⵏ ⴱⴰⴱ ⵏ ⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⵍⵉ ⵉⵏⵏⴰⵏ ⵉ ⵜⵏⴱⴰⴹⵜ ⴰⴷ ⵜⵙⴽⵔ ⵎⴰⵢⴰⵏ ⴰⵙⴳⴳⵯⴰⵙ ⴰⴷ.
ⵢⵓⵛⴽⴰ ⴷ ⵎⴰⵢⴰⴷ, ⵎⴽⵍⵍⵉ ⵙ ⵉⵏⵏⴰ ⵓⵙⵉⵡⴹ ⵏ ⵓⵙⵉⵔⴰ ⴰⴳⵍⴷⴰⵏⴳ ⵎⴰⵢ ⵉⵣⵔⵉⵏ "ⴼⴰⴷ ⴰⴷ ⵉⵙⵙⵓⵎⴰⵏ ⴰⵜⵉⴳ ⵍⵍⵉ ⵉⴼⴽⴰ ⵓⴳⵍⵍⵉⴷ ⵏⵏⵖ, ⴰⴷ ⵜ ⵉⵙⵙⵔⵏⵓ ⵕⴱⴱⵉ, ⵉ ⵜⵎⴰⵣⵉⵖⵜ ⵍⵍⵉ ⵉⴳⴰⵏ ⵢⴰⵏ ⵉⴼⵔⴷⵉⵙⵏ ⴰⴷⵙⵍⴰⵏ ⴳ ⵜⵎⴰⴳⵉⵜ ⵏ ⵍⵎⵖⵔⵉⴱ, ⵜⴳ ⵜⵎⴰⵣⵉⵖⵜ ⵢⴰⵏ ⵜⵢⵉⵙⵉ ⵏ ⵉⵎⵖⵔⴰⴱⵉⵏ ⴰⴽⴽⵯ ⵎⵉⵏ ⴰⵙⵏⵓⵃⵢⵓ, ⵎⴽⵍⵍⵉ ⵉⴳⴰ ⴰⴹⴼⴰⵕ ⵉ ⵓⴷⵓⵙⵜⵓⵔ ⵏ ⵜⴳⵍⴷⵉⵜ ⵏⵏⴼ ⵍⵍⵉ ⵉⵙⴽⵔⵏ ⴳ ⵜⵎⴰⵣⵉⵖⵜ ⵜⵓⵜⵍⴰⵢⵜ ⵜⵓⵏⵚⵉⴱⵜ ⴰⴽⴷ ⵜⵄⵕⴰⴱⵜ".
ⵜⴳ ⵜⴼⵓⴳⵍⴰ ⴰⴷ ⵜⴰⵢⴰⴼⵓⵜ ⵏ ⵓⴷⵡⴰⵙ ⵉⴳⴳⵓⵜⵏ ⴼⴰⴷ ⴰⴷ ⵏⵙⵙⵓⵔⵔⵉ ⴰⵜⵉⴳ ⵏⵏⵙ ⵉ ⵢⵉⴷⵍⵙ ⴷ ⵜⴰⵢⵙⵉ ⵜⴰⵎⴰⵣⵉⵖⵜ, ⵙ ⵜⵡⵉⵙⵉ ⵏ ⴱⴰⴱ ⵏ ⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵙⵙⵔⵏⵓ ⵕⴱⴱⵉ, ⵍⵍⵉ ⴱⴷⴷⴰ ⵉⴱⴷⴷⵏ ⵅⴼ ⵜⵎⴰⵣⵉⵖⵜ ⴰⴷ ⵜⴰⵎⵥ ⴰⴷⵖⴰⵔ ⵏⵏⵙ ⴳ ⵉⴳⵔⴰⵏ ⴰⴽⴽⵯ.
ⵜⵔⴰ ⵜⵙⵏⵜⴰⵢⵜ ⴰⴷ ⵜⴰⵔⵉ ⵏⴰⵃⵢⴰ ⵍⵍⵉ ⵉⵍⵍⴰⵏ ⴳ ⵜⵓⵙⵙⵏⴰ ⵜⴰⵏⴰⵎⵓⵔⵜ, ⵜⴼⴽ ⵉ ⴽⵓ ⴰⴼⵔⴷⵉⵙ ⴰⵣⵔⴼ ⵏⵏⵙ, ⵜⴰⴽⵙ ⵉ ⵜⵎⴰⵣⵉⵖⵜ ⴰⴷ ⵜⴼⵜⵜⵓ ⵣⴳ ⵉⵏⴰⵡ ⵏ ⴱⴰⴱ ⵏ ⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⴳ ⵓⵊⴷⵉⵔ ⴰⵙⴳⴳⵯⴰⵙ ⵏ 2001.
ⵙ ⵜⵓⵙⴽⴰ ⵅⴼ ⵉⵏⴰⵡ ⴰⴷ, ⵜⴳⵎⴹ ⵜⵏⴱⴰⴹⵜ ⵅⴼ ⵙⵉⵏ ⵉⵙⵏⴼⴰⵕⵏ, ⴰⵎⵣⵡⴰⵔⵓ ⵉⵣⴷⵉ ⴷ ⵓⵎⵕⵚⵓⵎ ⵓⵟⵟⵓⵏ 2.23.1000 ⵍⵍⵉ ⵔⴰⴷ ⵉⵙⵙⵏⴼⵍ ⵉⵙⵎⴷ ⴰⵎⵕⵚⵓⵎ ⵓⵟⵟⵓⵏ 2.04.426 ⴳ ⵡⴰⴽⵓⴷ 16 ⵏ ⴷⵉ ⵍⵇⵉⵄⴷⴰ 1425 (29 ⴷⵓⵊⴰⵏⴱⵉⵔ 2004) ⵍⵍⵉ ⵉⵎⵎⴰⵍⵏ ⵓⵙⵙⴰⵏ ⵏ ⵜⴼⵓⴳⵍⵉⵡⵉⵏ ⵉⴳⴰⵏ ⵜⴰⵏⵏⵓⵕⵥⵎⵜ ⵜⴰⵏⴰⵎⵓⵔⵜ ⴳ ⵜⵙⵏⵜⴰⵢ ⵏ ⵜⵙⵖⵏⵣⵉⵜ ⴷ ⵜⵡⵓⵔⵉⵡⵉⵏ ⵜⵉⵍⴻⵍⵍⵉⵢⵉⵏ ⴷ ⵜⴽⵔⵣⴰ.
ⵡⵉⵙⵙ ⵙⵉⵏ ⵉⵣⴷⵉ ⴷ ⵓⵙⵏⴼⴰⵕ ⵏ ⵓⵎⵕⵚⵓⵎ ⵓⵟⵟⵓⵏ 2.23.688 ⵍⵍⵉ ⵔⴰⴷ ⵉⵙⵙⵏⴼⵍ ⵉⵙⵎⴷ ⴰⵎⵕⵚⵓⵎ ⵓⵟⵟⵓⵏ 2.77.169 ⴳ ⵡⴰⴽⵓⴷ 9 ⵕⴰⴱⵉⵄ ⴰⵎⵣⵡⴰⵔⵓ 1397 (28 ⴱⵔⴰⵢⵔ 1977) ⵍⵍⵉ ⵉⵎⵎⴰⵍⵏ ⵓⵙⵙⴰⵏ ⵏ ⵜⴼⵓⴳⵍⵉⵡⵉⵏ ⵍⵍⵉ ⴳ ⴰⵔ ⵜⵜⴰⵎⵥⵏ ⵜⴰⵏⵏⵓⵕⵎⵜ ⴳ ⵜⵔⵙⴰⵍ ⵜⵉⴳⴷⵓⴷⴰⵏⵉⵏ ⵉⴹⴼⵕⵏ ⵉ ⵜⵏⴱⴰⴹⵜ.
ⵙ ⵎⴰⵢⴰⴷ ⵉⵜⵜⵉⵢⵙⴽⴰⵔ ⴳ 14 ⵉⵏⵏⴰⵢⵔ (ⵉⵅⴼ ⵏ ⵓⵙⴳⴳⵯⴰⵙ ⴰⵎⴰⵣⵉⵖ), ⵜⴰⴱⵓⴳⵍⴰ ⵜⴰⵏⴰⵎⵓⵔⵜ ⵍⵍⵉ ⵔⴰⴷ ⵉⵜⵜⵓⴼⵔⴰⵏ, ⵙ ⵓⵙⴽⴽⵉⵔ ⵏ ⴰⵢⵍⵍⵉ ⵉⵏⵏⴰ ⵓⴳⵍⵍⵉⴷ ⴱⴰⴱ ⵏ ⵓⴷⴷⵓⵔ ⵅⴼ ⵉⴹ ⵏ ⵉⵏⵏⴰⵢⵔ ⴳ ⵍⵎⵖⵔⵉⴱ.
ⵉⴳⴰ ⵉⴹ ⵏ ⵉⵏⵏⴰⵢⵔ ⵖⵉⵍⴰ ⵜⴰⵏⵓⵕⵥⵎⵜ ⵜⴰⵏⴰⵎⵓⵔ ⵣⵓⵏ ⴷ ⵉⵅⴼ ⵏ ⵓⵙⴳⴳⵯⴰⵙ ⴰⵀⵉⵊⵔⵉ ⴷ ⵢⵉⵅⴼ ⵏ ⵓⵙⴳⴳⵯⴰⵙ ⴰⵎⵉⵍⴰⴷⵉ, ⵍⵍⵉ ⵙ ⴱⵓⵔⵣⵏ ⵉⵎⵖⵔⴰⴱⵉⵏ ⴰⴽⴽⵯ ⵉⵟⵟⴼⵏ ⴳ ⵜⵎⴰⴳⵉⵜ ⵏⵏⵙⵏ.
ⵉⵍⴰ ⵓⵙⴼⵓⴳⵍⵓ ⵙ ⵉⴹ ⵏ ⵓⵙⴳⴳⵯⴰⵙ ⴰⵎⴰⵣⵉⵖ ⵢⴰⵏ ⵡⴰⵜⵉⴳ ⵎⵇⵇⵓⵔⵏ, ⵉⴳ ⵜⴰⵎⴰⵜⴰⵔⵜ ⵏ ⵉⵥⵓⵕⴰⵏ ⵉⴷⵓⵙⵏ ⵏ ⵜⵎⴰⴳⵉⵜ ⵏ ⵜⵎⵓⵔⵜ ⵏⵏⵖ, ⵉⴳ ⵓⵍⴰ ⵜⴰⵎⴰⵜⴰⵔⵜ ⵎⴰⵙ ⵏⵍⵀⴰ ⴰⴷ ⵏⴼⴽ ⵓⴷⴷⵓⵔ ⵉ ⵜⵎⴰⴳⵉⵜ ⵏⵏⵖ ⵏⴱⵓⵔⵣ ⵙⵉⵙ. ⵉⴳ ⵓⵍⴰ ⵜⴰⵎⵔⴰⵔⵓⵜ ⵅⴼ ⵜⵓⵜⵔⴰ ⵏ ⵡⴰⵎⵓⵏ ⴰⵎⵖⵔⴰⴱⵉ ⴼⴰⴷ ⴰⴷ ⵜⴱⵓⵖⵍⵓ ⵜⵓⵙⵙⵏⴰ ⴷ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⵜⵉⵍⵉ ⴳ ⵓⵙⵙⵍⵎⴷ ⴷ ⵜⵔⵙⴰⵍ ⵏ ⵓⵡⴰⵏⴽ.
ⵎⴰⵢⴰⴷ ⵉⴼⴽⴰ ⴰⴷⵡⴰⵙ ⵉ ⵜⵎⴰⵣⵉⵖⵜ ⴳ ⵓⴱⵔⵉⴷ ⵏ ⵓⴱⵓⵖⵍⵓ ⵏⵏⵙ ⴷ ⵜⵉⵍⵉⵜ ⵏⵏⵙ ⴳ ⵉⴳⵔⴰⵏ ⴰⴽⴽⵯ ⵏ ⵜⵎⴰⵣⵉⵔⵜ ⵏⵏⵖ, ⵜⴰⵙⵓⵔⵉⴼⵜ ⴰⴷ ⵔⴰⴷ ⵜⴰⵡⵙ ⵉ ⵜⵎⴰⵣⵉⵖⵜ ⴰⴷ ⵜⴰⵎⵥ ⴰⴷⵖⴰⵔ ⵏⵏⵙ ⴳ ⵜⵎⴰⵣⵉⵔⵜ ⵏⵏⵖ, ⴼⴰⴷ ⴰⴷ ⵜⴳ ⵜⵓⵜⵍⴰⵢⵜ ⵜⵓⵏⵚⵉⴱⵜ ⵙ ⵜⵉⴷⵜ.
ⵎⴽⵍⵍⵉ ⵎⵎⴰⵍⵏ ⵉⵙⴼⵓⴳⵍⵓⵜⵏ ⵉⴳⴳⵓⵜⵏ ⵙ ⵉⴹ ⵏ ⵉⵏⵏⴰⵢⵔ ⵎⴰⵙ ⵜⴰⵏⴱⴰⴹⵜ ⵜⵍⵀⴰ ⴳ ⵜⵡⴽⵓⵔⵉ ⵏ ⵓⵙⵏⵚⴱ ⵏ ⵜⵎⴰⵣⵉⵖⵜ.
ⵜⵓⵎⵥ ⵜⵏⴱⴰⴹⵜ ⴰⵖⴰⵔⴰⵙ ⴰⴷ ⵙ ⵍⵃⵉⵍ, ⴰⵔ ⵜⵙⵙⴽⵛⵓⵎ ⵉⵍⵎⵎⴰ ⵜⴰⵎⴰⵣⵉⵖⵜ ⴳ ⵜⵎⵔⵙⴰⵍ ⵉⵎⵉⴽⴽ ⵙ ⵉⵎⵉⴽⴽ, ⴰⵔⴷ ⵜⴰⵎⵥ ⴰⴷⵖⴰⵔ ⵏⵏⵙ ⴳ ⵜⵓⴷⵔⵜ ⵜⴰⵎⴰⵜⵓⵜ.
ⵎⴽⵍⵍⵉ ⵏⵏ ⵜⴳⴰ ⴰⴷⵡⴰⵙ ⵏⵏⵙ ⴼⴰⴷ ⴰⴷ ⵢⵉⵍⵉ ⵓⵙⵏⴱⴳⵉ ⴳ ⵜⵎⵔⵙⴰⵍ ⴰⴽⴽⵯ ⵏ ⵜⵎⵓⵔⵜ ⵏⵏⵖ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⵜⵙⵙⴽⵛⵎ ⵜⵉⵎⵉⴹⵉⵡⵉⵏ ⵏ ⵉⵎⵙⵡⵓⵔⵉⵏ ⵍⵍⵉ ⵔⴰⴷ ⵢⴰⵡⵙ ⴳ ⵜⵡⵡⵓⵔⵉ ⴰⴷ. ⵜⵙⵎⴷ ⵏⵏ ⵜⴰⵎⴰⵣⵉⵖⵜ ⵓⵍⴰ ⴳ ⵜⴼⵍⴽⵉⵏ ⵏ ⴱⵕⵕⴰ ⴷ ⵜⵎⴰⵜⴰⵔⵏ ⵏ ⵓⴱⵔⵉⴷ.
ⵎⴽⵍⵍⵉ ⵜⵏⵏⴰ ⵜⵏⴱⴰⴹⵜ ⵎⴰⵙ ⵔⴰⴷ ⵜⵙⴽⵔ ⴰⵙⵏⴱⴳⵉ ⵏ ⵓⵜⵉⵍⵉⴼⵓⵏ ⵙ ⵜⵎⴰⵣⵉⵖⵜ ⴳ ⵟⵥⴰ ⴷ ⵡⴰⵎⵎⴰⵙⵏ ⵏ ⵓⵎⵢⴰⵡⴰⴹ ⵉⴹⴼⵕⵏ ⵉ ⵉⴳⵔⴰⵏ ⵉⵎⴰⵡⵙⴰⵙⵏ ⴷ ⵜⵎⵔⵙⴰⵍ, ⵍⵍⵉⴳ ⵜⵙⵙⴽⵛⵎ 63 ⵏ ⵉⵎⵙⵡⵓⵔⵉⵏ ⵉⴽⴰⵍⴰⵏ ⴰⵎⵢⴰⵡⴰⴹ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ.
ⴰⵔ ⴷ ⵏⵙⵙⴽⵜⴰⵢ ⵎⴰⵙⴷ ⴰⴳⵣⵣⵓⵎ ⵡⵉⵙⵙ 5 ⴳ ⵓⴷⵓⵙⵜⵓⵔ ⵏ ⵜⵥⵍⴷⵉⵜ ⴰⵔ ⵉⵜⵜⵉⵏⵉ ⵎⴰⵙⴷ "ⵜⵖⴰⵎⴰ ⵜⵄⵕⴰⴱⵜ ⵜⵉⴰ ⵜⵓⵜⵍⴰⵢⵜ ⵜⵓⵏⵚⵉⴱⵜ ⵏ ⵓⵡⴰⵏⴽ. ⵔⴰⴷ ⵜⵜ ⵜⴰⵔ ⵜⵙⴱⵓⵖⵍⵓ ⵜⵜ. ⵜⴳ ⵓⵍⴰ ⵜⵎⴰⵣⵉⵖⵜ ⵜⵓⵜⵍⴰⵢⵜ ⵜⵓⵏⵚⵉⴱⵜ ⵏ ⵓⵡⴰⵏⴽ, ⵍⵍⵉⵖ ⵜⴳⴰ ⵜⴰⵢⵙⵉ ⵉⵜⵜⵓⴷⵔⴰⵏ ⵏ ⵉⵎⵖⵔⴰⴱⵉⵏ ⴰⴽⴽⵯ ⵎⵉⵏ ⵏⴰⵃⵢⴰ, ⵔⴰⴷ ⵉⵎⵍ ⵓⵙⵍⴳⵏ ⵜⵉⴼⵔⴽⵉⵡⵉⵏ ⵏ ⵓⵙⵏⵚⴱ ⵏ ⵜⵎⴰⵣⵉⵖⵜ, ⴷ ⵎⴰⵏⵉⴽ ⵙ ⵔⴰⴷ ⵜⴰⴷⴼ ⵉⴳⵔ ⵏ ⵓⵙⵙⵍⵎⴷ, ⴷ ⵉⴳⵔⴰⵏ ⵏ ⵜⵓⴷⵔⵜ ⵜⴰⵎⴰⵜⵓⵜ ⵉⵣⵡⴰⵔⵏ, ⵎⴰⵢⴰⴷ ⴼⴰⴷ ⴰⴷ ⵜⵥⴹⴰⵕ ⴰⴷ ⵜⵙⴽⵔ ⵜⴰⵡⵡⵓⵔⵉ ⵏⵏⵙ ⴳ ⵢⵉⵎⴰⵍ, ⴰⵎ ⵢⴰⵜ ⵜⵓⵜⵍⴰⵢⵜ ⵜⵓⵏⵕⵉⴱⵜ..."